لحظـــ وداع ــــةْْ

08-01-2007, 06:07 AM

^^^^^^^^^^^

...:شتسووووووووين؟

بسم الله اخترعت : خرعتتتتتني ماتعرف تطق الباب
؟؟؟

فيصل: لا ماعرف .. شتسوين؟(كح بهدوء)

دب واحد يحب يعاند بس صدقني يافصول مابتقدر علي .. رديت ادخل ثيابي بالجنطة : ولاشي اعدل شنطة صغيرة للمنطقه

ابتسم :اها.. اساعدج؟

قالها بخباثه وانا حسيت من نظرة عينه .. نزلت عيني للملابس واحس ان ويهي شوي ويطلع منه بخار الحرق .. :لا شكراً ..خلصت انا ..

طالعني فترة .. وانا بصراحة بصراحة كنت اتأمل عيونه .. عيونه فاتحه .. عكس عيوني .. عيوني انا لونهم بني شوي على لون الشوكلاته .. بس هو لون عيونه بني .. بس فاتح مب عسلي لا.. بنيه بس فاتحه .. وايد حلو .. شلون اوصف لكم .. اممم ماعرف ماعرف .. وبعدين عيب تعرفون اوصاف ريلي استحوا ع ويهكم .. احم

:شفيييييك؟

ابتسم:ولاشي .. زين تعالي جهزي لي شنطتي ...الله يذكر بدور وامي بالخير كانو هم الي يجهزونها لي

ابتسمت:ههههه ريال شكبرك ماتعرف تسوي لك شنطة؟

جافني وضحك:لا ماعرف عندي مرة حلوة تينن بتسويه لي

ادري فيه مايمدحني لوجه الله .. لا يمدحني عشان اسوي له ..اعرفه انا جاكته .. :زين طلع شنطتك بسوي لك بس تساعدني ولا مابسوي

ابتسم لي ابتسامة وسيعه:اووووكي ؟!..شحقه نروح بشنطتين .. ايبي هالشنطة الي حطيتي فيها اغراضج وبحط فيها ملابسي ..

فجأة حسيت ويهي احترق ..ملابسي وملابسه ويا بعض؟ بجنطة وحدة.. لالا ماقدر ماقدر طالعته وجني ماسمعت شي:ها؟

شال شنطتي وسحبني وراه:انتي شـ حاطة هالثقل؟ كلها كلها ثلاث ايام!

حمرر ويهي .. وسكت .. دخلنا داره .. كان شوي معفس انحرج هو وضحك بويهي وقال: احم .. ماعليه شوي عفسه ..

ضحكت هالمرة عليه .. قال لي: اخذي راحتج بس دقايق ببدل وبيي .. دش غرفه تغير الملابس ..خذا الغرفه ايل اكبر من غرفتي .. ولا ازود عن هذا كله .. غرفته فيها غرفه تبديل الملابس وانا ماعندي .. ماقول غير مالت علي ! ..

قعدت على طرف السرير ..جفت سريرة معفس ..ييييييه نسيت ارتب سريرة اليوم الصبح .. مسكين لين الفير كان يكح .. ورجع علي قميصه لانه كان قايم بسرعه بيروح الحمام.. بس زوّع على ثيابه .. فـ اضطريت انا اغير له قميصه .. وانظفت صدره بشويه ماي .. وفاين .. رقد على حظني وانا امسح صدرة .. مسكين تعبان.. كنت بقومة بس كسر خاطري ..شكله من جد كان تعبان خليته راقد على ريلي .. لحفته زين ..بعدين اذن رحت صليت ورديت مرة ثانيه عند راسه قريت عليه قرأن
ودعاء .. كنت بقومة عشان يصلي .. بس كسر خاطري خله نايم ولا قام بـ خليه يصلي .. ظليت عنده لين مارقدت راسي على طرف السرير .. وبقيه جسمي على الارض وكنت ساندة نفسي على السرير ..

قطع حبل تفكيري صوت فيصل وهو يقول:احم احم وين وصل تفكيرج ..

ابتسمت .. ويوم شفته تقطع ويهي من الفشله .. كان لابس بانطلون نوم طويل بس بدون قميص نزلت عيني من عليه وقلت:اييييه البس قميص بيصير برد عليك بروحك مريض

كح وبعدين قال:انا ماارتاح ويا قميص اوف يزعجني ..

انحرجت صراحة ..ماقدر ارفع عيني .. :خلاص عيل بطلع انا ..يوم بتلبس قميصك نادني اساعدك .. وقمت بطلع .. مسكني وقعدني عنده :انزين مايسوى علي مالبست القميص!.. لاااااا قعدي قعدي بروح البسه وبيي

ضحكت:ريايل ماايون الا بالعين الحمرة

دفني بيده وهي يلبس قميصه .. وبصراحة انا صكرت عيوني ههههههه..

فيصل:يالله فتحي عينج .. مافي وقت بعد شوي ابي ارقد ..

جفته باحتقار:صج ماتستاهل يايه بساعدك تطردني؟

ضحك علي: اتغشمر .. يالله تعالي ..

قلت له بطريقه امرة :اوكي طلع ثيابك الي تبغيهم عشان ادخلهم عندي بالشنطة

رد عيل بمصخرة:ان شاءالله عمتي بدك شي تاني

مسكت ضحكتي:هيههي لاتستخف بدمك يالله طلع ثيابك ..

جافني وهو مبوز:I need a help

قلت بفخشرة:I can`t do something for you

فيصل: ماقول غير malat alaihch

رديت عليه:w alaik >>don`t talk with me are it ok?

فيصل:no وجب خليني اطلع ثيابي يامزعجة

قلت له: يجبك انزين

فيصل:يزوووي

التفت له:ها؟

فيصل: تعالي تعالي

رحت عنده وقلت له:what????

فيصل وهو اير شعري وينزلني لعند ريله وراوني ريله:جوووفي شسويتي مشوهه ريلي ..

طالعت ريله مسكين فيها شقوق وحمرا:انا شيخصني؟! اااااااااااي شعري نتفته!!(وبيدي بديت اتحسس شعري مكان الي كان ماسكة فيصل)

فيصل وبع ماحرر شعري : شنوو شيخصج انتي فلعتي على ريلي الزجاج .. يحليلي والله

انا: والله محد قالك صير جنتل مان ودوس عليه

فيصل :ماكنت ابيج تدوسين عليه يزاتي هاي؟

انا وتفلسفت:والله كنت تقدر تقولي .. وبعدين عندي عيون اجوف ..

فيصل:زين زين سكتي .. كملي شغلج ؟.. اممم 6 كلسونات تكفي؟!

فتحت حلجي امبيه هاي من صجه يسألني هالسؤال وانا شعرفني عنه . نزلت ويهي باحراج فضيع ورديت قعدت وعطيته ظهري وبديت امسح ويهي الي شب ضوو قلت بهمس:مادري

ماجفت ردة فعله بس بعدها بدقايق يا وقعد عندي وعطاني اغراضه الي يبي يحطها بجنطتي .. وبعد مافرغت صوب اليمين حطيت اغراضه وانا ميته فشله .. قلت له: شنو ماتبي شامبوا ولا صابون جسم؟

فيصل:انتي موديه؟

انا قلت باستغراب:ايه

فيصل:خلاص عيل اودي انا بعد ليش؟

اويييه من صجه هذا بيستخدم صابوني انا؟!والشامبو مالي انا؟:من صجك؟

فيصل هز جتفه ببساطة: أي ليش؟

انا:بتستخدم شامبو بنات؟

فيصل:لاوالله الشامبو بعد فيه بنات واولاد؟

انا بعلثمة:بس ريحته مال بنات

فيصل ابتسم:خلاص ولاتزعلين بيب الشامبو مالي ..

وظهر عن ويهي وياب لي الشامبو الي من الحمام .. والحمام برع الغرفه ..

دخلت الشامبو بين اغراض حمامي وقلت له:حطيته بالكيس الوردي اوكي؟

طالعني باستهزاء:مافي لون غير هاللون؟ هاللون مال بنات!

انحرجت وقمت بطلع: يالله تصبح على خير عيل .. اممم باجر اصحيك ساعه كم؟

فيصل:امممممم 9 لان عشر بظهر

انا:اوكيك .. باي

فيصل:وين بتروحين؟

انا باستغراب: داري بعد وين؟

فيصل:لالالا تمي عندي .. وظل يكح هالمرة متعمد تجتفت وابتسمت بسخريه وكمل هو: انا مريض مريض ..تمي عندي يمكن احتاج بالليل شي!

انا وفيني الضحكة:لاوالله؟ توك تتطنز وتضحك وقت النوم صرت مريض

طالعني:أي والله الحين مرضت اكثر .. تممممممي

انا ومبتسمه: زين ببدل ملابسي ..

طالعني وقال لي: بيي وياج الغرفه ..

طالعته باستغراب شفيه هذا؟ جنه ياهل؟..:حياك ..

طلعت انا وياه .. ورحنا غرفتي .. توهقت وانا ادور بالشنطة على قميص نوم كمه طويل والبانطلون طويل .. حسسسسسسست بالشنطة مالقيت.. اربع بجامات خليتهم بالشنطة عشان هناك اكيد برقد وياه مستحيل يعطوني دار وهو دار لانه قالي بنسكن عند زوجة توم "جاسمين" ..يالله الحين شسوي؟ شالبلوة؟

فيصل بحيرة: شفيج؟

طالعته وانا منصمة ورديت بدون مااركز واتنقى كلماتي: مالقيت لي بجامه!

ابتسم لي بخبث ومكر:كل هالبجامات الي طلعتهم اليوم مب موجودين شدعوة لبستيهم بوقت واحد؟!

انحرجت .. انقص ويهي .. بموت لا محاله! ..جفته يتوجه للشنطة صرخت وانا اقول: لالالالا لقيت لقيت ..

طالعني مستغرب بس بعدين كشف حركتي وابتسم:زين يالله لبسي الي لقيتيه !

دخلت طلعت لي بجامة يدها توصل لنص الذراع .. والبانطلون طويل وقصته وسيعه .. قعت ادعي على جمول وبور لاني اكتشفت انهم هم الحمير الي شروا لي هالبجامات .. اخذت جاكيتي طبعا .. بدلت وطلعت لداري بنام ناسيه ان فيصل بداري

^^^^^^^^^^^

انا مقدرة احساسها .. اعرف ان الي مرت فيه هب شي سهل .. واذا انا مريت بمقوفها بزعل .. وبعصب .. بس الحين خلاص شو الفايدة؟ نحن ثنينتنا الحين ع ذمته .. ولازم نتعايش مع هـ الوضع ..

دخل عليه فهد بعد ماابتسم لي ابتسامته المعتادة

:شحالج؟

انا:بخير الحمدلله .. شحالك انته؟

تنهد فهد:الحمدلله

انا: فهد..

فهد: امري غناتي.. شو تبين؟

انا توني بقول له عن الي بخاطري .. بس سمعت صرخة عليا .. ظهرنا انا وهو ونحن خايفين .. بلاها تزاعج؟

فتحنا باب غرفتها ..

وشفناها..

08-01-2007, 06:11 AM

الجزء الواحد والعشرين**(الفصل الثاني)

اصبري عليه للحينج ماشفتي شي والله لوريج نيوم القايله .. هه .. صررررررخت بقوة اوني مرعوبه .. دخلو اقصد تهجموا ع غرفتي وضحة وفهد بقوة .. ووضحة كان باين عليها التعب .. احسن علج دوم تعبانه .. اطالعتهم برعب وانا احاول اني ماالخبط :فهد فهد؟

فهد يلس عندي: بلاج بلاج غناتي ؟

كتمت ضحكتي .. شكله من جد خايف .. هين تبا تتهنا وياها والله ماخليتكم .. يلست اصيح وطبعا دموع التماسيح شرا مايقولون وانا اتطالع وضحه بحقد والم فهد الي بقوة كأني اوصل لها رساله"فهد بس ليه وماعليج انتي الا تتفرجين على رومانسيتنا .." ظهرت من عندنا وضحة وانا بديت اهدى شوي بالبجي وانا من داخلي ميتى فررررررررح لاني قهرتها .. بخليج تبلعين الويل ياوضحة ماني عليا جان مارويتج نيوم الظهر .. بعد ماطلعت بعدت فهد عني .. وهو يلس جريب مني يطمني ويقرا عليه .. بعد ماهديت كان بيظهر .. اكيد بيروح لها

مرة ثانيه رديت ارعش روحي واصيح .. واتمتم بكلمات هب مفهومة .. الحين بس يافهد بجاتل عشانك تكون ليه .. ليه انا وبس .. ومن بعدها برميك شرا مارميتني وبطعنك بظهرك .. رد فهد ويلس عندي ولوى عليه وهو يسألني بلاني ومن هاي الرمسه .. ماخليته يروح الها ويبات عندها .. نام طول الليل ويايه ؟... وانا كنت مقهورة من وضحة انها مااعترضت

تمنيتها تعترض وتقول شي عسب اتذابح وياها .. واطلع كل قهري منها .. بس الغبيه الثوله مافهمت رسالتي عدل .. احسن خلها تهمل فهد .. وانا بستغل هالشي .. هههههههههههههههههه والله وطلعت هب هينه فديتني .. تنهدت بارتياح وانا ارد اغمض عيوني .. هههههههههههههههههه ..هههههههههههههههههههههههههههههههههههههههههههههههه هههههههههههههههههههههههههههههههههه حليلك يافهد صدقت اني اباك؟ وصدقت اني كنت ابجي من صجي ههههههههههه .. وايه بطني .. بطني ... بموت من الضحك .. فجأة تغيرت ملامحي يوم تذكرت ولدي .. واذا صار لي شي ومت؟ ..او تعسرت ولادتي ومت هاييج الساعه منو بيحط باله ع ولدي؟ .. وبديهياُ المفروض تكون وضحة بس لاااااااااااااا لااااااا مستحيل تكون وضحة مستحيل بتعذب ولدي اكيد بتعذبه!! بتظهر انتقامي فيها .. بولدي .. بيكون يتيم .. لا لا .. صرخت بقوة :لااااااااااااااااااااااااااا لااااااااااااااااااااااا مابا مابا ... يلست اصيح هالمرة من صدقي هب جذبه ..

فز فهد من نومة ويلس حذالي يهديني .. هالمرة صدق كنت ابا من يهديني .. تمسكت فيه.. وقلت له: فهد رجعني ..مابا شي .. ماتبا تطلقني لاتطلقني (وقلت بجنون) بس رجعني لـ اهلي .. مابا شي والله ..مابحرمك من ولدك من ولا شي ولاشي .. بس اسير عندهم .. الله يخليك ..

فهد وهو يهديني: ان شاء الله ان شاء الله من يصير الخميس ونحن هناك

صرخت برعب:لااااا..لاااااا باجر ..لا الحين الحين .. الحين ودني .. ودني اباهم(صرخت بهستيريا .. بتينن لو بقيت للخميس بتسوي فيه وضحة جريمة ببرودها وردها .. مابا مابا ) ابااااااااااااااااااهم .. سكنت بمكاني .. حتى دموعي مانزلو ..

ضماني فهد .. وسكنت حتى دموعي مارضو ينزلون يخففون عنيه .. يالله رحمتك ..

تساؤل يا بخاطري .. كيف ابا رحمة ربي وانا مابا ارحم عباده؟ مابا ارحم وضحة .. بس هيه مارحمتني .. لا انا مارحمتها .. انا اخذت منها ريلها .. هيه اخذته .. بموافقتي اخذته .. بس انا شو عرفني انه مزوج وعنده بنت ؟ ..(نزلت دموعي ) شو اسوي ياربي شو اسوي؟ ارضا؟ ارضا ..لا هي لازم الي ترضى بشريكة .. بس كيف؟! .. اكسبها؟.. ولا هي تكسبني؟!

شو اسوي
شو اسووووووووووووووووووي

محتااااارة وربي ماعرف شي
راسي بينفجر من الالم ..

ماحسيت بروحي الا وانا راقدة ..

^^^^^^^^^

...:احلفو؟

..:والله العظيم ..

..:ماقال لي؟ كلمته امس الدب ماقال لي انه خطب انوس

..:ياماما ياماما هاي خطبة بس جذي بينا .. للحين ماانتشر بين الناس انتي ارجعي عشان كل (بالمصري) كل حاجة تكون كويسا

يزوي:ياعيني ؟!..يعني تنتظروني .. احم احم ..فديتني .. شخبارها انوس؟

انا: زينه تسلم عليج .. الحين بنروح لها .. بعد عروووووووس

يزوي:هههههههههه سلمي عليها .. اوي اوي اوي

انا: اوكيك .. اقول يزوي

يزوي:هلا

انا باستعباط:تمي بلندن اكثر!

يزوي: انا؟ ..ليش؟!

انا :عيل يدي .. أي انتي .. احم احم ههههههههه عشان يخطبوني انا بعد !

يزوي:هههههههههههههه الله يقطع بليسج .. خخخ ودي اتم بس اشتقت لقطر

انا: مالت عليج بدال ماتقولين اشتقت لجمولتي!

يزوي بعبط:من قص عليج؟

انا بقهر: جب جب يالله بصكر

يزوي: مي تو .. الحين بنروح عند الثلج حرررررررررة

شهقت بقوة :ااااااااااااااااااااااااااه حلفي؟! قولي والله؟!

يزوي: والله العظيم ..

قلت بقهر: ياخاااااااااااااااايسه حرام حرام بيي وياج

يزوي تقهرني: يالله يالله مافي مافي بس انا .. بصكر عن يذوب الثلج

انا بكل صدق: يعلج ان شاء الله ماتستانسين

يزوي شهقت: يالدبه !

انا: والله صج يعني انتي تستانسين بالثلج واحنا لاء؟

يزوي: انتي كفايه عليج ينزل عندكم مطر

انا: والله للحين مانزل .. تدرين بنروح البحر!

يزوي بقهر: يعني ماتحلا لكم روحة البحر الا يوم اكون انا مريضه ولا مسافرة .. تقهروووووووووووون

انا: لا وازيج من الشعر بيت بنروح الشاليهات

يزوي:بعد؟! وتقولين لي تبين جبدي تنبط ولا شنو بالضبط

انا وميتة ضحك: هههههههههههههههههههههههه تستاهلين عيل تروحين للثلج واحنا محد! يالخاينه

يزوي: أي بروح .. اييييه يالله اخرتيني الحين فصول قالب الدنيا برع ع راسي .. يالله باي لااخذ كف الحين

انا وخلاص مب قادرة امسك روحي عن الضحك:باي هههههههههههههههههههههههههههههههههههههههههههههههههه

صكرت عنها وانا للحين اضحك .. هاي اهي يزوي .. ماتغيرت .. ههههههههههههههههههه خوش شي كف وفـ شهر العسل؟!

