لحظـــ وداع ــــةْْ

07-26-2007, 04:29 PM

وآآآو حلوين الأجزآآء عجبوني

بس أحس ان نووف بتحآول تغير نظرة اليآزي

أمآ فهد معقــ,,ـوله متزوج؟؟لآلآ مآ أعتقد

عجبوني الأجزآآء كشووخي

تسلم يدج

وننتظر الجزء المقبل
تحيآتي

07-27-2007, 05:12 AM

ههههههههههههههههه

تابعي وبتجوفين

وهذا الجزء وصل لج

07-27-2007, 05:15 AM

الجزء الـ رابع عشر ...

في فراش تعودت ارقد عليه مدة زمنيه وانقطعت عنه مدة .. حسيت بالاشتياق له .. كنت نايم فيه واحس بالراحة وخصوصا لينته الي حسستني كأنه فقدني وماصدق اني ارد له حتى ارد لـ احضانه .. حركت راسي بين مخدتي ..شوي

والا احس بالنور الي اخترق حدقه عيني صكرت عيني وانا احط الفراش على ويهي .. امنع النور من انه يخترق عيني

ماهي الا لحظات

و
الا بيد تنمد وتير الفراش من علي .. واحس بالازعاج .. شنو هاي ابي ارقد انا!!!!

قلت بعصبيه: اوووووه ابي ارقد

...: يالله عاد قوم بسك رقاد ..

...: قلت ابي ارقد .. (حسيت باشتياق لهاصوت .. كل مرة المنبه الي يزعجني .. بس هالمرة صوت حقيقي)

مامداني اخلص جملتي الا وحد ينط عندي عالفراش : ايه والله محسون قول لهم مابي اروح المدرسة بقعد عن اخوي حبيب قلبي ..

محسن وهو يبتسم والنعاس غالبه : يالله روح زين .. روح المدرسة .. خلوني ارقد..

العنود: لاوالله؟؟؟؟؟؟ محسنوه اتوقع خذيت اجازة عشان توديني السوق مب عشان ترقد لين الضحى العود؟؟

محسن: معليه معليه يعني تبين تروحين السوق من الحين

العنود باصرار: ايه انزين

نصور مستانس انه بيرقد .. والاخ متلحف .. وراقد على مخدة محسن وشايل راس محسن ومخليه ع السرير

محسن: نصور قم قوم احسن لك روح المدرسة

نصور وهو متضايج:ييييييييييييييييياه لازم يعني اوف المدرس قال لنا غيبوا

محسن وهو يضحك: روح روح لاتسوي لنا اختك فضيحة

العنود: محسنوه قوم اجهز .. نصور قوم روح بدل ياي يناقز لي هني .. يالله قوم

محسن بمزح: صج انكم ازعاج .. شــ الي خلاني ايي ارقد هني والله الشقه اريح بوايد عن هني على الاقل مافي ازعاج من صباح الله؟

العنود: تتمنى انته .. ومب بكيفك مابتي يالله يالله يالله

محسن وهو يتنهد " يعني مافي امل ارقد ولو دقايق؟" : ماقول غير الله يعينك يامحمد على هالازعاج

العنود احمرت بس : اوهو وقام يضيع السالفه

نصور: ايه ايه ايه انتي بس خلاص عورتي راسي من كثر ماتحنين بيقوم اوف .. والله حاله؟!

محسن:هههههههه فديت الي يحس فيني

العنود يرت اللحاف منهم بغيض وخلته عالارض وطلعت من الدار وصفقت الباب فبعضه ..

لكن مع هالشي ماقدرت تخبي الابتسامة الي كانت ماليه ويهها .. والفرحة الي كانت غامرتها ..

واخيرا اجتمعنا وييييييييييت يامحسن عندنا البيت .. ياااااااااااه ياحلوة البيت الحين مب قبل جنه مهجور مافيه لاحس ولاحركة

اما محسن فابتسم .. وراح الحمام "الله يعزكم" وبدل ثيابه ونزل تحت بيتريق وياهم ..

صكر عيونه وهو مبتسم ويتذكر امس شلون كان حزين وفرح بنفس الوقت .. كان المفروض يبدر هالخطوة من زمان .. مب من الحين

*** امس .. فالميلس***

محسن وهو ينزل راسه ورد يرفعه : انا محسن

حاول يعرف ردة فعله

بس الصدمة كانت ماخذه دور كبير .. ع ملامح ابوه ..

سكت ونزل راسه ..

بومحسن: محسن؟؟ ولـدي ..

ثواني والاهل كلهم مجتمعين عند الباب .. (نصور راح يناديهم يوم سمع ان محسن ولده ) ..

مادري شصار ولا كنت اسمع حد .. بس كنت اسمع دقات قلبه يوم لماني ولميته .. ابووي كان يمر بفترة عتاب ويصرخ علي .. والله ضربني .. لكن بخفــــه وهو يعاتبني بقوة على بعدي واني مافكرت فيهم هالسنين .. لكنه كان غلطان هم ماغابو عن بالي لحظات فكيف انساهم؟؟؟

رغم الحنيـــــن الي فقلبـــــــــي عشان الــم ابوي واحضنه .. الا اني ابتعدت عنه شوي ..

جفته وجفت نظراته الـي تقريبا مكسروة علـي .. ماقدرت اسوي شي .. غير اني ارجع بقوة لاحضانه .. واترك العنان لعيني بالبجي .. لكن هيهــــــات تنزل دمعتي الي من سنيــن محبوسة بعيني ..

ثواني .. وانتقل لحضن اشتقت له ياااااااااااااه سنين وانا اعد الدقايق حتى ارد له .. حضنت امي بقوووووووة .. ومع بجيها وصياح العنود نزلت دمعتي .. لميت امي بقوة .. كأني مابي افقدها من يديد .. تفجر الاحساس الي فيني وظهرت براكين الحب من قلبي .. تهدد كل الي حواليني بهالحب القوي .. ركض لعندي نصور .. لميته بقوة .. وشليـــــــــته .. وافترييييييييييييييت فيه بقوة والهوا يضربني ويضربه ..

توقفت .. يوم تجدمت العنود صوبي .. بستها على راسها .. وضميتها لي وانا اهمس لها : بعد اليوم مانبي دموعج هاي تنزل يالغاليه ..

