شوفي اختي ريح العطر والله حلوه ريحة ذا العطر بس تراني ما اشم
ماعليش تراني ما حولك احد تبون الكلام اللي ماعليه الكلام
تلقونه عند بندر الفيصل
ومها
مشاء الله عليهم مدري وين يجيبون ذا الكلام منه
الا قريت لهم احس اني اعد امهات خمس لا واصففهن واربطهن بالمغاطه
حقيقه بندر ومها
عليهم اسلوب رائع
عاد نرجع حق محور حديثنا اخت ريح العطر
انا معك وضدك في نفس الوقت وشلون
ايوه قلتي لي وشلون
فيه بنات مدللات وراكبات رجالهن وبالعربي الفصيح البنات هذولي ازواجهن خرفان
يعني مبع مبع
تجره حيث شائت ومتى شائت وفي اي وقت ارادت
وفيه بنات مسكينات لاحول لهن ولا قوة
فأنا اعرف وحده مسكينه عندها خمس بنات زوجها كلب مايسوى التاليه من الغنم
ماخذ عليها ثانيه وياخذ راتبها وياخذ منها الايجار ايجار البيت ولا يسدد ياكله
جعل بطنه للشقاق لا وحسبي الله عليه قد لعب عليها
قال لها طلعي قرض من البنك عشان اشتريلك بيت دورين دور تجلسين فيه انتي وبناتك الخمس والدور الثاني لزوجتي الثانيه والحبيبه المسيكينه وافقت
خذ الفلوس وشرى فله درجها في الصاله والمسيكينه كلت تبن في وجه العدو
طبعا مسكينه وين تروح ماعندها ابو ولا ام ولا اهل ماعندها الا اخو واحد
سمعت انه مريض وفي المصحه النفسيه
واقو باس ذا المره يا اربع والله وانا ما اعرفها لاذكرت حالها
جاني شي مدري وش اسميه
فعلا هذه المرأه قويه بأيمانه بصبرها
والا لوني مكانها والله لاتلوموني
كان قمت اغازل او اطلع مع الشباب وانحرف 180درجه
كله عناد للكب زوجي
انا ماعندي انصاف الحلول
وهماكم تقولون المره ناقصه عقل
او والله بيجني هبال ودخلوني المصحه النفسيه والله اصرف من هالحياة
والله اني احيانا يجيني شي يقول يا ابو وفى ورى ماتروح وتكفخ ذا الكلب
بس انا ما اعرفه ولو اشوفه يمشي في الشارع ما اعرفه بس
عمتي ام عبدالله سولفت لي عنها بانها مدرسه عندهم وهذي حالتهم
الإهداءات
