يابختك(الى فارس بن اختى 10 ايام اليوم )

هز حيطان الهوى بايديك بحلق للاحلام بعينك
اعمل كل ما ييجى فى بالى اغضب حتى اللى بيرضيك
برضوا الناس كلها جيالك فاردين طوق الحب عليك
ما انت يابختك نونو صغير مهما هتعمل دايبين فيك
لاما تبصش مش غيران ولا مستعرب ولا متحير
خدنى الفكر بعيد لزمان لما فىسنك كنت صغير
كنت لا شايل هم الدنيا ولامن قسوة ناس بتغير
حتى الناس كانوا ناس م التانيه اللى لا تظلم ولا تتكبر
كنت بعيش الحب فى قصة زى ما انت الوقت عايشها
كنت بشوف الضحكة الخالصه فى عيون الجنه بعينها
واما كبرت شويه شويه شكل الدنيا اتغير لونها
شفت انا ناس بوشوش مش هى بعد البويه ما وقعت منها
اللى يقولك انه حبيبك لجل ماله مصلحه يقضيها
واللى عشان المال بيسيبك ينسى العشرة ويقضى عليها
واللى بياخد حتى ربيعك لوتحتاج له عنيه يداريها
واللى بايدك يصبح حاجه لو يوم طالها يعضعض فيها
انا مش يابنى بعقد فيك ولا بستكتر فى ابتساماتك
قد ماتقدر عيش وتمتع واسعد جوا اللفه حياتك
ياخيوط الحلم اتمرجح هى طفولتك احلى ساعاتك
نفسى ياابنى اشوفك طولى لكن صعب تبان لى اهاتك
بقلمى
شاعر الدموع
محسن

تام نشرها فى مجلة نوافذ 4
لسنه 2007

يعطيك العافيه وتسلم ايدك