لحظـــ وداع ــــةْْ

07-29-2007, 08:57 PM

ام حمدان: انطبي انتي يالي مامنج فايدة.. شو بغيت امي

انا: ويوووووووو قفطوها .. ويالله يالله تيسري ع دارج ابا اميه هب ريم

ريموه: والله الشيخة ريم متنزله وماتبا تصعد من يديد قول قول سرك بـ بير

ام حمدان :شو تبا ورايه شغل انا .. ريموه يوزي عن اخوج .. وسيري المطبخ عابلي فيه ها البشكارة اليديدة ماتعرف شي

ريموه: والله محد قال لكم اترجعون مرت تاج ..

ام حمدان: انتي امرة مامنج فايدة .. وانته(ترمسني) ارمس شو تبا؟

بهالوقت نزلت نيلا ويلست عدال ريموه

قلت وانا فيه الضحكة : والله اكملت .. يالله يالله ذلفوا حيركم احسن لكم ..

نيلا باستغراب: بلاكم؟

ريموه: ماشي حبيبتي .. روحي رقدي ..

نيلا بعصبيه: امبوني راقدة انتي الي وعيتيني

ريموه: هيه بغيت اخبرج تنشين بنسير نتحاوط

حمدان: ومنو دريولكم الي بيوديكم؟

ريموه تبتسم بمصلحة : يقال حروف اسمه ن ا د م ح .. اقلبهم وبتلاقي منو هالدريول الغرشوب الي بيودينا

حمدان: فـ عينج

ام حمدان: بس صخوا حشرتوني

حمدان: هيه والله حشرة هايل بناتج عنبوه بنات وجذه .. اشك انهن بنات والله اميه سري اتأكدي من جنسهم شكلهم شباب بالغلط

ريموه: هيهيهيههيهي ماتضحك .. خلصنا قول الموضوع حشا من سنة ومارمس

انا: سكتي انتي

نيلا: اوف بسير المطبخ عورتولي راسي .. يالحشرة انته وياها

انا: خذي هالخبله(واير ايد ريموه) وياج .. مانباها

ام حمدان: حمدان شو تريد؟

انا: هيه .. صح اميه اباج تخطبين اليه ..

ام حمدان والفرحة هب شايلتنها بس الا مطيرتنها فالسما: احلف؟ والله هالساعه المباركة جانك تيي وتقولي اميه خطبي لي .. الحمدلله الي خلاني عايشه لهاليوم

ريموه بلاقفه: منو ها الي امها داعتن عليها؟

ام حمدان:ريموووه وويع شو هالرمسه؟

ريموه: شو بعد هاي رمسة الحق؟ !

انا: اميه ماعليج منها خبله مالومها .. اميه اباج تخطبين اليه غايه .. غايه بنت عمي ..

ام حمدان: ابشر ابويه اليوم اخبر ابوك وباجر بنسير لهم ..

ابتسمت ابتسامة وسيعه وريموه يلست تصفق مرتبشه وغنينا واستانسنا وشلينا البيت شل !

^^^^^^^^^^^

..:حراااااااام والله مفتقدتها

...:هههههههه والله انا لو جمول تروح وتفكني ولا بتوحشني ولا شي

...:لانج مب وايد وياها .. تخيلي انا كل يوم اخمد بدارها .. ونتهاوش وكل شي نتشاركه .. وحرام عليج جمول بعد بنفقدها اذا انخطبت

بدور: انا فقدت فيصل وسهراته .. والله فديت هالاخو

انا: انتي فاقده اخوج وانا اختي

ساروه: ايه والله .. شرايكم نتصل فيهم الحين؟

انا:ساروه ينيتي .. الحين عندهم ساعه 1 وربع

ساروه: ازين عادي هم يسهرون .. وبنجرب حظنا ..

بدور: أي وانا اليوم ماكلمت فصول رايحين الاخوان الجندولا

ساروة صفرت: ياعيني ع الحبايب ..

اتصلت بدور .. ورد فيصل بصوت تعبان:الو

بدور: ياهلا والله بـ فصولي حبيبي .. شخبارك؟ شعلومك شمسوي؟ .. شخبار يزوي.. هاي يقولون رايحين الجندولا يالخونه ولاتعزمون

فيصل بهدوء مااعتادت عليه بدور: البدر حد يتصل الحين؟

بدور: كا انته سهران عطني يزوي؟

يريت من بدور التيلفون: الو شخبارك فصول . جي بقت اختي مني والله وحشتني عطني اياها الدبه

بدور :يالدبه ايبي التيلفون

انا: لاوالله؟ مب كيفج بكلم اختي

بدور: لا والله وهاي اخوي عطيني بكلمة

رغود : اييييييييييه الريال ينطر ع التيلفون

انا: الو فيصل وياي؟

فيصل: انا مب فاضي لهواشكم يالله تصبحون ع خير

وصكر فويهها مريوم تفشلت : هاي صج اخوج قليل ادب وذوق وبرستيج .. واتيكيت .. و..

ساروه: بل ماخليتي فيه شي

بدور: جب عاد كل شي ولا اخوي

رغود: والله يوعااااااااااااااااااااانه

ساروه: اييييييييييم تو

انا : انا فيني النودة .. وسويت نفسي برقد عشان مايطرشوني .. لانهم اليوم كانوا متفقين يرقدون هني ..

بدور: مريوم استحي ع ويهج احنا ضيوفج يالله بسرعه هيري ياب روحي ايبي لنا شي نزرطة

رغود: خذيني وياج ..

طلعت مريوم وهي تتأففف من عندهم ورغود وياهم

بقت بدور وساروه .. بروحهم .. وظلوا ساكتين فترة ..

بدور قالت بتقاطع هالصمت: سارة!

ساروه: هلا

بدور:عادي اسألج سؤال؟

ساروة: شنو؟

بدور بدون مقدمات: ليش تكرهيني؟

ساروة انصدمت .. بلعت ريجها .. هي ماتكرهها .. يمكن كانت تكرهها .. بس الحين وايد وايد تعزها وتحبها؟ : من قال لج؟

قالت بدور بغصه بلعتها: مايبغي حد يقول لي .. كل شي كان يبين من افعالج .. من تعاملج .. من نظرتج ..

ساروة: كنت اتأثر بأي شي اسمعه .. كنت اكرهج صح .. بس بدون سبب .. يمكن بسبب احقاد مشاعل علينا انا احنا كنا دايما ويا بعض .. كانت دايما تطلع افعالج حتى لو صحيحة .. غلط بعيني .. كانت أي شي تقوله عنج .. كنت اصدقه (نزلت راسها منحرجة ) .. حتى اني صدقت انج كنتي تحاجين شباب .. واكتشف هالشي نيوف .. عشان جي هو يكرهج (رفعت راسها وهي تتأمل ملامح بدور المنصدمة وعيونها فيها نظرة غريبه)ماكنت ادري.. ماكنت افكر بعقلي .. كنت كنت ..

انفتح الباب .. كانت مريوم ورغود وهم ينادونا: تعالو يدوه قاعدة بنقعد عندها وبنرد نرقد هههههههههه عبالها قايمين للصلاة ماتدري ان احنا قايمين ..

ماشفت ردة فعلهم وبسرعه نزلت وبدور لحقتني وبعدها ساروة ..

^^^^^^^^^^^^^^^

اوووف .. ماقدرت ارقد .. كل ماصكرت جفن .. اتذكر اليازي وهي تصيح وتدش غرفتها وتقفل الباب .. حتى العشا ماتعشته! .. ولا فتحت الباب .. ماكنت ادري شفيها .. تذكرت امس يوم رقدت وياها .. يااااه .. ماحلاتها من نومة .. تقلبت ع الصوب الثاني .. اوووووووف ؟.. شفيهم البنات متصلين ويسولفون .. ههه اكيد مفتقدين اليازي ومن مايفتقد اليازي؟ .. اذا انا الي وياها بلندن وبنفس البيت افتقدها .. ااه .. حتى انتو يالاعضاء .. اذا ماتحجينا عنها بتفقدونها؟ .. تخيلو الجزء بدونها . وبدون شطانتها .. وخجلها؟ بيكون طعمه غير .. اااه احبها .. بس ليش تجافيني .. ليش تصدني .. تذكرت نظرتها لي من بعد مكالمة نوف .. ياترى شبينها وبين نوف؟ .. والله انا مافهمت نظرتها؟ ولا عرفت تفسيرها .. بس هالنظرة مستحيل انساها .. مستحيل !...

طلعت من حجرتي وكنت بنزل تحت .. بس سمعت صرخة قووووووووووية من دار اليازي .. كانت مصدرها حنجرة اليازي .. خفت عليها .. وركضت لحجرتها الي مجابله حجرتي فـ هالممر الطويل .. فتحت الباب .. بس كان مقفول قعدت اضرب ع الباب ابغي اعرف شفيها اتطمن عليها .. سمعت صوت صياحها يزداد .. ماقدرت اتحكم بنفسي دزيت الباب اكثر واكثر صوت صياحها عور قلبي .. كأنها فاقده حد .. مب صياح طبيعي .. دزيت الباب للمرة الثانيه .. وارتطم الباب الخشبي بالطوفة ورد مرة ثانيه .. والقفل كان طايح ع الارض .. تنفست بقوة .. صحيح ذراعي تعورني لان هالباب الخشبي قوي شوي .. ركضت لها شفتها ترتجف بقوة وتصيح وتصيح وتصيح .. وشهقاتها عاليه وايد

: يزوي شفيج؟ ليش تصيحين

اليازي كانت تشوفني بافتجاع ..انفجرت بالصياح من مسكتها بعدت يدي خفت يدها تألمها ولا شي .. : فيـ فيـ (كانت بتنطق باسمي بس ردت تصيح وهي تغطي ويهها بيدها الصغيرة وتصيح بانهيار )

قلت لها وانا المها بصدري .. وامسح على راسها: بس بس اششش ارتاحي ارتاحي .. كان كابوس ؟.حلم حلم .. لتخافين ..لتخافين ..(لميتها بقوة اكبر لصدري وانا اطمن قلبي الي زاغ من صياحها )

تشبصت فيني بقوة اكبر حتى حسيت باصابيعها تنغرس بصدري :لاتخليني لاتخليني الله يخليك ..ودفنت ويهها بصدري وردت تصيح ودموعها تطيح على صدري وتبلله .. مسحت على راسها وانا اطمنها وابوسها على فروة راسها وشعرها الناعم محاوط جتفي وظهرها ..
:حبيبتي لاتقولين جي مابخليج .. اوعدج مااخليج .. بس خلاص اهدي انتي .. رقدي ..ولتخافين مابخليج (بعدتها عن صدري وابتسمت لها ورديت حطيتها بصدري وانا اقوي من مسكتي لها .. )

شهقاتها الخفيفه الي تعبر عن انتهائها من نوبة البكاء المريرة .. كانت مثل الخناجر الي تطعن بقلبي ..

صكرت عيونها تريحهم بس ردت تصيح مثل اول اظاهر قامت تتذكر الي دار بالحلم .. ياترى شنهو هالحلم؟ ..

كنت احس برجفتها قمت بصكر الدريشة .. تلصقت فيني خايفه وقالت دموعها تنزل: انته قلت مابتروح .. (صاحت) ليش احين بتروح؟

ابتسمت لها بحنان اطمنها صكرت الدريشه الي يبست عظامتها من البرد .. وقفت من على السرير ومسكت يدي.. فارق الطول بينا واضح .. انا يمكن طولي يعدي ال205 سم .. وهي طولها مايتعدى ال156 سم .. مع هالشي .. كنا مناسبين لبعض ..

رديت المها وانا اقعد على السرير وارقدها يمي .. بس هي مارضت ترقد وظلت فاتحة عيونها .. عشان جي بديت امسح ويهها ودموعها وراسها .. تنهدت ..شفتها تشوفني باستغراب واندهاش .. تعجبت .. شفيها جي مستغربه؟! ..

قالت باحراج: اسفه..تعبتك .. ويـ....

قاطعتها: لاتقولين جي .. انا ولد عمتج قبل لا اكون ريلج .. والحين ريلج .. مافي شي اسمة تعبتك بين الريال ومرته .. صكرت عيني وانا احاول احافظ على نفسي قبل لا اتهور واسوي شي يخرعها او يزيد خوفها .. :يلا رقدي تصبحين على خير ..

حطت راسها على يدي وهي ماسكة يدي الثانيه بقوة كأنها خايفه اني اروح واهدها ..

بعد ربع ساعه غطت بنوم عميـــق .. وهي متمسكة بيدي..استغربت انها للحين ماكانت مغيرة ثيابها مالت العصر يوم كنا بنظهر سحبت يدي بهدوء.. وطلعت عبايتها من عليها .. ولحفتها بالفراش عدل ..ترددت اروح ابدل ولا لاء .. بس اخر شي رحت لبست قميص نومي لاني كنت قاعد بداري بدون قميص اغلب الايام يوم ارقد ارقد بس بـ شورتي بس نادرا ماكنت ارقد بالقميص لانه يأذيني بالنوم .. رديت لدارها .. ودخلت بفراشها وتلحفت ورديت مسكت يدها ..

07-29-2007, 09:02 PM

**الجزء العشرين **

قمت الصبح حركت راسي بس حسيت شعري مشدود حيييييل واحس بثقل على بطني وصدري تحركت بس ماقدرت .. فتحت عيني وانا ميتة ابي ارقد ..جفت السقف هاي داري بس شنو هاي الي ع بطني ..دارت عيوني على الشي الي ع بطني .. شفتها ايد سمراويه سمارها حلو وايد حلو .. كانت هاليد عريضه .. وكبيرة .. ممتدة على بطني وصدري ..ماكنت مستوعبه من هاي لفيت عيني لقيته فيصل راقد عندي مادري ليش هو هني ... تثاوبت وانا احاول اسحب شعري من تحت راسه عشان اقدر اقوم..حسيت بيدة تشد على جسمي ... كنت تعبانه واحس عيوني تحرقني مادري ليش عشان جي رديت ارقد بدون مااستوعب فيصل ليش راقد هني! و ويــاي!؟

ع الساعه11وربع قمت وانا نشيطة .. التفت يمين يسار .. فيصل .. وينه؟ .. حطيت يدي على مكان يده .. لا.. الظاهر انا كنت احلم .. قمت وانا اتحسس شعري واعدله .. شفت نفسي بنفس ثياب امس .. تثاوبت وانا امسح عيني .. دشيت الحمام وتسبحت وتأخرت وايد .. وبعدها طلعت من الحمام وطلعت لي ثياب .. ودشيت لغرفتي وانا اعدل البلوزة ..

كنت لابسه بانطلون زيتوني غامج شوي ويا بلوزة بلون السكري .. وفيها لون من اللون الاصفر الباهت مدموج بالـ سكري .. وعليه رسوم باللون الوردي والزيتوني .. رهيييييييييب هالقميص وايد رهيب .. المهم كان يليق ع البنطلون الي لابسته .. هاي اول مرة البس بنطلون جدام فيصل هاذيج المرة كان تحت العبايه بس هالمرة مب تحت العبايه

اممم مشطت شعري وصكرته على فوق ونزلت من الكليب خصلات تمايلت وراي .. امم ورفعت شوي من قذلتي لـ جهة اليسار .. وخليت الباجي طايحين ع عيني .. كحلت عيوني .. اممممم يابخاطري افحمهم .. وفعلا فحمتهم بالكحل هههههه .. حتى لون عيوني فتحوا .. حطيت جلوس لامع بسيط .. يتناسب مع ويهي .. عدلت فراشي الي كان معتفس من رقادي العفسسسسسه بعد مارتبت السرير طلعت من غرفتي ونزلت تحت ..

لقيت فيصل قاعد يجوف تيلفزيون .. يوم شافني ابتسم :صباح الخير

نزلت عيوني وقلت: صباح النور .. نظراته كانت غريبه ..ماعرفت افسرها .. تذكرت نوف.. صكرت عيوني بألم ياربي .. بسرعه رحت للمطبخ ..اعتصرني قلبي وانا اتذكر كلمات نوف .. معقوله يحبها .. وهاي خطة من خططة .. لا اليازي لاتضعفين .. لاتحبينه.. وولاتهتمين بامورة مافي شي يهمني ..

غسلت لي كوب .. دش فيصل وهو يقول لي: يالزطيه غسلي لي كوب وياج ^_*

عطيته ظهري عشان اغير ملامحي الى ملامح الجمود .. :help your self by your self

ابتسم فيصل .. ااخ يقهرني يوم يبتسم .. يمكن لاني احس اني اضيع بملامحه .. بس اكرهه.. عمري ماحبيته ولا افكر احبه .. هالحقير! .. رد علي: حشا تستخدمين نظام امريكي .. خل اعلم يدوه عيل خل تاخذ حذرها منج ..

تذكرت يدوه امس حاجيتها فديييييييتها وحشتني .. قلت بغضب مكبوت: ياخذون الحذر من العقارب .. مب الي من طينتهم .. وجفته بنظرة تبين له كـأني اقوله امثالك وامثال نوف!!!

طالعني باستغراب من طريقتي الهجوميه فالرد .. مع ذلك ابتسم ..اقولكم هالانسان يقهـــــــر .. برجع قطر وانا مرارتي منبطة ومنفجرة بسببه .. : رقدتي عدل بالليل؟؟؟؟؟؟؟

مادري سؤاله يحمل خباثه؟ ولا شنو بالضبط .. بس تذكرت اليوم الصبح .. حمرت خدودي فشله من الحلم الي كنت احلمه .. هه .. او من الخيال الي حسيت ان فيصل نايم عندي وهو عنده نوفـ الي تنافس ملكات الجمال بجمالها .. بس انا بعد جميله .. ويمكن اجمل منها .. الا اكيد اجمل منها بـ عيوني وعيونكم وعيون كل الناس الا بعيون شخص واحد.. شخص واحد .. يشوفها احلا من الكون .. أي نعم فيصل .. ومن بيكون غيره!:الحمدلله زين لووول ليش تسأل؟

ابتسم ببراءه: حرام؟

انا: لا .. بس غريبه يعني .. امممم اليوم متى بترد؟!

فيصل بجديه: اممم يمكن اتأخر اليوم الساعه 4 يمكن ايي

فتحت عيوني على وسعها:بااااال 4؟؟؟؟؟؟ (قلت بمزح) عيل انا بتغدى ومابخلي لك شي ههههههه .. مادري شلون تغير مزاجي بس احين ليش اخرب ع روحي خلني مستانسه بلحق ع الحزن وجوه

ضحك فيصل: هههههههههه لالالا انا متأكد من صحنج بيزيد شكثثثثثثثر

ضحكت .؟.: امممممم اليوم بسوي سلطة عجيبه غرييييييبه تينن (جوريتي افتقدتج واتمنى تجوفين هالخلطة لانج كنتي تنتظرينها ^_*)

فيصل بلؤم:تبين تذبحيني وانا للحيني معرس يديد حتى ماتهنيت بعروستي؟!

حمرت خدودي الا شبت نار ..دب يبي يحرجني ..:هيهيههيي مايضحك ..وبعدين حلوة هالسلطة انزين والله ..

فيصل :زين عييل شي حلو .. اممم انا الحين بروح اوكيه؟.. اذا بغيتي أي شي اتصلي لي اوكي ..

هزيت راسي بـ ان شالله .. :اممم متى بترد ماجده؟

فيصل ابتسم: باجر بتيي .. ايه صح .. (ابتسم بحلاوة) الليله بيحطون فلم حلو .. يمكن اوديج السينما ..

استانست: صج؟؟؟؟

فيصل وهو يطلع من المطبخ : صج!

رحت وراه وانا احاجيه: ماتبغي جاكيت؟ برررررد برع!

التفت علي وهو عند الباب:جاكيتي برع ع الكرسي .. (ابتسم)ياللله تحملي بروحج ولاتروحين عند الفرن ولا عند الكهربا ..

قلت له: انته انتبه على طريجك واتصل فيني اول ماتوصل ..

فيصل:من عيوني ياعيوني ..

صكر الباب وراح .. ظلت انظاري الخجوله تراقبه لين ماطلع من بوابه البيت من سيارته ..

اااااااخ شكثر يأثر فيني وجودة .. رحت المطبخ وطلعت ملفوف ابيض وملفوف بنفسجي .. وطلعت المايونيز وبعد الجزر .. وامم طلعت من الفريزر ذرة حلوة .. وامممم طلعت من الكبت معكرونيه ..فوحت المعكرونة والذرة .. وفوحت الدياي .. وبديت اقصص الملفوف الابيض والبنفسجي وبعدين حكيت الجزر بالحكاكة .. وبعدين خذيت الدياي وبديت افله حبه حبه .. وبعدين خلطت المكونات وحطيت عليهم المايونيز .. غسلت الذرة والمكرونة بعد مافوحتهم بالماي وحطيتهم ةخلطتهم ..وبعدين حطيتهم بالثلاجة .. ياربـــــي ملل ..

جفت الساعه كانت وحدة ونص .. رحت صليت .. وبعدها من الملل رحت اتسبح .. مع اني تسبحت اليوم الصبح بس شاسوي ملل ..وتمييييييييييييييييييييييييييت فتررررررررررررة طويييييييييله بالحمام

^^^^^^^^^^^^

كنت ضامة مخدتي وذابحة روحي من الصياح كنت متأكدة يبيني ايي هني عسب اخدم حرمته الاولى .. ياربي كيف كانت صدمة بالنسبه لي وانا اشوف بنته وحرمته يالسين بالصاله ويسولفون ونحن فجأة دخلنا .. انا بالاول كنت حاسه بـ حركة فالبيت الي يايبنا فهد له .. بس طنشت .. بس يوم دخلت وشفت البنوتة الصغيرة .. تأكدت من وساوسي .. ياربي ليش كل ماابعدها عن تفكيري ترد لي مرة ثانيه .. مابا مابا .. ياربي .. شهقت بصيحتي يوم تذكرت وضحة منصدمة الا يمكن تمثل دور المنصدمة : فهد؟! .. عليـــا!!!!!!!!!!!!!!!!!

ياربي ماشفتوها .. ماشفتوها.. انا شفتها .. انا مت قهر .. تعرفون شو يعني جميــله .. وفاتنــه صراحة يحق لفهد يزوجها .. بس ليش خذاني دامه مايباني .. ليش يظلمني .. ويظلمها .. ويظلم نفسه ؟ .. ليش .. هلت دموعي مرة ثانيه ..انا ماعرف مكان هنيه ... ماعرف شي بهالمنطقه .. ليش فهد حطمت كل ايل بنيناه .. ليش يوم سامحتك تهيني .. تحطني وياها ببيت واحد؟ بيت واحد! .. الحين بس عرفت ليش كان مصر ايبني هني .. الحينه بس عرفت ليش اصر انه نيي .. صار لي يوم وانا بهالحجرة .. مابا اشوف احد .. مابا ارمسهم .. ماحبهم كلهم .. حتى موبايلي خذاه فهد فالسيارة .. اثاريه مخطط لكل شي .. سمعت حس طفولي ع الباب: ئموه ئليا تئالي فتهي لي الثوني

صرخت فيها : ماااااااابا سيري لامج وابوج .. شوتبين مني؟ شو امج مطرشتنج ولا ابوج .. سيررررررررررررررررررري

سمعت شهقتها المحموله بالبجي .. شوي وسمعت حشرتها وهي تصيح وتبجي لعند ابوها .. ارتعبت الحينه فهد يبا يذبحني .. بيي وبيجتلني .. هو وحرمته وبنته .. هم مايحبوني .. انتفضت من هالافكار ولملمت روحي وصرخت بقوة : اكررررررررررررررررررررررررررررررررررررررررهكم .. ماحبكم ماحبكم .. ليش .. ليش .. (صرخت بقوه) ليييييييييييييييييييييييييييييييش

انطق الباب ومثل ماتوقعت فهد .. زغت .. ويلست اصيح بقوة .. مابا ايلس ثواني هني مابا .. سمعت صوته الحنون .. وهو يقولي : عليا ابا ارمسج فتحي الباب

يلست اشاهق واصيح وانا مطنشه وهو مستمر فـ طق الباب .. كنت انتفض بكل طقه .. كان صوت يتردد بداخلي .. الحينه بيجتلج الحينه .. الحينه حانت ساعه وفاتج .. الحينه ماشي مفر من الموت .. محد يحبج هني .. سيري القبر ابرك لج .. يلست اصيح بحرارة .. وبـ رعب ..

ركضت للباب وفتحته مادري ليش وكيف وشلون بس الي اعرفه اني ابا اسير لـ هلي ماريد ايلس هني مابا .. مابا .. مسكت يد فهد بتوسل ودموعي ينحدرن من سفوح عيني :ابا ابويه .. الله يخليك رجعني . مابا ايلس هني (صحت بهستيريا كبيرة ) مابخبر عليك حد .. بس خلني بحالي .. (فجأة تذكرت ولدي والالم الي يعتصر قلبي عليه بيعيش يتيم ماله اب وابوه للحينه على قيد الحياة انفجرت بالصياح وانا اتمتم) مابخبر حد عليك والله مابخبر (بصوت بالكاد ينسمع) بس ابا اسير لهم .. مابا شي .. والله مابا شي (كنت اهز راسي اني مابا شي ماريد أي شي .. )

يات سارة الصغيرة ومسكت ايد ابوها .. انفجعت الحينه بتخبره عليه .. بيجتلني .. ومابيوديني .. صرخت برعب اول مابغت تنطق : ابا اررررررررررد لهلي .. فهد .. هب مسويه لك شي .. وهب مخبرة عليك .. انا .. انا..(قلت بضعف) ماعرف حد هني
(شهقت) ..بس اباهم .. ماباك (هزيت راسي بقوة) ماباك ماباك ..

فهد للحينه يطالعني للحينه مانطق .. يستجمع قواة عسب يذبحني .. عسب يرتاح مني .. طيب ليش .. شوسويت انا .. انا مالي ذنب والله مالي ذنب .. تجدم خطوتين .. انفجعت وصرخت صررررررررررررررررررررخة هزت هالبيت كله .. ظهرت وضحة من حجرتها مضايجة من صريخي .. واطالعت فيه مصدومة من شكلي .. من صياحي ... ركضت ويات لعندي ومسكتني .. هني حسيت بالموت هي تبا تجتلني وبيساعدها فهد .. قلت بصراخ وهم يمسكوني ثنينهم حسيت بهم عزرائيل ياي بياخذ روحي .. مسكوني وانا اصرخ واقول: انا بنت عمك يافهد حرام عليك .. حرااااام .. فهــــــــــــــــــــــد .. فهــــــــــــــــــد

وبعدين مادريت شو صار وين انا الحين.. كان عالم اسووووووووووووووووووووووووود .. ماشي فيه غيري روحي .. انتفضت ويلست اصيح واشاهق انا الحينه بالقبر اكيد اني بالقبر يلست اصيح واون من الم بطني .. مادري ليش يعورني .. يألمني .. هدت وناتي .. وسكنت روعتي وعيني ماتنفتح لا مابا اموت مابا استسلم للموت .. اريد ولديييييه .. مابا ولدي يموت مابا .. مابا ..

لكن للاسف ماشي تأثير مني ولا حتى حركة

انا مت .. مـــت .. وصرت وحدة من الموتى الحين ... استسلمت مالي قدرة على شي
^^^^^^^^^^^^^^^

...: وينهي نواري؟

..:ورا هالعنترنت من الصبح متعنترة وراه مادري شو تسوي.. مادري متى بتسير تتشرا لخطبتها! ..

...: زقروها ابا ارمسها ..

ام يابر : ان شاء الله الحينه بسير ازقرها .. شوبغيت بها؟

بو يابر: عسب خطوبتها ..

ام يابر: شو؟!

بو يابر :قبل لانرد عليهم بالكلمة ابا اتأكد من موافقه بنتي .. ماباها تنغصب !

ام يابر : انشالله الحينه بزقرها

سارت ام يابر تزقر نورة

نزلت نورة وهي ميتة من الحيا .. وسارت مكتب ابوها لانه يباها .. تذكرت هاليوم يوم يا يخبرها عن الي خطبها والحينه بياخذ رايها ع الي خطبها ..

بو يابر: دخلي يانورة

استحت نورة ودخلت وصكرت الباب وراها ويلست ع الكنبه بعيد عن ابوها .. ابتسم ابو يابر : ها بنتي شورايج؟

نورة نزلت ويهها وسكتت ..

بو يابر : يابويه انا الحينه زقرتج عسب تقولين لي رايج اذا يبور كان ضاغط عليج عسب انه الي خاطبنج ربيعه ترا الراي رايج ورايي .. ويبور ماله راي .. اذا ماتبغينه خبريني ..

نورة باحراج:الي تشوفه ابويه .. لا يابر ماضغط عليه ولاشي

بويابر ابتسم:يعني على بركة الله؟! ..

نورة:...........

بو يابر قام وهو يبتسم وباس راس بنته وقال لها :/ والله ينويرة كبرتي وغديتي عروس ؟... سيري ابويه واي شي تردينيه خبريني .. زين ابويه؟

نورة بهمس: انشالله

ظهرت نورة من حجرة ابوها وطيران سارت تخبر نجلا عن هالشي

^^^^^^^^^^

جمول: ياخي تمللنا محبوسين بالبيت

انوس: باجر بنروح نسجل بالجامعه ..

جمول: ايه صح ماقلنا ليزوي

جوهور:بتسجل هي لا؟

جمول: هي قالت انها بتسجل وبتداوم ويانا؟

انوس: شلون بتداوم احنا باقي ع الجامعه الا شهر ونص وهي بتم هناك شهرين عشان دورة فيصل!

جوهور: عن يكون تيي؟

جمول:ههههههههههههههه اتخيل شكلها يايه من شهر العسل بروحها ههههههههههههههههههههههههه

..:ههههيهيهيهي مايضحك

جمول: وحد كلمك انته ترز فيسك حق شنو

جاسم معصب: انتي مايخصج .. انيسه ولاجواهر وحدة منكم تيب ماي

جوهور: وشمعنى جمول لا.. على راسها ريشه؟

جاسم: لا شيله ؟.. وععععع انا اشرب من يد هاذي!؟ وعععع

جمول: وع بعينك هاي اول شي ثاني شي اصلا انته تحلم اني اقوم ايب لك تعرف شنو يعني تحلم

انوس: ايه انتو بس بس بس انا بروح ايب لكم ماي ..

راحت انيسه المطبخ وتركت الصاله بساحة قتال ..

**فالمطبخ **

انيسه كانت تصب جلاص ماي لـ جاسم وتحط كيك وهالشغلات للبنات.. فتحت الثلاجة تدور على فيتامين سي على طلب مشعل بس مالقت .. صكرت الثلاجة وتصادف وجود مشعل فالمطبخ ..

مشعل :هلا والله بـ بنت العمة

انوس باحراج: اهلين .. !

مشعل:امممم انيسه ممكن اكلمج بموضوع شوي خاص

انوس استغربت خاص .. وهي شدخلها؟:انا؟!

مشعل ابتسم: ايه ..

انوس وهي ترد تحط الصينيه ع الطاوله: تفضل ..

قعد مشعل مجابلها: امممم بدون مقدمات انتي تعجبيني وايد(عقدت انيسه حياتها بتتحجىلكن قاطعها مشعل) وابي اتقدم لج .. وحبيت اجوف رايج قبل..

انوس قامت وهي معصبه .. كانت افكار وايد تدور ببالها ..حبها لخليل .. ووفائها له .. شلون بتقبل فيه .. وشلون اصلن يتحجى وياها بهالطريقه .. ومن سمح له يتحجى جي ..:مب راضيه ..

وطلعت تاركة مشعل بداومة .. ليش؟ ليش ماوافقت؟!...

قرر .. مشعل يخطبها رسمي .. ويدري باليدة بتقنعها .. لانه بنى احلام احلام كبيرة عليها .. شلون ماتوافق عليه .. ماعليه بيصبر وبيخليها تحبه .. مستحيل .. هو يحبها غصب عنها بتقبل فيه .. هاي كله مخطط له شلون ترفضه مب كيفها .. والله بذلج عليها يا انوس انا ترفضيني .. وجي صريح .. كاش .. والله لوريج ... باجر انا ياي اخطبج رسمي .. ويا انا .. ويا انتي ... بنجوف من فالنهايه بيـ فوز !!!

^^^^^^^^^^^^

..:هاي كل السالفه .. ااااه .. والله محتارة ماعرف شاسوي ..

...:عندوه تبين رايي بصراحه؟

العنود تتنهد: ايه اكيد قولي!

تماظر: انتي لازم تواجهينه ..انتي جذي تخلينه يحس انج صج مذنبه .. ليش ماتقولين له عن الحقيقه .. وتبين الصج عندوه .. انا بعد كمن مرة شفتج تطلعين ويا ريال .. وظهر اخوج .. ليش ماتقولين له الصج!

العنود: تهقين يصدقني ؟!

تماظر: انتي مب تقولين من بعد الي صار بينكم ماصار يشك وايد فيج .. صار يعرف انج نسبيا بريئه ومافقدتي شرفج؟ .. خلاص عيل قولي له السالفه كامله ! ..

العنود: اخاف اقول له

تماظر: ليش تخافين؟

العنود بيأس: تماظروه انتي ماتعرفينه .. والله ساعه حليو وساعه وحش!

تماظر: حاولي تكسبينه تفهمينه الحقيقه..

07-29-2007, 09:07 PM

العنود: مادري بحاول .. انزي تمظور مابي هالشي يطلع مني ومنج ..بيني وبينج وبس

تماظر: اكيد حبيبتي .. وتذكرين مرة يوم كنا بالمدرسة وانا هاجمتج بالكلام .. انا والله كان قصدي انـ...

قاطعتها: تماظر انتي رفيجتي .. وانا فاهمه هالحركة .. واعرف بعد انج كنتي تبين تتحجين وياي بهالمووضوع من زمان .. عشان جي جفتج الوحيدة الي بقدر افضفض لها .. واخذ برايها..

تماظر بخجل من نفسها:السموحة منج حبيبتي

انا: افا عليج بس .. المهم انا الحين بيصكر بعد شوي بيي محمد .. واخاف يتهاوش ويعصب لاشافني عند التيلفون ..

تماظر:ههههههه الله يعينج .. وسلمي لي ع الحب!

انا بغيرة:هههههه لاوالله؟ حلفي انتي بس!

تماظر: يمة يممممممة كل هذا حب .. ماشالله الله لايفرق بينكم وبعد تخاف منه!

انا: شسوي بعد..ههههههههه امين! ..

تماظر: مااوصيج .. سوي الي قلت لج عليه .. يالله باي

انا: ان شاء الله .. باي ..

صكرت من عندها وانا ناويه ومقررة اصارح محمد .. عشان كل واحد يعيش حياته بدون شك .. حتى لو صار انفصال لاقدر الله .. بكون متطمنة اني ماكنت السبب فهالشي .. بعد مرور نص ساعه

دخل محمد وهو مبتسم وشكله تعبان من الشغل ...:مساااا النور ..

ابتسمت له: مسا الانوار .. ها ياي متأخر اليوم؟!

قعد عندي وهو يحط عقاله وغترته وقحفيته باهمال على الكنبه وسند راسه على جتوفي وقال : أي تعباااااااااااااان حدي ودي اتسبح وارقد ..

ابتسمت له (لا اليوم رايق المزاج .. بس بخليها باجر اليوم ياحليله تعبان الشغل هاد حيله ..) :بجهز لك الحمام .. ويوم بتطلع بحط لك العشا وبعدين ارقد ..

فتح عيونه الي كان مغمضهم بتعب وشال راسه من جتفي وقال: لا مابغي عشا بس بتسبح وبررررررررررررررقد ..حبي باجر بنروح بيت ابوج

ابتسمت له: ان شاء الله ..

رحت جهزت له الحمام .. وطلعت له ملابسه .. وطلعت اقول للخدامة ماتحط العشا لاني مااشتهي ولا حتى محمد يبي ياكل .. وسلمت على عمي وعمتي ايل كانوا اصلا قايمين بيروحون يبرقدون ..

دخلت الغرفه شفت محمد توة طالع من الحمام وبسرعه وقف جدامي وهو يمد لي قميصه .. حسيته ياهل حركته طفوليه .. مسكت القميص ولبسته كنت قريبه منه حييييييييل لاني كنت ازرر القميص بس من توتري اخر قميص عند رقبته ماكنت اقدر اصكرة عدل كل ماامسك الزر بصكره تبتدي يدي تعرق واتوتر ..

مسك يدي وقالي بصوت تعبان: مشكورة حبي .. راح للسرير وانبطح وريح ظهره قال لي : ماتبغين ترقدين ..

قلت له وانا امسك كتاب بيدي: توة الناس .. برقد بعدين ..

قال لي :زين تعالي قعدي عندي

رحت عنده وقعدت شوي اسولف وياه وكنت بصراحة عايشه عالم ثاني وياه .. كنت العب بشعره واسمعه وهو يسولف لي عن شغله .. لين مارقــد .. بسته على راسه .. وصكرت الكتاب الي كنت اقرا منه ..وصكرت الابجور عشان ارقد

^^^^^^^^^^^

...:ههههههههههههه انزييييييييين سوري سوري .. ههههههه والله توبة خلاص

...:لالالا مافي شنو سوري ابي شي اكبر من الاعتذار ..

قالت لي: ههههههه بس الحين بيبتدي الفلم الا صح فلم شنو؟

قلت لها بمكر: لاتغيرين السالفه يالله اعتذري اعتذر

قالت:هههههههه فصول جب انزين والله هههههه

سويت نفسي عصبت وانا اير يدها :جب ها؟ جب؟! في مرة تقول لريلها فـ شهر عسلهم غبي .. وجب؟! .. يالله يالله اعتذري اعتذري ..

يزوي: انزين قلت لك سوري ..

قلت لها: مافهم هاي اللغه انا

يزوي: لا والله ؟بأي لغه افهمك ؟!

قلت بمكر :بوسيييييييييييييييييييييني

فتحت عيونها وييها شب ضووووووو همست:لاوالله احلم

سمعتها.. كنت مستغل الفرصه اكبر استغلال ..:يالله بوسييييييييييييني يالله مافي حل جدامج غير هالحل ..ولا بعد مب عاجبها .. لـ تخليني اقول لج شي اكبر بعد بيغمى عليج

هني هي ضحكت وهي ميتة من الاحراج: عااااااااااااد بس خلاص بيبتدي هالفلم الحين .. والله مااتهرب بس ماقلت لي شنو نوع الفلم ..

قلت لها ابي احرجها: روووووووومااااااانسي درجة اوووووولى ..

انحرجت وييها صار احمررررررر احمر .. تخبلت عليها: مع ويهك من الصبح فلم حلو وفلم حلو .. مالت عليك وعلى فلمك هذا

قاطعتها وانا ابغي احرجها زود: والله حلـو .. انتي جوفيه بعدين تحجي .. جب جب لاتخليني الحين ازيد العقاب ترا عليج 3 بوسات

قالت باحراج: يالجذاب والله مساعه وحدة صاروا ثلاث

قلت بمكر : يعني ماتنكرين ان عليج شي .. حبيبتي هاي كل ماتتاخرين ثلاث دقايق زاد العدد .. يالدبه شاقول عنج احترميني ريلج انا .. من مساعه طايحة فيني غبي وجب والحين جذاب وذيك المرة حمار؟

ضحكت لانه نسى كلمة من الي قلتهم مادري كلمتين: اونه كل ماتتأخرين زاد العدد

ابتسمت وانا اير جاكيتها : فصخي جاكيتج يعني الحين من برودة الجو ..

قالت باحراج بالغ:انا برد علي ..

شكيت ان في أن بالموضوع ليش ماتبي تفصخ جاكيتها :بفتح الدفايه ..

قالت:لالالا عادي .. بس انا شوي برد علي .. عشان جي .. بيصير حر عليك بعدين ..

جفت بجامتها كانت لابسه بانطلون وسييييييع لونه فوشي غامج حرير .. اما القميص للحين ماشفته ويوم مارضت تفصخ الجاكيت واصرت انها ماتفتحه عرفت انها لابسه يد قصيرة .. بس والله لاافصخ هالجاكيت ..(كانت لابسه جاكيت وردي فاتح قطني وايد حلو ) اطالعت بويهها بمكر :انزين الحين بيبدى الفلم تعالي قعدي عندي ..

قالت باحراج: لالالا بروح ارقد فيني النودة انا (وتثاوبت)

ابتسمت وانا اير يدها واقربها لعندي .. كانت هي قاعده نهايه الكنبه .. وانا قاعد بعيد .. حوطت بيديني خصرها .. نقزت وهي تقول لي : اييييييييه انته لاتحط يدك هنيتي .. ماحب ..

حطيت يدي على خصرها عناد ويريتها لعندي .. عادت وردت تقول: والله ماحب حد يحط يده هني احس مادري شلون ..

تغار ههههههه .. عشان جي ماتحب حد يمسك خصرها .. :والله انا مب أي احد انا ريلج حبيبتي يعني لازم تتعودين(وحطيت يدي ورا جتوفها وانا اشم ريحة شعرها الي تدوخني) .. بس جب الفلم بدا .. كانت بدايته شوي خليعه (افلام اجنبيه لازم هاللقطات) هههههههه يزوي وييها صار طماطة وطبعا نزلت عينها وانشغلت تعدل جاكيتها الي بـ جرار .. وبحركه سريعه مني فتحت الجرار وبانت زنودها الي كانت بيضه بياااض حلو ..واييييييد بيضه كأن الحليب ينافس بشرتها بالبياض .. الاخت لابسه كت .. عشان جي منحرجة.. وماتبي تفصخ الجاكيت اونه برررد .. :برد ولا للحين حر..

اما هي تمت مصدومة من حركتــي وتمت فاتحة عيونها وتطالعني .. ابتسمت لها .. وصكرت جاكيتها .. وابتدينا نطالع الفلم .. بصراحة الفلم شوي حلو مب وايد هههههههه بس يزوي وحركاتها خلتني اموت ضحك يوم ايي موقف رومانسي .. تنزل عيونها ولا تلعب بيدي .. ولا تتعبث بالبيبسي والبيب .. ولا تلعب بالجبس ههههههه.. ولا تسولف وياي .. شوي وبنوصل لنص الفلم والحين دعايه .. يزوي كانت نودانه .. شوي وترقد ههههههه.. قعدت اتعبث بايدها والعب بخاتمها .. تثاوبت اما انا بيت اطق بخفه على خدودها وظهرها: اييييييه لاترقدين لنا هنيه كملي الفلم بعدين رقدي

يزوي وهي بترقد قالت بصوت هادي شوي مايل للعلو :تعبااانه ابي ارقد خربتني انته انا ارقد من وهل اليوم قمت من صباح الله

انا:لاوالله اصلا اليوم انا قايم قبلج انزين والله قمت من الساعه سبع رحت الشركة ورديت وانتي توج قايمة ومرة ثانيه رحت الدورة تعلمي من ريلج النشاط

كملت جملتي وانا اشوفها حاطة راسه على ذراعي الي محاوطة جتوفها ومصكرة عيونها ..همست:رقدتي؟

فتحت عيونها ورموشها الطوال محلين عيونها:امممم

التهيت عن الفلم وبديت اكلم اليازي :بتسجلين بالجامعه؟

هزت راسها بـ أي ..وفتحت عيونها تبغي تحاجيني :اممم بس لازم ارد بعد اسبوعين عشان التسجيل وهالامور والاجراءات ..

انا واتعبث بيدها الناعمه:ان شاء الله نقدر نروح وتسوين هالاجراءات .. ايه صح .. امممم جهزتي؟ ترا بنروح بعد بعد باجر لـ منطقه جبليه

اليازي وهي تتثاوب: كم يوم؟

انا:3 ايام بنتم هناك ..

بدا الفلم وبدينا نجوفه .. التفت اجوف اليازي لانها كانت هاديه عكس مساعه .. جفتها راقدة بهدوووء وملامحها الملائكيه مستكينه .. حاطة راسها على طرف صدري .. تنهدت .. ولميتها ..مادري كم مر من الوقت وانا أتأملها .. ليــن ماغفت عيني .. وانا ضامها ..

^^^^^^^

قمت وانا احس بنشاط غرييييييب
نزلت تحت ببجامتي ..

جفت امي تصب لابوي جاي ..

بست راسهم وقعدت عندهم

بو انيسه: هلا والله بنور البيت هلا

انوس:هلا فيك فديييييت ويهك ..

ام انيسه: اييييييييييييه كبرتي يابنتي وصرتي عروسه

انوس انحرجت شـ السالفه: ..احم احم .. يبه اليوم بنظهر انا وجواهر .. بنروح نتشرى للجامعه ..

بوانيسه: زين يابوج .. اممم يبه الجامعه يمكن ماتدشينها ..

انصدمت انا ليش؟ ونسبتي العاليه تروح طل! ..بصدمة:ليش!

ابو انيسه: اممم تاخذين شور خطيبج واذا هو راضي تدشين اذا مب راضي ماتدشين !..

انصدمت خطيبي؟ .. شسالفه: ها!!!!!!!!

ام انيسه: الله يهداك ياناصر ماتعرف تقول الشي بوقت مناسب .. يمة يدتج ابارحة دقت علينا ومشعل يبغيج على سنة الله ورسوله..

وقفت بصدمة ..:هااااااااااا..انتو شتقولون؟!

فخاطري: مشعل؟! مشعل! .. انا الي تمنيت خليل .. يطلع لي مشعل.. هاي من وين ياي .. اخخخ اكرهه .. مو كفايه اني رفضته امس .. ليش جي يسوي؟ يعني يعاند فيني؟.. قلت له بصريح العبارة ماابغيه!...

بو انيسه: واحنا موافقين.. وانتي مابترفضين ولد عمتج..ومابتكسرين بكلمة ابوج .. (انحنى صوته) صح يايبه؟

انصدمت ياربي انا ليش جي يصير لي .. هاي حياة .. عشرة عمر .. ياخذني بس عناداً فيني .. لييييييييييش؟!

بسرعه رحت داري

وامي وابوي خذوها ع انها خجل!

لكن انا وين والخجل وين عني بهذيج اللحظة! ..

اااااخ الدنيا تدور بعيني ..

ليش

ليش؟؟؟؟؟

^^^^^^^^^

كنت منبطح ع الشبريه وانا اتذكر امس .. بعد مامر اسبوع خطبتنا ..ردوا عليه بالموافقه ..

يلست افكر بغويه .. ياترى الحينه الغوي تفكر فيه؟

قررنا العرس يكون ان شاء الله بعد سنة او سنتين من استقرار غويه بالجامعه .. بس اكيد اني بجدم الملجة .. غمضت عيوني وانا اتذكر البوم الصور

سرت لـ مكتبي .. ويلست ادور ع البوم الصور .. فتحته ويلست ادور ع صورها ..
مالقيت الالبوم

سرت حجرة ريموه كانت مبطله .. وريموه هب موجودة ..

خذيت الالمبوم وسرت حجرتيه

واول صورة كانت صورة غايه وهي تبتسم ابتسامة هاديه وشعرها الاسود رافعتنه .. ومنزله خصلها ع ويهها .. طالعه خبااااااااااااااااال

يلست افرفر فالالبوم وكل صورة اشوفها انخبل عليها زود... دايما صورها ممزوجة بخجل
بضحكة رووعة

اتصلت لـ عليا .. تلفونها مغلق .. غريييييييبه صار لها يومين غالقه تيلفونها؟ عن يكون فيها شي؟

اتصلت لفهد :الو .. هلا .. هيه .. شحالكم؟ .. وشحال عليا؟؟..هيييه .. شو هالازعاج الي عندك؟..ظاهرين؟!..اووه السموحة يالله فمان اللله..