عدلت شيلتي الي كانت تتحرك مع الهوا ..كنت احس بعيون تراقبني .. عيون مثل الصقر .. تلمح كل شي .. عيون مثل الصقر حادة وثاقبه .. التفت بشوف عيون من هاذي .. بس للاسف مالقيت حد .نزلت ويهي وانا اطالع الارض الي امشي عليها ادوس العشب الاخضر الي منبوت فهالحديقه .. وحبي للتسلل بين عشب الحديقه.. دايما من وانا صغيرة يوم بروح بيت انوس اتسلل مثل الحراميه فهالعشب هههههه ..ماكنت امشي على الرصيف المحطوط بين بيتنا وبيتهم وبيت جوهور .. وبيت بدور .. كلنا ببيت واحد .. ماعدا بيت اليازي وبيت يدوه .. ابتسمت بيني وبين نفسي .. كنا قبل يوم احنا يهال نلعب هني ..صياد حرامي .. ولا خشيشه .. ولا كهربا .. اتسعت ابتسامتي يوم شفت خلول طالع من بيتهم الي عن بيت انوس

:ازيييييييييييياااااااك

خليل ابتسم بمغط:بخير وانتي؟!

انا: ايم اوكيك .. وين جوهور؟

خليل: داخل الحين بتظهر!

انا بلقافه:وانته وين رايح؟!

ابتسم خليل ابتسامة تعبانه .. واشر لي على سيارة سودة مرسيدس .. طالعت يده الممدودة على السيارة واكتشفت الي فيها هو نفسه .. "جاسم" اعععععععع مااطيقه هالخسيس .. عويت حلجي:على وين؟

ابتسم: بنغير جو !

قلت بمكر:يعني شلون بتغيرون جو؟

خليل: يعني بندور

قلت بشهقه عاليه: اخذووووووووووووني وياااااااااااااااااااكم

خليل: انا ماعني مشكله .. الباقي على جسوم ..

قلت بكره:وعععع

خليل ضحك وهداني وراح .. وانا مشيت وانا رافعه خشمي رايحة لجواهر عشان نروح لانوس ..يععع انا اروح ويا هذاك الي اسمة"جاسم " ؟!

طلعت جوهور من البيت ومشينا انا وهي لـ بيت انوس الي مادري ليش مسويه طوارئ ببيتهم .. معصبه حيل ..هعههه

انا: يمة يمة يمة شفيج جذي معصبه جبريت صايرة فلفل فلفل

انوس بعصبيه:جمول سكتي عني بليز

انا: بسم الله شفيج؟

انوس:اووووووووف ولاشي ولاشي زين!

انا قعدت اضحك عليها: زين زين يبه شوي شوي علينا ..

جوهور: انوس اليوم بتروحين اللاند ولا لاء؟

انوس: مادري

انا: انزين خل نروح واذا ماشفنا شي نقول ليزوي تيب لنا من لندن شي لعرسج

انوس فتحت عيونها:ااااااااااي انتي لاتفاولين للحين باقي وايد للعرس

انا: لا ماباقي وايد كلها كلها 6 شهور

انوس فتحت عيوها: شدراج انتي؟ امس ابوي قال بيطول

انا: لا 6 شهور مابتطولون!

انوس بخوف:يمااااااااااه وانا قلت بعد سنه.. سنتين .. شي جي ..

انا: يعني انتي ماتعرفين ابوج اقصى مدة عنده 4 شهور ..

انوس:حللللللللفي؟ يعين بعد6 شهور متأكدة؟.

انا:والله العظيم ..

انوس: مابيمديني ابرز شي ..

انا: لا بيمديج اكا يزوي بشهرين برزت كل شيتها

انوس: والله يزوي مليون الف وحدة تكفلت تشتري لها

انا: انزين احنا جي بعد ترا بنقول ليزوي تشتري لج اهم الاشاي والكريمات وهالاشيا من لندن مافي احلا من كريمات لندن

انوس: لافشله .. تشتري هالكثر لي

انا: مع ويهج ايل يقول احين احنا ماشرينا لها شي

انوس: بس بعد فشلللللله هي رايحة شهر عسل واقول لها اشتري لي

انا بغضب: انوس لا تستسهبلين احنا مابينا هالحجي واذا قلت لها الي تقولينه والله بتزعل عليج وايد

انوس بخضوع: زين عيل بس لاتتهاوشين اوف

ضحكت غصبا علي مع جوهور

^^^^^^^^^

..شهقت: تجوف الي اجوفه؟

ابتسم وطالعني وقال:ايه ..

..قلت وانا للحين مندهشه:لالالالا جوف جوف ابيض ابيض!

ابتسم: يعني الثلج شتبينه يكون مثلا اسود؟ولا احمر؟!

انا باندهاش:ماتوقعته جذي ..(فجأة قلت بصراخ شوي) اللللللله حلووووووووو

فيصل وهو يضحك: اييي يالفضيحة شفيج تصارخين

ضحكت على جملته"الفضيحة" ..:هههههههههه وناااااااسه فصووووول ..

كنت مستانسه حيل .. اول مرة فـ حياتي اشوف ثلج وجي جدامي وانا فوقه اطالعه .. واتأمله .. اجوف اليهال الي يتدحرجون من اعلى الجبل .. واجوف ايل يتفالعون فيه .. واجوف الي يسون منه رجل ثلجي ..

ياي مب مصدقه خاطري الم فيصل بالقو واشكره وااااايد على انه يابني هالمكان .. مسكني فيصل وهو يأشر على بيت خشبي المنظر :هني بيكون بيتنا ..

طالعت بالمكان الي يأشر عليه فيصل: بس لنا؟!

ابتسم:لا قلت لج وياجاسمين

ابتسمت: الللللللللللللللللله وناااااااااسه ابي العب بالثللللللللللللللللللللللللج

فيصل: ههههههه انزين يمة ماجايفه خير .. دخلي عيونج بمحاجرها فشلتينا الناس تقول جوفوها ينت!

ضحكت وانا اضربه على جتفه:بايخ

ابتسم بس غمض عينه من الضربه: اااخ حشا مب يد ملااس (عبارة عن ملعقه كبييييييييييييييييييييرة الحجم تستخم لـ اظهار الطعام من القدر "جدر"..)

فتحت عيوني على وسعها وانا اقول: قول ماشالله الحين يدي بتنكسر من عيونك

فيصل بلعانه: مابقول .. احسن عشان مرة ثانيه ماتمدين يدج .. اححح يعور ..

مسكين كسر خاطري بس مشيت عنه بغرور وانا مااجوف جدامي مرة وحدة كنت بطيح بس يده الي لامست يدي وشبصت وقفتي بالارض .. انحرجت بااااال يالله فشللله من قلب .. وانا دايما اطيح بهالمواقف مالت علي وعلى هالمواقف الي اطيح فيها .. ماكنت ابي اجوفه بس ماكنت متحكمة بنظرتي الي كانت تهرب من نفسي وتبي تتطالع بعيونه .. جفته يطالعني باستهزاء ..رديت نزلت عيني .. وانا اسحب يدي من يده .. لكنه حس بسحبت يدي وسحبها

انا:ايي فصول عيب الناس بيقولون عنا قليلي ادب

فيصل وهو ايرني وياه عشان امشي بس انا ظليت واقفه ممانعه مابي امشي ويه بيدي:خل يقولون .. ريال ومرته .. مب عيب .. امشي ..

قلت بعناد:امبلا عيب .. مابي انا بروح اول .. ليديز فيرست ..

فيصل وهو ايرني: ولا فيرست ولا ساكند مايخصني .. امشي الا والله بشيلج

طالعته برعب:نعععععم؟ اخ فصول لا تهدد اوكي؟

طالعني بنظرة مافهمتها وقال بلغه امرة: امشي

مشيت مادري يمكن من نظرته او من نبرة صوته .. تخطيته بالمشي بس هو ير يدي وخلاني امشي وياه اوف غصب عني يسوي فيني هالحركات دايما يحب يحرجني .. اكرهه ..سخيف واحد .. بايخ .. ماقول غير مالت عليك وعلى ويهك يالسخيف ..مغرور ..عفففففففن

وقفنا دخلنا البيت كانت جاسمين باستقبالنا وهي فرحانه

[الحوار بالانجليزي بس انا بكتبه بالعربي]

جاسمين:هذه زوجتك؟ انها جميله للغايه .. كم وددت رؤيه زوجتك فيصل وها انا اراها .. اهي من قريباتك؟

قعد فيصل على الكرسي ولحظي العاثر قعدت عنده وهو حط يده على جتفي .. انا كنت ذايبه فالارض تعرفون شلون ودكم لو تكونون تراب تحت هالثلج البارد؟ انا لو حطيت ويهي بهالثلج بيشتعل نار فيه من حرارة ويهي .. ياربي ليش جي يسوي؟ابتسم وهو يرد عليها: نعم انها ابنة عمي .. هههه وها قد رأيتيها

جاسمين وهي تطالعني منبهرة ابتسمت لها ونزلت انظاري الخجولة لحجري: اعتقد انها لم تبلغ سن السادسة عشر اصحيح؟(طالعتني)

هالمرة رديت عليها:لا انني سوف اكمل بعد خمسة عشر يوماً سن ال17

طالعتني وابتسمت وقالت:اه حقاً..يبدو وكأنك طفله صغيرتي .. (وقامت على عجل ) سوف اعد لكم الشاي والكعك ..(وطالعت فيصل بمكر)يجب عليك ان لاتتناوله بأكمله سوف تسمن ايها الشقي

اما فيصل ضحك .. ومن دخلت المطبخ انا بعدت يد فيصل بعصبيه عن جتفي .. وويهي يحترق فشله: فويصل وقسم بالله عيب فشلتني جذي حاط يدك على جتفي !..وجدام المرة والله عييييييييييييب

كملت جملتي وانا اجوفه يطالعني .. انحرجت .. بعدين قال:مب عيب ريلج انا مب غريب هاي اول شي .. وبعدين هم يسون اكثر من جذي ؟!

افتشلت انشق ويهي .. تمنيت الكرسي يبلعني .. كمل:يالله بنروح فوق ..

قلت له وانا مفتشله:شنو بتروح بيت المرة على كيفك؟!

هالمرة ضحك فيصل وانا اطالعه باستغراب..فيصل:شفيج؟

يزوي: جنه البيت بيتك؟ جي على كيفك تختار لك غرفه ..

فيصل: احنا دايما انا والشباب اقصد نأجر بيت ويكون بيتنا هني دايما احنا بالطابق الثاني .. وبعدين جاسمين مأجرة بيتها وهي لها الغرفه الي تحت الدري .. فهمتي؟

قلت :يعني هاي مب اول مرة تيي فالثلج؟

ضحك علي ومارد علي .. هههه كان اهتمامي بالثلج اكثر من السالفه ..

^^^^^^^^^

08-01-2007, 06:13 AM

^^^^^^^^^

..:وين بتروحين جرير؟

..:مادري ... بجوف جمول بيروحون أي مكتبه بروح وياهم وبقول لج ..

انا: ..انزين اتصلي ع البيت موبايلي مخترب

بدور: اوكيك

انا: يالله بكلمج بعدين . باي

بدور:باي

جفت حسن يدش الصاله .. ابتسمت:حسووووني حبيبي

طالعني باستنكار: نعم ؟ خير وين تبين اوديج؟

مسكت ضحكتي: يعني تعرف

طالعني وبعدين قلد صوتي وهو ينعم صوته: حثوووني هبيبي .. (رد لصوته) يعني هاي شي اكيد ست نور تبي تطلع!

ضحكت على تمثيلته :هههههههههه احين انا ويهي جي يصير يوم اتحجى؟

ضحك حسن: ههههههه ايه تسوين نفسج مسكينه

انا: شسوي ماعندي حد غيرك متفرغ لي

ابتسم لي حسن : زين .. وين بتروحين؟

ان: ماعرف للحين بـد..(قطعت كلمتي) رفيجتي مااتصلت فيني يعني بنروح هناك ويا بعض؟

ابتسم: ممكن اسألج سؤال نور

جفته .. وجفت التساؤل بعينه .. يالله لهالدرجة يحب بدور ويهتم بامورها .. مادري احسه دايم يسألني عنها .. بس اخف ينصدم بيوم وانها ماتبيه ..:همم؟

ابتسم وهو يعدل قعدته: بدور .. اقصد رفيجتج .. محيرة لحد من اهلها؟

طالعته بهبل: ايه ولد عمها يبغيها

طالعني بانصدام .. للحين ماتحرك ولا رمش ولا بدا أي ردة فعل .. بعدين بلع ريجه كأنه ابتلع الصدمة .. وسكت .. حسيته انصدم وتألم .. نزل ويهه .. وبدا ويهه يحمر .. بعدين قال لي : زين متى تبيغيني اوديج

قلت باستهبال: وين؟

حسن:مادري مكتبتج؟

قلت له:امم حسون ترا كنت اتغشمر مب محيرة ولا شي (حكيت راسي باحراج وابتسمت اشوف ردة فعله)

مالحقت اشوف شي اا وهو يضربني بالمخدة على راسي وقغدنا نتفالع انا وهو لين ماقلبنا الصاله عفييييييسه .. كنت اركض حتى انخش ورا الكنبه بس فلعني فلعت عليه المخدة بس رجع راسه ورا الكرسي فلعته بالمخدة بس ..

الباب كان مفتوح وامي دخلت وفلعتها بالغلط ..

هني امي عصبت يوم شافت هالعفيسه وجافتني بروحي :نوير وثوووووول ياهل انتي تفالعين روحج ...
توني كنت بتحجى وبقول ان حسون هو الي فلعني

بس كملت علي: ياللله بيونا ناس وانتي حضرة جناب الاميرة قاعدة تلعبين بالمخدات

كنت فاتحة حلجي ابي اتحجى بس طلعت .. صرخت بقهر وحسون استغل الفرصه وفلعني: اااااااااااااااااااااااااااااااااااااااااااااااااا ااااااااااااااااااااااااااااااااي

حسون: بل بل بل من وين لج هالصوت؟

فلعته: من حنجرتي ماشالله ماشالله ماشالله بترقدني بالفراش شكلك

رن التيلفون وركضت له بس حسون كان اسرع

حسون: الووووووووووووووووووووو

انا: ايييييييييه صمخت الي بيتحجى .. ويقول من وين لي صوت عالي مايشوف صوته جنه الحين اقـ..

فلعني بالمخدة .. وقعد وهو يقول: هلا والله

انا بلقافه: من من من؟

حسن ياشر لي ان جب .:أي امري .. تبغين من؟

انا سحبت من يدة الفون :هااااااااااااااي.. (انحرجت) هلا خالتي اخبارج .. هههههه لاا هاي حسون اخزي يستعبط عليج لوول .. اوكيك بقول لامي .. باي .. مااااااامااااااااااااااااااااااااااااااااااااااااا ااااااااااااااااااااااااااااااااااااا خالتي تقول انهم وصلووووووووووووووووو

^^^^^^^^^

للحين مااتصل فيني .. من امس وانا راقدة هني ببيت ابوي .. محسون سألني وكلهم استغربو سبب وجودي .. بس انا قلت لاني اشتقت للبيت بس انتو تعرفون السبب الحقيقي ... تنهدت .. وقمت .. بعد اعتراف امس احس اني للحين ماظهرت الي بخاطري .. انا انظلمت وايد وايد من محمد .. محمد اهاني .. هاي وهو يحبني جذي يهييني .. رفعت عيني بكبرياء الى سقف غرفتي .. يالله ياالعنود هاي مقر ومكتوب عليج .. شتسوين يعني؟

انطق الباب .. سألت من؟

..:انا ..

كان صوت محسن .. استانست يمكن محمد ياي يعتذر وبياخذني .. ويطلب السموحة بس انا مابرضى بسرعه ابيه يعرف شمعنى الي سواه فيني .. ابتسمت ابتسامة كبيرة .. وحاولت اخفيها وانا اقول لـ محسن: تفضل

ابتسم لي محسن: شخبارج؟

ابتسمت له ..:بخير ..

محسن: شكنتي تسوين؟

ابتسمت: ولاشي افكر

ابتسم محسن مرة ثانيه: اكيد تفكرين بحبيب القلب

حمرت خدودي بس مارديت لاني بحاله ماتسمح لي ارد .. كنت انتظره يقول لي ان محمد تحت بلهفه بس خيب ظني وماتحجى فـ قررت اسأله: عيل شفيك ياي؟

محسن ولازال محتفظ بابتسامته: طردة هي؟ .. يت اسلم عليج

قلت له :بس؟!

قال لي باستغراب : بس!

طالعته بخيبه امل .. اظاهر محمد ماصدق على الله اني قررت هالقرار .. طبعا يبي يتزوج وحة ثانيه ويبغي ايب منها درازن عيال .. يالله الله يهنيه .. حسيت بقلبي ينقبض بسبب ذكراه الي تغير حالي : اه .. محسوني ..ابيك توديني المستشفى

محسن بخوف؟:ليش؟

بلعت ريجي ؟:لابس ابي ازور وحدة من رفيجاتب مريضه

طالعني بارتياح:خرعتيني خفت فيج شي

قلت له: لا مافيني شي رفيجتي تعبانه بروح ازورها

قال لي وهو يقوم: زين عيل .. ماتجوف شر .. يالله بروح امرج ساعه كم؟

قلت له: 4 ونص العصر ..

طلع من غرفتي وانا رديت انسدحت .. يحليلج تمظور احين وقتهتشربين كلوركس (لايروح بالكم غلط شربته بالغلط هي الخدامة بدل ماتحط الجلاس فالغسله حطته على الطاوله وتماظر كانت مستعيله حطت فيه ماي وشربته .. باجر بيطلعونها .. طبعا ياو الشرطة وحققو وياها .. توقعوا انها محاوله للانتحار .. لوول .. )

^^^^^^^^

اووووف هاي وين راحت .. قلت لها لاتتحرك من مكانها .. شنو ماتفهم عربي؟!.. احين وين الاقيها ..

شفتها تعطي ولد صغير الجبس الي بيدها .. اخيرا لقيتها مشيت لها بامتعاض كان ودي اكفخها تكفخ : انا مب قلت لج لاتقومين من مكانج

يزوي ببراءة: الياهل كان بخاطرة جبس وعطيته جبسي ..

انا بعصبيه: لاوالله وليش مارديتي مكانج لو ماحصلتج ؟

اشرت على بيت بعي :بروح البيت

قلت لها:وشدارج ان هاي بيتنا ؟ البيوت هني كلهم نفس الشي ..

طالعتني فترة وبعدين قال: انزين اكا لقيتني ماضعت!

بغيت افعصها احر ماعندي ابرد ماعندها.. سحبتها من يدها: زين يالله امشي ..

قالت لي باعتراض :حرااااااام ابي العب بهاي الي يتزحلقون عليه

قلت لها: لا ماتعرفين له .. وبتطيحين من فوق الجبل ذيك الساع شسوي فيج؟

قلت وهي مبوزة: عاااااااااااد .. انزين علمني انته

قلت لها وانا اجذب:ماعرف

طالعتني بنص عين وقالت: خراط وقسم بالله

بغيت ازنطها هاي متى بتحترمني؟:من الي خراط ها؟؟؟

قالت لي بكل تكبر: انته .. امس قلت لي ان هاي مو اول مرة تيي انته هني يعني اكيد تعرف .. قول ماتبيني العب وخلاص مايبي تجذب بعد

قلت لها: مب عن اجذب ومااخليج .. يعني يزوي بالعقل تبين تلعبين وانتي لابسه هالعبايه شلون بالله بتتحركين؟

طالعتني مبوزة: انزين بس مرة

قلت لها :لاااااااا

فلعتني بكميه ثلج موجودة على الارض: تقهــر وتبط الجبد

اااااااخ ويهي تجمد .. فلعت الثلج بويهي .. الله يخس بليسج يايزوي .. ياهل ياهل مب مرة .. مسحت الثلج عن ويهي وقعدت اركم ثلج على بعضه وسويته كورة صغيرة وفلعته عليها وهي ردت تفلعني .. وقعدنا نتفالع شوي .. لين مابرد الجو .. ويزوي عطست :اتجووو

انا: يرحمج الله

يزوي: يهديني ويهديك الله .. بررررررررررررررررررررررد

قلت لها: تبين جاكيتي

هزتن راسها بالقوة وهي تقول: لالالا مب برد .. مب برد

قلت لها وانا امسك يدها:زين يالله خل نرد البيت (اقصد البيت الي ياينه مب الي بالقريه فلندن )

قالت لي:لالالا خلاص صار حر مب لازم نرد البيت

كنت اعرفها جي تقول عشان ماتبي ترد بس مب على كيفها الجو فعلا قام يبرد حتى دخان قام يطلع من حلجنا واحنا نتحجى :مب عن حر ولا برد بس خلاص الحين وقت صلاة المغرب لازم نرد

طالعتني وهي مبوزة: بعدين بنرجع؟

قلت لها:لاء لان فالليل محد يطلع هني

قالت لي :انزين ماعليه بس انا وانته بنطلع مب مهم الناس.. عاد خلني استانس

قلت لها وانا اضحك: انزين بنطلع وين نروح ..

قالت لي :ندور هني

قلت لها وانا ابتسم: بجوف .. يمكن أي ويمكن لا .. يالله جاسمين بتعصب بسرعه خل نصلي ونروح ناكل وياها عاد انتي تعرفين البريطانين على الموعد لو تأخرتي دقيقه تكوني مجرمة بالنسبه لهم

ابتسمت لي: زين يالله

مسكت يدها الي كانت اصلا لابسه قفاز وردي وانا كنت لابس قفاز بني غامج .. وهي بالغصب الا تبي تلبسني نفس الي لابسته شكو انا بنت عشان البس وردي؟ .. وقسم بالله تضحك هاليزوي تحففففففه.. كان وناسه اليوم من الصبح واحنا برع هني نلعب بالثلج .. وامس درنا بالعربه وقعدنا نجوف مناطق ثلجيه صج رائعه .. وباجر ان شاء الله بنرجع لندن .. وبعدها بثلاث ايام بنرجع ::]][[ قـــ ط ــــر الــ ح ـــب ]][[::

^^^^^^^^^^^
..:ها بشـــــــري

..:مادري فهود يقول يمكن يتأخرون ماايون هالاسبوع يمكن ايل بعده

انحبط وقمت اتأفف: اووووووووف ياربي يعني بنتم جذي؟ .. ابا اظهر والله اتملل

غايوه: شو رايج نسير نقرا لنا قصه

قلت وانا هب متفيجه: انتي وحدة فايجة .. شو بنسوي بالقصه ؟

غايوه: نغير جو نشوف احوال الناس

انا: كله خرط

غايوه :لا منو قال اصلا معظم القصص والمواقف الي تصير الكاتبه نفسها تكتبها حقيقه بس تغير شوي منهم يعني او مثلا تغير احساس الشخص ولا يعني نحن مانقرى فالقصه مثلا تتصادف ويا حد بالسوق

انا: هيه بس كله اخر شي يا يتزوجون يا يتعذبون

غايوه: صح بس هاي سنه الحياة يعني انتي مثلا ماتقابلين حد بالسوق مثلا وبعد فترة تعرفين انه تزوج بنت عمه الي يحبها؟

انا :اوففففف خلاص فيلسوفتنا سكتي صدقت صدقت

غايوه: بس طبعا هب كل المواقف صدقيه

انا وخلاص راسي عورني:يالله شو الي بلاني وخلاني ارمس

غايوه ضحكت:بلاج

انا: ماشي ماشي سيري اقري قصتج

غايوه: شو رايج نألف قصه؟

جفتها بصدمة: جي ينيتي نحن مانعرف نكتب اصلا

غايوه: عادي نكتب بالعامي هب لازم بالـ فصحى

انا: لا انا احب بالفصحى اذا هب بالفصحى مااقرا

غايوه: اوف منج يعني شو نسوي الحين

انا: يعين انتي عبالج القصه بتكتبينها بدقيقه تبا افكار مرتبه تبا عقل شغال تبا يد تكرف بهالـ كمبيوتر عبالج سهله هاي المهمه؟متى ماطق براسج بتكتبين وبعدين غير هاي لازم تنتظمين بتنزيل الاجزاء يعني هب معقوله بتكتبين بارت واحد وبعدين بتقولين للقصه بيبااي وبعدين غير هاي يبالها عباله وبعد ماتقدرين تقعدين ويا هلج وايد كله مجابل هاللاب توب عسب تكتبين

غايوه: هيه صدقج .. خلاص هب كاتبه اصلا كنت بس اقترح عسب نبعد هالملل الي صايبنا

انا: سيري يبيي اللاب بندور النا قصه حلوة نقراها

غايوه: انتي تبين فصحى وانا ابا عامي

انا: لالالا فصحى احلا

غايوه: مابا

انا: اووووف زين بقرا وياج والله ان لاعت جبدي من العامي بكسر راسج

08-01-2007, 06:15 AM

غايوه: مابتلوع جبدج .. بنقرا قصه حلوة

انا:شو اسمها

غايوه: مادري انا مسيفتنها ع الورد هايج المرة طرشت لي اياها حصوة صدق روعه

انا: زين يالله حمستيني سيري يبيها بنقراها

سارت غايوه تميت روحي اوفف ملل ماشي شي نسويه قلنا بنقرا قصه انا مااحب اقرا قصص الا اذا كانت بالفصحى احلا شي عندي بس غايوه عكسي تموت ع القصص وخصوصا القصص الخليجيه واكثر شي تميل للقصص الي هب اماراتيه ليش مااعرف؟ (بس انتو تحبون أي نوع من القصص؟ وبأي اللهجات؟ وشو القصص الي تفضلونها؟ وشو المضمون الي تحبونه من القصص ؟ وهل هاي القصه تحبونها؟ وتحبون محتواها ولا لاء؟!(لازم تجاوبون عسب دانوه ماتنقهر وعسب تعرف رايكم!!)

دخل هزاع وهو يزاعج:اماااااااااااااااااااااااااايه اماااااااااااااااااااااااايه

قلت ببرود:خالوه هب هني سارت بيت الييران

قال لي : زقري الخدامات ايون ياخذون الاغراض انا بظهرهم بيبهم للباب ..

تأففت ورحت بزقرهم بس محد موجود فاضطريت اسير للباب عسب ادخلهم .. كان شاري خضار وفواكة وحلويات وكيك ومن هالاشيا ..شليت الكوارتين كانن ثقال شوي ورديت باخذ الـ كيك .. اخذت الكرتون وكان هزاع توة حاطة وانا بسرغه خذيته لامست اطراف يدي اطراف ايده ..حسيت بحرارة بجسمي يالله لازم جي يستوي .. بس طنشت ووديت الكيك ورديت يلست فالصاله

يات غايوه ويا بعد هزاع .. ويلس حذالنا :شو تسون؟

غايوه: نقرا قصه

هزاع: قصه شو ؟

غايوه: وانته شو لك؟

هزاع: زين أي نوع

غايوه: رومانسيه

عصب هزاع وقال: ماتقرونها

تدخلت: ليش؟ شو فيها؟

هزاع وهو معصب: شو فيها؟ .. شو تقرون هاي القصص بتخرب اخلاقكم

انا: جي شو فيها مافيها شي ؟

هزاع عصب وير اللاب توب: بقراها وياكن

غايوه وهي تصكر القصه وبسرعه تثكر اللاب:لالالالا هب لازم مابنقرى مابنقرى خلااااااص

صراحة هزاع كل يوم يصدمني فيه ..ياربي ها شفيه جذه حار فلفل .. اوف ماحبه سرت لغايوه بعد ماعطيت لهزاع نظرة حقد

^^^^^^^^^^^^^

..يااااااااااااااااي احلفي؟

؟..:والله بجذب يعني ؟

بدور: ونااااااسه اليوم طلعت وباجر بطلع ياي ياي ياي

جمول: محد قالج ان احنا بنروح؟

بدور: لا..

