طاح الحطب

07-05-2007, 12:11 AM

المشهد الأول

غني و ظالم ..

يطرد المساكين ..

ويستغل الضعيف ..

مغرور وفاسق ..

ومجلسه عامر ..

كلن يبهر له ..

ومع ذلك يجمع حسنات ..

من كثر اللي يسبونه ..

عادي ..

طاح الحطب ..

وحلوة الحياة ..

الـمـشـهـد الثـاني ..
يكد يدرس ويشتغل ..

لاجل يبني مستقبله ..

تزوج وجاب عيال ..

ثم تقاعد ..

صار يسكن في مكان ..

وأم عياله في مكان ..

والسبب العيال ..

صار دار المسنين بيتهم ..

عادي ..

طاح الحطب ..

وحلوة الحياة ..

الـمـشـهـد الثالث ..

مرفوع الكفن أبيض ..

وصاحبه وسط البياض ..

بعضهم يبكي ..

وبعضهم عادي ..

دفنوه ..

وتبكبكوا شوي ..

واخر الليل سكارى ..

عادي ..

طاح الحطب ..

وحلوة الحياة ..

الـمـشـهـد الـرابع ..

سيارة مسرعة ..

و تدعس لها واحد ..

مسكين هندي ..

و العسكري صديق الطايش ..

والخطا نصه على الهندي ..

والباقي على أبو الطايش ..

وفي الليل ..

الطايش يلعب بلوت ..

عادي ..

طاح الحطب ..

وحلوة الحياة ..

الـمـشـهـد الخامس ..

قارورة مويه ..

ما تضره ..

طايحة في السيارة ..

يناظرها بغضب ..

زعلان منها ..

و يفتح الشباك ..

ورماها وسط الطريق ..

واذا اجتمع مع الشباب قال :

متى بنتحضر ..؟؟؟؟؟؟

عادي ..

طاح الحطب ..

وحلوة الحياة ..

الـمـشـهـد الـسادس ..

اهم شي الثوب نظيف ..

والشماغ مكوي ..

والقلم ماركة ..

والساعة تضوي ..

والجزمة جلد..

والسيارة عجب ..

وتلفونه ما يسكت ..

إما بنات ..

أوالبنوك تبي فلوسها ..

عادي ..

طاح الحطب ..

وحلوة الحياة ..

الـمـشـهـد الـسابع ..

سطحية ..

ومغرورة ..

غبية ..

ومتكبرة ..

و يا ريتها حلوة ..

تبي زوج مواصفات ..

ما يقول لا ..

ويكره الاستراحات ..

لازم وسيم .. وانيق .. ومتعلم ..

ودخله ممتاز ..

و يحب السفر ..

و بعد سنين ..

تلاقي نفسها في الانترنت ..

تدور واحد يقبل بها ..

عادي ..

طاح الحطب ..

و حلوة الحياة ..

الـمـشـهـد الـثامن ..

فتح الكمبيوتر ..

و دخل للمنتدى..

و كلامه ما يتعدى ان الموضوع روعة و رهيب ..

و هو ما قراه و لا يعرف كاتبه ..

بس يبي يزيد المواضيع موضوع ..

ويزيد همومنا هم ..

علشان يصير صاحب الألف موضوع ..

و يتميز ..

والمشكلة انه يتميز ..

عادي ..

طاح الحطب..

و حلوة الحياة ..

الـمـشـهـد الأخـيـر ..

الكذب اثم ..

ومع ذلك نستخدمه ..

و ندري ان هذا حرام ..

و مع ذلك نجربه ..

نتذكر السهرة و الفرح و السفر ..

و ننسى الجالسين على كتوفنا ..

و نتناسى ان معهم كتاب يسجل افعالنا و نياتنا ..

كل شي محسوب ..

حتى النظر ..

نسينا ان ورانا يوم..

علاماته قربت ..

ومع ذلك كلنا ناسين ..

أن بقيت على حالك تتناسى ..

لازم تعرف ..

ذاك اليوم مهوب عادي ..

انت الحطب ..

وما به حياة

07-05-2007, 07:54 AM

فتح الكمبيوتر ..

و دخل للمنتدى..

و كلامه ما يتعدى ان الموضوع روعة و رهيب ..

و هو ما قراه و لا يعرف كاتبه ..

بس يبي يزيد المواضيع موضوع ..

ويزيد همومنا هم ..

علشان يصير صاحب الألف موضوع ..

و يتميز ..

والمشكلة انه يتميز ..

عادي ..

طاح الحطب..

و حلوة الحياة ..
--------------------------
من جد كلامك والله انك صادقه
يسلموو على الموضوع الي جد مميز..
يعطيك العافيه

07-07-2007, 10:27 AM

موضوع رائع لكنه مكرر بقسم اخر
يسلموووو ليال


العضو المميز	الموضوع المميز	المشرف المميز
قــريبا	قــريبا	قــريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طاح الحطب والحياة حلوة	لياال	منتدى المواضيع المكرره	3	07-08-2007 02:50 AM
الرائع جدا الامير عبد الرحمن بن مساعد عادي........طاح الحطب.......... و حلوة الحياة	أم الأولاد	منتدى الإبداعات الادبية والخواطر والنثر	7	06-25-2007 06:29 PM
طااااااح الحطب .. وأنت الحطب ... والحياة حلوه	بسووومة	المنتدى العام	14	03-01-2007 01:22 AM
عادي.....طاح الحطب...حلوة الحياة لـ عبد الرحمن بن مساعد	-~رنيم الشوق~-	المنتدى العام	8	04-29-2006 11:05 PM
بـيـن أحضـان المـجنـونـة [ تكتيك واستراتيجيات كرة القدم ]	نزف الدموع	المنتدى الرياضي	1	05-05-2005 05:51 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء