لاتسالوني..واسالوها من متي ما كلمتني؟؟ وصدقوني لو سالتوا ادري ما ينفع معاها
من يصدق كيف غابت عن عيوني وهجرتني مخطيه والله يعلم لو تجي بدمح خطاها
عاليه..والشاهد الله من غلاها ..ولعتني ومن بعد ما ولعتني ..احرمتني من غلاها
وقلت يمكنها اتغلا مثل ما هي امعودتني تحرق اعصابي وترجع ..كل ماربي هداها
وليه وش ذنبي بدون اسباب هالمره نستني ماني متحمل جروحي وزود اجروحي قساها
اذكر انها حذرتني بكم كلمه ..واسالتني وش مصيرك لو تركتك وسط هالدنيا وغثاها..؟؟
كانت اتلمح لحاجه ومن بعدها حلفتني اني لا غابت اغيب وانسي لو قلبي ..بغاها
ليتها قبل الرحيل ابكل صراحه فهمتني هي ظروف الوقت والا شخص ولعها وخذاها..؟؟
ما هقيت اني ابتعب لين راحت وتركتني ولين قلبي قال.هذي مالي محبوبه سواااها
من يلوم القلب فيها لو يقول انها فتنتني دام لاجات اتباها قال من حقها تباها
من حلاها ما كذبت ان قلت تسحر وسحرتني ولو تمر قدام عيني...زر علقتني في سماها
ليه قالتلي(احبك)؟وليه فيها حببتني ما دريت اها بكلمه علقتني في سماها
من كثر ما كنت احبها لو ثواني قاطعتني ابلا شعور اسال عليها واقلب الدنيا وراها
الإهداءات
المواضيع المتشابهه
كيف غابت عن عيوني..؟؟
همسة ينبض حب وحنـآن
العرض العادي