انا:ونااااااسه من زمان مارحنا البحر يعني ماحلا لكم البحر الا يوم اختي مسافرة

سارووه:ياخي هاي ذبحتنا اختي واختي حشا محد عنده اخت غيرج!

انا:والله كيفي اختي واحبها شلقفج انتي

رغود: متى جوهور تتزوج ونفتك

جوهور ضربت رغود على راسها بالمخده: يالعنز انتي

رغود وهي تتحس مكان الضربه:احح مب يد عليج! صج بعد شنو .. ادعي لج انا

جوهور: مااحتاج لدعواتج

انا: ذكرتوني بيزوي .. ياااااي بلبس نعالتها اليوم

جمول: والله لو درت بتكسر راسج هاي كل شي ولا اغراضها تخترب ولا تتوصخ

انوس: انا مابيي

صرخنا كلنا مرة وحدة:لييييييييييييييييييييش؟

يحليلها تخرعت بس ردت: بجوف مشعل هناك وانا مابي اجوفه

انا: ويييييه الا مشيييييييعل لاتستحين منه ويهه لوح هذا

انوس :صدقتي

انا: ها؟

انوس: لا ولاشي .. بس والله فشله احس

جمول: مب فشله .. ولاشي .. كلنا بنروح وبنستانس

بدور: وبنحر يزوي

انا: لاعاد الا اختي

جوهور: كاهي سافرت عنج ومافكرت فيج

انا: امبلا فكرت فيني فديتها شكثر شايرة لي صوغات

ساروه: وانا اقول هالمحبه مب لله عشان الصوغات ها

الكل:هههههههههههههه

بهالفترة انا لاحظت ان بدور وسارة صار تعاملهم وايد وايد اوكي

انا: يالله باي بروح اجهز اغراضنا

جمول: صج ماتستحين على ويهج الحين احنا ببيتج وتهدينا؟

انا: البيت بيتكم

بدور: انا بعد بروح بيتنا بجهز اغراضي

جوهور:حشا مفجوعين

انوس:خليهم يستانسون

ساروة:بدرووووووه انتظريني .. جوهور يالدبه حاسدتنا يعني؟

جوهر وهي تضحك:حشا علي بس انتو جنكم ماجايفين خير

انا: يالله كش كش من بيتنا بروح اجهز اغراضي ..

الكل ضحك علي .. وكلنا قمنا نجهز لباجر ..

^^^^^^^^

..ياااااااي احب كيك جاسمين .. بصراحة لذيذذذ ... روووعة .. خسارة اليوم اخر يوم لنا هني بالثلج .. بس والله وناسه استانسنا حيل .. احب الثلج .. يه فيصل وهو يقول: حبيبتي تجهزتي؟

استحيت وهزيت راسي بـ أي

الحين كنت قاعدة اكل كيك ويا جاسمين وفيصل كان يودي الاغراض بالباص الي بيرجعنا لندن ومنها بنركب القطار وبنرجع للقريه ولبيتنا ..

(الحوار بالانجليزي)

جاسمين: انا احب العرب كثيراً ولكن ظهرت فئه الان من المسلمين ارهابيين

انا واخذ رشفه من الجاي: هؤلاء بعض من العرب المتعصبين ولـ...

قاطعتني وهي تقولي لي:قتلو كثيرا من المسلمين بالعراق وقتلو كثير من الاجانب بلا ذنب لم اتوقع ان دينكم دين الارهاب

قلت لها : ان ديننا دين السلام فالاسلام كلمة مشتقه من السلام .. فـ ديننا لايدعونا الى قتل الابرياء وذوي الانفس وحتى اهل الذمه .. فقد وصى الاسلام بهم وايضا وصى رسولنا بهم ..

قالت لي وهي حيرانه: اذن لِـم يفعل هؤلاء الفئه من المسلمين

قلت لها :هؤلاء جهلاء ومتعصبين جدا ... فالاسلام دين السماحة .. دين السلام .. دين الحقوق .. الاسلام يحفظ حقوق جميع الناس سواء اكانو مسلمين او مسيحين او نصارى

قالت لي وهي مبتسمة: لقد لاحظت هذا الشيء بكما (انتي وفيصل) وبعض من اضدقاء فيصل .. ولكن لم يجعلونكم ترتدون هذا الحجاب؟ الا يضايقكم؟

قلت لها بابتسامة حلوة: كلا ..فالحجاب شيء فطري من غريزة الانسان نفسه .. الم تقرأي وتري بنات الملوك قديماً كانو يرتيدن الحجاب كي يستر عوراتهم ومحاسنهم .. وعندما جاء الاسلام امر بارتداء الحجاب حتى لاتظهر محاسنك انتي وحدك الى غيرك وغير زوجك ..

قالت لي: اتعنين انكم ترتدون الحجاب طوال الاوقات؟

ابتسمت لها: لا.. فانا لا ارتدي الحجاب امام عمي .. وخالي .. وجدي .. وابي .. وزوجي .. هؤلاء محارمي لا ارتدي الحجاب عندهم .. ولكن عند غيرهم ارتديه فسوف يصيب الرجل الذي يراني كاشفه عن بعض من جسدي او شعري فتنة!

قالت لي وهي تتعمق بالحجي : وماذا تعنين بالفتنه؟

ابتسمت بحياء:أي انه ينظر اليك بنظرات شيطانيه لاتعلمي مخزاها .. او انه ..كنت منحرجة ماعرفت شاقول ..

فهي ابتسمت وهي تربط الحجي ببعضه وقالت: اه .. فهمت ..(وابتسمت)

دخل فيصل وهو يقول لي ولجاسمين: سوف نرحل الان .. هاقد حضر الباص لينقلنا .. نستودعك جاسمين ..

جاسمين والدموع تتلألأ بعيونها: عندما تأتون لاحقاً الى هنا .. اريدكم ان تلقو علي الزيارة

ابتسمت لها: حسناً .. ونحن نتمنى ان لاتنسينا .. قضينا وقت ممتع بجانبك ..

ابتسمت لي وهي تحط يدها على جتفي وترتب عليه .. مشينا عنها عقب ماسلمت عليها .. وركبنا انا وفيصل بالباص الي ينه فيه

قعدت عند فيصل ..قلت له:عطشانه ابي ماي ..

ابتسم لي: من عيوني ..

استحيت:تسلم عيونك ..

ياب لي ماي (فالباص في نفس ثلاجة تشتري منها الي تبغي ) وقعد عندي:شكررراً

ابتسم:عفواً

انا بفضول:فيصل؟

فيصل يطالعني بتمعن:هممم

انا: كم باقي لين نرجع قطر؟

طالعني وبعدين قال لي :بعد شهر..شنو تمللتي مني؟ (طالعني بمكر)

نزلت عيوني تخسبقت :ها لا اقصد يعني ..

طالعني وبعدين نزلت عيوني وقال:تقصدين شنو؟

بلعت ريجي: لا خلاص ولاشي ..

حط يدة ورا خاصرتي وسند راسه على راسي تحركت بسرعه وقلت له: والله ماحب هالحركة

مارد علي وظل مصكر عيونه كأنه متخر ياتني الضحكة عليه قلت بهمس:شفيك؟

قال يبي يحرجني وهو للحين مغمض:دوختني ريحتج ااه ..اي عطر هاي

استحيت منه ومارديت .. قال لي: اتغشمر وياج (طالعته كأني اقول بشنو؟ وهو كمل) بنرد الدوحة بعد ثلاث ايام

نقزت وضربت راسه وعورني راسي بس هاي مايهم:احللللللف؟....

ابتسم:لهالدرجة متملله مني

قلت شوي بجرأة:لا من قال بس اسأل

طالعني بمكر وهو يعيد جملتي:امممم لا من قال .. زين عيل كان بيتحجى بس قاطعته

:فصول مب هني جوف الناس شلون يجوفوني ويجوفونك

فيصل:عادي ريال ومرته .. حرام يعني احط يدي على خصر مرتي؟

^^^^^^^^^^^^
..:من قدك بتجوف الخطيبه

..: جب جب بدا جوي (جوي اختصار لاسم جاسم بالانجليزي)

جسوم: هاهاهاي كيفي

مشعل:أي بجوفها انزين احتر

جسوم:ليش احتر انا اصلا يوم بتزوج مابخلي مرتي تطلع بحبسها بالدار ههههههههه اربع وعشرين ساعه بكون مجابلها

مشعل:هههههههه بتوسيها رهينه المحبسين .. خخخ اخس من المعري مادري شسمه

جسوم: بعد شسوي مرتي حبيبتي لازم

انا: جسوم مشعلوه بسكم عورتو راسي حشا من تزوج اخوي وانتو طايحين ببعض

جسوم: شاسوي صاحبي تركني واخد عني اخوتي

انا: اونك الحين تغني بالحان العندليب لايسمعك بس بيطلع من القبر وبيرمي نفسه من اطول عمارة

مشعل:ههههههههههههههههههههههههههههههههههاي حلوة حلوة

جسوم:هيهيهيهي سخيف انته وياه .. اقول يالله صكرو البرادات

خليل يانا معصب: يالله ساعه لين ماتتحركون ؟ .. ذبحوني هالحريم من الحنه

جسوم:هههههههه متوهق ها؟ شيخصني انا يوم انك ماخذ الحريم

انا:هههههههههههههههه ترا هاي مشعلوه وجـ

جسوم يقاطعني / أي والله هاي مشعلوه ونيوفوه قاعدين يتهاوشون لعوزوني ياخي وهاي مشعلوه مايعرف يسوق

مشعل: العن ابو الخرط بس .. ماعرف اسوق ها؟ يالله تعال سوق؟

جسوم: لو ريلي سليمة جان طرت فيكم

انا: ايه عباس الخناس واحنا ماندري

مشعل:ههههههههاي

جسوم:ياخي عندي ثقال دم شيلهم وانا بودي الحريم فديت الحريم وطاريهم

انا: مشعلوه اشهد ان اخوك اليوم صار مينون

مشعل: ايه والله ين وقعد

جسوم: بهوااااااااااااااااااااااااااااك

انا: بس بس كسرت الدرايش عبالك صوتك الحين وايد حلو؟

جسوم:جب انته وياه .. حاطين علي حطة

خليل: بسكم بسكم شفيكم انتو؟ يالله الحين حركو .. خذيتوا كل شي العصاير والبرادات؟ والثلج؟

جسوم وهو يضرب صدرة: ايوا السي جاسم طول الله عمرة اقصد الحاج جاسيم تكفل بيه كلهم (وهو يتحجى صعيدي مال مصر )

خليل؟: الحمدلله والشكر مخبل مخبل!

