أنا والقراااصـنه..

الســـــــــــــــــــــــلام عليـــــــــــــــــــــــكم..



هل سبق وانك تخانقتي انتي وخويتك :ll6: او بالاصح تناقشتوا حول موضوع معين,,

وما بالكي لو كان هذا النقاش حول شخص هل هو حلو ام لا!!<<<<< ابو اللغه مايمديكم:ll23:

مره من المراريت تخانقت انا وخويتي على اثنين مين احلى
..انا اقول هذا وهي تقول لا هذااك
وكل وحده متمسكه برايها وبقوووه


المهم ,,

اكتشفت بعد البحث والدراسه انه نفس الشخص,,


فهيتواا صح:ll15:


يعني

انا كنت اقول لقبه(النك نيم) وخويتي تقول اسمه الصدزي <<<<< فشلــه

بس هذا مايمنع انه حليووه ويهبل <<<< اركدي يابنت:a








طبعاً المقدمه اعلاه لاتمت بأي صله لصلب الموضووع,,


يعني اسحبوا علاهااا,,

:
:
:
:
:
:
:
:[/color]

في سنه من السنون ,, وفي شهر من الشهور ,, وفي يوم من الأيام ,, وفي ساعةٍ من الساعات >>>>> اقووول لايكثر بس

المهم بينما أنا في غرفتي ومشغله كمبوتري العزيز و أسمع يا نــا يا نـــا ,, ومتحمسه ألعب باك مان << لاحد يسألني وشو باك مان أسألوا عشووقه:a
بالمختصر المفيد فالتها لأنه كان يوم اربعااااااااااااااء<<<<< طالعه من قلب :ll11:


إلا أسمع صوت يقول: بنت تعـالي ,,

تعوذت بالله من الشيطان وقلت هذا أكيد من السهر ,,

إلا ويرجع الصوت مرتن ثانيه ويقول :صمخ ان شاء الله كل ذا ولاتسمعين ,,

قلت: يا بنت حالتك صعبه ,, روحي ارقدي احسن:r

ورحت على فراشي بنام ويرجع الصوت : ابيــك بكلمة رااس>>>> راس والا رجل (سماجه صح)
قلت: ميــن !! أنــا !!
رد الصوت : لا أم الجيران ,, ايه انتي هو فيه احد غيرك<<<< ملكع بعد :a
قلت: لا..
أجل تعالي عند المرايه وتعرفين السالفه ,,

عـاد أنا ماصدقت خبر ورحت عند المرايه ,,
وأناااظر إلا أشوف وحده بالمرايه ,, مو أنا بس تشبهني مرره <<<< يخلق من الشبه اربعين
قالت : ليه ماتردين علي ؟؟

تنحت برهةٌ من الزمن واستجمعت قواي..
وقلت : ان كنتي جنيه اعوذ بالله منك .. وان كنتي انسيه قولي وش تبين ..

قالت: ابد ياوخيتي .. طفشانه وابي احد يونسني ,, وشفتك طفشانه مثلي وقلت احاكيك
قلت : طيب ,, وشلون اونسك
قالت: تعاالي معي ..
قلت: وين أروح معك .. بعدين أمي منبهتني ماأروح مع أحد ما أعرفه >>>>> أخس يالذربه :ll19:
قالت :مشيوير صغير بس...
قلت : يلا سرينا>>> وانا على جررريف:ll11:
قالت : الحين أدخلي بالمرايه معي ,,
قلت : شلووون!!
قالت: عادي في كلمة سر تقولينها اللي هــي: (كركرمرمرفرفر)<<< خشة شرشبيل :a , وثمن طبي مثل افلام كرتوون والا ماتشوفينها..
قلت:وشلون ما اشوفها .. انا اللي اشوفها

وأركض صوب المرايه .. ويصقع راسي صقعتن عند الله خبرها .. ولا دخلت :u
قالت: يالخبله .. ليه ماقلتي كلمة السر .. سويها مره ثانيه<<< ياهوو ياقويه

و مدري والله من وين جاتني هالطاعه العمياااء وسمعت كلامها و طبيت:ll56:

يوم دخلت طحت بمكان مظلم ظلام حالك ..
ومخيف لأبعد الحدود ..
كأنه بكهف أو مغاره مهجوره مدري وش يسمونهاا ..



من الروعه قعدت اصيح مـابي مـابي مـابي أبي ابووي >>> وجه هزار

الا جاتني خويتي قالت :أخيراً جيتي ياحلوه ..

إلا بسألك سوعاال .. ماقلتي لي وش اسمتس ..
قلت : بافي وفي روايه Buffy
قالت: ان كان انتي بافي أجل انا وش اصير .. انا اسمي بااافي..
قلت: اقوول اهجدي ياأم الشباب..
أنا بافي رضيتي والا ارتضيتي ..
قالت: لاتهايطين يا بنت..
قلت: اهايط ونص << تسمع بآه ونص ..

الحاصل أني جريتها مع شوشتها وهي بعد ماقصرت ..
وطرااخ ,, وبووم ,, وطراااع ..

:aaa:
يعني الحرب العالميه التاسعه <<<< العالم ماوصلوا الثالثه وحنا وصلنا التاسعه..







بينما نحن وسط هذه المعركه الشرسه .. التي أبت أن تتوقف ..

سمعنا صوت خطوات مقبله اتجاهنا ,, واصوات عاليه ,,


قالت : خلنا نتوزا ورا هالصخره<<< حلوه الصخره
قلت: الله ياخذك .. ورطتيني معك.. الحين ذي اصوات ميـن!!
قالت:القراااصنه.. تسمع بجزيرة الكنز..
قلت:ليش في قراصنه حقيقين ..
قالت: اجل وشلوون جابوهم بأفلام كرتوون ..
ايه فيه .. بس انتي ماتدرين عن العالم حولك <<<< ياهوو يالمثقفه:ll21:
قلت: طيب يابعدي علميني ..
قالت: لي فتره وانا اراقبهم وأرصد تحركاتهم ..
واكتشفت انهم يدورون عن خريطة الكنز .. وبما أني ملقوفه ,, ولا اصبر عن موضوع مثل هذا .. دورت الخريطه ولقيتها .. وهي معي الحين ..
قلت : يابنت اللذين ,, معك وساكته .. ومن وين جايبتها..
قالت: سر المهنه <<<< يامصلك:ll10:



على الصوت أكثر وأكثر ..

و اقتربوا منا ..

فالتزمنا الصمت ..



القرصان الكبير<<( قرصان والا مرقوق ) : لازم نلقى هالخريطه..
الكنز هذا لي ومابسمح لحد ياخذه مني .. مفهوووووووووووم..

صاروا يتكلمون وين ممكن يلاقون الكنز ومن هالحكي ..








وفي هذه الأثناء ..
شعرت
بـ
بـ
بـ
بـ


عطســــــــــــــــــــــــــــــه <<<<< ياملحي :s


ولازم أطلعها لكن شلون .. لوطلعتها انفضحنا ومسكونا ..

وماهي الا ثواني .. وطلعت العطسه ..



اتشوووا..

صحيح صوتها واطي لكن مو مره ,, يعني سمعونا وأنا من ذرابتي قلت: الحمد لله بصوت عالي <<< جيت بكحلها عميتها (معلمتنا ابلتنا بأولى ابتدائي )
وترد علي خويتي : يرحمكم الله ..

باختصار شديـــــد..

خشينا جو ويالعطسه



قالت: يابنت خلينا نحط رجولنا وننحاش قبل مايدفنونا بمكانا..


قلت: اوووكي..
يـــــــــلا..



و بووووووووووووووم

انطلقنا نركض وهم يركضون ورانا .. وصرنا طردي بهالمغاره اللي مابغينا نطلع منها.. ويوم طلعنا منها قالت خويتي: خلينا نفترق ونضيعهم ..
قلت: لاتكفين
انا ما ادل ..يالله ادل شوارع الرياض <<<< ان كان الجامعه قعدت شهرين إلين مادليت طريقها (حالتي مستعصيه) :i

قالت: مافي وقت كل وحده تروح لحالها وبعد ساعه نتقابل عالشاطئ<<<< حلوه الشاطئ:ll12:


افترقنا ..
وقلت أكيد بيلاحقونها لأنها هي اللي معها الخريطه ..

واناظر وراي واشووف الشله يلحقووني
وصرت اطاامر واناقز يمين ويساار بأضيعهم ..
الين مانجحت وضيعتهم:ll33:

وقعدت تحت شجره ومددت تسراعيني<<< عجيز:ll15:

بينما انا مسترخيه ومريحه اعصابي .. قعدت اتذكر اشكال المهبل القراصنه ..
يا ربيــه .. كأني شايفتهم قبل وين ماا أدري


إلاااااااا تذكرت ..





هذولا اللي كانوا يتميلحون يوم رحنا نعيد عند عمي بالديره:ll17:





يوووووووووو عاد كيف اخلص منهم ,, بجد (وأعت ولاحدش سمى عليا )..

وبينما أنا سارحةُ بخيالي غلبني النعاس ,,
ونمت نووومه جاااامده ..

ماقمت الا على اصوات القراصنه .. فتحت عيووني إلا هم حولي .. اشكال مررعبه ..
يعني يوم شفتهم بالديره كانوا يروعون بالطواقي الزري والثياب الصفر <<<< متأثره بطااش -ليالي المنفووحه-
اجل شلون الحين بعد ما صاروا قراصنه..


أيــه .. اللي مغطي عينه بقمااش اسود
حميدان
واللي حاط رجل خشبيه وببغا على كتفه
حمدان
أما اللي مركب بدل يده خطاف معدني
حمود
وأحلى واحد فيهم ابو سن ذهبي يلمع
محيميد
والدب اللي معهم يالله يمشي
أحمد
صحيح دب بس حليل

بصريــح العباره فلم رعب وأنا توني صاحيه من النووم ,,

حرررررام

بيني وبينكم تمنيت اصورهم بس كاميرتي ماكانت معي :e

قال حميدان: اين وضعتي الخريطه ايتها الفتاه؟؟
قلت:هااه .. لم اضعها مدري عنها ..اصلاً انا من ايام المدرسه وانا ما احب الجغرافيا عشان الخرايط و الخرابيط ذي .. كيف بتكون معي الحين <<<< قصيت له قصة حياتي:ll12:
ناظر فيني بطرف عينه وقال: كـاذبه.. أنك انتي من اخذها..
قلت له: ياكبرهــا عند الله,, انا كاذبه:ll51:
هيـن ..الخريطه عندي يا ابو الشباب ومابعطيك عندك شي:ll52:
قال:يعني الدعوه صارت كذا.. انا اعرف شغلي معك..

يوم قال كذا تصافقت ركبي قلت لايذبحوني الحين ..يسويها هو وخشته..
قراصنه ماعليهم شرهه



أصلاً انا وش طلعني من غرفتي مع ذي المرجوجه الحين هي اللي بتاخذ الكنز .. وانا بأكل هواا..



لاحووووووووول



قلت: تبي تعرف وين الكنز ؟؟
بقول لك بس ما ابي احد يسمعني لما اقولك:ll32:
صرف الشله اللي معه وقال :بسرعه اعترفي <<< اف بي أي على غفله
قلت: ترا اخوياك ناوين عليك <<<< ناويلك على نيه بس انت اصبر شويه .. من جاب طاري احلام الحين :w

بيخونونك وسمعت محيميد بعد يقول انك ماعندك ماعند جدته وانك ريس على الفاضي ..
وقاعدين يدبرون مؤامره عليك بيتخلصون منك وياخذون الكنز..
عاد انا ما احب الظلم لأن الظليمه شي ,, وقلت اساعدك عشان نتخلص منهم وبعدين ناخذ الكنز أنــا وأنـت<<< مسويه فطينه البنت:ll47:

هاااااااااااااه وش رايك ..

قال: براسك .. بس وشلون نخلص منهم <<<<< صدقني الدلخ ذا :ll12:
قلت: ماعليك انا افكك منهم .. وخليته يوثق فيني



رحت لربعه وقلت لهم لوتدرون وش قال حميدان اللي حاطينه ريس عليكم
قالوا : وش!!
قلت:يبي ياخذ الكنز لحاله ويبيني اساعده << بدا شغل الفتنه:dev:
بس قلت بنفسي حررام انكم تطلعون من السالفه بلوشي وانا بساعدكم ..


الحـــاصل اني شبيت النااار بينهم وعبيتهم على بعض..

وبكيفهم ماالي دخل فيهم ..يصطفلوو .. المهم انحااش منهم



وبصمت تاام ,,
انسحبت ورحت ادور على خويتي ..
درت و درت وبعد مجهود شاق
لقيــــــــــــــــتها ..

قالت لها : ازيك ياحبيبتي .. دنتي وحشااني مووت:ll67:
ناظرتني بظرف عين وقالت : انتي وش جابك!! ماذبحووك..
قلت:نعم !! وشوو ماسمعت عيدي ياحلوه..
قالت: يوو يالذي اللزقه..
قلت: انا لزقه هااااه.. ومن اللي نشب للثاني واخذه معه..
قالت:خلاص غلطت يوم جبتك .. روحي بيتكم يلاااا..
قلت: امـــا اروح بيتنا ,,
ما في أمل ..بعد ذي اللفه اطلع من المولد بلا حمص..
لاياحبيبة امك بنتقاسم الكنز ففتي ففتي
قامت البنت بتتطااق..
قلت :يلا ورينا شطارتك <<<< مع انه ماكان لي خلق مطاقه يكفي شعري اللي تقطع من المطاقه الاولى والفلقه اللي بجبهتي:ll25:

وتاخذ حصاة وتحذفني على جبهتي <<< يابنت اللذين انتي ماعندك الا ذي الجبيهه- الجبيهه لغير الناطقين بلغتنا دلع جبهه وفي روايه تصغير الجبهه - :ll6:

واسمع صوت يقوول: بافيووه وصمخ ,,

قومي عندك جامعه شوفي الساعه كم ,,

كل ذا نووم..


انتي من وين تجيبين النوم..


فتحت عويناتي ,, واشوف اميمتي فوق راسي ..
قلت : وينها والله لوريها
قالت ماي مذر: بسم الله الرحمن الرحيم ,, وش فيك انتي انخبلتي يا بنت ..
قلت: هااااه ,, ولاشي يمه خلاص انا قايمه الحين ساعه و انا نازله..
وتروح امي ,, واقعد افكر , يووووووو كل ذا حلم مو معقول بس حلم مال امه داعي ,, يعني وش بيصير لو اخذت الكنز في الحلم بدل ذيك المصقوعه ,, هي احسن مني بأيش هااااااه... قولولي ياجماعه :u



قمـــــــــــــــــــة القهــــــــــــــــــــر ,,



واقوم اتجهز ,,
ووقفت قدام المرايه حوالي نص ساعه ,,ابيها تطلع لي بكمل هواشي معها بس مافي امل <<<<< لو طعلت انهبلت بجد:ll12:



بس مدري
يمكن تطلع لي يوم من الأيام ,, I don’t know

::الزبده من الماضووع::

::
لاتروحون مع احد ماتعرفونه ,, والاهم اسمعوا كلام الماما واشربوا حليب قبل النووم :ll15:
::
لو جاتكم عطسه في وضع لايمكن لكم اخراجها حاولوا تكتموونها عشان ماتنكشفوون وتتورطوون<<<< امزح ترى مو زين تكتمون العطسه ابد ..الدختوور هو اللي يقول كذا:ll23:
::
لاتتخانقون مع الناس على أي شي,,ولاتكونون مشكلجيين,, يمكن تنقلقون مثل فلقتي ..وذيك الساعه تقعد لكم الفلقه عاهه مستديمه:u
::4::
لو عندكم جامعه والامدرسه و الا دووام الصبح لاتسهروون ,,عشان ماتفهوون قدام الناس..

::
والأهم ,, لاتتأثرون بافلام كرتوون والاحسن لاتتابعونها .. خلاص تراكم كباار..
[color=#800080]انتـــهى واستروا ماوجهتو