لحظـــ وداع ــــةْْ

07-25-2007, 09:29 PM

الجزء الحادي عشر
فيصل طلع من داره توجه لقسم البنات ..
دور عالغرف ماكنت بور موجودة سمع صوت من الحمام طبعا كان مسكر باب قسم البنات عشان محد يدش يوم يكلم بدور

وقف عند الباب يبي يخرع بدور( مسكين مايدري انها يزوي ) طلعت يزوي من الحمام وهي تعدل قميص نومها من تحت اول ماطلعت مسكها فيصل من يدها ويراها على ورا توقعت انها وحدة من البنات ..

وفيصل نفس الشي توقع انها بدور

يزوي كانت للحين بين يدينه هو مب مستوعب ولا هي

مرة وحدة ينفتح باب القسم .. يزوي خافت .. كانت للحين مب مستوعبه الي صار اهي للحين بين يدين فيصل .. وفيصل مب مستوعب انها يزوي مب بدور

مع انفتاح الباب

دشت نوف ورفعت عينها .. وانصدمت يوم جافت يزوي باوصف لكم شكلها ( كانت لابسه بجامه كيوت البنطلون كان طووووووويل بس القميص كم يدة كان قصير مايتعدى نص الذراع .. كان لونة وردي فاتح وغامج .. منفش عالبنطلون بكبرة الورود باللون الورد الغامج والفاتح والاخضر الفاتح .. اما القميص فـ بس كان وردي غامج .. ومرسوم وسطة وردة كبيرة بالوردي الفاتح وعندها اوراق بالللون الاخضر فاتح .. وكانت مكحله عيونها اوردي من الصبح .. وكانت رافع شعرها كله مانازله منه ولا خصله .. وقدلتها (قذلتها .. هي الشعر الامامي من الرأس للي مايعرف ) كانت على جنب صوب اليمين .. وشوي منهم صوب اليسار .. كان شكلها حلووووووو وكيوت وخصوصا خدودها الموردة (دوم خدودها موردة .. ياخي مو حلو جي ع قولتها ) )

اما فيصل .. فكان لابس بانطلون جينس ازرق وقميص احمر فيه حركات باللون الاصفر والسماوي ومكتوب عليه اشياء مب مفهومة .. كان ماسك ذراع يزوي

نوف من شدة الصدمة كانت تطالعهم مذهوله وشوي وقلبها يتوقف فيصل ؟؟؟؟؟؟؟؟؟؟؟؟ ومع من مع يزوي؟؟؟؟؟؟؟؟؟ ماحست الا بالغيض يعلن حربه فقلبها وقالت بكل عصبيه وغضب : صج ماتستحين يايزوي .. قلتي بترتاحين وكلنا انخدعنا فيج .. قلنا مسكينه من صباح الله قايمة واكيد تعبانه وبتروح ترتاح ( وبابتسامة ساخرة وبطريقه استحقار) وطلعت راحتج تكونين بين احضان الحبيب فيصل .. صج ماتستحين على الاقل انتخي .. واستحي على ويهج .. قليله ادب .. حسافه التربيه فيج

فيصل انصدم .. هاي يزوي؟؟؟؟

يزوي انصدمت من الكلام الي توجه لها والجاارح على قلبها الطيب ..

فيصل سحب يزوي وراه وقال : نوف بس عاد مااسمـ ـ...

قاطعته نوف : ايه طبعا بتدافع عنها .. سحور الشيخة الجازي مأثرة فيك ... حسافه والله حسافه .. لكنك معذور قدرت تفتنك هالمنحطة ..

طلعت من عندهم ودموعها تسبق خطاها .. معقوله يزوي تحب فيصل .. ااااااااه ياربي لا لا مستحييييييييييل .. اصلا ماراح اسمح لفيصل ياخذ يزوي مستحيييييل انا احبه وانا استاهله .. (قالت بغيض وحقد كبير شله قلبها الصغير على اليازي ) .. مستحيل تاخذينه مابخليج تتهنين وياه .. مابخليج

خلونا نرجع خطوات شوي ونجوف ايل يصير فقسم البنات

يزوي من الصدمة واثر الكلام عليها خلاها ساكته وتتطالع بدون هدف .. استوعبت ان هاي فيصل ركضت لدارها ومع غلقها للباب سمحت العنان لدموعها وطاحت مثل اللألئ على خدودها الناعمه

فيصل طق الباب : يزوي .. يزوي؟؟؟

يزوي كانت تصيح وهي مختبئه بفراشها .. ومغطيه ويهها بالمخدة وماتسمع شي غير شهقاتها وصوت صياحها الي ماكان عالي وايد لانها تحت الفراش ولانها دافنه راسها فالمخدة فكان صوتها مكتوم

نزل فيصل مثل المصعوق .. الموقف لايحسد عليه ابدن ابدن ..

دش غرفته الي كان يرقد فيها هو وجاسم (وكانت تحت الدري لان ثنيناتهم ريلهم تعورهم .. جاسم مايقدر يصعد الدري .. اما فيصل فكان يقدر .. بس اصر انه يرقد تحت ويا جاسم طول فترة سفرهم )

بعد فترة من الزمن مايدري كم هي دش عليه جاسم وهو يضحك

لقا فيصل منسدح على سريرة وسرحااااااااان وعاقد حياته

جاسم: هلا والله بالشيوخ .. بل بل بل شفيك جي معبس؟

فيصل وينتبه لسرحانه ويقول بضيج: مافيني شي!

جاسم وهو يضحك ويقعد عنده عالسرير ويفلع عكازته على سريرة

جاسم: لا الحبيب فيه شي .؟.. شفييييك فصول ؟

فيصل وهو متضايج ومايعرف شيقول .. تنهد: مادري شاقول؟

جاسم : فديت هالخشم الطويل والله .. تحجى تحجى ( وهو يتمصخر .. ويقلد حسن البلام )ايه عدل عدل عدل (ويصفق بيدينه بحركة خفيفه)

ضحك عليه فيصل بس بهدوء عكس كل مرة يضحكون من قلب .. :ههه

جاسم: لاه له لاه بو الشباب فيه شي؟

فيصل : جوف بقولك السالفه من اول لين اخر ...

جاسم : اوكي قول اسمعك

فيصل : بدور اختي من يومين متضايجة على نسبتها الكشيخة الاخت مب عاجبتها النسبه وانا من يومين ابي اكلمها وماحصل فرصه .. جان تقولي اليوم مناسب وبتقول للبنات مايروحون فوق صوب الصاله الي فقسمهم عاد انا مادلها .. المهم .. (سكت شوي يلتقط انفاسه .. ويبي يقول عن الي صار بس للاسف ماقدر يتحجي وظل ساكت ومنزل راسه ) ...

جاسم وهو يسمعه بتمعن: كمل

فيصل بعد ماالتقط اخر انفاسه وتنهد: قالت للبنات على مااظن وانا كنتت قايل لها لو برع احسن بس هي الله يهداها مارضت واصرت يكون فوق بقسم البنات .. واتفقنا عالساعه عشر اروح فوق وهي تخبر البنات ماايون فوق .. عاد انا رحت وانتظرتها بالصاله .. سمعت صوت من الحمام .. توقعتها بدور .. (سكت ) ....

جاسم: ايه وبعدين؟

فيصل وهو ينزل عينه مفتشل من الي صار : طلعت من الحمام رحت انا باخرعها .. جان تدش نوف .. والي كانت يزوي مب بدور .. ونوف تمت تقط حجي على يزوي وعلي .. والله اني ماكنت اعرف انها يزوي والله .. وبس وماعرف شاسوي

جاسم وهو يفكر : فيصل حتى لو عندك خوات المفروض ماتروح هناك بأي وقت !

فيصل: بس بدور قايله لهم الغلطة مب غلطتي !!!!!

جاسم: يعني انك شيت هناك مب غلطة؟

فيصل ينزل راسه ..