راح عنا بس تمينا احنا نغني ونضحك ونسولف ونحط على مشعلو مرة ومرة على جسوم .. تحفففففففففه

^^^^^^^^^^

..:لالالالا لتبطلينه بناكله فالبحر

ساروة: بسببببببح

انوس: صح الي يقول بيخلونج

بدور: عادي نروح مكان بعيد

انا ومصدعه: اوفف بسكم ..

جوهور: انتي ليش معصبه الحين؟

انا: مب معصبه راسي يعورني عندي صداااااااع

مرت سيارة مشعل وسبقتنا وجفناهم مرتبشين ويغنون ويرقصون السيارة وياهم يعني مرة يمين ومرة يسار ههههههه

جوهور: اللللللللللللله كشخة ياريتني كنت وياهم

انا: وععع تروحين وياهم عشان هالسخيف جسوم مايخلي كلمة الا ويقولها

انوس: حليله جسوم طيب

قلت بغضب: ايه باين طيب حيييييييييل ظالمته انا

البنات كلهم:ههههههههههههههههههههههههههههههه

بعد دقايق دخلنا الشاليه بما انا احنا طالعين من اول الصبح وانا مارقدت وايد فمصدعه حدي .. من دخلنا الشاليه رميت نفسي ع الكنبه .. وطقيتها برقاد .. حسيت بحركة صوبي .. بسرعه قمت مفزوعه .. لقيت جوهور وانوس يتحركون ببطئ عشان يطلعون :بيي وياكم

جوهور انقزت وانوس صرخت مرتعبه: ااااا

دش مشعل بهالحزة شالهينا وهو مرعوب: شفيكم؟

انا باحراج: لا ولاشي بس انا خرعتهم ..

مشعل: صراخكم واصل برع خرعتوني طيحتو قلبي

انوس كانت لافه ويهها عنا وهي معصبه ومنحرجة بنفس الوقت..طالعها مشعل وابتسم وطلع ..

انوس: وقسم بالله حركتج بايخة

انا بمكر: اوب اوب ظهر مشيعلان يحبج .. يطالعج ويبتسم

انوس وهي منحرجة وتسكتني: جب جب

جوهور تكمل علي: ولا النظرات اخخ نت نزات الحب .. يااااه عيونوة ونزراتوه ..

08-01-2007, 06:17 AM

انوس تقاطعها: جب جب وقسم بالله بايخين .. وطلعت من الشاليه واحنا ميتين ضحك

طلعت جوهور تلحقها وخلتني انا جني مسبهه وواقفه .. رحت للكيمرة .. واخذتها تفصحتها .. مليانه جارج .. هييييييييييييا .. طلعت شفت الريايل يلعبون كورة والحريم يجهزون الـ قعده والزوليه قعدت اصور الشباب سرحت واخر شي يوم انتبهت انتبهت اني اغلب الصور فيها جسوم .. اوف لو حد يجوفها بنحرج ..عشان جي رديت احط على اكثر من واحد الشباب وبدا تعليقي .. رحت لـ انوس وجوهور
مارضو اصورهم بس اصريت

:الصحفيه جميله تريد عمل مابله مع زوجة اوه اقصد خطيبه راعي شركة الـ.... (اقصد انوس)

انوس بعدت الكيمرة وخدودها مولعين ..:جمول وخري

انا: انها تحاول ابعادي بقول جمول وخري

جوهور:هههههههههههه هبله

انا: وهذه جواهر ذات الطموحات القليله لايهمها شي

جوهور بعد اهتمام:وخري بندور

انا: سوف ندور الان

انوس وجوهور:هههههههههههههههههههههههههههههه ندور اونه وسوف هههههههههههههههههههههههههه

انا: اخيرا شاهدنا انوس المعصبه من اول الصبح تضك بهمس(بقولكم السالفه بعدين خخخخخخ القراء يعرفون بس انتو ايها المشاهدين مب لازم)

انوس وجوهور:ههههههههههههه

انوس كانت منحرجة :جموووووووول وخري خلينا نطوف

انا واصور مشيعل : وهذا خطيبها الذي يبتسم دوما هو مشعلوه .. هااااااي مشعل !

مشعل وهو يريح نفسه من الركض: اه اه اه (وياخذ نفس) اهلين

انا:ماذا تحب ان تهدي خطيبتك ..لان خطيبتك اهدت لك بوسه

هني ضحك مشعل اظاهر عرف اني اجذب:اهديها فكري وعقلي وقبلها اسلم لها قلبي على صحن من ذهب

الريايل:اووووووب اوووووووووب الريال عاشق.. واااااااااب مشعول مب هين ..حركات وقلبي هههههههههاي .. وتعليقاتهم استانست عليهم بس يا جسوم وخرب مزاجي ورحت للحريم الكبار اكمل مقابلتي

^^^^^^^^^^^^

اليوم راح فهد ويا بنتي الحديقه ورحنا احنا وياه بطلب من عليا قعدنا ثنتينا على الزوليه .. طبعا تسألون من ركب جدام عليا هي الي ركبت كانت تطالعني بكرة وانتصار اما انا فكنت مبتسمة لها ..

عليا تغيرت صارت تيي تقعد ويانا .. ماتخلي لي فرصه اقعد ويا فهد .. وانا كنت ابتسم حركاتها طفوليه حيل .. مثل ساروة بنتي ..

عليا بكره: تبغين؟

استغربت معقوله تمد لي شي وهي تكرهني ابتسنت لها:عسب خاطرج

جافتني باستهزاء بعد جملتي بس انا تذوقت البسكويت كان لذيذ:امممم لذيذ انتي مسويته؟

قالت بدون نفس:هيه

اخيرا بدت تتجاوب وياي .. :متى ماشفتج بالبيت تشتغلين .. عليا انتي حامل لازم ترتاحين

طالعتني بصدمة وانا ابتسمت:لا تعتقدين اني اكرهج ياعليا بالعكس انا حبيتج من كلام فهد عنج .. نزلت ويهي .. صح كنت اغار واستشيط غيض عشانه يمدحج .. بس انا الي قلت له يرضى وياخذج .. لانج وايد زينة .. انا عندي ربيعه خبرتني كل شي عنج .. بس ماعطتني رقمج عطتني رقم اخوج حمدان .. نزلت ويهي...اتصلت له وطلبت رقمج . وحاولت افمهج السالفه كلها .. بس عليا انتي ماخليتي لي فرصه! والله العظيم انا مااكرهج بالعكس

كانت تطالعني بصدمة واحراج :بس انـ...

قاطعتها: من حقج ماتحبيني .. بس لين متى عليا .. انا باقلي كم شهر وخلاص اموت ..

طالعتني بصدمة وتوقعتها ماتصدقني بس صار العكس انها يات قعدت يدامي بصدمة: ليش جذه تقولين؟!

ابتسمت بألم:انا فيه سرطان من سنه يعني قبل لا يتزوجج فهد .. رحت اخذ علاج .. بس .. نزلت راسي .. يوم عرفت ان فهد يبزوج .. شجعته عشان يربي بنتي لامت .. ويا حرمته وسمعت انج طيبه حيل .. عسب جي انا ظامنه ان بنتي بتعيش بسلام .. بلعت ريجي وشفت دموعها .. معقوله فهد تزوج هالرقيقه تصيح عسب شريجتها؟ لو غيرها كان بيفرح ..

قالت لي وهي تحاول تتحكم بصوتها بس صوتها كان يهتز وانا كشفت هالشي:وضحة انا اسفه ع الي سببته لج من الم انا ماتوقعت ..((واختفى صوتها بالبجي ..مادري هي بشو تفكر بس دموعها غمضوني لويت عليها وهي صاحت ..))

قلت وانا امسح ع راسها: غناتي عليا لا تصيحين هب زين ع الياهل .. اما هي كانت تصيح بافتجاع .. ماعرفت شعورها لح الحين ... يانا فهد ومخترع توقع صاير بيني وبينها شي بس لانها كانت قاعده حذالي وتمسح دموعها ويرن ينزلن شلال .. توقع صاير شي : بلاكم؟ عليا بلاج؟

رجعنا البيت وسارت عليا غرفتها سألني فهد شو صار .. تردت اقوله بس بالاخير مارمست :اشتاقت لـ اهلها ..

