غريـــبــــــه

غريبه يامعاندني تجي وتقول جاك منــــــــاك تجي يومين ثم تبعد وقصدك بس تذبحني
غريبه كل هالعالم تلفه في وسط يمنـــــــــاك ولالك بين كل الناس غيري وانت خابرني
انا تجتاحني رجفه لو اسمع بس وقع خطـاك تعوذ من ابليس وهاك دام القلب راضـــي
أنا داخل بوجه الله وثم وجهك لا تضيعــــني أحس انك تبعرني ولا أدري كيف تجمعني
أحس إنك معي دايم وأتوه بعالـــمك واحياك وأفوق احيان وأتسأل لك الله كيف سخرني
تفاخر لعنبو غيرك ترى غيرك يمووت هناك وربي ينتظر كلمه وأصد وهو يـــكــلــمـني
ومادام الله عطالك شي فأشكر وإغتنم ماجـاك ومادام تشوفني ساكن نصيحه لا تحــركــني
أنا لو قلتلك بأنسى ورب البيت صدق بأنساك لذا لو شفتني بأنســـــــى طالبك تمنــــعني
وإذا قررت تمنعني وشفت ان القرار اعيـــاك ماأبيك تقول وش تبي ترى والله تـــضــايقني
أنا أبي أقول وش ماأبي على بعضك كذا أباك ولعيونك بخربها وإذا مجنــــون قــــيدنــــي
أنا ابي كل مايطري عليك اسمي يهز اقصــاك أبيه يصير في عينك مـــنامي وانت تــسهرني
أبيه يصيرفي عيني منامك والرمــوش اغطــاك أبي حبك وأبي قربك وأبي لبيـــــه تهزنـــــي
أبي ودك أبيك ان قالوا اسمي تفز دون ادراك أبيك تحس بي دايم أنا اقصد وإنت تـــسمعني
وقل مجنون لايسمع ولايفقه وأنــــا أتـــــحداك إلى مني نويت أنسى بشوف وشلون تمنعني

كيف ما يعجبنا وانت تلقى من قلبك وكانما القلب هو اللي يكتبها
مشكور ياوردة