جاسم : صح انه اختك هناك .. بس هاي مايعطيك الحق يافيصل انك تروح .. يمكن بنت من البنات بغت شي .. فشله تروح وانته هناك .. وبعدين فيصل للبنات خصوصيات .. وانته عارف هالشي .. وبعدين جوف يعني وجودك ويا يزوي كان غلط وجوف ظن الناس .. جوف شبيقولون عنك وعنها .. وهاي نوف الي متربيه وياكم جي قالت شنو الغرب .. احنا لازم مانتخالط وياهم وايد .. حتى مانتعرض لهالمواقف

فيصل كان ساكت

سكت جاسم يوم جاف فيصل ساكت وتوجهه للحمام يبدل ملابسه

^^^^^^^^^^^^^

:لالالالا مايخصني مايخصني .. هو رضا يأجلها خل يأجلها 6 شهور بعد

بو العنود: ياعنود يايبه انا قلت لهم شهر 6 الزواج وخلاص

عنود وهي محمرة ومعصبه: بس..

بو العنود: لابس ولاشي كا اجلنا العرس شهر شتبين بعد؟

سكتت العنود وهي متضايجة .. وقال: اوكي

رن تيلفون البيت

العنود ماكانت تبي تشله خافت انه محمد .. بس بعدت هالفكرة وشلتها من راسها وشلت التيلفون بصوت ناعم: الو؟

..: هلا .. السلام عليكم ..

العنود وهي تحس هالصوت مب غريب ابدن عليها : وعليكم السلام والرحمة

..: موجود بو ناصر؟

العنود: ايوه من اقول له؟

...: ابراهيم ..

العنود وهي تضغط بذاكرتها منو ابراهيم .. بس هالصوت وايد قريب منها .. معقوله هاي محسون؟ .. لالالالا قاعد يقول ابراهيم شدخل محسون فالسالفه ؟ .. وبعدين محسون مامكلم ابوي عشان الحين يكلمه؟

العنود: أي لحظة شوي .(وهي تكلم ابوها) .. يبه تلفون

خذا السماعه من العنود وهو يقول لها: من؟

العنود: ابراهيم ( وعلى ويهها علامة استفهام كبيرة!!!!!!!!!!!!!؟)

اتنور ويه بو محسن وكأن هالشخص غالي وايد على قلبه ور بكل فرح .. عليه

تركته العنود وتوجهت فوق لدارها ..

انسدحت على سريرها .. وبعدين خذت تلفونها الي رده محمد لها من ذاك اليوم .. حست انه يحبها .. وانه مايشك فيها .. وكل هاي مجرد تخويف لها .. معقوله محمد مايشك فيني بعد ماسمعني اكلم محسون؟ ... فديتك ياحمووووووووووود والله احبك .. والدليل على انه مب فاتح التيلفون المسجات الي هلت على التيلفون والتواريخ المكتوبه من يوم متخذا التيلفون مافتحاهه ولا حتى نبش فشي .. وهاي يدل عل ان محمد مايشك فيها ولا فـ حبها ...

ابتسمت برااااااااااحة كبيرة ..

وصكرت عيونها

شوي وتنقز من السرير جنها تذكرت شي وردت تدور تيلفونها ونست انه بيدها ويوم جافته ردت تضحك على عمرها واتصلت بعايشه وشبطته ويا تماظر وقعدوا يسولفون ويخففون شوي عن عايشه ...

^^^^^^^^^^

..:خلينا نسير داخل

..: لالالا ريموه الجو هني حلو

ريموه: جببببببببببب غايوه من الصبح ونحنا هنيه تخيسنا وتخيست ثيابنا

غايوه: انتي شو عرفج بالطبيعه وجمالها

ريموه وهي تضحك : اشو اشو اشو ؟ طبيعه اونه من ساعه يالسه وتشوفين هالنخله بالله شو فيها الحينه من جمال الطبيعه؟

غايوه: اشيا واشيا واشيا يابوج شعرفج انتي بالـ طبيعه والجمال

ريموه: خليتهن لج يالرومانسيه

غايوه: اااااااااااااااااااحم احم

ريموه: امحق .. سمعي بسير المطبخ بايبلي شي عسب ازحرة تبين شي؟

غايوه وهي تتنهد : الفاظج سوقيه مالومج .. سيري سيري مابا شي

ريموه: احسن بعد

غايوه وهي تجلع شوي من الحشيش الي يالسين عليه وتحذفه ع ريموه الي شردت عنها

غايوه وهي تصرخ : وين بتسرين يعني مردج بتردين هني وبتشوفين

ريموه وهي تعلي من صوتها وتدش البيت : ههههههههاي يصير خير

دشت ريموه ويه تضحك وملتفته ع ورا ماشافت جدامها دعمت بحد .. رفعت عينها بتشوف منو: سوري!

هزاع هو الي دعمته وهو رافع حاجب واحد : لا عادي ..

مشت عنه ريموه زقرها

التفت له ريم : شو؟

هزاع: قلتي لي انتي منو؟

ريموه : ريييييييييييم شيخة البنات والحريييييييييم

هزاع وهو يبتسم ملسونة وشيطانه كـ عادتها وهاي الي يعيبه فيها : هيه .. انتي خت حمدان صح؟!

ريموه: هيه هيه هيه ( ودشت المطبخ شوي ويسمع حسها ) اليسووووووووووووه شوهاااااااااااااااا .. قتلج عصير برتقال برتقالللل مب كوكتيل .. خسج الله من حرمة

حبيت اتدخل: حدج ريم ع اليس

ريموه : ويه كلش حرمتك الحينه ههههههههههاي

هزاع " تغار؟" : هب حرمتي بس شرا امي

ريموه وهي مسويه اكبر طاف لهزاع وترمس اليس كأنها بنتها الصغيرة : يااليس يامي هب جذه يسون البرتقال ( الحين بتتفلسف .. تكتف هزاع يبا يسمعها ) يوم بتسوين برتقال لازم تقصينه من هني من النص وبعين تاخذين ها العصارة الي تعصر البورتئااااااااااال ( اونها اللبانينه) سمعتي وبعدين تغسلين الجلااس .. وخلاص انحلت المشكلة عرفتي ؟

اليس وهي معصبه وتزاعج: ريم مافي سوي قرقر واجد انتي واجد في كلام .. كلام واجد مافي جين

ريموه : تسوين غلط وتبيني اسكت لج .. شو هااااااا .. الحينه انتي بتخدميني ولا انا ؟ وتصرخ عليه بعد وتهازب بعد .. امري عمتي تبين شي ثاني اسويه لج؟

اليس: ريم مافي سوي جنجال

ريموه : انزين فكينا .. شو مسويه عمتي بعد.. وين علايه؟

ياها صوت هزاع مثل الحديد الي ينرمي عالرخام فالهدوء .. يعني صوته باختصار كان حاد وعالي بنفس الوقت : علايه هب هني فيا فهد سار يتشرا لـ بنته

ريموه وهي فاتحه عيونها ومنحرجة يعني سمعها وهي تهازب اليس .. صدق فشله : من الحينه؟؟؟ههههههههه تخبل فهد .. وبعين شو عرفه انه بنت؟

هزاع: شو عرفين هو يباها بنت ...

ريموه : اها ..

^^^^^^^^^^^^^^

بدور ومريوم صعوا فوق عشان يرقدون طبعا والبنات كلهم

الكل دش غرفته بدل وبيرقد

ومريوم وبدور يطقون الباب على يزوي ( غرفتهم ) وماترد ولا راضيه تفتح الباب .. البنات خافوا عليها .. ونوف عكسهم تدعي عليها قامت تكرهها لانها بتاخذ حبيبها منها ..

بدور: وليييييييييين هاي حاله الحين بالله الحين وين نرقد ؟

مريوم: اوووووووووف شفيها هاي خل تبطل الباب ابي ارقد ( وهي تتثاوب)

بدور: وين نرقد الحين؟

مريوم" مافي غير حل واحد!

بدور: واللي هو؟؟؟؟

مريوم : نروح نرقد عند رغود وساروه

بدور وملامحها اعتفست : اممم لا روحي انا برقد هني بالصاله

مريوم: يلا بدور عن السخافه

بدور: لالالا مريوم من صجي .. روحي نامي هناك انا بنام هني؟

مريوم: تعالي هنااااك .. شلون بترقدين بالصاله اصلا وين بترقدين؟

بدرو: عالكنفه

مريوم: بدروه يالله عاد

بدور: انتي تدرين سارة شلون تعاملني .. شلون تبيني ارقد وياها بنفس الغرفه

مريوم: ترا ساروه طيبه والله طيبه .. وتحبج و..

بدور تقاطعها وهي تشد حلجها لجه اليمين: باين

مريوم: والله ان ساروه مافي اطيب من قلبها .. وتحب الكل والله

بدور: تحب الكل بس تكرهني!

مريوم: من قال والله تحبج .. انا اعرف ساروه .. ساروه تمثل انها تكرهج بس هي تحبج والله

بدور وهي مطنشه كلام مريم تعرف حقيقه مشاعر سارة تكرهها ومستحيل بيوم وليله تحبها .. : انتي روحي وانا برق فالصاله

مريوم بعد ماقدريت تقنعها رجعت فرقه ساروه يائسه

اما ساروه حست بلوم .. لانها هي السبب فرقدتها فالصاله وعلى الكنبات الي ماتريح الظهر فالرقدة ..

بعد مارقد الكل .. وطبعا حاولو فـ بدور تي ترقد عند البنات بدور ارفضت بشكل قاطع

بدور كانت منبطحة فالصاله على الارض لان الكنبه قطعت ظهرها .. طبعا قفلت باب القسم حتى محد يدش حتى لو بالغلط .. تذكرت ان فيصل كان يبيها .. : اوووووووه نسسسسسسسسيت

ياها صوت وراها خرعها خلاها تفز من مكانها وتتطالع تقاسيم جسمه من جدام نور الليت .. انصدمت معقوله؟: شفيج تحاجين عمرج؟

بدور: سارة؟

سارة : أي سارة غريبه يعني؟

بدور ( غريبه متنازله عن غرورها وحاجتني رفعت حاجب واحد وقالت ): .. حياج

دشت سارة الصاله بكل غرور وقعدت جدام بدور وحطت ريل على ريل : تعالي رقدي عندنا داخل

بدور وهي مستغربه: انا؟؟؟؟؟؟؟؟

سارة : في حد غيرج نايم بالصاله وانا مااجوفه؟

بدور هزت راسها بلا .. وهي منصدمة بالقو

سارة: يلا تعالي رقدي عندنا

بدور وهي تنزل راسها وترد تنبطح على مخدتها وتتلحف: مابي ازعج حد فيكم .. وخصوصا انتي ..

سارة سكتت . حستت بالذنب هي ظلمت بدور وايد .. حرام .. :: بدور يلا عاد انا يايه ومتعنيه ..

سكتت بدور .. وبعدين قامت شلت لحافها وفلعت مخدتها على سارة وقالت بمرح : شليها عني اللحاف ثقيل

سارة:ههههههههه وتتشرط بعد

ابتسمت بدور على عفويه سارة .. حست ان سفرتهم قربتها منها وايد .. تمنت لو دفترها موجود وياها حتى تسجل هالموقف في دفتر ذكرياتها ..

^^^^^^^^

..: تعال يبه هني ..

.. : يبه هاي شيسوي هني؟

.. : ناصر عيب !!!!

ناصر وهو ينزل راسه .. ويرد يرفعه ويتطالع ابراهيم ( الريال الغريب بنظرة والمحبوب بنفس الوقت ) :... اسف .. موب قصدي ..

بو محسن : ماعليك منه يبه ابراهيم .. صغير مايفهم ..

ابتسم محسن لناصر : ماعليك يبه ماصار شي

ناصر بغيرة كبيرة وطفوليه : ليش يقولك يبه؟؟؟؟؟؟

محسن: لانه ابوي مثل ماهو ابوك!

محسن + بومحسن + ناصر = انصدمو من الي قاله محسن

محسن: لاه ياربي لا شقلت انا شقلت

بومحسن: شنو؟ لالالا اكيد يقصد اني بمثابه ابوه

ناصر : انا اقول ليش هو ويا عنود وابوي طلع اخوي؟.. ااااااااا (لحظة) هاي محسن؟

بومحسن:....

محسن: مثل ابوي ..

ابتسم بو محسن: انته ولدي بمثابه ناصر واكثر

ابتسم محسن .. ردة فعل ابوه تبين انه ممكن يتقبله عل محسن .. معقوله .. اااااااه ياربي اخاف تصدمني الدنيا ... لالالا انا لازم اقول لهم لين متى بظل بعيد عنهم وانا بنفس الدار وبنفس الديرة

محسن : يبه لو سمحت ابي اكلمك بموضوع خاص باجر العصر ساعه 5 ممكن؟

بو محسن وهو حاس بشي .. حاس بحنين لهالشخص .. الي صار اقرب من محمد ولد اخوه وكل مارجع البيت ظل يتحجى عنه .. معقوله يصير شي؟؟؟؟؟

^^^^^^^^^

07-25-2007, 09:33 PM

اليوم بالليل يمكن تطلع نتيجة الثانويه العامة ..

وبصراحة الكل متحرقص يبي يعرف شبيصير وكم هي النسب ..

يزوي اليوم قامت عالساعه 6 ونص و3 دقايق بالضبط حست بانها قلقه وايد .. وايل صار امس بالليل زود قلقها حبتين .. قررت ماتطلع من دارها .. وتعاقب نفسها .. لكن هي مالها ذنب بالي صار .. اوووووف اصلا حتى لو جي سويت مابستفيد شي .. ومحد بيلاحظ هالشي .. بس مابي اتلاقى ويا فيصل ولا ويا نوف .. اوووووووووووف ياربي لازم جي يصير .. تعوذت من ابليس وقامت من فراشها .. جافت بدور ومريوم محد

تذكرت انها قافله الباب ..

ابتسمت اكيد راقدين بالصاله

بسرعة ركضت للباب وافتحته مثل المينونة وركضت لصاله البنات بتجوفهم شلون راقدات تضحكها اشكالهم هههههههههههه الا تفطس من الضحك ..

توها بتشق الحلج وبتضحك عليهم .. ضحكت على نفسها يوم ركضت شرا الخبايل ههههههه .. طلت فالصاله يمين يسار .. ورا الكنفات .. مالقتهم .. ياترى وينهم؟

دشت الحمام تغسلت وتسبحت ولبست لها جلابيه ورديه فاتحه وتهاجمها النقوش الفارسيه الحلوة على اطراف الايادي وعلى قصه الصدر نقوش فارسيه حلوة وااااايد ومتداخله ويا بعض ومظهره ظل خفيف لبعض النقوش مبرزة جمالها ..

مشطت شعرها عالسريع تأملت ويهها شوي وقالت ( اللهم حسن خُـلقي كما حسنت خَـلقي ) هاي الدعاء لازم كل انسان وهو يجوف المنظرة يقوله .. تدرون ليش .. ولازم يوله بصوت مسموع .. حتى يخلي نفسه او يوعي نفسه على ان ماياخذه جماله ولا ياخذه غروره بجماله .. وان الله يعطيه جمال الاخلاق بمقدار ماحسَـن صورته وخلاها في احسن شكل (في احسن تقويم) قعدت تتأمل هالدعائ الحلو وهي تلبس شيلتها .. اممم لاحظت ان الجلابيه مخصرة شويه .. لبست عبايتها حتى ماتبين تفاصيل جسمها المحرمة على اهلها غير المحارم .. ردت تمغطت .. راحت بتقوم البنات بس غمضوها توها الساعه 7 وربع .. وبعدين قافلين باب حجرتهم .. اوووووف امس صج كئيب ..

اعتفست ملامحها النشيطة وقالت بنفسها : ياماما خررررررررررعة من قلب .. الليله بتطلع النتايج .. واي .. بصيح انا ..

