جنون الحب عايشته مــع اللـي دوم داريــــتـه
صبرت اسنين في حبه وهو في حبه اشـــقاني
على صدق المشاعر والوفا والحب ربيــــتـه
وهو دايم على طول السهر والصبر ربـــانـي
اذا مره شكا همه بعـد لحــــــــظـات نســـيتـه
اقو م اضحك ابي ينسى وهو للضحك نساني
واذا مره زعل مني بليا اسبـاب راضيتــــــه
اقول آسف انا الغلطان وادري ماني غلطاني
دلـع والا تغلـي ماعرفتـه بـس حبــــيــــتـه
واذ ا به عيب ماشوفه يشوفه واحــــدٍ ثانـي
بقلبه حب ويغليني ولاهـو مثـل ماغليـــتـه
لأن حبه مثـل هالـروح والا دم شــــريانـي
ملك قلبي ملك عقلــــي وشيـد للعمـر بيتـه
واحاسيسي تحت امره على ما راد ودانـي
اعـــــز اللي يعزه لـو ألـد اعـداي عزيتـه
ومن هو يكره والله كرهته لو من اخوانـي
الإهداءات
آسف
العرض العادي