هزيت راسي وانا اتذكر هالاحاث الحلوة ايل مرت امس رغم كل شي الا اني مرتااااااااااااااااااح نفسيا وانا اركب السيارة واتصل بابراهيم ببشره

^^^^^^^^^^^^

كنت قاعدة وسارحة بأفكاري .. متلخبطة ومتشتته .. ماعرف .. شـ أقرر من يومين وانا ع نفس هالحاله ...

ساعات اقول .. بوافق لاان فيصل مايتعوض .. وساعات احس بالرفــض القووي الي يصر قلبي عليه .. بس اليوم بديت افكر بعقل.. اذا ماوافقت اكيـد بتخترب العلاقه بينا وبين عمي .. بس انا مابي هالعلاقه تخترب .. بس ... اوووووووه تعبت والله تعبت .. ماعرف شاقرر ..؟ وماعرف اذا قررت هل قراري بيكون صحيح ولا لاء؟ .. هاي حياه .. وعشرة عمر ؟!...

يالله .. شاسوي شاسوي؟؟؟؟

قاطع افكاري صوت ابوي الي قعد عندي وحط يده حوالين جتفي وهو يقربني منه ويقولي: ها بابا موافقه؟؟؟

نزلت راسي باحراااااااااج كبيـــــــر .. ياربي فشلللللله والله .. محد حس باحساسي من البنات .. ياربي ليش انا اتزوج قبلهم .. مابي مابي ..قلت بتوتر .. وبين لخبطة افكاري .. همست باحراج : ها؟ ..

ابتسم ابوي وهو يطالعني : موافقه؟؟؟

نزلت راسي وماتحجيت :...

ابوي ظل يطالعني .. وماتحجى,,

حسيييييييييت باحراااااااااااج كبير ابوي جي يطالعني .. وموضوع زواج .. ااه ياربي .. بصيييح .. والله حسيت اني بصيح من شدة احراجي ,: الي تجوفه يبه ..

وبسرعه شردت منه ورحت داري .. فتحت الباب .. مادري ضربتني غصه .. قفلت بابي .. ورحت عالسرير وانا اطالع مخداتي والدباديب المنثرة عليهم ..ماتملكت نفسي وقعدت اصيح .. ليش ماعرف.. .. بس مابي مابي .. انا اعرف وواثقه من اختيار ابوي .. لو ابوي ماكان موافق جان ماوافقت .. وانا اعرف فيصل ريال والنعم فيه .. وينشد به الظهر .. وانا مقتنعه بموافقتي بس مابي اتزوج الحين مابي

حسيت بطق عالباب ..
رحت مسحت ويهي .. وغسلته عدل بقت اثار الاحمرار بويهي بس اكيد مابيعرفون اني صحت .. لان هاليومين الاحمرار مغطي ع ويهي .. بس صوتي؟ شلون بخليه يرجع عادي؟؟؟

تحجيت فالحمام شوي .. حسيته مخنوق ياربي شاسوي؟؟؟

رحت فتحت الكبت وانا اتعبث بالاغراض واسمع دق الباب ...

لقيت دفتر نكت ..

بسرعه فتحته .. وانا ابي اقرا من أي شي المهم اضحك ويتغير صوتي <هبللللله من قلللللب ..

ياتني الضحكة ع نفسي احين في وحدة تنخطب وتقرا نكت؟؟؟؟؟

ههههههههههههههههه

صكرت الدفتر باحراج من نفسي .. انا صغيرة ومابعرف اتصرف في وايد حالات .. انزين شلون اقنعهم ؟؟؟؟؟

لمعت ببالي فكرة وابتسمت ابتسااااااااااااااااااامة عريضــــــه ورحت فتحت الباب ..

دخلت امي الغرفه .. وتبون الصج استانست وايد... اول بقنع امي بفكرتي .. وبعدين هي تقع ابوي ..

وبنجوف يافصول منهو الي بيفوز انا ولا انته ..

دخلت امي علي وهي تباركلي وتلولش (تزغرط ) _جي يعين كللووووووووووووووش هههه _ المهم قعدت عندي عالسرير .. وهي تبارك لي وتتحجى وياي ..

اليازي بحيرة .. وتوتر شديد: ماما؟

ام اليازي : نور عيونها ..

اليازي نزلت راسها : اممم يمة مابي اعرس ..

ام اليازي وهي تعقد حواجبها وبصوت عالي : شنووووووووووووووووووووووووو؟؟؟؟

اليازي حسيت بصوتها عالي خفت اتصمخ .. والله كنت خايفه .. هاي وانا بالبدايه للحين ماتحجيت .. جي صرخت عيل لو قلت لها .. شبتسوي فيني؟.. بتذبحني .. بلعت ريجي الي صار ناشف وانا اصكر عيوني بالقوة وارد افتحهم وانطق : قصدي .. امممم

ام اليازي ساكته وتنتظر بنتها تتحجى :....؟؟؟؟؟؟؟؟

رفعت عينها اليازي بتجوف ردة فعل امها ,, بس للاسف ماقدرت ترفعهم .. تستحي.. ومتفشله .. ماتقدر ماتقدر : اقصد يعني .. (وهي تتحجى بدفعه وحدة حتى تتخلص من الي بتقوله .. وو و .. ماعرف اشرح لكم شلون تحجت بالسرعه ) .. يعني انا للحين صغيرة ومب لازم اتزوج الحين . وتوني مخلصه مدرسة ... ابي ارتاح .. وغير هاي ابي اسجل فالجامعه .. اول اخلص كل دراستي .. بعدين اتزوج .. انا مارفضت بس .. ابي وقت ..انا مقتنعه بفيصل واعرف انه ريال زين بس انا ابي ادرس فالجامعه وتعب و وو و ..

ام اليزي تقاطعها : ارتاحي فبيت ريلج .. انا بقول لابوج ولو كان فيج خير جان قلتي لابوج هالحجي مب يايه جي تقولين لي انا حتى اقوله لابوج؟؟؟

اليازي "ياربي يايمية لاتسدين الباب بويهي " : انزين يمة بكون صـ ..

ام اليازي : بس ولا كلمة .. تبين تفرقين هالعايله الي ولاشي هزها وفرقها .. الحين انتي بتين تفرقينها ؟؟؟؟؟؟

اليازي طالعت امها الي ظهرت من غرفتها معصبه .. دموعها كانت تلمع بعينها .. فكرتي مانجحت . حتى نص الكلام طار مني .. احين شباسوي .. اوووف ..

^^^^^^^^^^^^^^

فهالوقت فيصل كان قاعد وسرحان يبي يتذكر الكلام الي دار بينه وبين امه بلندن عن الي بيخطبها يحاول يتذكر من هي ؟ من اهلها؟؟؟ ماتذكر ؟..

قطع عليه صوت تلفونه "" بوحَمـــــــــود "" يتصل بك ..

فيصل : هلا والله بوحمود شخبارك؟

جاسم: والله تمام انته شخبارك؟

فيصل: ااخ زين

جاسم : ايه ايه من قدك يامعرس انته جي ياخاين ماتكشف عن مخططاتك لاخوك وحبيبك ..

فيصل وهو مستغرب من كلمة " معرس" ؟ .. شعرفه انا ماقلت ؟! لايكون امي سوتها وخبرت العالم ؟ .. لا اكيد قالت ليدتي ويدتي طبعا ماقصرت يوووووه ياهي وهقه: هههه

جاسم: ولا بعد بتتزوج قبلي ..واحنا الي اتفقنا نتزوج بيوم واحد .. وبتاخذ اختي بعد .. صج انك خاين ياخي قول بقول ع الاقل لاخو العروسه .. وفتح الموضوع وياها .. صج انك ريال مستعيل؟

فيصل مستغرب من كلمة "" اختي "" اخته؟ بس ماعنده اخت؟!: أي اخت تتحجى عنها؟ ماعندك اخت تراك؟!

جاسم بعفويه: يعني تسوي نفسك ماتدري ان يزوي اختي .. ولا تستعبط يالاخ؟؟

فيصل : يزوي؟ شدخلها؟؟؟

جاسم: العروس بعد شنو شدخلها؟؟؟؟؟؟؟

فيصل كان منصدم .. بس مايخفي وناااااااسته : ايه ايه صح؟ بس .. تعال شلون اخوها؟؟؟؟؟

جاسم: بالرضاعه يعني شلون؟؟؟؟

فيصل كان منصدم اليوم صج .. صدمتين ورا بعض .. اول شي حبيبته وروحه هي خطيبته الي قعد ليالي يتمنى لو تنفتح هالخطبه .. وكره خطيبته كره عمره ماكرهها لاحد .. وكان يتذكر افكارة وشبيسوي فيها ايام الخطوبه ,, ههههههههه قعد يضحك ع نفسه ..: اقول جسوم الحين بيك انته وين؟ ..

جاسم : بيت اختي بعد وين .. فدييييييييييييييييييييييييتها .. (عشان يقهره)

فيصل: ايه ايه محد يتفاها غيري ..

جاسم: هههههه من الحين عاد

؟

فيصل:هههههه خطيبتي ومرتي ان شاء الله

جاسم: جب جب خلها توافق اول ؟!

سكت فيصل : ايه والله خل توافق اول .. يالله انا يايك ..

جاسم: تعال بيت يدتي اعرف حركاتك انا هههههههه

فيصل: ههه الي يقول اني ماجفتها كلش حافظ شكلها من كثر ماجفتها( يتغشمر عشان مايثير شك رفيجه)

جاسم: ههههههه مع ويهك .. يالله مع السلامة ..

فيصل : مع السلامة ..

ابتسم وراح يبدل ثيابه .. فديييييييييييييت امي واختيارها ..

تذكرت قبل يومين .. كانو رادين مادري من وين؟ .. المهم يزوي يات بيت يدتي .. اتوقع كانو للحين ماقالو لها اني خطبتها فديتها والله جوفوا شصار ..

كانت فالمطبخ قاعدة تساعد فالعشا .. فديتها راعيه بيت

محد كان فالمطبخ .. غير الخدامات .. يدتي كانت فدارها .. وام يزوي للحين مايات ..

دشيت المطبخ .. لان محد فالبيت ووحشه .. قلت بروح اتحرش شوي فيها .. من زمان ماتهاوشت وياها .. خخخ كنا مسوين هدنه فلندن عشان مانتضارب .. بس يزوي تقدر؟ ام لسان محد يقدر يسكتها؟

دشيت: السلام عليكم ..

يزوي منشغله ولاتدري بالدنيا!:......

فيصل وهو يوقف وراها ويقول بصوت عالي: اسلم انا ؟

يزوي تخرعت هاي من وين طلع لها؟: بسم الله الرحمن الرحيم .؟ .. انته من وين طلعت؟

فيصل : جايفه يني عشان بسم الله؟؟؟؟؟؟؟؟ .. من بطن امي (وهو يرفع لها حاجب واحد)

يزوي باستخفاف : هيهيهيهيهي ماتضحك .. وعليكم السلام ؟.نعم ؟! خير ؟! شتبي؟!

فيصل : بل بل بل ماكل حلال ابوج عشان جي تحاجيني؟؟؟؟؟؟

يزوي : وهي تقص الخيارة: كيفي

فيصل : كيفج فـ بيتج مب هني؟

يزوي: وهاي بيت يدتي يعني بيتي .. شتبي ياي المطبخ؟؟؟

فيصل: متملل محد فالصاله

يزوي: اها؟ .. وشاسوي لك يعني؟

فيصل : ولا شي (وهو يقعد عالكرسي )

يزوي طنشته وقعدت تكمل تقطيع السلطة

فيصل وهو ياخذ خيار من الي مقطعته يزوي : تعالي صح ..

يزوي : اووف ها؟؟؟؟؟؟

فيصل: وصماه يصم العـ

تقاطعه يزوي: يصمك انته

فيصل : احين انا قلت انتي؟ قلت يصم العدو.. ترا انتي تخلين حد يتحجى ؟

يزوي: كيفي

فيصل: عيل لاتقولين شي يوم حد يهاوشج ؟

يزوي: هه ماتقر اصلا ..

فيصل : انزين ..انا اسف

يزوي مستغربه : على شنو؟

فيصل : ع الي صار فلندن؟

يزوي: شنو؟ ماذكر؟!

فيصل : ع نسبتج؟

يزوي بأسف .. وبحزن: لاعادي ماعليك ..انته مايخصك .. هاي نسبتي .. و ؟..

فيصل يقاطعها : لالالا انا .. (ماحب يجوفها جي حزينه .. ملامحها تصير حزيييييينه وايد .. عشان جي كان يبي يفرحها): قلت نسبتج غلط؟؟؟

يزوي تترك الـ سجينه .. وتلتفت له : ها؟؟؟؟

فيصل : اممم ساروه قرت نسبتج غلط وانا قلتها لج نفس ماقالت .. ليش البنات ماقالو لج كم يبتي؟؟؟؟؟؟؟

يزوي وهي تهز راسها بـ لاء

فيصل : اقولج كم؟؟؟

يزوي: ايه كم؟؟اذا اقل لاتقول ..

فيصل : عيل لازم تستعدين ..

يزوي: لالالا خلاص مابي اعرف ..

ردت تقطع ..

فيصل : 97.8

يزوي :هااااااا؟ احلف قول والله ؟

فيصل وهو يضحك: والله!

يزوي وهي مستانسه: وليش ماقلتو لي؟

فيصل : انا عبالي قالو لج ..

يزوي وهي معصبه : صج سخيف

فيصل مبطل عينه : انا؟؟؟؟؟؟؟

يزوي: في غيرك والله خرعتني وصيحتني الليل مارقدته كله من سبتك قلت لي النسبه غلط!؟ ماحبك ماحبك ماحبك

فيصل " انا شدخلني؟": انا شيخصني .. ساروه ماتعرف تقرا ..

يزوي : دب دب دب .. اطلع من المطبخ ..

فيصل وفيه الضحكه: مطبخ ابوج

؟

يزوي : هئ هئ اطلع اطلع .. يااااي اطلع برع بليز بدون مطرود (وهي تأشر بالسجينه الي بيدها ع الباب )

فيصل يستند ع الطوفه الي عنده : مب طالع شبتسوي؟

يزوي وهي تمسك الليمونه وتروح لعنده وترفع حاجب واحد : اممم شااقدر اسوي؟

فيصل : ههههههه خلاص خلاص

يزوي وهي تركض وراه: هههههههه لالالا مافي خلاص ..

من ظهر فيصل من المطبخ يزوي استندت ع الكبت وهي مستانسه .. يعني نسبتها حلوة .. ياربي فديتك يارب فديتك ..

يوم استوعبت هي شسوت احمرت لكنها اضحكت من كل قلبها:ههههههههه

انتبه فيصل انه فالسيارة .. ياه لهالدرجة ماحسيت بعمري .. حرك السيارة بيروح بيت يدته

^^^^^^^^^^^^^^^^
فالامارات ..

الساعه 2 بعد منصف الليل ..

..: هيه .. جهزتي انتي؟

..:لا ماجهزت كل شي .. غايوه ..باجر بنسير السوق ان شاء الله بتين ؟؟؟؟؟

غايوه: امممم ماعرف ..؟

ريموه: يالله عاد لا تقولين ماتقدرين؟

غايوه: ماعرف يمكن ... اممم بشوف

ريموه: انا باجلي نعال وكمن غرض

07-27-2007, 05:18 AM

غايوه: يالله ياريموه هب مصدقه بنسير العمرة ..

ريموه: هيييييه ولا انا .. من سنتين ماسرنا

غايوه: تذكرين اخر مرة فالعمرة اخر يوم .. يوم تضيع زنوبتج يلستي تصيحين الا تبينها ههههههههه

ريموه :هههههههههه هيه هيه اذكر حتى هـ ..

غايوه: ليش ماكملتيها .. هزاع راح واشتراها لج !

ريموه:...

غايوه : صح وينهي عليا ابا ارمسها .. اشتقت الها يومين هب بالبيت .. صدق اشتقنالها كلنا ..

ريموه: هيه بخير؟! اممم شو صاير بينها وبين فهد؟

غايوه: جي شو صار؟!

ريمو: ماعرف اتخبرج انا ؟ ياختي حابسة عمرها بالدار مانسمع لها خبر .. وقافله عليها الباب ماتبا تشوف حد!!!!!!حتى حمدان حاول بها ماطاعت ترمس وتقول بلاها؟

غايوه: ممم مادري والله .. حتى فهد يوم يه من يومين مالقا عليا فالبيت قلب البيت فوق حدر.. مدري شصاير امبينهم .. وللحينه مانعرف عنه خبر؟!

ريموه: بيسير فهد ويانا العمرة؟

غايوه: هيه!

ريموه: عيل عليا ماتبا تسير!

غايوه: ليش؟ شو بها؟؟؟؟؟؟

ريموه : ماعرف اونه بتتعب من الحمل

غايوه: يعني انتو مابتسيرون؟؟

ريموه: لاطبعا كلنا بنسير بس امايه بتم وياها ..

غايوه : اها .. زين سمعي باتصل بج بعدين كاهو فهد يه ..

ريموه: اوكيه .. سلمي لي عليه ..

غايوه: يوصل .. يالله فمان الله

ريموه: فمان الكريم

فهد وهو يأشرلها ع التيلفون: منو ترمسين؟؟؟؟؟؟

غايوه: ريموه

فهد: صدق ؟ .. رمستي عليا؟؟

غايوه: لا .. شو صاير امبينكم؟

فهد: نحن؟ شو ؟؟؟

غايوه: مادري اتخبرك انته ماتي البيت الا نصايف الليالي .. وعليا ماتظهر من الحيرة شو بكم؟؟

فهد: مابنا شي .. جي دامج تعرفين انه انصاص الليالي شحقه ترمسين لهالحزة فالتيلفون ؟

غايوه: فهد بلاك عادي بيت عمي!

فهد : حتى ولو

غايوه: انزين انا بسير احط راسي وبرقد .. وراي ظهره .. تامرني بشي؟

فهد: لا تصبحين ع خير

غايوه: وانته من هله ..

سارت غايه حيرتها .. وظل فهد يالس فالصاله اتصل بعليا .. مرة ومرتين وثلاث رابع مرة ردت

عليا: هلا غايه ..

فهد: انا هب غايه .. ليش تفتحين تلفونج هالحزة .. وليش ماتردين ع تلفوناتي ..

عليا : بكيفي انته مالك شغل !!

فهد: شو مالي شغل؟؟انا ريلج

عليا: هه سير يابوك اتحلم .. باي

وصكرت التيلفون فـ ويهه

ويلست تصيح ..

فالطرف الثاني فهد كان منصدم .. لهاي الدرجة وصلت المسأله؟ ياااااااه كان لازم ياسوير اتين وتقولين بابا .. شو هالحظ النحس ..

ماانكر لكم ..

انا كنت متيوز من سنين .. من 4 سنين تقريبا لا يمكن اكثر ..
يوم كنت ادرس باستراليا ..
كنت انا وبنت بنفس الشقه وها البنت من اصل كويتي ..
مايصير تكون بنت وياي بالشقه وماتربطني بها أي علاقه ..
وفـ هايج الايام كنت مراهق .. وكل مراهق له احاسيس .. ويحب من يهتم فيه ..
خفت ع نفسي من الخطأ
قمت واتزوجتها ..
ماكانت عني غير هالطريقه ..
وهي وايد حبوبة .. وطيبه حيل .. اذا عرفتوها صدقوني بتحبونها مثل مانا حبيتها ..
بس من 6 شهور ونص انقطعت عنهم فترة ..
وكان بسبب عرسي ..
ماكنت ابي اتزوج .. كنت رافض الزواج نهائيا.. وخصوصا اني كنت متزوج من قبل .. وعندي بنت حلوة اسمها "ساره".. ماكنت ابي عليا مع انها ماتنرفض ..
بس انا مابغيت اظلمها ..
وتبون الصج حاولت اخبرها فايام الخطوبه
بس للاسف
عليا كانت تستحي
وماتظهر يدامي

وخذيتها ..

تذكرت يوم رحت بخبر مرتي "..."

فهد: ..... ابا اخبرج بموضوع مهم (وهو يبلع ريجه)

(...): خير شفيك؟

فهد: امي ..

(....) شهقت: شفيها؟

فهد : تباني ازوج

(.....) .. سكتت .. ملامحها جمدت .. اطالعت بنتها سارة الي كانت نايمة شرات الملاك ..: وبتتزوج؟

فهد: لا ماباها

(....): بنت عمك؟

فهد: هيه.. بس ماباها .. اباج انتي ..

(....): لا يافهد ..(نزلت راسها وقالت بألم): اذا لي معزة تزوجها

فهد: شو؟؟؟؟

(....) وهي تصيح : الله يخليك .. طيع الحجي ..

فهد: بس انا ماباها ..

(.....): عشان خاطري

فهد نزل راسه ..

مرت هالذكريات فباله كأنها صارت من شوي .. راح لداره .. الحين كيف بيقنع عليا .. عليا هب غبيه بتصدق اني هب متزوج .. وخصوصا الشبه الي ببنتي سارة فيه ..

: كيف بقنعها ياربي كيف؟اني تيوزت بس عسب امنع نفسي من الحرام !!!!!

^^^^^^

كنت قاعد وسرحان ..

قطع علي صوت ام حمد : شفيك يابو حمد اشرب جايك .. بَرد

تنهد بو حمد وهو يطالع عايشه بنت اخوه ساكته وماتتحجى كـ عادتها من يات من بيت ابوها ..

بوحمد: ابوي عاشه ماتبين جاي؟

عاشه وهي منزله راسها: لا مشكور عمي ..

التفت بو حمد ع عياله .. لقا ولده حمد يخز عاشه .. اظاهر يبي يكلمها بموضوع او شي .. اما ابتسام .. كانت تطالع تلفزيون

بو حمد: حمد ياولدي ..

حمد طالع ابوه: هلا يبه ..

بوحمد سكت : لا خلاص ولاشي

بو حمد وهو يكلم عمره : انته ينيت تقول لولدك اصلا اذا قلت له مابيرضى .. انزين اقنع عايشه .. انا محتاج مبلغ كبير من الفلوس عشان مشروعي ..

امممم

ايه

مالي غير هالحل ..

ابتسم ..

بس سرعان مااختفت ابتسامته رد يحاجي نفسه: بس انا قلت ببتعد من هالطريج ..

رد يوسوس له الشيطان : فلوس بنت اخوك .. ولا تنسجن ..

بوحمد: لالالالالا ...

ام حمد: بو حمد رديت تسرح؟

حمد: يمة خليه يمكن يبي ياخذ عليج وحدة (وهو يغمز لابوه)

ام حمد: فال الله ولا فالك .. حد يقول لامة ابي ابوي يتزوج عليج؟

حمد يضحك: مب هالمقصود .. يمة ههههههههههه

عاشه: امم استئذن بروح داري ..

عوت حلجها ام حمد : روحي ربي لج حافظ .. (ومن داخلها تغلي يعني هالبنت الي مب متربيه بتاخذ ولدها ولاا بعد .. اظاهر تبي تكوش ع الاكو والي ماكو الابو والولد .. تنهت بحسرة )

اما حمد كان بيلحقها

بس ماعنده شي يتحجج به ..

رن تلفونه .. وكان رفيجه متصل فيه ..

استانس ياته الفرصه ..

قام من مكانه ورد ع رفيجة وهو متجه لدار عاشه

^^^^^^^^^^^

كنت قاعدة بداري واصيح واشهق بمرارة .. معقوله معقوله فيصل .. حبيبي .. ياخذ يزوي الخايسه .. لالالا مستحيل .. انا لازم اسوي شي لازم اتحرك ..

ردت تصيح ؟..وشباسوي ياحسرة .. الكل فرحان بخطبته لها ..ماعندي شي اسويه ماعندي .. شهقت بقوه وهي تحس بالمرارة

مسكت عبراتها ودموعها .. انا لازم اتحرك لازم اسوي شي ..

سمعت الباب ينطق ..

نوف وهي تصيح وتصرخ: قلت لكم مابي غدا مابي شي ماتفهمووووووووون

رد عيل صوت اشتقت له واااااااايد .. : نوفوه يالدبه فتحي انا شهد

نوف وهي تصيح بس فرحت ان رفيجتها شهد يات لها: هلا شهد .. هلا .. شخبارج؟

شهد: فتحي الباب

نوف فتحت الباب .. وهي تغطي ويهها .. : دخلي .. وقفلي الباب وراج ..

شهد .. انصدمت من رفيجتها شبلاها نوف جي تصيح .. معقوله فيها شي؟: نوفوه يالدبه شفيج؟

نوف وهي تصيح : فيصل .. فيصل ياشهد فيصل ..

شهد: شفيه؟

نوف: بيتزوج .. بياخذ وحدة غيري .. بيتزوج بيتزوج بيتزوج (ويه تضرب فالسرير بقهر وصياح)

شهد : ها؟؟؟؟؟؟ حرام وحبج له؟!

نوف: ماعرف ماعرف شاسوي معقوله فيصل يخدعني .. أي ليييييييييش .. بيتزوج ..

شهد: بياخذ من

نوف وهي تصيح وتقول بحقد : بنت الجلاب .. اكرهها .. اكرهها .. يعلها ماتتهنى وياه ..

شهد: منو هاذي انزين شتصير له؟

نوف بحقد ودموعها تنزل على خدها: اليازي ؟.. بنت عمه ..

شهد: اوييييه يزوي ع البركه ..

نوف طالعتها باحتقار وقالت بعصبيه وقهر: اقولج بتاخذ حبيبي تقولين بالبركة ..

شهد كانت زميله لليازي بصف ثالث اعدادي .. وكانت طيبه وماجافت عليها شي مب زين .. على الرغم من هاي .. كانت تكن لها حقد كبير .. وهي كانت رفيجة نوف من الصغر .. : انزين انزين اعصابج .. اممممم شبتسوين الحين؟

نوف: مادري ماري .. ابي اخرب زواجهم .. بليييييييييز شهد ساعديني .. (كانت تطالعها بترجي .. ودموعها تنزل)

تنهدت شهد وهي تمسح دموع نوف: ماعاش الي ينزل دموعج يانوف وبنلاقي حل صدقيني بنلاقي .. وهي تبتسم لنوف

^^^^^^^^^^^^^
كنت يالس اشيك ع الاغراض .. خلاص الحينه بنسير المطار .. ولازم كل شي يكون تمام ..

دخلت سيارتي بيسير بيت عمي .. بعد ماوديت جناطنا وجناطهم .. بنسير العمرة طبعا ..

وانا اسوق .. قطع علي رنة تيلفوني .. ظهر عني رقم غريب .. بغيت اطنش .. بس شي شدني عسب ارد

حمدان: الو ..

..: مرحبا ..

حمدان : مرحبتين ..

..: شحالك حمدان .. ؟؟

حمدان : الحمدلله بخير ونعمه .. السموحة اختيه منو؟

..: شو مسرع مانسيتني .. انا وضحة

حمدان: عفواً الشيخة مغلطة ..

وضحه:لا هب مغلطة .. (تنهدت) .. حمدان انا ربيعه اختك عليا .. مرة هي اتصلت بي من موبايلك .. ونست تخبرني رقمها .. ممكن تعطيني رقمها ..

حمدان : انشالله اختيه هاج الرقم (...............)..

وضحه: مشكور اخويه ماقصرت ..

حمدان: العفو الشيخة ..

وضحه: يالله استئذن انا .. مع السلامة

حمدان: الله وياج ..

صكرت مستغرب .. عليا ؟ وتلفوني؟ متى!!!!!!؟؟؟؟.. طنشت الموضوع وسرت لهم الحين لازم نكون فالمطار ..

^^^^^^^^^

ضربات خفيفه ع جتفي : ياااااااابر ياااااااابر قوم عاد

يابر : ها شو؟

نورة : ابا اسير المطار اودع نيووووووووول

يابر رد يتلحف : بعدين بعدين ..

نورة :ي الله يبوووووووووووور وصمخ

يابر وهو يقوم بغيض من فراشه : اوف انزين ..

نورة: بسرعه عسب نلحق عليهم

يابر معصب :قلتلج اتريي ولا والله مابخليج تسيرين وتشوفينهم

نورة : اوف انزين (وظهرت من الغرفه )

يابر نش اتسبح واغتسل ولبس وتسفر وتكشخ وحاله

وكل ها عسب يشوف نجلاااااااااااااااااااااا بعد قلبه

اتصل به حمد

يابر: مرحبا الساع

حمد : المرحب لاهان .. شحالك؟

يابر: بخير وانته؟

حمد: الحمدلله .. يالله بتتأخر علينا!!

يابر: والله بسير اودع الاهل بيسيرون العمرة ..

حمد: صدق؟ (كان يبي يعرف لو حمدان بيروح ولا لاء عشان الريم ) .. وقوم حمدان ؟

يابر: هيه وهله بعد ..

حمد بخيبه امل واضحه: اها .. زين مرني عسب نسير نسلم عليهم ..

يابر : اسمحلي حمد بس الاهل ويايه ..

حمد: هيه .. ماعليه مرة ثانيه .. سلم سلم ..

يابر : يوصل .. يالله بسير .. فداعة الله

حمد : فداعه الرحمن

صكر يابر عن حمد وسار ويا هله بيودعون قوم عمته

++ فالمطار++
(فهـــــــد)

كانت المفاجأة ان عليا مابتسير العمرة .. اتضايجت .. شو ها ع كيفها شو؟ سرت هو والغيت الحجز .. وودعتهم .. اليوم انا لازم اسير واحط حد لهالمهزله الي صايرة شوها ؟؟؟

بعد مادخلو الطيارة توجهت لبيت عمه بو حمدان .. بسير اطالع حرمتي المصون ..

عرفت من الخدامة ان ام حمدان سارت ليارتها بعد ماودعت هله .. سألتها وين غرفه عليا وسارت ويايه دلتني غرفتها وسارت .. فتحت الباب ..

جفت عليا راقدة بهدوء فـ سريرها ..

صكرت الباب .. اظاهر ظهر صوت ..

تقربت منها وتأملها .. مديت ايدي بسمك وييها .. وفعلا مسكت وييها الملائكي ..

^^^^^
(عليـــــــا)
.. سمعت صوت فمنامي.. بس مافتحت عيني ولاشي .. توقعته فالحلم الي احلمه ..

بس ظهرت غلطانه .. يوم حسيت بيد انمدت ولامست ويهي .. فزيت من نومي خايفه .. منو هاي ...شو يبا ..

فتحت الليت بسرعه ..

لقيته فهد .. اطمنت .. وارتحت .. لكن سرعان مااختفت راحتي يوم تذكرت الي صار امبينا ..

سحب يده اظاهر حس فيه

صرخت عليه : شوتبا .. اطلع برع .. اطلع برع ..

وبسرعه لبست شيلتي اغطي بها شعري .. والحمدلله اني كنت لابسه بجامه بكم طويل وبنطلون وسييييع وطويل ..

فهد وهو مستغرب من حركتها : شو فيج؟ ..

صرخت : اظهر من حيرتي .. شوتبا .. اظهر اظهر ..

فهد وبدا يترب مني : غناتي شو فيج؟ .. شو شو ابا؟؟؟؟؟؟؟ انا ريلج ولا نسيتي ؟!

صرخت بويهي بقوه: سير مابا اشوف رقعه ويهك .. ماباك .. سير لحرمتك وبنتك .. شو تتريا؟؟ سير يالله سير ..

