دعوه للنقاش معصب

08-18-2007, 11:50 PM

مشكور حبيبي على الموضوع

بس حبيبي من يسمع ليك ولي واي الاخوات الى ردو

مهما قلنا ومهما سوينا ماراح يتغير شي في تفكير الاهل

وكل الى نسمعه منهم انت رجال دبر عمرك وكيف بتيعش وكلام يسم البدن وبس

ولو تكلمت البنت عاد ربي يكون بعونها

لكن ويش نقول مافي انه الواحد يحاول الين ماربك يفرجها وياتزوجنا ياموتنا ^^

تقبل تحياتي ومروري يالغالي

08-19-2007, 04:59 AM

تيفا كلامك صحيح هذا الكلام يتكرر (( انت رجال دبر عمرك وكيف تعيش ))

والله يكون في عون كل من تزوج وحالته الماديهـ ضعيفه لأنه بيواجه مشاكل مايعلم فيها الا الله لكن
المفروض يكون إيمانه بالله كبير ويحاول يطور نفسهـ بنفسهـ مايكون في حاجة احد <<_ يرفع مستواهـ المعيشي

فرفور بتقول طيب اذا مايبغونهـ أهلهـ يحتاج لأحد ليه مايساعدونهـ طيب الي متى يساعدونهـ على كذا خلااص بيعتمد عليهم في كل شي لكن الصحيح يقفون معه في اول الطريق وبعدين خلاص باقي العمر يعتمد على نفسهـ لأن الأهل ماراح يدومون معه طول العمر

<_ انا اعرف الناس الله يعلم بحالهم لكن حاولو يضغطون على انفسهم ويجيهم دخل شهري إضافي وشوي قدرو يوقفون على الرجولهم ويصرفون على بيتهم وعلى بيت اهلهـ بعد ..

لكن قليل الي من النوع هذا الي يحاول مرهـ وثنتين وثلاث لين ينجح

والكثير منهم يتحطم وييأس من اول محاولهـ له لفتح باب السعادهـ والرفاهيهـ

لكن كل هذا مايعتمد على الرجل بس لازم يكون من الطرفين يقولك الحكمه (( كل رجل عظيم أمرأه عظيمهـ )) <_ واذا فيهـ اي اخطاء فالحكمه اهم شي وصلت لكم الفكرهـ

تقبل مرووري يافرفور

08-23-2007, 06:22 AM

ضايع فالقصيم

كلامك صحيح

اخوي فرفور

اعتقد انها مشكله مجتمعات كثيره

والمشكله تزداد كل ماتطورنا

لانها تبقى مشكله رافاهيه

مشكور اخوي على هالموضوع

دمت بخير

08-23-2007, 06:09 PM

اهلين فيك والمنتدى منتداك والله

المهم بنسبه للموضوع

لما يكون شخص جاهز من مجاميعة

قادر يفتح بيت من دون اقساط او ديون

لما يكون عندك استعداد تسمع حنت حرمه تبي تدلع وتطلع وتتكشخ وتبي فلوس ............

جاهز لازعاج الاولاد وطلباتهم وغيره وغيره.............

08-23-2007, 09:30 PM

هلابك فرفور يالغالي نورت القسم

انتم ما ادري وش فيكم نازلين سواليف عن الزواجات ليكون ناويين تعرسوون وانا ما ادري

صرراحه اكثر الناس يتهربون من الزواجات لسببين :

الاول انه يتهرب من المسؤوليه
والثاني انه مامعاه فلوس عشان يقدر يعيش ...... وذا محور حديثنا << مايمديكم على الكلمات

بعض عوايل الله يهديهم يصعبوون سالفة الزواجات لأبعد درجه ....... ومايدرون انهم بهالشي يضروون بنتهم

لان اكثر الناس لو جا سأل ولقى المهر غالي والزواج بيكلفه كثير

راح يصرف نظره عن هالعايله

لأنهم يحطوون مهر البنت 100 الف والذهب 20 الف ذا غير القصر وتكاليف الشقه والمصاريف الثانيه

وحتى بعد الزواج بيتوهق لانه خلاص صرف اللي فوقه وتحته مابقى معاه ولا ريال شلون يعيش .....؟ يعني لازم يتدين

لكن اكثر الزواجات اللي تكلف مبالغ وش كثرها تنتهي بالفشل

وقال رسول الله صلى الله عليه وسلم فيما معنى الحديث (( اقلهن مهورا اكثرهن بركه ))

واصلا لو حنا فكرنا وش القصد من الزواج ............؟؟

اكيد الواحد يبي يستقر ويجيب عيال ويعيش مرتاح

يعني ماله داعي هالتعقيدات

الصحابه كانوا ياخذون مهورهم اللي تاخذ مهرها عمره

واللي يكون مهرها مصحف

لكن مع هالعقبات اكثر الناس صرفوا انظارهم عن الزواج

وبكذا حتى البنات احتمال انهم مايتزوجون لان ابائهم حاطين تكاليف اكثر الناس مايقدرون يتحملونها

وعاد لاتخلي هالموضوع يكون اخر موضوع
دايم نبي نشوفك هنا

08-23-2007, 10:33 PM

يسلموووو ع الموضووع...

04-21-2008, 05:33 PM

مشكورين

على تفاعلكم معي

وألف شكر

تحياتي:

فرفور بس امور

04-21-2008, 11:45 PM

الله يعين الشباب خاصة في دول الخليج
كثير فيه تكاليف والمعيشة غالية
احنا الحمدالله مو مكلفين كثير حتى المهر يدفع على حسب مقدور العريس
والبيت الاغلب يسكنون مع اهل الزوج في غرفة يأثثها العريس والفرش تجيبو العروسة


العضو المميز	الموضوع المميز	المشرف المميز
قــريبا	قــريبا	قــريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء