ألم دنياي

سالت وجاوبت دمعة يتيمة جرحت خدي
وطلبت الدمعه تحكي لك وش اللي صار في دنياي
قساوة... ظلم مع غربة تجرعت الالم وحدي
ولابه من يواسيني ويخفف من عنا بلواي
سنين قاسيه مرت وانا والله ماودي
اسولف بالالم من خوف لااقتل قلبي بيمناي
انا لو بقعد احكي لك وابين اخرة سدي
بصحيها جروح بي دفنها الوقت في ممشاي
دخيلك لاتعذبني ولا تبدي الجفا ضدي
اناافديك بنظر عيني وقلبي للوصل شراي
طلبتك لاتعاندني تراني واصله حدي
اخاف يخوني صمتي ويشكي لك الم دنياي