ديــوان الشاعر الأمير عبد الرحمن بن مساعد

[poem=font="Traditional Arabic,6,#000000,normal,normal" bkcolor="#FFFFFF" bkImage="" sdImage="" border="solid,1,#CCCCCC," type=3 line=0 align=center use=0 shcolor="" shgcolor="" gwcolor="" stretch="350" pwidth="500" num="0,0" break=""]
تدرين وأدري




تدرين وادري بنفترق

وتدرين قلبي بيحترق

حنا اتفقنا بكل شي .. الا الزمن

عيا الزمن لانتفق

ولاتزعل .. لو نفترق

قلبك خلي .. وقلبي انا اللي بيحترق

ياوردة في كل الفصول .. يافرح عيا لا يطول

قولي واقول .. ان كان عندك لي حلول

يافرحة القلب الحزين .. الوقت يمر ومالك عذر

كانك تبين .. ننسى العمر .. ننسى السنين

ونذوب في حب وحنين

تدرين وش سر الحكايه؟ الوقت يمر

ولكل شي لابد نهايه

وحنا قربنا من النهايه

ومالك عذر .. يابسمه الثغر الخجول

ان كان عندك لي حلول .. وان كان ودك نتفق

والا ترانا بنفترق .. ولا تزعلي لو نفترق

قلبك خلي .. وقلبي انا اللي بيحترق

ياحب يادنيا جديدة .. يااحلى ابيات القصيدة

ان كان جرحي ماكفى .. انزف لك جروح جديده

وان كان شعري ماوفى .. انسى الحكي وانسى القصيدة

يااحلى ايام العمر .. كثر الحكي وش بيفيد

مابقى عندي صبر .. والجرح في قلبي يزيد

مالك عذر

يابسمة الثغر الخجول .. ماظن عندك لي حلول

وماظن ودك نتفق .. واحنا ترانا بنفترق

ولا تزعلي لو نفترق

قلبك خلي .. وقلبي انا اللي بيحترق [/poem]

[poem=font="Simplified Arabic,5,#000000,normal,normal" bkcolor="" bkImage="" sdImage="" border="none,4,#000000," type=3 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break="http://www.alshamsi.net/sh3r/musa3ed/a10.jpg"]
فقير وعندي المال الكثير ..

فقير وملبسي غالي حرير ..

وياصاحبي الحافي الفقير ..

ابنشدك ابسئلك وشهو الحصير ..

وابسئلك وشلون انا امر وانهي ..

واذا حكيت قبل انتهي من كلمتي ..

يقاللي سم ويصير ..

ولاشكيت من غفلتي طول زمنها ..

يقاللي لاتشتكي ماخلقت الشكوى لأمير ..

وابسئلك وشلون انا مع كل ذا ..

!!!اقول عن نفسي فقير؟؟؟ ..

ياصاحبي لاصار لضحكه ثمن ..

وصارو اصحابي كثيربس بثمن ..

والوفاء مابه وفاء الا بثمن ..

ابسئلك ماني فقير ؟؟؟ ..

ولاصارت اقوالي حكم ..

ولاقالها غيري غدت .. حكي قديم ..

ابسئلك ماني فقير؟؟ ..

ولاصرت انا مانيب انا ..

ولاغلطت قالو صحيح وكل شي اعمله يصبح عظيم ..

ابسئلك ياصاحبي ماني فقير؟ ..

وياصاحبي ابنشدك لمن جفتني دنيتي ..

وابتدا الدرب الطويل الى ابد ماينتهي ..

وانتهي العز القديم وماكنت اظنه ينتهي ..

والموت بدد فرحتي .. وحطوني في قبر صغير ..

وحزنو علي وبكو هلي وناس من ربعي قليل ..

وارتاح من وجهي كثير ..

وبقيت وحدي في حيرتي مابه احد ..

لاطال عمرك ولاتحت امرك ..

ماغير انا وخوف ولحد وحساب قدامي عسير ..

وقتها ذكرت اني من زمان ..

يوم انه امهلني الزمان ..

هذا ظلمت هذا جرحت ياما كذبت ..

وذنوبي ماتحصي كثير ..

وقتها الا ندمت ونفسي كرهت ..

عرفت ان الله كبير وان الهلاك اصبح اكيد ..

واني انا مالي رجاء..ولاهروب من الدجاء ..

من الجحيم الا بأمل عندي وحيد ..

ان الله غفار ورحيم ..

ابسئلك ياصاحبي عني في وقتها ..

ماني فقير؟؟ .. [/poem]

[poem=font="Simplified Arabic,4,#000000,normal,normal" bkcolor="" bkImage="" sdImage="" border="outset,3,#000000,#000000" type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
قالـــوا تـــرى
قالوا ترى مالك أمل ..... في قربها لو يوم
ابعد وجنب دربها ..... وهذا هو المقسوم
قلت اتركوني واسكتوا ..... خذوا العتب واللوم
قدني غرقت اف بحرها ..... ولا عاد يفيد العوم
....
قالوا ترى في حبها ..... ويل وأسى واهموم
قلت ان قتلني حبها ..... حسبي تقول مرحوم
قالوا انسى ذكرها ..... منتب بها ملزوم
قلت ابشروا يا عاذلين ..... بنسى لذيذ النوم
....
قالوا بتلقى غيرها ..... واترك هواها اليوم
قلت العفو يا حاسدين ..... ما ابدل قمر بنجوم
قالوا لغيرك حبها ..... قلت الجواب مفهوم
دام انها متهنيه ..... وشلون اصير محروم
....
بقضي الليالي انتظر ..... صابر على المقسوم
متعلق بطرف الأمل ..... يمكن يجيني نوم
قالوا ترى مالك أمل ..... في حبها لو يوم
ابعد وجنب دربها ..... وهذا هو المقسوم [/poem]

[frame="4 90"][align=center]بــس معــك



با افارق افراقك وبخنق عبرتي ..... واجرح اضمادي واسافر لك معك

بشد للماضي واقدم ساعاتي ..... واعاند عنادي واقودك واتبعك

بأجامل احزاني واجافي فرحتي ..... واعادي خلاني واحبك واخدعك

بصير أنا طبعك وإنتي طيبتي ..... وبيحزنك ضحكي واهلل مدمعك

بأحارب اف ضعفي وافارق قوتي ..... وإلى رضختي لموتي بدفعك

لأجمل لقاء برحل وتمضي رحلتي ..... إلى حصل شوفي بكون مودعك

ابوصلك ببعد بسابق خطوتي ..... وبأنثرك فيني وبأنسى اجمعك

بضم أنا هجرك في قربك وحدتي ..... وتدلك اعيوني وقلبي مضيعك

وإذا قسى ليلي بطفي شمعتي ..... وإذا كثر زادي بجوع وبشبعك

شردتي ارقادي وسمعتي نبرتي ..... وغمضة أنا عيوني لجل ما أسمعك

عند الحزن تثقل خطاكي دنيتي ..... وعند الفرح دارت خطاكي مسرعك

قصيدتي يكفي كبيره كذبتي ..... حبيبتي آسف بخونك بس معك [/align][/frame]

[frame="6 80"][align=center]شـهـــر



ياللي تحبيني شهر .. ثم تجافيني شهر
ثم تحني لي شهر .. وتفكري كيف الرجوع كذا شهر ..
وترجعي لي في شهر..
ما قد خطر في خاطرك .. ان السنه اثنعشر شهر
...............

وقتي معك نصفه هموم
ونصغه الباقي أسى .. لو طبعك القاسي نسى
وبالصدفه جاء مره صباح .. وكلمه منك فرحتني
لابد ما نسى الجراح
تسمعيني في المسى
ولو تعبت اجروحي عليك .. وتشتكي منك إليك
بترجعي تحبي شهر .. ثم تجلفيني شهر
ثم تحني لي شهر .. وتفكري كيف الرجوع كذا شهر ..
وترجعي لي في شهر ..
ما قد خطر في خاطرك .. ان السنه اثنعشر شهر

...............

اعذريني لو أقول .. حبك نسى معنى الفرح
اعذريني لو أقول .. وشلون يذكرنا الفرح
مادام له انتي قريبه .. اللي يكفيني اهموم
بعدك متى .. وإلى بعدت ابلا سبب
الاكيد بترجعين .. بس الاكيد هذا متى
ولوتعب مني الصبر .. ومل من صبري العذول
وقلت يا ناس اسألوها .. الحب هو كله هجر
[/align][/frame]

[frame="7 80"][align=center]ملــيــت



قالت لي مليت .. ودي بحد غيرك

جمع اجروحك .. لملم مشاويرك

واذا قضى صبرك .. جرب صبر غيرك

لو اشغلك أو عذبك طيفي .. ابكي

واذا بكيت اكتب بدمعك شعر اشكي لمراسيلك

وبوعدك اذا صرخ جرحك ونادى دمعتي تنزل عليك

بضحك على أيامي معك .. وخذ على قلبي عهد ما يخلص لغيرك

اعذرني .. مليت

ما تبيني ملت الصدق المشاعر .. يا نور ايامي وسنيني اللي مضت

يالظلام اللي بيديني .. ما بقى فيني بقايا اتركيني

سل الحزن لغدرك خناجر وما لقاني فيني

وجرحي نادى نادى يا محاجر الدمع ما يكفيني

ضاعت بداياتي .. بقت نهاياتي واسأل إجاباتي .. هو أنا ما خطيت

هو بقى في اللي بيجي يا ليت .. ماتت إجاباتي

قالت لي .. مليت

يا أكثر اجروحي الأخيرة .. لو عرفتي اليوم قلبي ودعك

يا آخر اجروحي الكثيره .. ما عرفتي اليوم ما عاد اذكرك

وما اذكر من اللي مضى .. الا غرامك والفراق

بعض اللقاء والاشتياق ..

وكل الاحاسيس الصغيرة

يا برد عمري يا هجيرة .. تخطين لو يخطر في بالك

إنك في بالي كل دقيقه .. وانك خيالي والحقيقه

وإني أحبك مهما كنتي .. يا برد عمري وزمهر يره

ان كان قلتي غن فقدتك .. ما صدقتي

ان كان قلتي ما نسيتك .. ما صدقتي

لو عرفتي ما اذكر من اللي مضالي الا انتي

وما ذكر الا اني بكيت..

وفي ليله ما فيها وفاء .. قلتي لي مليت

يا انتي آخر أولى .. لا تصدقي ان نسيت [/align][/frame]

[frame="5 80"][align=center]ياللي خذيتي الشمس




ياللي خذيتي الشمس

لو تتركي لليل .. بعض النور

ياللي جرحتي أمس

ماعاش الا يوم .. وده يكون شهور

يااغلى من دمعي .. واقرب لي من احساس

ياشوقي ياسمعي .. لو تتركي للناس

بعض الدفا والنور .. دامك خذيتي الشمس

داوي جروح الليل .. واهدي الحزن بسمه

لا تجرحين الصبح .. تخفي المسن عنه

مدري جسور الهمس قولي احبك حيل

لاجل امحي احزاني .. واحيا فزمن ثاني

حيث الزمن غيرك فيه الفرح مهجور

ياللي الحسن دربك .. وموت الفرح دمعك

ان كان به شمس.. لو تظهري خدك

او همس من عطرك.. عله يدفي الليل

الليل عذبه الجفا .. والناس في برد وظلام

منك الدفا يبغى الدفا .. والنوم وده لو ينام

ياعذبة الضحكه كفى .. كل الفصول صارت شتا

من يوم اخذتي الشمس [/align][/frame]

[frame="9 80"][align=center]تعـــبــت




تعبت أنزف جراحي حبر و أدور للألم أسباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصـتني دمعة فيها سؤال لكل اجاباتي

مـلل أخبار حسّادي أحد صادق واحد كذاب

وأحد ما طال تجريحي وأحد عايش لزلاتي

أنا شاعر رغم أنف الحسد والحقد والأحباب

وانا يا حاسدي المسكين بعيد العيب عن ذاتي

أنا ما زادني شعري ولا زادتني الألقاب

تجي دنياي أو تدبر عزيز فكل حالاتي

أنا فرحي لمِن حولي وأيامي فدا الأصحاب

قـصيدي بـلسم المجروح ونبض الناس أبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أي ذلٍ يغطي الأرض لك يا رب يا وهاب

وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب

ويحسن خاتمة فعـلي ويغفر لي ضلالاتي

" أبملا العمر "بالتوبة" و "نوح" و "هود" و"الأحزاب

متى كانت سنيني عمر انا عمري في ركعاتي [/align][/frame]