صكرت وانا مستغرب ..

ورديت رقدت

^^^^^^^^^^
يوم عرفت موافقتها على مشعل ..حسيت بعصبيه ..بغضب .. بغيرة .. شلون شلون توافق عليه..
انا توقعت انها تبغيني ..
من تصرفاتها من خجلها مني .. كان يبين انها تبغيني ..
بس انا كنت خاطب .. انزين انا خطبت ابتسام بس عشان اغيضها .. واشوف ردة فعلها
اااااخ .. ليش ليش؟ ابغيها انا ..
احس بمشاعر تتحرك بقلبي صوبها ..

ليييييييييش؟

دخلت البيت طيران وبسرعه دشيت غرفه امي .. وقلت لها : يمة ابي ملجتي بسرعه تمر.. احنا حددنا الملجة متى؟

ام خليل: يمة الحين مايصير تملجون عمها توه متوفي انشالله بعد 6 ..7 شهور!

خليل بعصبيه: اوكي ..

وطلعت بسرعه من الغرفه .. تعرفون شلون احساسي؟
احس كأني فقدت شي .. صح هالشي مب غالي وايد وايد وايد .. الا انه كان يبغيني .. والحين يبغي غيري..

شلون اوصف لكم هالاحساس ماعرف ..

بس احساس يقلل من قيمتك .. كنت ابغي انشغل بعرسي عن عرسها ..
بس يالله الحين هي وافقت يعني شبيدي اسوي؟

دخلت داري وبدلت ثيابي .. انبطحت على سريري ..
وظليت افكر وافكر ..

ماعرف على شنو رسيت ..
الا ان الافكار لخبطتني ..

غمضت عيني بـ ارتاح ..
سمعت صوت ضحكة جواهر ..

يالله ماعندي غيرها ..
ويمكن منها اعرف جان انوس انغصبت ولا لاء .. اذا انغصبت .. انا بروح اخطبها .. اهم شي ماافقد وحدة من معجباتي!

^^^^^^^^^^^

..:لالالا اخاف .. اخاااااااااااف

فيصل: ههههههه ليش ؟ ماياكل؟!

انا: لا والله اخاف بعده والله تبعده ..

ضحك علي وبعده ..

قال لي: تخافين من الخيول .. حد يخاف منهم؟!

قلت وانا امشي بعيد عنه: انا

فيصل:لانج خبله (مسك الخيل وقربه صوبي اما انا صرخت بقوة حتى الحصان رد على ورا )

انا بجزع :قلت لك اخاف منه ماحببببببببببببه

كنت خايفه .. ماعرف من صغري كنت احب الحصن والخيول بس الحين احس لو اموت ولا يقربون مني احس بقشعريرة بجسمي ؟.. كل الخوف الي بالعالم يتجمع بقلبي .. ماحب الخيول .. ماحب هالشي ..

ركب فيصل .. جوفوا انا مب متعودة اقول فيصل .. ركب فصول حصانه وابتدا يدور فيه .. كنا الحين ورا بيتنا فالغابه .. صوب الخيول .. انا رفضت ايي وياه صوب الخيول لكنه الدب طلع لي الخيل من مكانه وقعد عليه يدور وياي .. انا ماكنت قريبه منهم لاني اخاف من الخيول عشان جي كنت امشي بسرعه وبعيد عن الخيل ..
فصول كان خيـّال يعرف للخيول ويعرف يركبهم ويمشيهم .. بس انا ماافهم فهالاشيا .. اصلن اخاف منهم ..

فيصل يصرخ:هاااااااااااي وين تروحين؟

كنت امشي بسرعه جهة البيت لان الدنيا بدت شوي تظلم تعرفون ان في فـ غابتنا ثعالب وانا اخاف من الحيوانات .. بكل انواعها فـ شلون اذا كانت مفترسه .. طنشته وانا امشي بسرعه ومب محاسبه جدامي .. كنت لابسه بانطلون جينز ويا قميص ليموني يهبببببببل .. وكنت لافه رقبتي بـ شال زيتوني وليموني خطييييييير .. وصكرت شعري ذيل حصان وقدلتي كـ العادة على عيوني .. مااخفي عليكم احس بمشاعر غريبه يوم اكون ويا فيصل .. شعور حلو وحزين .. شعور خجول وجريء .. شعور حب وكراهيه .. كل شي متناقض يوم اكون وياه .. او اكون قريبه منه ..

وانا امشي ومااجوف جدامي دست على شيرة صغيرة شكلها شكل وردة بس مليانه شووووووك ..يعني مظهرها حلو .. بس باطنها خبيث .. عورتني ريلي .. بقيت اناقز على ريل وحدة .. يوم جفتها ذكرتني بـ[نوف] يالله مابي اعكر مزاجي بسبتها .. خلها تولي .. ماعي منها ..يعني الحين شبيدي .. مابصيح مابصيح .. كنت احاول اكتم دموعي .. كنت راصة ع ريلي لانها تعورني .. والجو البارررد بدا يبرد اكثر واكثر واكثر .. ارتجفت شفتي .. يمكن لانه برد علي او يمكن من الالم الي بريلي .. حاولت اسحب الشوكة الي بريلي .. لكني اخاف مجرد اشوف الدم يغمس ريلي اموت .. فـ شلون وانا اشوف هالدم يطلع من ريولي والشوكة تنغرس بريلي اكثر واكثر .. ماقدرت اواصل طحت ع الارض وانا ارص على ريلي .. واعض شفايفي اكتم صياحي .. شلون بوصل البيت .. فيصل عند الخيول مايدري عني .. واذا مارحت
بيصير شي .. قمت وانا اتسند ع الشيرة .. شفت فيصل من بعيد ياي .. تطمنت .. تنهدت وانا اوقف واحاول ماادوس على ريلي محل الشوك .. اااااااااه .. صرخت بخوف يوم حسيت روحي مب على الارض .. اويييييييييه بسرعه مسكت رقبته .. قلت بعتب:على كيفك تشيلني نزلني نزلني (وحركت ريولي بقوة مثل اليهال)

سد حلجي وقال:اشششششش ماجدة بتعصب عليج هههههههههه لاتصرخين ..

07-29-2007, 09:11 PM

صح نسيت اقول لكم اليوم فيصل ياب ماجدة من المطار حليلها كانت رايحة لبنتها ..اييييييييه ماقلت لكم بنروح بعد يومين منطقه جبليه ..ثلجييييييييه .. واااااااااااااو واااااااااااو وااااااااو .. باصيح من الفرحة ياااااااااي .. اول مرة بشوف ثلج صجي .. لاني دولنا الخليجيه تفتقر الثلوج اصلا ولا مرة نزلت عندنا بالخليج ثلج غير الي ع سفوح بعض الجبال :هيهيهي تتطنز حضرة جنابك

فيصل بطنازة:نعم ياحضرة الملكة

ضحكت عليه: نزللللللللني بتنكسر يدك

ضحك علي:من ثقلج الحين .. جنج ريشه (حركني بقوة اما انا تعلقت برقبته وصرخت بقوة )

فيصل متصمخ:اشششش صمختيني لعنت الله على ابليس

ضحكت عليه:احسن عشان ماتعيد هالحركة ..
عاد الحركة عناد فيني وانا ضربته على ظهره .. ضحك ..وصلنا لعند البيت نزلني اما انا بغيت اموت من حطيت ريلي ع الارض رد العوار لي .. تصدقون اني نسيت الالم يوم كان يكلمني .. ياااااه يافيصل لك تأثير كبير على نفسيتي ..بسرعه قعدت وانا امد ريلي يدامي :ايييييييييييييييييييييييييييييييييييييييييييييييي يييييييي

فيصل طالع ريلي .. كانت منغرقه بالشوكة الطويله الي لاصقه بريلي ..
:هاي متى دخلت ريلج؟

قلت وانا اصكر عيوني:مساااااااااااااااااااااعه هئ

قعد جدامي وقال بترييقه: عشان مرة ثانيه ماتضربيني على ظهري الله سوا فيج

صرخت فيه بألم: هاي من قبل ..حرام عليك تعوررررررني (وانا ارص على ريلي )

دخل فيصل داخل البيت وانا التهيت وانا اجوف الدم وامسحهم بالفاين ..يه لعندي وسحب يدي بقوة عن ريلي.. وابتدى يمسح ريلي من الدم قالي اصكر عيني لانه بيسحب الشوكة ..بس انا اصريت اني افتح عيني .. من قرب الملقط من ريلي صرخت:يعووووووووووووووووووووووور

فيصل ضحك عيل :للحين ماطلعته

كنت ابعد يده عن ريلي : لالالا خله خله يعور يعور ..

قال وهو يرد يحط يده على ريلي ومرة ثانيه صرخت انا: يزوي لتصيرين ياهله .. خليني اطلعه

غمضت عيوني وانا احس بألم ماعرف بالقووووووووة .. ماكنت اعرف كنت ماسكة شنو بس الي كنت اعرفه كنت ضاغطة على هالشي الي ماسكته بالقوة بالقوة بالقوة ..

الين مافتحت عيني وجفت فصول يطالعني استغربت :طلعت الشوكة؟!

ابتسم:ايه

انزين عيل ليش واقف لحد الحين ليش مايروح انتبهت ليدي الي راصه على يده .. احمرررت خدودي .. وشليت يدي من يده .. طالعت اثار الاحمرار بيدة من ضغطة يدي .. امبيه ياحليله ..

قال لي : تبين تظهرين بعد شوي .. انا قلت بظهرج الحديقه الي عند البيت

قلت له وانا ابعد نظراتي عنه وويهي يحترق من الخجل ..:ماعرف اخاف ماقدر امشي

دفني على ظهري وهو يقول: شدعوة مب شوكة ذي الي ماتخليج تمشين ..

فتحت عيوني منصدمة من حركته ..:بجوف ..ايييييييي يالدفش.. انزين بايي .. صبر بلبس عباتي وبسرعه بايي

فيصل: بسررررررررررررررررررررعه ههههههههههه يارقيقه انتي

قلت اتغشمر:مب لازم عبايه يالله نروح..شحسبالك نفسك؟

جافني بنص عين : لاحبيبتي لازم عبايه تبين تروحين وانتي لابسه بنطلون؟ ويد قميصج لين هني؟ (وهو يراويني يد القميص الي توصل لـ ثلاث ارباع يدي يعني تقريبا يدي كامله) انا بتنورة ماخليتج الحين بانطلون يالله يالله يالله سرعي ايبي عبايتج

ضحكت عليه ومشيت على ريلي بس ماضغطت على ريلي الي دشت فيها الشوك ..
لبست عبايتي وشيلتي ولبست جوتي رياضي مريح ..
وطلعت لقيت فيصل مبتسم وهو يطالع جدامه بعد ماخبر ماجدة ان بنروح الحديقه هي اول شي قالت لنا اجلوها لباجر بس فيصل كان مصر مادري ليش؟!

حبيت اخرعه

:بوووووووووووووووووووووووو

ابتسم وجافني: ماخرعتيني

قلت وانا اضحك:حشا يني مايخاف

هالمرة ضحك على تعليقي : اذا انا كنت يني فانتي ينيه

قلت وانا فاتحه عيني : انا ينيه؟!

مسك يدي وبدينا نمشي وقال لي: أي ..

وقفت وهيت يدي عن يده:لاوالله؟

فيصل: والله مب مرت اليني ينيه؟

طالعته ورديت وانا كاتمة ضحكتي: هييههيهيهي ماتضحك

فيصل الي تعود على هالكلمة مني ههههه:ماطلبت رايج ..

ويراني وياه واحنا نمشي ..

كنت ناسيه الالم الي بريلي وعلى الرغم من هالشي الا اني كنت مستانسه اليوم وايد .. يمكن بالقرار الي اتخذته بنفسي"بتعرفونه فالاجزاء المقبله" .. :فصول

فيصل :عيونه

رديت اتحجى ببراءة:عادي اركب هالحيه بيه (مرجيحه)

ابتسم:ايه عادي قعدي ليش تسألين

قلت وانا ابتسم:اخاف تقول ياهل بعد كل ماسوي شي قلت ياهل والله ..تقهر

فتح عيونه بس بعدين رد يضحك ويضحك بدون توقف .. يااااه ياحلو ضحكته .. ترد الروح .. ابتسمت وانا اجوفه مستانس ..حبيبي والله ان شاء الله دوم تكون مستانس ..لحظة لحظة لحظة ستووووووب .. شنو حبيبي.. انا بعد .. صج اني مخرفه .. لا اظاهر الشوكة مأثرة بريلي .. ههه

قعدت اتمرجح بالمرجيحة كأني ياهل وفيصل بعد قاعد عندي بالمرجيحة الله وناااااااسه ههههههه انتو مابتحسون بس والله كنت احس بسعادة .. بسعادة كبيرة كبيرة كبيرة حيل ..

بعدين قمنا نتمشى ونتمشى .. فيصل ابتعد وراح يشتري ايس كريم لنا

سمعت صوت مألوف وهو يناديني ..
والطامة العودة ان الصوت كان صوت رجولي ..
والطامة الاكبر ان فيصل مب موجود

التفت لقيت واحد يشبه خالي بو خليل بشكل كبير كبير كبير .. ابتسمت بفرح:ثنوووووووووووووي

ثاني وهو يضحك: هلا والله هلا بيزوي ؟ شالاخبار؟

ابتسمت بفرح: زينين ومن صوبك؟

ثاني بحب: مانشكي .. ها اجوفج هني وين عيل امج وابوج؟

انحرجت ويه مايدري اني تزوجت : بقطر

ثاني وهو مستغرب: عيل شتسوين هني بروحج؟

قلت وانا ابتسم بخجل: ويا فصول !(عضيت شفايفي للمرة الثانيه اغلط لازم اقول فيصل ع الاقل جامهم مب فصول نفس قبل!؟)

ثاني باستغراب اكبر:شتسون؟هني؟ بروحكم؟

بهالوقت يافيصل وهو يدور علي ويوم لقاني واقفه وريال جدامي اتوقع عصب وبسرعه يا وعطاني الايس كريم وحط يده على خصري انحررررررررجتتتتت .. تمنيت الارض تنشق وتبلعني .. وخصوصا يدام ثاني ..

فيصل:وات؟

يوم شاف ثاني انصدم وسحب يدة من خصري وسلم فيها على ثاني وتخاشموا :هلا والله بـ ثاني اخبارك ياريال وينك؟

ثاني وهو يتحجى بصعوبه :ياهلا فيك ..(وكأنه ربط كلامي بـ لمسه فيصل وقال) مبروك الزواج .. ها شنو هاي شهر عسل.. ولا من زمان تزوجتوا؟

فيصل:الله يبارك فيك .. عقبالك .. لايامعود تونا بنكمل اسبوع .. ليش ماخبروك؟

ثاني وهو يبتسم بألم: هالاسبوعين كان عندي تست وماقدرت اتصل لا فامي ولا باحد ..

فيصل: يالله وشسويت؟كح كح (قام فيصل يكح يحليله شكله بيزكم)

ثاني يبتسم بصعوبه : زين .. يالله بخليكم عيل ...

فيصل: وين توة الناس ؟!

ثاني وهو يبتسم بألم حسيت بهالشيء من نظرته الحزينة:والله يايين نغير جو وطالعين احنا الحين وبنـ....(سرحت انا) .. شفيه مرة وحدة قلب حزين؟ عن يكون مامسوي شي بالامتحانات؟ .. يجوز .. ماانتبهت للي قاله ثاني وفيصل لاني سرحت شوي ههههه بس انتبهت لفيصل

فيصل: لين متى بتمين سرحانه ذاب الايسكريم ..

وصرخت وانا اشوف الايسكريم نزل على يدي شوي منه: فاين فاين

فيصل يضحك وهو يمد لي الفاين: خذي ..

بعد مامسحت بقايا الايس كريم بديت اكله وانا امشي ويا فيصل
قعدنا نجوف البط .. والوز .. وبدينا نسولف شوي .. ونتأمل الطبيعه شوي ..
وردينا قعدنا ع المرجيحة بطلب مني
مرة وحدة ابرقت الدنيا وامطرت .. قمنا انا وفيصل من المرجيحة بنرد البيت بعد ماشرينا مظله وحدة تحمينا من قطرات المطر ..

البيت شوي بعيد عن الحديقه ومافي تكاسي فالقرى .. فـ نضطر ان نمشي اصلا احلا شي بلندن انج تمشين .. هم تفقدين وزنج ههه اهم شي وهم تتونشين وتقوين عضلات ريلج ..

كااااااااان برررررررد وفيصل كان يكح بين الحين والاخر

ورانا درب طويل لين مانرد البيت

ياترى شبيصير؟ وهل فعلا بنرد البيت ولا بيصير شي يمنعنا عن ردة البيت ؟!

^^^^^^^^^^^^^^^

..:وقسم بالله سخيفه .. يعني انا كنت انتظرج اخر شي ماتيين

ياني صوتها: والله العظيم وقسم بالله انا قلت لج من قبل اني كنت بيي بس اخوي النحس خرب كل شي ..

نور:يعني ماقدرتي تقنعينه .. بديرة هاي مب علي هالحجي انتي ماتقنعينهم وخصوصا شي تبينه

انا واقول لها بصدق: والله العظيم وقسم بالله اني كنت بيي بس باخر لحظة تهاوشت ويا نيوف

نور بعصبيه: كالعادة .. والله حمارة انتي يعني شكو تسبينه ..وقسم بالله تقهرين

انا باغتياض: والله شنو تبيني اذل نفسي يعني؟ بالطقاق ان شاء الله عمرة ماواني؟

نور:يابقرررررررة مافي بين الاخوان بيذلني وباذله

انا: امبلا في انزين

نور: بدوروة تدرين ..انتي وحدة غريبه بهالاطباع الي مادري من وين تطلعينها

انا واغير السالفه: باجر بروح فيلاجيو تعالي

نور: ومن هالصبي (دريول) الي بيبني؟

انا: دبري نفسج .. تبينا نمرج؟

نور: لا انتو بروحكم جيش عنتر وين بتكفيني السيارة؟

انا: قولي ماشالله يالدبه .. وبعدين من متنج الحين؟؟

نور:ماشالله .. ممم ماعرف بجوف اخوي اذا بيبني

انا:تدريييين جمول تقول هاي فيلاجيو مادري شسمة عجيييييييب واي حلو

نور: ايه ادري رحته

صرخت بقوة: يالخاييييييييييينه تروحين ولا تقولين لي ولا تاخذين شوري

نور تضحك:ههههههه سوري سوري ياحكومتنا نسينا نستأذن منج .. (وقالت بجد) ع كيفج هو الي يقول ابوي عشان اخذ شورج

قلت وانا اضحك:تخسين يالحمارة ...ياخاااااااائنه

نور وهي تتحجة بالفصحة نفسي: لم اخنكِ ايتها الحمقاء

قلت لها: لا تكذبي .. اوسكتي ايتها الشمطاء العجوزة المخرفه

نور وهي ميتة ضحك:ههههههههه المخرفه ها؟ خل تسمعج ابله العربي وقسم بالله الصفر بيكون شويه عليج

قلت بضيق:ويييييييييه لاتيبين طاريها اصدع

نور وهي تقلد الابله: عيب يابت يابدور من علمك حرفاً ياماما اصبحتي ليه عبداً

قلت وفيني الضحكة وانا اكمل: وانتي يابت يانور عيب ماحدش بيتكلم والكبير بيتكلم ..انتو اول انتو؟ انتو تالت مايئدرش عليكو ..

نور وانا:ههههههههههههههههههههههه

نور: بدوروه تخيلي يفرقونا ويحطون كل وحة بصف

انا: مب كيفهم اذا فرقونا بندش فرنسي انا وانتي خخخخ فالمدرسة مافي غير صف واح وبيحطوني وياج

نور بغرور : انا ادش فرنسي؟

انا بسخريه: ويه نسينا بنت الوزير تحجت .. يالله جب .. شفيه الفرنسي حلاته وانتي تتحجين تعوين حلجج

نور وهي تضحك:ههههههههههه ايه ايه خصوصا بعد هاذيج الي ماتعرف تتحجا ترسنا .. لا بالله فلحنا بالفرنسي هههههههههههههههههههههه

انا وميته ضحك:ههههههههههههههههههههههههههههههههههههه صاجة والله

نور: اقولج بدروة قلبي ويهج الحين ابوي بيي وبيزفني ثلاث ساعات ونص قاعدين نهذر بالتيلفون

انا وانا كاتمة ضحكتي: تلاقين امي الحين قالبه الدنيا تحت ..

نور وهي تضحك:ههههههه لحقي عليها يامعودة بعدين ماتخليج تكلميني

انا :ههههههههه زين يالله باي

نور:بقولج سالفه الباي هاذي بعدين ..يالله جاووووووووووو(وهي تعوي حلجها مثل الفرنسيين)

انا: لايطيح حلجج بس

نور:هههههههههههه

انا: باي

وصكرت عنها وانا انزل تحت شفت نوف قاعه وتبتسم لامي .. اوووووف الله يعدي اليوم على خير .. اكي اليوم بنتصل فـ فيصل ويزوي واللصقه (نوف) مابتفج الا يوم تحاجي فيصل .. انقهرت يوم عرفت حبها لفيصل!لا وبقله ادب هي الي قالت لي!

^^^^^^^^^^^^

..:والله تصصصصصصصصصصبر

..:خلصيني جواهر ماني فاضي

جواهر: صج ايل سمعته

قلت وانا متملل من حجيها:احين موقفتني بس عشان تسأليني عن خبر سمعتيه؟ شنو الخبر الخطير ايل مخليج تخليني واقف للحين؟

جواهر: انك تبي مجلتك بسرررررعه؟

انا:ايه بعد 4 شهور مادري اكثر بتزوج ارتحتي؟

جواهر:ياخي ابي اجهز من الحين وانته الي بتوديني وبتيبني

انا:فاضي لج انا

جواهر: انته مب فاضي ابوي محد السواق مشغول انوس مشغوله بعرسها شنو هذا؟ والله قهر

انقهرت لان انذكرت انوس جدامي وخصوصا يوم حسيت اني اميل لها وهي وافقت على مشعل..: اوفففففففف لاتقعدين تحنين وتزنين على راسي

جواهر: انزين ممكن حضرة جنابك توديني بيت يدتي

قلت بضيق لاني احتمال اجوف انوس هناك: ليش بعد؟

جواهر بعتب: يدتي مريضه وانته ولا حتى كلفت نفسك تسأل عنها

قلت بخوف مبالغ فيه لانها يدتي حبيبتي: مرررررررررييييييييضه؟ من متىىىىىىى؟ شفييييييييييها؟؟؟؟؟؟

وقبل لا ترد جواهر قلت بسرعه: يالله انطرج بالسيارة لاتتأخرين

وبسرعه طلعت

انتهى البارت الـ20

07-31-2007, 03:18 PM

حلويـــــــن الأجزآء

وننتظر الأجزآء القآدمه^_^

08-01-2007, 06:01 AM

**البارت الواحد والعشرين**[الفصل الاول]

كان ينزل مطرد بقوة بقوة .. وانا ارتجف تحت المظله الي انا وفيصل كنا تحتها .. كنا نمشي بسرعه بسرعه .. الين ماتعبنا شوي .. كنا الحين واقفين برع البيت بشوي ونوصل له تسند فيصل وهو يكح بقوة وبتواصل كبير حكيت يديني على بعضهم البعض حتى اخفف من البرودة الي تلفحني .. هبت ريح تلاعبت بشيلتي وعبايتي.. حتى المظله اختربت ..

فيصل كان مستند على يدار البيت تحت شيرة وهو يكح بطريقه خرعتني .. ضغط (هوّس) على بطنه بقوة وانا كنت مرتعبه وانا اشوفه .. مرة وحدة رجع وانا كنت متفرجه فقط... وما ان استوعبت الي صار بسرعه رحت لعنده وضغط بيدي الصغيرة الي لاشيء جدام ايده الا اني حاولت اخفف عنه وامسح قطرات المطر الي بللت جبهته ..

فصخت الجاكيت الي علي وانا بغيت اموت حسيت ببرودة غير طبيعيه .. كنت بطيح من شدة البرد الا اني اتحاملت وتثاقلت بقوة .. اهم شي فيصل .. اهم شي فيصل شكله مريض حيل .. ويهه مبيض .. وعيونه الوساع الحلوين كانوا ذبلانات .. وملابسه متبهدله من المطر .. بسرعه مسكته من ظهره وانا احاول اوقفه وياي .. كان يكح بطريقه فضييييعه .. خلتني متخرعة بشكل كبير عليه .. كان واقف وحاط يده على جتوفي وحاط راسه ورا ظهري وهو يكح بقوة .. وانا امسح على ظهره ..

قلت وانا دموعي منمزجة بالمطر: شوي تحامل .. عشان نقدر نرد البيت بتمرض اكثر ..

مارد علي لانه كان بنوبة كحة فضييييعه .. كان بيتحجى لكن رد يكح ويكح ويكح .. سند راسه على جتفي من بعد ماهدت كحته ؟.. المظله كانت طايحه ع الارض لاني ماقدر امسك فيصل والمظله بعد ..

مرة ثانيه ابتدا فيصل يكح وانا اضغط على يده وامشيه وياي ..لانه كان تعبان ..ااه ..فيصل مريض فيصل تعبان ..اخخ الله يعين قلبي حرام مااحب اجوف حد مريض ولاتعبان ..وهالمرة هاي مب أي احد .. ها زوجي ... هاي الـي بدا قلبي يميل له ... اه ..

فيصل كان تعبان ومتسند علي وهو يكح ويتألم من بطنه .. لهالدرجة اكل المطاعم يأثر على معدته .. مادري ليش يات فبالي مكالمة نوف يوم تنبهني على اكله ..حسيت بشي حار يشتعل بقلبي ..شعرفها؟ اكيد كانت قريبه منه وايد وايد ..قطع تفكيري كحة فيصل القويه .. حسيت ببرودة اكثر عشانه جي عدلت جاكيتي الي على فيصل عشان لاايبرد وايد ..كافي انه مريض ..

كنت متبلله انا من فوقي لتحتي ..حتى فيصل كان متبلل من المطر القوي الي ينزل .. وصلنا البيت .. اخيراً!.. بسرعه كنت امشي وماسكه يد فيصل اقودها واليد الثانيه ورا ظهره امشيه وياي .. وهو مستسلم لي ومنصاع لحركاتي .. لانه ماكان قادر يفتح عيونه من التعب .. بالحديقه صحيح كان يكح .. بس الحين كحته اقوى واكثر .. وقفنا عند عتبه الباب .. فيصل هني بغى يطيح يوم تركت يدي من عليه وفتحت الباب .. بس بسرعه ركضت لعنده وفتحت الباب ..

اما ماجدة الي كانت تحاتينا لان الدنيا تمطر واحنا قلنا لها انا بنروح الحديقه ..يات بسرعه وهي تشوفني ماسكة فيصل واحاول ادخل وانا اتحكم بفتح الباب بريولي.. فتحت الباب ع الكامل

ماجدة: شو بيوه لـ فيصل؟

انا: ماجدة بليز سوي كمادات وشي حار فيصل مريض وايد

ماجدة: طيب هلاء راح اعمل لايلوه رح تنزلي تاخديه ولا بيجبوه فوء؟

انا : لا بنزل اخذهم انا .. فيصل فيصل .. (وانا احاول انبهه لانه كان مستند ع اليدار .. وكنت انبهه عشان الدري الي بنصعده)

ماجدة: سرعي سرعي

اما انا الي تبهدلت عدل شيلتي طايحة على جتفي وعبايتي الي انفتحت وانا مساكة فيصل بقوة وامسح عن ويهه قطرات المطر بالكلينكس .. بما ان ماجدة مرة كبيرة بالسن وايد وايد .. ماحبيت انها تيي فوق لانها ماتقوى ركوب الدري .. وغير هاي ماابغيها تلاحظ اني انا وفيصل كل واحد فينا بغرفه .. فيصل كان تعبان وايد وايد وكل ساعه تزيد عليه الكحة .. كان يصعد الدري وانا واقف عنده اصعد وياه خطوة خطوة وامسكه اذا ماقدر يحافظ على توازنه .. وصلنا الطابق الثاني .. ورحنا صوب غرفنا .. لت وانا امسكه..:تعال غرفتي غرفتك بعية بتتعب اكثر

اصر فصول انه يروح غرفته ورحت وياه ع الاقل اتطمن عليه .. رمى نفسه على الفراش حتى من دون مايغير ثيابه الي كانت مبتله من الماي .. خفته يمرض عشان


العضو المميز	الموضوع المميز	المشرف المميز
قــريبا	قــريبا	قــريبا

الإهداءات
إضافة إهداء