نزلت تحت لقيت يدتي قايمة من صباح الله هههههههههه واي فديتها هاليدة اموت عليها رحت عندها وبستها على راسها وطبعا قعدت اتدلع عليها واملق عليها واعصبها هههههههه تعيبني عيوزي يوم تعصب : ويه ويه ويه ويه يدوه الشمس اليوم منين طالعه ويه وه وه ويهج منور

يدتي وهي تظربني بعصاتها : قعدي بلا هذرة زايدة ( فديتها يدتي تستحي وانا اقول طالعه على من الا اتليعن الحين )

يزوي: ويه ويه ويه فديت يدتي والله

يديتي: يويزي يوزي عني احسن لج

يزوي: شسويت تراني قاعدة واتمدح فهاليدة الحلوة (وتلصقت بيدينها وانا لامتهم)

يدتي بعصبيه علي : قومي عني قومي .. وع وع وع شالمصاخة جي متلصقتن فيني جنج علوج

يزوي وهي ميته ضحك بداخلها وتسوي نفسها زعلت : ويييييييه وهاي وانا اتفداج من مساعه تزفيني جي افا يا يدت اليوازي افا بس افا ماهقيتها تطلع منج (وبتسوي نفسها تصيح ) هئ هئ زعليت انا زعليت ( زعليت هاي الله يسلمكم قصه يزوي وهي صغيرة من يومها دلوعة هههههههه وكل الكلام تخربه من زعلت لين زعليت سوتها ههههههه )

يدتي : ويه ويه بنات هالايام ماينقر عليهم وعلى هالدلع .. وععععع يابوج الدلع لليهال.. البزارين مب للي كبرج عمرهم صك الـ 18

يزوي وهي تضحك:ههههه لعلمج يدتي انا زعلانه منج لاتحاجيني ( صج قويه ويه)

يدتي: والعثرة والعثرة مايسون علي هالكلمتين الي قلتهم اثاري الصج يزعل

يزوي وهي تاكل حبة الزيتون وتقول : انا زعلااااااااااااانه

يدتي عطتني اكبر طاف وقعدت تتريق ههههههههههههههههه واي فديتها هاليدة يعلني مانحرم منها ياربي .. وبعد مايازت يزوي عن شطانتها وقررت تخرع يدتها : امبيييييييه امبيييييييييه يدتي يدتي يدتي

اليدة وهي تنقز من مكانها بخرعة وبسرعه تقوم وتمسك عصاتها وتلتقت ييمين يسار بخرعة : شصاير شفيج ؟

يزيو وهي ماتقدر تمثل وانفجرت ضحك:هههههههههههههههههههههههههههههههههههههههههههههه هههههههههههه

اليدة عصبت من تصرف يزيو وعلى هالموقف دش فيصل الي كان يبين عليه التعب وجنه مب راقد .. مع دخلته اختفت صدى ضحكت يزوي

فيصل : صباح الخير

اليدة: صباح النور وليدي شلون اصبحت يايمة؟

يزوي بهمس: صباح النور .. "طبعا محد سمعها"

فيصل وهو يطالع يزوي الي حتى شبح الابتسامة اختفى من بين ملامح ويهها : الحمدلله .. شلونج يمه (وهو يبوس راسها .. وقعد عالسفرة الي كانت عالارض فوق الزوليه طبعا لان الارض كانت رخام واليدة ماتحب تقعد الا عالارض فاظطروا يفرشون زوليه للريوق ..) شخبارج اليازي

اليدة : وين اكون بخير وهالملسونة عندي وين؟

فيصل ابتسم اكيد مسويه شي يزوي ولا هي بالعادة هاديه ومالها حس بوجودهم اثاريها من تحت لين تحت تسوي هالحركات واحنا محد ..

يزوي وهي تتحجى بالغصب : بخير

اتسعت ابتسامه فيصل : ليش شمسويه ؟

اليدة : من اول ماقامت وهي حاشرتني وتناحشرني

فيصل : معقوله؟ (وهو يطالع يزوي ويغمز لها )

يكتت يزوي ولا عطته ويه وكملت روتي جبن الي تسويه .. وبالعمدن جافته وكأنه ولاشي جدامها

انقهر فيصل منها لكن مع هالشي سكت

اليدة: ها عيل متى بتظهر نتايجج انتي يالسوسه ؟ (تقصد يزوي)

يزوي ضحكت على تعليق يدتها وردت عليها بدلع يقهر بيتها : اليوووووووووووووووووووم بالليل

اليدة بغت تقوم وتصفقها اما يزوي انفجرت ضحك .. وعلى ضحكهم ضحك فيصل وهو ولايدري شسالفه اصلا بس شكلها يزوي مسويه شي بيدته مخليتها تعصب جذي

^^^^^^^^^

عالساعه عشر ونص قامت انيسة من النوم ولبست لها جلابيه وسييييييييييييعه باللون العشبي .. وفيها زخارف بسيطة على حردة الصدر .. وشوي من هالزخارف نهايه الجلابيه عند الريل .. نزلت بخطوات عاديه جدا ماكان لها مزاج تتريق .. صبت لها كوب عصير برتقال وخذته لبرع .. وين كانت يدتها ويزوي وفيصل وجاسم .. وخليل واليهال الصغاريه والكبار .. تأففت وهي تشوف خليل امبينهم .. ماتبي شي يجمعها وياه .. تحس نفسها سخيفه يوم اختلقت لها وهم (حب خليل) لكن هالشي ماكان وهم لكنها تبي توهم نفسها انها متوهمه بحبها لخليل لانها مراهقه باختصار ..

سلمت عالكل وقعد على طرف عند يزيو ايل تلعوز يدتي وحاطة دوبها بدوب يدتي وانا من اول مادشيت لاحظت هالشي .. ولاحظت نظرات خليل لي (اوووووف شيبي هذا ؟ ) طبت كل شي وطقعت للكل وخلت كل اهتمامها ليدتها وامها ويزوي ..

يزوي : لالالالالالالا والله حلو

اليدة وهي معصبه من اليازي الي اليوم من اول ماقامت وهي ترفع ضغطها: هاي حلو هالمفصخ حلو

يزوي وهي تراويني القميص الي فالمجله وتغمز لي اونه قولي حلو : مب حلو انوس؟

انوس وهي تضحك على القميص الي الوانه صارخة احمر على اخضر على ازرق على عنابي مايل للاسود .. وطبعا لون القميص بشكل عام ابيض اممم هالقميص مفصخ شويه كت والظهر برع مجرد خيوط تربطينهم على ظهرج على شكل اكس : ههههه ايه رووووووووعة اينن (وهي تتطنز)

يزوي وهي خذتها جد عشان تعصب يدتها : جوفي يدوه هاي بشتريه لج الله وناسه ههههههه باقول ليدي مايرقد اسبوع

اليدة ويه معصبه : بسم الله علي من ثياب هالكفار حد يلبس جذي صج مايخيلون انا لو يعطوني جلابيه يداتها اقصر عن معصمي ماخذها لو يعطوني اياها ببلاش وهي تسوي الاف

يزوي وهي ترفع ضغط يدتي : ويييييييه انا باشتريها بالالاف .. ولو يبون 3 عطيتهم عليها

اليدة وهي معصبه وتضربها بالعصايه ويزوي تضحك وتيرني لصوبها حتى انضرب بدالها : ههههههههه يعني اكا حتى انوس قالت حلو واينن شمعنى انا تضربيني

اليدة : لانج فصختي الحيا .. هاي الي ربيناج عليه

يزوي : يدوه هاي الموضه

اليدة : الله يلعنها من مرة جانها مخربتكم ومخليتكم تلبسون لبس هالمفاصيخ

يزوي وانوس وجمول وجواهر الي انضمو فنص الحديث وساروه وبدور بعد ماتوه من الضحك ياحليلها يدتها عبالها الـ مووووضه مرة هههههههههه : هههههههههههههههههههههههههههههههههههههههههههههههههه ه

اليدة : ضحكتو بلا ضروس ياربي

يزوي : فدييييييييييييييييييت يدتي انا

اليدة : انا ابي اعرف النتايج اليوم ظاهر جي مخبلتج ولا انتي فيج شي؟

جمول وهي تصرخ بقوه: ايييييييييييييييييييه والله اليوم النتايج

يزوي: سكتي خرررررررررررررعه ماما باصيح

انوس:ههههههههه

جواهر: وايد مهتمين انتو وماعطين الموضوع اكثر من ما يستاهله

^^^^^^^^^^^

اما فالامارات فالبنات قامو يدرسون ويشدون حيلهم وايد لان مابقى على امتحاناتهم غير اسبوع .. وغايه فبيت ريم .. او ريم ببيت غايه

اليوم كان دور الريم تيي لغايه لان امس غايه يات لريم

ريموه: اووووووووف غايوه ملييييييييييييييييييت

غايوة: أي والله حتى انا تمللت

ريموه: الحمدلله ان هاي اخر سنه لنا

غايوه: ولي يارب ننجح

ريموه: امييييييييييييين

غايوه: زاااااااايغه حدي

ريموه: يوعانه

غايوه :ههههههههه يادبه من ساعتين متغديه

ريموه: ياحمارة وحاسبتنهم بعد ثرج زطيه تخافين ع اكل بيتكم يادبه

غايوه: لافديت قلبج سيري كلي لج أي تبينه

ريموه: حرقت كل الي اكلته

غايوه: من زود الي كلتيه الحينه؟

ريموه: يلا تعالي بنسير رباعه

غايوه: لا افديتج مابا

ريموه: هب ع كيفج يلا بنسير

غايووووووووووووه يلا

غايوه: اوكي يلا نسير

سارن ريم وغايه للمطبخ يبون ياكلون أي شي البنات ياعو ..

ساروا للمطبخ .. وجان يجووووووووفون ..

جان يجوفون ..

انتهى البارت الحادي عشر ..

07-25-2007, 09:36 PM

الجزء الثاني عشر

وحبيت احط لكم هالبارتين ويا بعض عشان تستمتعون بالاحداث .. وغير هاي تنالون على ايل تستحقونة من دعمكم لي ..

ساروه غايوه وريموه المطبخ وجان يجوفون

تتوقعون شو جافو؟

ههههههه

فهد: تبين موز ولا تفاح

عليا وهي متسندرة : والي يعافيك حبيبي بسي مابا توني متغديه

فهد: شو توج متغديه صار لج (وهو يجوف ساعته) ساعتين ونص هب ماكله شي .,. يلسي يلسي كلي هب زين ماتاكلين

ريموه وغايوه يلسو يتضاحكون ع عليا الي يبان عليها بتنفجر من كثر ماهي شبعانه وفهد هب راضي يقتنع بها الشي : هههههههههههههههههههههههههههههههه

عليا وهي محرجة : شوفهن يتضاحكن عليه عسب انك تأكلني غصب

فهد وهو يطنشهم: ماعليج منهم يغارن مايلقن من يدلعهن كلي كلي حبيبتي

عليا وهي بتصيح: مابا مابا

ريم : ههههههههههههه بسك ذابحها من كثر ماتأكلها .. ماتحتاي ها الاكل كله .. نحن اخذنا بالتغذيه ان المرة الحامل تحتاي بنسبه هي عارفتنها .. ومتى ماياعت بتاكل هب لازم تجبرها انته جذه تسد نفسها (هاي حقيقه علميه .. بس خرط هي بس تبا تفك عليا منها وعليا فعلا كانت تحس انها بتنفجر من كثرة ما فهد يبا يبلعها غصب طيب )

عليا وهي مستانسه ان شي حد واقف فياها

فهد وهو مصدق : صدق والله يتنسد نفسها جذه ؟ ..(وهو يرمس عليا ) خلاص افديتج قومي قومي لتاكلين الا يوم تبين .. أي شي تبينه كاهي غايوه مويودة بتطبخ لج

غايوه : لا والله ؟؟؟؟؟؟؟ظ بشكارة ابوك انا؟

فهد : شو بعد حرمتي حااااااااااااااااامل

غايوه: تراك ذبحتنا يالمذله حشا محد حمل قبل حرمتك

ريموه وهي تتدارك الموقف: شوووووووووووو ؟ تبا غايوه تسوي شي لعلايه لاابويه ابا اختيه انا .. وغير ها .. بتحط سم انتقام الكراف الي بتكرفها فاختيه (وهي تمثل انها تصيح شرا الافلام الهنديه والمصريه) عاوزة اختيه .. نيهي (يعني لا بالهندي ) انا اعترررررررررررررررررض .. مانباها هاي البشكارة (وهيتأشر ع غايوه) سير يايبوك يبلك بشكارة احسن عن هاي ها ماتعرف تحط ماي فالجلاس

غيوه وهي تسمع سلسه الاهانات وميته ضحك لين اخر شي ضربتها ع راسها : الحينه منو الي مايعرف يحط الماي فالجلاس؟

ريموه: اناو ..

غايوه: هييييييييه تحسبت بعد

ريموه: وانتي

غايوه : شووووووووووووووووووو؟

ريموه وهي تأشر ع عليا : لا اقصد انتي انتي مب انتي (وهي ترمس الغوي)

فهد: شووووووووووووو

ريموه بزيغه : امييييييييه بياكلوني .. انتي انتي (وهي تأشر ع اليس الي دشت المطبخ بتسوي جاي) .. اليسوووووووووه سوي النا كيك بالشوكولااته

اليس: انا في وايد سوغول مافي فادي (فاضيه)

ريموه: حشا هب لسان عليها

كحت اليس بقوه

فهد:ههههههههههه هبي هباج بتجتلين الحرمة

ريموه ضحكت هيه وعليا وغايوه وفهد بعد :ههههههههههههههههههههههههههههههه

^^^^^^^^^^^

..: انته ماتسحتي على ويهك ؟ ... شلون تبيني اقول لهم خلاص ولدي غير رايه ومايبي بنتكم؟

...: مايخصني مابيها يعني مابيها

...: انته عرفت بالاول من هي عشان ماتبيها

فيصل : اوووووووف مابي اتزوج خلاص هونت

ام فيصل بعصبيه : لا مب على كيفك تهون ومرة تتهاوش الا تتزوج .. وبعدين خلاص انته للبنيه والبنيه لك احين من سنتين واكثر وانته تجابل ابوها حتى هني انته مجابل ابوها ماتستحي تقو لفالاخير مابي بنتكم ؟

فيصل للحين مايعرف من الي خطبتها امه ولا حتى يبي يعرف : مابيييييييييها مابييييييييييها

ام فيصل : والله انا استحي اقول والله يابو الجازي احنا مانبي بنتك .. تبي انته قول

فيصل وهو للحين مادقق فجملت امه : اووووووووووووف .. المهم انا كنت ابيج تخطبين لي بنت ثانيه..

ام فيصل وهي معصبه من فيصل وواصله حدها : ويوم انك تبي بنت ثانيه شحقه ماتتحجي من الاول

سكت فيصل وهو يحس بالاحباط وقال : اوووووه خلاص

قام من مكانه وظهر من غرفه امه

ام فيصل :بينني هالولد مادري متى يعقل مرة ابيها ومرة مابيها .. ياربي شالحل وياهالولد
؟!!!!!!!!

^^^^^^^^^^^

البنات قاعدات ويطالعون فلم هنيد من الافلام الهنديه الي تصيح طبعا الي يايبه هالفلم يزوي مدمنه افلام هنيده ( طالعه علي ههههههه) المهم كل البنات كانو يطالعون هالفلم .. بصرااااحة :00015 الفلم يصيح ..

ريال يحب مرة وهاي المرة متزوجة وعندها ولد .. ويوم بتتزوج هاي الريال .. ريلها الي من 7 سنين يرجع ويحاولونويفرقون امبينهم وجي قصه رووعة والله بس اخر شي النهايه حلوة ..