^^^^^^^^^^^^^

باقي يوم ونرجع .. ياااااااااي وناسه .. اتصلت نوف فيني اليوم واكتشفت انها ماترمس فيصل

تذكرت المقطع ايل تحجينا فيه .. هالمرة ماصاحت

نوف: هه كلها شهر وترجعون
فرحت لان لو فيصل محاجيها جان عرفت ان احنا بنرد بعد باجر :ههههههههه حبيبتي خبرج قديم احنا بنرجع بعد كم يوم يالله باي عيوني حبيبي وصل ! تعمدت اقول حبيبي وصكرت بويهها .. هين يانوف انا تبين تجذبين علي؟

وصل فيصل وقال بتعب: مابي غدا .. وراح المكتبه ..

دشيت المكتبه وقلت له: ليش؟

قال لي وهو يقعد ع الكرسي ويفتح كمبيوترة: حبي تعبان وايد ..وعندي شغل لازم اخلصه عشان نقدر نرد بعد باجر ولا مابنرد .. قلت له بابتسامة: تبي اساعدك ..

قال لي: لاحبيبتي مشكورة .. استحيت فطلعت من المكتبه توجهت تحت لقيت ماجدة مسويه كيك بالشوكولاته سويت عصير برتقال لفيصل وخذت شوي من الكيك ورحت له فوق على مكتبه .. ابتسم لي: تعبتج!

قلت وانا ابتسم: تعبك راحة

كنت اعامل فيصل مثل مايعاملني باستثناء الكلمات حبيبي عيوني وهاي الكلمات بس انا كنت مقررة بنفسي اني اعيش يومي واعطي فيصل كل الي يبغيه لاني باختصار "حبيته" لاتقولون لاحد

فتحت لابت توبه: فصول بلعب بلابتوبك

فيصل وهو منهمك بالشغل: انزين

فتحت اللاب توب :فصولي اكل بيبرد العصير

ابتسم وهو يكتب ع الكيبورد :انزين ..

قلت له:بانزل لعبه من النت

قالي؟:انزين

انا:في انترنت

فيصل:انزين

قلت له:فصووووول اقول لك في انتر نت تقول لي انزين

طالعني وابتسم: ايه فيه .. فتحت صفحة النت دخلت على ياهو بنزل لي لعبه .. خليت اللعبه تتنزل ورحت ورا فيصل وصكرت عيون:امممممم منو وراك؟

ضحك فيصل وقال:امممم بفكر

قلت وانا اضحك:لاوالله؟

قال لي بطريقه ماعرفه او بمعنى اخر مافهمت طريقته:قلـــبي

قلت له وانا اضحك:لاء قلبك بجسمك انا يزوي

ابتسم لي ورد يشتغل قعدت على الطاوله مديت له الكيك والعصير: يالله اكل واشرب

ابتسم:خليه باكله بعدين.. اووو اممم انتي اكليني مشغول انا

انحرجت .. وحمرت خدودي .. بس قطعت نتفه من الكيك ومديته لحلجة:يالله ههام ياجمل

ضحك علي لان هالحجي ينقال لليهال بس كلاه توصخت لحيته الحلوة (لحيته كانت خفيفه فيها ***وكة زادت جماله .. مسكت الكينكس بنظف لحيته ابتسم لي بمكر وقال: ياريت طول عمري مشغول عشان تكونين يمي وتدلعيني ..

ابتسمت باحراج وقمت من على الطاوله وكنت بروح للاب توب .. مسك يدي وباسهم .. وقال لي: يايج عمري بخلص وبييج

ابتسمت له: اوكي بلعب باللعبه ..(قلت بطريقه غضي مضحك) اخرتني

ابتسم لي: منو الي اخر الثاني وماخلاه يشتغل

قلت بلعانه:انتتتتتتتتتته

ضحك علي وانا قعدت العب باللعبه الي نزلتها .. وكنت مندمجة حيل ومالاحظت نظرات فصولي وهو ياي لصوبي

قعد عندي وقال لي بهمس:حبيبتي خلصت

قلت وانا مندمجة باللعبه:اوكيك حبيبي شوي بس بخلص وبيي

ظل يطالعني باندهاش اول مرة اقول "حبيبي " شسوي مندمجة وملاحظت كلامي اني قلت شي اشعر فيه ..ااه فيصل يننتني:حبيبتي يالله ..

قالها بس عشان ارد اقول حبيبي بس هالمرة انا كنت مخلصة اللعبه: اوكي فصول

مسكني وياه وجفنا الدنيا برقت ورعدت صرخت بوناسه:مطرررررررررر

ضحك وقال لي: نروح؟

قلت بوناسه: ياااابي

وطلعنا تحت المطر

08-01-2007, 06:23 AM

**الجزء الثاني والعشرين**

شعور عجيب غريب .. يوم تحط ريلك على تراب الوطن .. يوم تهب عليك نسمته .. ويوم تطالع شمسه .. وتمشي تحت سماه .. وتبتسم لاهله .. وتحضن عيونك احبابك .. اه .. وشعور الشوق يوم توصل لهالارض الطيبه .. الي احتضنتك من وانت صغير .. وترعاك وانت كبير ..

ابتسمت للارض كأني اعتبرها شخص غالي على قلبي ..سمعت صوتها يتردد :اشتقت لقطر ..ياااااي اخيرا وصلنا الدوحة .. ماصددق

قلت لها: ايه والله اخيرا وصلنا .. يالله تعالي بناخذ شناطنا وبنروح البيت ..

يزوي: بس هم بالشاليه ..

انا: احسن عشان ناخذ راحتنا بالبيت

استحت اليازي وسكتت .. اما انا كنت رايح اكمل الاجرائات .. وبعدها اخذنا شناطنا .. ورحنا البيت مع الدريوول لاني كنت متصل فيه وقايل له ايي ياخذنا من المطار ساعه خمس المغرب .. وفعلا وصلنا البيت على الساعه 6والا ربع بسبب زحمة الشوارع.. دخلت الحمام وتسبحت وتغسلت .. وتوضيت وعلى طول طلعت لبست ثوبي متوجهه للباب .. كتبت رساله صغيرة لليازي اقول فيها" انا رايح المسيد" وطلعت من الغرفه مادري وين راحت يزوي .. المهم .. نزلت تحت .. وقلت للخدامة تسوي جاي .. وتقول لليازي ان انا طلعت ..للحين ماكان مأذن .. باقي على الاذان ثلث ساعه .. بس لين مااوصل المسي اكيد بيكون مأذن

توجهت لـ سيارتي الي اشتقت لها حيــل فديتها اشتقت لها .. المهم ركبت سيارتي .. وتوجهت للمسيد بـ صلي .. وبعد الصلاة اتصلت لجسوم وخبرته اني رديت قطر .. وانه مايعلم احد ان احنا رادين ...

^^^^^^^^^^^

اووففففف انا مقهورة منه .. على كيفه يبي يرجعنا بروحنا ماباقي لنا على الدوام غير 5 ايام .. ويبي يرجعنا .. للحين ماصار لنا يومين بالشاليه اليوم هو اليوم الثاني لنا يعني رقدنا بس يوم واحد .. حراااااااام ..

انا بقهر: وهاي على كيفه يبينا نرد جنه قاعدين على جبده الحين

جوهور: شدراني روحي سأليه ليش يبينا نرد .. يعني هو قال قعدو واحنا قلنا لا

انا: يقهر هالدب من جايف نفسه عشان يرجعنا وااي يبط جبدي !!!!

انوس: يمكن عنده شغل؟؟

قلت بعصبيه :عنده شغل خل هو بروحه يرد احنا نرد ليش؟ اصلا هو شكو فينا؟

قمت من على الرمل الي كنا قاعدين عليه وقمت متوجهه لشاليه الحريم مالنا جفته متمايل فوقفته .. قهرني قلت له:وخر ابي اطوف

جافني وقال يقهرني: في باب ثاني مب بس هاي الباب

صرخت بويهه بروحي مقهورة منه: جسوم وخر احسن لك زين

ابتسم وقال: شبتسوين

اااخ هاي الي يقهر احر ماعندي ابرد ماعنده .. كنت بدزة من على الباب عشان ادش بس سمعت صوت امه وهي تناديه.. قلت بقهر: وخر .. وامك تناديك اذا صرت اصمخ يعني؟

جاسم:شيلي هاي ودخليه داخل

تكتفت: لاوالله ؟ .. وليش ماتدخله انته؟

جاسم: كله حريم ادش بروحي شسوي

قلت باستهزاء: ياخجول انته!

طالعني ماعطيته ويه ودخلت .. وبعدين هو دخل وراي وهو شايل بيده كرتون

قلت بغضب وبـ صوت عالي اسمع جاسم فيه: يعين شحقه تخلونا نرد الي عندة شغل يرد بروحه ماله شغل فينا

امي :قصري حسج عيب عليج جي تصرخين وبعدين زين من الريال حاجز لكم

قلت بعصبيه: والله مب هو ايل حجز ومب قاعدين على جبده ولا على راسه يبي يذلف خل يذلف


العضو المميز	الموضوع المميز	المشرف المميز
(عاشقــ(M)ــة الليل)	خيمة ابوعمر	همســُ‘ـة غــُ‘ـرٍَوٍبًَّ

الإهداءات
إضافة إهداء