فهد بعصبيه : مثل ماهي حرمتي انتي بعد حرمتي ..

هدت ملامحي .. وصوتي اختفى .. وينك ياصوتي انقذني من ها ... يعني هو صدق متزوج ؟ .. وصق عنده بنت ؟! ولا ماكان ها ره .. ليش ياربي ليش؟؟؟ نزلت دموعي ماقدرت اتحكم بهم ..

فهد وهو يمسح دموعها : يالله تعالي بنسير بيتنا

ها شو يقول ؟ يباني ارد له بعد كل الي سواه فيه؟ .. شو من قلب عليه .. ماباه اكرهه اكرهه ..: اطلع برع من بيتنا .. لاتي هني مالك شي هني ..

فهد: انتي حرمتي ..

رديت عليه باستهزاء: ههه شو تقول انته .. انا كنت حرمتك تعرف يعني شو .. كنــــــــت .. يعني ماضي وانتهى ..

بغيت ابين له انه ماضي وانا اعدل بشيلتي .. وادخل قصتيه الي ظهرت ..

يا لعندي وير شيلتي وانتثر شعري صرخت عليه بقوه : يب شيلتي مالك حق علي انا هب حليلتك

فهد وهو ايرني من ايدي : هب بكيفج انا ريلج لو شو ماسويتي وبتين ويايه البيت

دموعي نزلت وقلت بعصبيه : هب يايه يايه ترك يديه

فهد وعيونه تلمع والشر ظاهر منها :بتين وغصبن عن خشمج .. هب تارك يديج شو بتسوين

صرخت عليه بغضب : والله بصرخ وبيمع الفريج عليك .. اتركني .. (سحبت ايديه منه بقوة واخذت شيلتي وكنت بلبسها)...

فهد بعصبيه : يالله صارخي اشوف .. وريني صوتج؟ .. يالله .. (سحب شيلتيه بقوة من ايدي .. ورماها ع الارض) اقولج انا ريلج مايحتاي شيلتج

كنت بصرخ كنت بنطق بقول شي .. بس خاني صوت خاني .. خانتي شجاعتي .. حتى شيلتي ماقرت اسحبها من الارض..

يراني بقوه وهو يلبسني شيلتي .. وحط عباتي عليّـه .. ويراني وياه ..

هزيت ايدي بقوة انفض يدة عني .. تركني تركني ..

ياني صوته الحاد والعصبي: جــــــــــــــــــــــــــــــــــــــــب ولا كلـــــــــــــــــــــــمة..

^^^^^^^^^^^
من ردت من لندن مااتصلت فيني .. شفيها؟ ليش مااتصلت ؟؟؟
امممم

انا بتصل فيها ..

اتصلت ع تلفونها .. بعد فترة ردت علي ..

بدور: الو؟

نور: هلا والله بالقاطعه الي ماتسأل

بدور بنعاس: هلا نوروه شخبارج؟

نور: بخير يالقاطعه ..

بدور: نوروه بصكر انا راقدة الحين

نور: جب انزين جب ..

بدور: باتصل لج العصر لعنبوج حد يتصل الساعه 9 الصبح!

نور: لانج حمارة ومافكرتي فيني ولا حتى اتصلتي ..

بدور: سوري فديتج .. والحين ذلفي لاني ابي اخمد ..

نور: اوكي .. كوابيس مرعبه ههههههههه باي

بدور: يعلها تزورج يادبببببببه .. يالله باي باي طيرتي النوم من عيني

نور جنها ماصدقت : خلاص عيل بسولف

بدور: جب جب باقول لج الاخبار اول مااقوم ..

نور: لالالا اخبار بعد .. مافي رقاد اليوم فزي حاجيني ..

بدور: انزين الله يسلمج ببدل وبدش الحمام وبتصل لج ..

نور : انزين لاتتأخرين انتظرج انا ..

بور: اوكي باي

صكرت عنها وقفلت التلفون وهي تضحك ورقدت

^^^^^^^^^^^^^^

من امس قاعدة وافكر ياربي شلون اقنعهم شلون شلون؟

اييييييه مافي غير يدتي .. اهي الي بتقنعهم ..

قمت بدلت وتسبحت ..

وتوجهت بيت يدتي ...

قبل لا ادش

مااوعى الا سياااااااااااااااااارة صوبي وماسمعت غير : طووووووووووووووووووووووووووووووووووووووووووووووووو ووووووووووووط .. صوت السيارة ..

طوط طوط .. عفواً انقطع الارسال .. يالله خلص الجزء..

07-27-2007, 05:21 AM

البارت الخامس عشر ..(الفصل الاول)

^^^^^^^^^^^^^^

..

نزل جاسم من السيارة .. ابتسمت له .. خرعني .. والله خفت .. توقعت اموت .. كان ياي بسرررررررررررعه قويه ..هههههههه توقعت نفسي الحين طايرة وع الارض مرميه ..

جاسم: هلا هلا والله باختي .. هلا بالعروسه هلا ..

استحييييييييييييييييييييييييت .. ويهي انشق بصراحة .. نزلت ويهي .. ماسمعت غير ان باب السيارة رد انفتح ..

طالعت الباب ..

جفت فيصل يطلع من الجهة الثانيه من السيارة .. حسيييييييت بخجل كبير من نفسي ..

ويهي احمــــــــــــــــر وااااااااااااااااايد ..

جاسم ابتسم يوم احمر ويهي .. وحط يده ع جتفي وبحركته كأنه يغايض فيصل ..(استحيت من حركته .. صح انه اخوي .. بس انا طول عمري ما حط ريال يده ع جتفي .. كنت بابتعد عنه .. بس عغمز لي جاسم سكت ماتحجيت .. فشللللللللللله .. ياربي اليوم ليش جي يفشل والله باصيييييييييييييييييييييييييييييييييييييييييي ييح) : يالله يالله تعالي نروح داخل .. عيب هني ريايل .. واقفين .. (طالع فيصل وحاجاه) وانته روح ميلس الريايل الحين بييك ..

استنكر فيصل كلامه وقال: لا والله؟ وليش بالله صرت غريب؟ ..(طالعني وقال) شخبارج يزوي؟

جاسم تحجى بسرعه قبل لا انطق:لا مب غريب بس استح ع ويهك تحاجي خطيبتك وجدامي بعد .. جدام اخوها .. صج ماتستحي ع ويهك ..