الفلم مأساوي الصراحة

(يزوي + جمول + بدور )= قاعدين اول الناس بعدهم (سارة وجواهر انيسه) بعدهم( رغود الي قاعدة تضحك على سخافات يزوي وصياحها هي وجمول ومريوم ) اما نوف فكانت قاعدة برع ووياها الللاب واونها تلعب فيه وهي قاعدة وصايرة ( برج المراقيه ) لليازي وفيصل تبي تعرف كل شي امبينهم .. وللاسف اليوم قامت وايد متأخر قامت 11 ونص لانها طلو الليل كانت تفكر اليازي وايل يربطها بفيصل .. وشلون تلفت نظر فيصل .. وتسرق انضاره .. لها

وصلو نهايه الفلم و النهايه شويه سعيدة البنات للحين يصيحون

رغود:ههههههههههههههههههه مريوم مريوم يبي كيمرتج خل نصورهم

مريوم وهي ترد تفتح الكيمرا من يديد " اششششششششش ياحمارة وطي صوتج بيكشفونا ان احنا صورناهم

رغود وهي تضحك:خخخخخخخخ جوفي جوفي سوير متأثرة ههههههههههه (مايليق) خخخخخخخخخ

مريوم:ههههههه ايه وهاي ذيك المرة تتطنز على جمول اونها تصيح جوفي شكلها شلون

رغود:هههههههه اعرف ترا ساروه حساسه بس ماتبي تبين هالشي ههه

مريوم: أي لاحظت انا هالشي (مرة وحدة فقعت ضحك)هههههههههههه جوفي جوفي اختج مندمجة

يزوي وهي معصبه ودموعها على خدها اربع اربع : جب انتي وياها ابي اسمع شيقولون

مريوم:كلش قاعدة تفهمين كل ايل يقولونه .. (وهي تجوف ان يزوي بتقوم لها) ههههههه خلااص خلاص مابتحجى هه(وهي تحط يدها على حلجها)

رجعت يزوي تجوف الفلم وياهم .. الكلمات كانت تصيح ومأثرة عليهم وكل وحدة فيهم فاتحة مناحة ... وخصوصا بعد ساعات قليله بتطله نتايجهم فهاي يعني عشان يخلون مشاعرهم الحزينه كلها تطلع الحين قبل لا يجوةفون نتايجهم <خخخخخخ اونهم بس

يزوي : امبيييييييه حرام (وهي تشاهق فصياحها)

جمول وهي تمسح دموعها : شبيصير بياخذها؟؟؟؟؟

يزوي وهي تصيح : ايه ايه

ساروه وهي مندمجه: شبيصير؟

بدور : هاذي بيتزوج اشواريا

ساروه بتفهم : اها

ابتسمت ساروه لبدور.. وبدور بادلتها الابتسامة ..

سارة بدت تفكر بجديه لـ سبب اختلافها ويا بدور لسنوات .. لقت ان السبب تافه مايستحق كل هالحقد والعداوه ... والشي الي كان مخليها تحس ان الي سوته بدور كبير فحقها هي رفيجتها .. أي رفيجتها ساعات الاشخاص مايوفقون باختيار الاصدقاء .. فيختارون اصدقاء (وانما هم فالحقيقه اعداء ) السوء .. الي يخلونهم يكابرون ويسون كل شي غلط .. وطبعا صديق السوء مثل الصباغ الي يصبغ لك اثاث قبيح باجمال صورة وهالصباغ .. صباغ محترف .. حاط الاهداف بباله .. كل هالافكار سودة .. لازم على كل انسان يفكر فاختياره لاصدقائه ..

ردت اندمجت سارة ويا الفلم متناسيه كل الي صار وياها ويا بدور .. من امس فالليل قعدت تفكر بعقل .. كل انسان له شي سلبي وايجابي .. لكن ساعات تحس ان انسان احسن عن الثاني لا ايجابياته اكثر عن سلبياته .. فكرت سارة لو انها تبتدي تتخلي عن بعض سلبياتها وتحاول شوي شوي تخلي نفسها للاحسن ..

^^^^^^^^^^^

كنت قاعد فالصاله وسرحان

..: مابغيت تتزوج الا يزوي؟ .. يزوي ماتصلح لك

..:/ ليش ماتصلح لي ليش؟

...: يامشعل ياولدي .. هالشي المفروض كنا نقوله من زمان .. بس مادري ليش خشيناه عنكم .. ياولدي انته ويزوي اخوان بالرضاعه .. انا الي راضعتكم

مشعل: لالالا يمة قولي الصج يمة ليش ماتبيني اتزوجها احبها انا

ام مشعل : حبها ياولدي هي اختك محد يمنعك تحب اختك

مشعل :لالالااااااااااا

ام مشعل : امبلا يامشعل اليازي اختك

مشعل: شلون اختي وانا وانا اكبر عنها بـ 6 سنين وجاسم بـ 4 متى رضعتيها ويانا؟؟؟؟

ام مشعل : ترا يوم اختي ام اليازي ربت تعبت وايد وماقدرت ترضعها فرضعتها انا .. وبجذي هي اختكم يا يمة ...

عصب مشعل وايد وظهر وهو يصوفق فالبيبان .. وركب سيارته وشخط فالفريج ههههه

على هالذكرى اوتعى مشعل من سرحانه وهو يجوف فيصل الي يطالعه بنقمة

ودش المطبخ

فالمطبخ كانت يزوي قاعدة تسوي سلطة فواكة وتسوي سلطة بنوع ثاني او يديد نوعا ما (اقولكم شلون يسون هالسلطة اليديدة نوعا ما ولا لاء؟؟؟؟؟؟؟)

اذا تبون قولوا لي عشان اقولكم عنها ههههههه احب هالسلطة وايد << خخ طبعا انتي مخترعتها مابتحبينها بعد قصورج خخخخ
بس اخاف يصير فيكم شي من اختراعاتي المبيدة هههههههههه

بس اذا بغيتوا قولوا لي بحط لكم شلون تسونها واذا عجبتكم ادعو لي هههههههه

جافها فيصل : شتسوين؟

يزوي بضيج: شتجوف؟

فيصل: مممم بسألج سؤال ممكن؟

يزوي بدون نفس: اسأل

فيصل : صج بتوافقين على مشعل ومشعل بيخطبج؟

يزوي " جو هذا هههههههههههههههه غبي بشكل " : وانته شيخصك؟ اخذه ولا لاء؟ هالامر يعنيني؟

فيصل حس باحراج: لا بس حبيت اقول لج عشان اقول لمشعل لانه كان بيفاتحج عن هالموضوع ( طبعا جذبه بس فيصل حب يعرف رد فعل يزوي)

يزوي وهي مستغربه : يخطبني؟ انا؟ هههههه ؟؟ الي يطق الباب يسمع الجواب

حطت كل شي فيدها وطلعت من المطبخ ...

استغل فيصل طلعتها وراح للصاله بسرعة يبي ينفذ الي بباله

^^^^^^^^^^^^

كنت منسحة على فراشي وانا اتذكر ابوي وكل المواقف الي تمر علي ..

قمت من فراشي بهدوء وانا التقط انفاسي الي كانت تتسارع بشهقاتي وصياحي فتحت كبتي .. طلعت منه ثوب ابيض كا مبخر بعود ابوي يحبه .. مسكته وحسيت بالحنين لهاذيك الايام وضمييييييييته لصري بالقوة وانا اصيح ..

:بابا احبك احبك .. (وهي تصيح وسمحت العنان لدموعها انهم يتساقطون على ثوب ابوها الابيض المرتب ) .. ليش خليتني (قالتها بعتاب ) ليش؟ انا من لي غيرك .. مسحت دموعها وهي تسمع صوت دق عالباب .. وبسرعة طوت ثوب ابوها الي صار له 3 اسابيع من توفى ..

كانت الخدامة تقول لها عشا ...

دشت الحمام عايشه وغسلت ويهها بمااااااااااي بااااااااااااااااااااااااااااااااااااااااااااااااا ااااااااارد حيل

نزلت تحت .. وكالعادة مامسكت ولاشي من الغدا ..

وبصراحة نظرات خاليت ام حمد تسم البدن وتشبعني ومابا شي منها مابي

مسكت دموعي لاينزلون غصب عني .. عدلت شيلتي

همست لي ابتسام: اكلي

عايشه : مااشتهي والله

طالعتني ام حمد بنظراتها الحادة .. نزلت نظري لحجري .. اخاف منها وايد .. واحترمها بعد .. احسها حنونة بس ماتحب تظهر حنانها لاحد ..

تلاقت انظاري بانظار حمد الي كان يبتسم لي .. ابتست له شبح ابتسامة ..

للحين احس نفسي شخص غير مرغوب فيه ياتني روضه اختهم الصغيرة وقعدت عندي

روضه : عايثه باجل بتلوحين وياي الدكان باثتلي هلاوه

عايشه : لاحبيبتي مابروح

روضة وهي بتصيح: ليييييييييييييييييث؟

عايشه بحزن : ابي اتم فالبيت ..

روضة : انذين بتثوفين وياي ثبيث تووووووون كونتلاكتف

عايشه وتبتسم لها : انشالله ...

^^^^^^^^^^^

.. : نيلوه يوزي

نيلا : شو سويت الحين ؟

نورة : لا ماشي صح تعالي تخبرج

نيلا: شووووووووووووووو

نورة : ياللقافه ع منو ظاهره؟

نيلا : عليج يعني ع منو .. يلا رمسي شو شو شو ؟

نورة :ههههههههه نيلوه ظهرتي ملقوفة

نيلا : رمسسسسسسسسسسي

نورة بنذاله : لاخلاص غيرت رايي مابا اقول

نيلا : نوروه يالخسفه انزين

نورة : انزين وبعدين؟

نيلا : سخيفه : وخري عني بسير

نورة وهي تضحك: وين بتسيرين

نيلا : بيتنا انزين مابا لا ترمسيني

نورة وتبا تحرج نيلا : اونها الزعلانه الحينه .. كيف بتسيرين ونحنا متفقات انج اتين بيتنا

نيلا : مابا مابا غيرت رايي بسير بيتنا

نورة : هب ع كيفج كاهو يبور يتريانا يلا يلا امشي

نيلا : هب سايرة

نورة : خلاص وعد اخبرج فالبيت يلا يلا سيري

نيلا: وعد

نورة : هيه هيه وعد اوووووووووف

دخلو السيارة وهم يرمسون عن وحدة فياهم فالجامعه مادري ربيعتهم

نورة +نيلا : السلام عليكم والرحمة

يابر بتعب : وعليكم

نيلا استغربت بلاه يابر كل مرة يرحب ويهلهل ويسولف اليوم شكله تعبان ..

نورة : انزين عاد اقولج يوم خبرتها تعرفين شو قالت اليه؟

نيلا :................<سرحانه

نورة : هييييييييه نيول ارمسج انا

فهالوقت اتبهت نيلا من سرحانها وتلاقت انظارها بـ انظار يابر الي لابس نظارة الشمسيه : هيه معاج معاج

نورة : ابدن مب معاي .. الي ماخذ عقلج (وهي تغمز لها )

نيلا احمر واخضر وازرق ويهها من نوروه الفضيييييييييحة

وصلو البيت بسلام بعد هذرة شويه ..

يابر كلش هب طبيعي لايضحك لايبتسم لايسولف لا ينكت لايعلق .. به شي .. بس شو هو .. ماعرف

^^^^^^^^^^^^^

..: غايوه لاتصيحين

غايوه وهيه تصيح : اخاف اسقط بها المادة (وهي تصيح وتشاهق والكلمات بالغصب يظهرت من حلجها )

ريموه: افديتج غايوه بتنجحين انتي لاتقولين جذه

حصيص: الغوي لاتصيحين انشالله بتنجحين

غايوه: تعرفون شو يعني 3 اسئله ماحليتهن .. 2 شاكة ابهن غير الباجي

ريموه: يابوج انتي 5 انا شو اقول .. بس صخي

مهروه: غايوه عن الدلع مايحتاي بجوه

غايوه: انا ماادلع انا صدق خيفانه

مهروه : كلنا خيفانات ماسوينا شراتج

حصيص اطالعت مهروه يعني اسكتي لاتزيدينها :بس حبيبتي قومي ويانا غسلي ويهج

قامت وياهم غايوه وساروه الحمامات وغسلت ويهها وساروا لمو كتبهم بيرجعون البيت يرتاحون شوي ويكملون دراستهم باقي الهم اسبوع ويخلصون امتحانات خلاص .. مرت هايج الاايام بسرعة البرق

فالسيارة

حمدان : ياهلا ياهلا ياهلا يامرحبا الساع .. بالبنات شحالكن

ريم : بخير

حمدان : شوبلاج غايه . شي يعورج .؟ اوديج المستشفى؟

ريم: مابلاها شي

غايه ساكته وماترد ع شي

ريم: تعبانه من الامتحان

حمدان: هيه .. ماعليه انشالله تنجحين لاتحاتين

عاد اهنه ردت غايه تصيح

^^^^^^^^^^^^^^

كل وحدة على لاب توب تنتظر النتيجة تظهر ولك وحدة فيهم تنتظر النتيجة على احر من الجمر ...

وكل وحدة فيهم تتمنى تحقق المجموع الي كانت تبيه

شوي وتصرخ جمول: طلعت طلعتي نتيجتي طلعت

انتبه لها جاسم وضحك بسخريه " خريشه هالبنيه؟"

جواهر: جم جم جم؟

جمول: اووووف سكتي اقص عليج

جواهر: يالعفنه عبالي صج

يزوي ساكته وتضر بفهالاب توب تبي تعرف نتيجتها

جواهر: انوس انا جم رقم جلوسي نسيته!

انوس: صج انج ذكيه حد ينسى رقم جلوسه الحين شلون بتطلعين نسبتج

جواهر: عادي عادي تيك ايت ايزي

يزوي: وااااااي جواهروه باااااااااااردة برود اوووووووووف وبعدين وبعدي (وهي متوترة ) ياربي يالله فكوووونا

بو اليازي نادا اليازي وقامت عن اللاب وبهاي اللحظة فيصل كان على اللاب وصرخت جمول : طلعت النتايج طلعت طلعت !

جواهر: قصي على هنديه

جمول: والله ماجذب جوفي جوفي نتيجتج

جواهر : ماصدق

شوي وجمول تصرخ : يااااااااااربي وناسه

بدور وهي تلم جمول: فديتج تستاهلين الـ 92

جمول: فعينج 92.8 مب 92 خاليه

بدور: نفس الشي

جمول : لالالا يااااااااااااااااااااااااااااااااااربي شكرا

انوس وهي تضحك وتمسح دموعها الي نزلت : 93 93 ياااااااااربي الهي لك الحمد

خليل : وانتي ياحظي جم نسبتج (يكلم جواهر)

جواهر ببرود: مادري كم رقم الجلوس

انوس وهي مشتطة : اتوقع 798؟

جواهر : شدراني

؟

جمول وهي تصوفق ظهر جواهروه : يالبارد اخخخخخ هههههههههههه ( وهي تضحك بينون) يبت 92.8 ياربي واااااااااااي هههههههههههههههه (تضحك بهستيريه تضحك !)

فيصل : انزين كم رقم الجلوس مال يزوي خل نظهره لها مسكينه راحت لابوها

طالعه مشعل بمكر .. اما فيصل فقاله بكل براءة .. بدون مايقصد شي ..

اما نوف فاشتعلت من الغيظ ..

جمول وهي تعصر ذاكرتها : اممم ماعرف والله نسيت!

مريوم : كاهي كاهي كاتبته عاللاب

ودخلو الرقم وطلعت نسبه يزوي وطلعو بعد نسبه نوف الي تحلطمت ع نسبتها 85 اما جواهر فنسبتها كانت 88.8 واستانست على هالنسبه الا طارت طبعا مادارسه من اول السنه ونسبه عاليه اكيد بتفرح

يات يزوي وهي تتأمل ويوهم وقال برعب : ها ظهرت النسب .. كم نسبتي؟؟؟؟؟

فيصل وهو يسبقهم كلهم : نسبتج 79.9 مبرووووووووووك

يزوي انصدمت فالسبعيييييييييييييينااااااااااااااااااااات .. مستحيل لا : لاااااااااا

وركضت عالدري بسرعة لدارها وطراخ قفلت الباب وتمت تصيح ففراشها بعد تعبها كله تيب 79؟ اه ياربي حتى الـ 80 ماصكيته ..

