خفــــــافيــــــش الظـــــــلام

كل الشكر لكل من وقف معي وساندني طول الفتره اللي راحت واقسم بالله اني ابادلكم الحب بالحب فلكم مني كل الشكر يالغالين

جابت خبر مقتلك يا(احمد) خفافيش الظلام
مع ان لك فوق الثرياء ياغلا روحي مكان تسكنه

وهلحين انا بحكي ولا ظنيت يلحقني ملام
انك نقي القلب لو كانت نهاياتك نهايه محزنه

جسمك غشاه الدم من طعن الشباري والحسام
ياناس شفته يبتسم حتى بوجه اللي اطعنه

عشان ذلك جيت بعلق على صدرك وسام
وبكتب عليه انك شعار اهل القلوب المحسنه

يالشاعر اللي بالمراجل قد بلغ ذورة سنام
مثل العطر طيبك تناثر في جميع الامكنه

اقسم بربي ان هذا اللي تسوونه حرام
ومن كان في قلبه ردى ياربي انك تلعنه

لكن على قول المثل الحر لايمكن يضام
وانت الحرير الحر من ظهر الرجال المؤمنه

*******************
ياهيه ياللي تندبين الحظ عداك الملام
شاعرك باقي حي يرزق لو تطول الازمنه

شاعرك في وجهه تباشير المحبه والسلام
يعرف متى يحكي ويسكت لك جميع الألسنه

شفتي الذي يحصل تري مااعير له اي اهتمام
ابشرك نفسي عن الزلات صدق محصنه

ياللي كسبتي من صميم القلب كل الاحترام
وياللي شديد الخوف ظلعانك عليه تطحنه

عليك اثني كل آآآآآآهاتي وهي مسك الختام
ياللي غلاك بوسط قلبي يعلم الله مسكنه

احمــــــــــــــد الهلالي