فيصل فتح عيونه ..كلاه بقشورة: احين شقلت انا بس سلمت!

جاسم وهو يدز فيصل وايرني وياه داخل البيت : روح الميلس باييك

فيصل : والله انا ادش بيت يدتي من زمان وماروح الميلس .. تبي ظهرها اهي ..

اليازي: بسسسسسسس انتو شفيكم؟ ها؟انا اصلا بروح فوق

فيصل وجاسم بنفس الوقت: لالالالالا وين رايحة ..

جاسم: ورديت تحاجيها اقولك مايصير ياولد؟

فيصل:هههههه خلاص خلاص مابحاجيها ..

جاسم ضحك .. ودشو يميع الصاله ..

من دشو .. اليدة .. قامت لهم بترحيب .. وابتسمت وهي تقول: ياهلا والله بالمعرس والعروسه .. ياهلا ياهلا ياهلا

جاسم باحتجاج: افا مب تارس عيونج يدوتي؟

جمول ضحكت مغايضةً له ..: ههههههههه مساكين مايعطونهم ويه

اليازي ويهها كان احمــــــــر من حجي يدتي .. وطبعا انا كنت مستانسه ههههههه تبون الصج احسهم مناسبين ع بعض فيصل واليازي .. اليازي وفيصل .. حلوووووووووو

احم ياترى انا بيكون اسمي لايق مع اسم ريلي ؟؟؟اوووووووووويه جوفوني بـ شنو افكر صج اني جمول هع هع

خزاني جاسم بنظرة مافهمتها ؟: قومي جمول ايبي لي ماي

رديت وانا اتمتع بقعدتي ابي اتنيحس على فيصل واليازي اب ياخلي حوار بينهم حتى يتحجون جي قاعدين جنه اصنام هههههه : لاوالله ؟ خدامة ابوك؟ روح بنفسك.. هيلب يور سلف بيور سلف؟.. نستخدم نظام امريكي احنا مافي (وهي تقلد صوته وتخشن صوتها) روحي ايبي لي ماي ..

يدتي : بسم الله علينا وع عيالنا من هالامريكان .. شتقولين انتي ها؟

ضحك كل من فيصل واليازي وهو ابتسم وهو يفتح عيونه (حشاااااااا ام لسان هاي .. اظاهر كل بنات العيله لسانهم طويل هع ) : يالله يالله ولد خالتج انا روحي ايبي لي

قلت مغايضه له: لو ولد عمي بروح ايب لك لكن ولد خالتي .. انجلع

رد فتح عيونه .. وتوه بيتحجى قاطعته: لاتفتح جي عيونك جنك ضفادع .. والله .. واصلا بروح المطبخ ومابيب لك حرة (وبسررررررعه طلعت من الصاله .. شربت ماي ورديت .. وانا اطالعه ببرود فضيييع خلاه يعصب)

جاسم وهو معصب: يعني رحتي شربتي لج زحير .. ليش مايبتي لي

؟؟؟؟؟؟؟

جمول وهي ترد عليه بمغايضه وهي تغمز ليزوي: ههههه اول شي زحير عدوووووووووي ايل يشربه مب انا (وهي ترص ع عدوي) ثاني شي ..مب انا شربت زحير؟ ماحبيتك تشرب منه بعد يصيبك شي حبيب الماما ههههههههههههه

جاسم(ياربي هالبنت صج ملسووونة من قلللللب الكلمة ترد عليها بعشر): زين زين خلصينا من حجيج ايل ماايب فايدة ..

جمول وهي تحرطم بصوت عالي حتى يسمعها: مايعرف يرد جي يقول اوووووووووونه

جاسم ضحك هالمرة ماقدر يخبي ابتسامته وضحك هو وفيصل على جميله الي تعليقاتها تضحك:ههههههههههههههه

يزوي: انا بروح المطبخ بايب لك ..

فيصل وهو مبتسم :وانا بعد

يزوي استحت وقالت بهمس: ان شاء الله

راحت يزوي المطبخ

وجاسم اشتغل تغلس على فيصل : لو ادري ان الزواج يأدبها جان اول بتاني يخطبها زوجناها اياه .. جوفوا لسانها الي يخم حوش بكبرة شصار فيه شقصر

فيصل : بتاني ياخذ بنتك .. هههههه ايه بصراحة اوافقك قبل ترد نفس (وهي يطالع جمول الي رفعت حواجبها ) مب انتي ,.. نفس ناس ربي يستر عليهم

جاسم: خلاص جمول عندي لج حل .. راجو ( دريول اليدة) بنزوجج اياه .. ع الاقل نفتك من لسانج

جمول: تخسي الا انت .. انا مااتزوج أي احد شنو أي شي كل شي .. عيل انته بنزوجك .. شبيييييييييييييييينه ( خدامة اليدة المفضله ومرة كبيرة بالسن)

جاسم :هههههههه ع الاقل شبينه تنشاهد راجوا يليق عليج .. ترى سموج جميله عشان ماتتعقدين من شكلج مب عشان جمالج

جمول مع ان كلماته جرحتها حيييييييل : احسن من ويهك .. لو يصففون شعراء يدامي مايقدرون يوصفوني من جمالي

دشت يزوي عليهم بالعصير والماي .. ويدتها للحين تتحجى فالتيلفون .. وجمول سكتت وهي معصبه .. ماكانت تبي تطلع .. عشان ماتبين انها تأثرت

اما جاسم .. حس بالذنب ع الي قاله صحيح ان جميله ردت عليه .. لكن حس بتعابير ويهها متألمة .. من ايل قاله .. وندم اشد الندم انه تحجى وتلاسن وياها

قامت جميله : يالله يزوي امشي نصعد فوق ..

يزوي بعد قامت بسرعه تهربا من نظرات فيصل .. و: اوكي
يالله

^^^^^^^^^

فزيت من نومي .. حلمي كان يخرررع ..

ماكان حلم .. كان كابوس..

اااه ...

اااه ..

تنفست بسرعه وانا اقوم من فراشي بهدوء .. دشيت الحمام .. طالعت ويهي مفزوعه ... لقيت ويهي يصبب عرق .. وجبيني حــار .. تنفست بهدوء .. ظهرت من الحمام بعد ماغسلت ويهي وهديت نفسي .. كنت خايفه .. خايفه وايد ..

شربت ماي ..


العضو المميز	الموضوع المميز	المشرف المميز
قــريبا	قــريبا	قــريبا

الإهداءات
إضافة إهداء