يا مسكينه اذا حلمك تذليني قبل تمشي*****نصيحه اصحي لنفسج وشوفيني يا مسكينه
اذا حبك يخليني اذل نفسي لاجل ترضين*****تري ماني مثل غيري اذا حبك تذلينه
عطيتك كل ما بيدي وكنتي للاسف تقسين*****وأخذتي اكثر امن اللي تبينه وتمنينه
وبعد منتي تمكنتي وصرتي بالهوا تطغين*****خذلتي قلب ماكنك بيوم انتي تهمينه
وقلت امشي علي جوك والبي كل ما تبغين*****واعيشك (جو)لو انك حلمتي ما تعيشينه
تحسبيني انا ظلك ابمشي وين ما تمشين*****لو انك راميه نفسك بوسط النار ترمينه
وغبتي وكانت الغيبه تقص القلب بالنصين*****خساره من بعد طيبه بهالغيبه تجازينه
وانا وياج عشرتنا تري ما كملت سنتين*****وقلبي ان صار بيدينك اقول انك تحكمينه
خدعتيني وجبرتيني معاك العب علي الحبلين****و(مر)كنت اذوقه منك..صدقيني ابتذوقينه
مدامك ما تهابيني ودايم عادتك تنسين*****بذكرك كل شي فيني قبل كنتي تهابينه
انا منهو جرحتيني وجرحي ردلك جرحين*****انا منهو خضعتيله وطحتي عند رجلينه
نسيتي من علي شانه ولعيونه تهون العين*****لو انه يطلبك عمرك عشان ارضاه تفدينه
تري ما همني حبك وانا لعيونكالثنتين*****بكون اخر حبيب انتي توقعتي تحبينه
مدامي دايم فبالك تلاقين الفرح من وين؟؟*****مدام الدمعه في عينك وطيفي من تنادينه
ابحرق دمك وبابعد وابرجع وانتي اتشوفين*****بصير(الصعب)ولا يمكن صعب مثلي تلاقينه
وراسك لاقلب الدنيا علي راسك وما تسوين*****كلام قاله لك شاعر صعب انك تلومينه
تعودتي علي(كسر الخاطر)وادري ابتبكين*****خلاص ابكي عشان اضحك علي دمع تهلينه
وسلامتكم
مع اطيب امنياتي
هدووووووووووء
الإهداءات
المواضيع المتشابهه
عطيتك كل ما بيدي...!!
العرض العادي