اما الي كانو تحت انصدمو من النسبه يزوي شاطرة مستحيل تيب 79! دخلو رقم جلوسها وطلعت نسبتها 97.9 لكن الست سارة قالت لفيصل 79 بالغلط لخبطت فالارقام عشان جذي فيصل قال لها هالنسبه

ههههههه

تتوقعون شبيصير لليازي؟؟؟

07-25-2007, 09:39 PM

وهذا جزء بعد عشان الاجزاء قصيرةالجزء الــ ثالث عشر

..: يوووووووووووه الحين وين بنرقد

ساروه: مب معناته عطيناكم ويه كل يوم بترزون فيسكم وبترقدون عندنا

مريوم: الي يقول الغرفه باسم ابوج سكتي سكتي بس

ساروه:هههههه

بدور: يعني بنرقد اليوم بعد برع الغرفه .. ياهي وهقه هاليزوي ..

جمول:امبههههههههههههههههه بقرة صدقت بعد

جواهر: انزين حتى لو يابت 79 شفيها يعني؟

انوس: والله انتو ماعندكم سالفه ياحليلها البنيه متخرعه يابت نسبه جي .. ست جواهر تيبين فالسبعين عادي عندج؟

نوف بصوت محد يسمعه : يعلها تشاهق اخر شهقات حياتها وتموت وتفكنا .. (قالتها بغيض)

جواهر: عادي عادي يعني شباقدر اغير الحين؟

انوس: انزين بدور ومريوم رقدوا عندنا؟

مريوم بثقه : لالالالا برقد ويا البنات ادري مايستغنون عني

نوف وهي تحاجي روحها : مالت عليج انتي واختج يالخسفات (كانت مشتطة من الغيرة منهم)

ضحك الكل على تعليق مريم .. ساروه: كلش الاميرة ديانا عشان تثقين هالثقه

مريوم وهي تعدل فشعرها : الامير باتريشيا لو سمحتي عن الغلط

بدور:ههههههه فرقت يعني

الكل:هههههههه

..

بدور: وهي تطق الباب على يزوي : فتحــــي يلا

مريوم: اظاهر مافي امل .. عاد هالصياحة الحين .. اووووووف صج وهقه ..

بدور: انجبي لاتقولين جي عن يزوي فديتها ..

جمول وانوس وجواهر: حدج عاد

مريوم وهي تمثل الخوف: واي يمة كلتوني مايسوا علي تحجيت ..

ابتسمو والكل انصرف لداره بيرقد

ماعدا الغلامتين بدور ومريوم

.. اما يزوي فكانت تسمع صوت ضحكهم ودموعها تنحدر على خدها مثل السيل الجارف ... اكيد مستانسين على نسبتهم .. مب انا الي نسبتي مثل ويهي .. وماان تذكرت نسبتها حست بالغصه واللوعه وصاحت بشدة وهي تغطي نفسها باللحاف .. على اكمل جسمها ..

^^^^^^^^^

:ههههههههه تتوقع شتسوي الحين؟

فيصل وهو يبتسم .. ويحس بالذنب : حرام مسكينه اظاهر صدقت !.. بس اكيد البنات قالو لها ..

جاسم:هههههههههاي والله اتوقع ماتت من الصياح خخخخخخ تخيل؟

فيصل:ههههههههه حرام

جاسم: عاد هي على طول راحت ماقعدت تأكدت ولااشي

فيصل: ماكان ودي اقول لها هالنسبه .. هههههه ولا بالغلط الرقم بعد

جاسم:هههههههه هاي ساروه البلقه ماتجوف عدل

فيصل:ههههههه

وشوي ويسمعون اليدة تتحجى بغيض ..

يروحون عندها ...: شفيج يمة؟

اليدة : حسبي يالله على هالكفار .. وبلادهم .. من باجر تروحون وتحجزون لي ابي ارد البلاد مابي اقعد فبلدة الكفر هاي

فيصل : هدي اعصابج يدتي شفيج؟

اليدة : حسبي الله عليهم من ينا هني والاخبار الشينة تتحاذف علينا من كل صوب .. اسمعني ابوي باجر تروح وتحجز تذاكر للكل عشان نرجع الدوحة ؟.. عيل اسماعيل يموت وبنته اليتيمه محد وياها ومحد يخبرني ولا يقول لي . . ( بو عايشه ) .. هاي واحنا مثل الاهل .. ورابين ويا بعض .. من باجر مالنا قعدة هني دام ان السالفه جي .. هاي الغاليه عايشه (وهي تمسح دموعها الي نزلت على خدها ) مب أي شي .. بنت الغالي والغاليه .. (الله يرحمهم .. وصاحت اليدة شوي)

فيصل : انشالله انشالله (وبحركة تضحك جنه يتطنز على حركتها ) هدي اعصابج هدي اعصابج (وهو يمسك راسها ويقعدها)هههههه

جاسم:هههههههههه بسك بسك تتغزل فيدتي .. فديت ام عبدالله انا

اليدة وهي مستحيه : صج انكم جليلي الحيه .. وخروا وخروا

فيصل : مانقدر ع الحلو احنا

جاسم: عطينا ويه عاد

فيصل : 55....... وقال رقمه وهو غمز ليدته

ويدته معصبه من حركاتهم : فويصل يوز

فيصل وهو يقرب ليدته ويلمها من جتفها : فديت هالحلوة .. يعلنى ماننخلا من هالويه المنور ياربي

اليدة بنبرة حنونة: ولايحرمني منكم ياعيالي

فيصل وهو يصرخ مرة وحدة : يمــــــــه يمـــــه

(بطريقه تخرع)

اليدة تخرعت ياحليلها قلبها رجيج .. : وه وه شفيك يمه شفيك؟

فيصل : ابي اتزوووج

اليدة وهي مطمنه: خرعتني يابوك .. ابركها من ساعه يوم ان ولدي بيتزوج .. ومالك غير طيبة الخاطر .. من نرجع الدوحة بـ ست شهور نخطب لك

فيصل :لا وشينطرني 6 شهور

اليدة.. : ويه ويه ويه .. شفيك مستعيل لا من اول الي نقول لك بنخطب لك ماترضى ولا من احين الي متلهف عالعرس

جاسم وهو يغمز لفيصل : هيمان الاخو

اليدة : واخزياه ؟ وفمنو هيمان؟

جاسم: ااااااه ماعرف .. بس الي اعرفه اني ميت بهواج

اليدة وهي تضرب جاسم بخفه : جسوم ان مايزت والله لايوزك قبل فويصل

جاسم وهو مستانس: موافق

اليدة: ههههههه يعل ربي يبلغني فيكم كلكم شباب وبنات .. واجوفكم معاريس واجوف عيالكم قبل لا اموت (وانملت عين اليدة بالدموع)

فيصل : لالالالا يمة كل شي ولا دموعج (نقطة ضعفه يوم يجوف الدموع .. مايحب حد حزين او بيصيح)

فالوقت الي نملت عين اليدة دموع نزلت جمول من الدري ..محد لاحظها غير جاسم الي ابتسم ..

اليدة : جميله؟

جمول: هلا .. يدوه انتي للحين قاعدة؟

اليدة : ترا هالاباليس (وهي تأشر على فيصل وجاسم ) يخلون حد بحاله

فيصل وهو مبطل عينه ببراءة : وشسوينا احنا .. يالله ياجاسم صرنا مب مرغوبين ولا يبونا (وهو يغمز لجويسم وجويسم امرة يبها من الله )

جاسم وهو يرسم علامات الحزن بويهه::ايه والله قوم قوم بنسافر عنهم مانبيهم

اليدة وحليلها صدقت انهم زعلانين: قعدو قعدو

ف


العضو المميز	الموضوع المميز	المشرف المميز
قــريبا	قــريبا	قــريبا

الإهداءات
إضافة إهداء