إحصائية العضو

شخص كان يداوم في معهد وحبتة بنية وظل فترة معاها وبعدين هي عافتة وغدرت بي والف هاي القصيدة واني اخذته من هذا الشخص والله يوفق الجميع

غــــــــــــــــــــــــــــــــدر الحبــــــــــــــــــيـــــــــــــبـــــــــــــ ــــــــــــــة للحـــــــــــــــــــــــــــبيـــــــــــب

شبيج يم عين الوسيعة شو علي طبعج تبدل والهجر جم كاصدا
وصار جم موعد اجيج وانتي موذيج الاحبة الاولية العاطفية
البالوعد والشوك والجنها معيدة
حسي بية وشوفي ضيمي ولاتدورين بهواج وياي زلات وردا
ولج انتي للمعهد تجيني طفرة كلدقائق وانة كاتلني البرد جو الجسر والتاتة تمشي معاندا
ياخذيت الروح ورقة رسم بيدج والمراسم جن حدائق شوك كلها موردا
ياخذيت الكلب دفتر ذكريات بقلب حمرة تخططينة وبقلم كحلة يحددا
دوسي بالفرجال حيل علادليل واخذي من تقدير لعبج جيدة
حبي ابكيفج واللعبي هي مودا بهالايام الما تحب اثنين ماهي من البنات مسودنة والمعندا
ولج يامة خسرتيني ببسي ويامة خسرتيني راني ويامة خسرتيني شربت
ولج جنت اداين وادفعلج حساب الغدا ؟؟؟؟
ويامة انة وياج مكاود مشينا يامة كصينة البنات وغيبة يامة شكد خذينة يامة جنتي وية السعف تتمرجحين بشعري لمن عالعواطف انشدا
يامة بس وحدنا بالموعد بقينة والطيور تكول روحو الناس حلت والاقسام امسددا
ولج مادريتج عمدا جنتي تاخيريني حتى تكضي المصلحات اخذ التكسي على حسابي شلون جانت مصيدا ؟؟؟؟؟
هو ذنبي ما عرفت شلون اوالف ماعرفت اللي تحب جيب الحبيب بكل سهول تفرهدا
انطي وانة الشوك بية وكل وكت جايب هدية اتفضلي ياست الحبايب رمز تعبير ومودة وذكرى للحب خالدا
أشكرك جدا حبيبي بنفرزة تكول العبارة وانة من اسمعها أطير وتنكس هموم الدليل الزايدا
وأنسى كل صرف اللي صرفتة بضحكة منها وأنسى عيوني بيها من الغرام امجرودا
حتى كعددها دلال وحتى مشيتها دلال
ويا فرحتي بيوم كالت هذا رقمي وروح خابرني حبيبي وراح أضل لأجلك أتاني مكاعدا
وانة كل ما اخابر يصاحبلي فكري نوبة أمها ترد علية ونوبة أبوها ونوبة أخوها والرزايل بية حيل معددا
ومن اجبها بلهفة أعاتب ؟؟؟ لاتعاتب هاي بالحب ترة كلش واردا
وجنت اغار للكتاب البين ايديها جن تحط كاليوم صورة مطرب وفنان بيها اجلدا
نوبة هيثم نوبة كاظم نوبة حاتم صور كل المطربية امحفظتها وصورتي بجزدان بيبيتها اظنها مسردا .
وصورتي بجزدان بيبيتها اظنها مسردا؟؟؟؟ بس صورتي بجزدان بيبيتها اظنها مسردا

تحياتي لكل من يحب وتغدر بي الحبيبة
اخوكم بهاء الكبيسي