السلام عليكم و رحمة الله و بركاته
شلونكم شمسوين شلون الاجازة الي قربت تخلص معاكم >>> مرة مستانسة المدرسة بترجع
اقول عاد بمأن الدراسة قربت ترجع اكيد لازم نستعد لاستقبالها سوى و حبيت اسويلكم مراجعة >>> د.لؤلؤة استاذة رياضيات
عاد جبت هاللعبة و بيني و بينكم هذي لعبة بس لكونان و اخواته و انشتاين و احفاده
يا جماعة الخير من الاول و من قبل ما نبدى تراه لعبة صعبة شوي لازمها تركيز و ذكاء و الي متعود يحط اجاباته بكذا كلمة حافظها يتفضل بكرامته
ادري كلكم اذكياء و عباقرة الحين بنشوف
اللعبة (( لعبة الارقام و المعادلات)) و كما الاتي
يجو 6 اعضاء من المنتدى كل واحد يحط فيهم رقم من 1 الى 15 و بعدين العضو السابع يحط كمان عدد من 50 الى 999
اللعبة معروفة و واضحة لازم الاعضاء الي تجي بعد تدور علاقة حسابية بين الارقام او الاعداد الستة الاولى تكون نتيجتها العدد السابع
بعطيكم مثال:
لؤلؤة حطت رقم :5
الدلوعة على غفلة : 15
ساندرا: 8
مغرور بس معذور: 6
سولاف: 4
خليجية: 10
و بيجي عضو سابع يحط عدد بين 50 و 999
مثال تجي بسووومة تحط : 225
الحين انتم لازم تلقو معادلة تستعملو الاعداد الستة الاولى او جزء منها تكون نتيجتها العدد السابع
بعطيكم حل كمثال طبعا:
( 5 _ 15 _ 8 _ 6 - 4 _ 10 )===225
الحل:10-8=2
6/2=3
3*5=15
15* 15=225
يا رب تكوني فهمتو و تتفاعلو مع اللعبة و تورونا ذكائكم الخارق طبعا و اتوسل بيكم لا تفشلوني و شاركو
ببدأ انا و اقترح عدد : 14
قود لاك
لعبة للاذكياء و الشاطرين((فقط)) يا ريت عباقرة المنتدى يتفضلو
