عندك مشكلة السواد حول الفم؟؟

السلام عليكم و رحمة الله و بركاته

موضوعي اليوم عن شي لاحظته في بنات كتير ،، وبنات كتير يشتكون من دا الشيئ ..

المشكله هي لما تكون المنطقه حول الفم غامقه

عند زوايا الفم ،، او عند الشفه اللي فوق ،، وغالباً تكون المشكله تحت الشفه السفليه ومنطقة الذقن ..

عندي لهذي المشكله حل واحد وسهل وهو عباره عن تقشير لهذي المنطقه ..

المكونات سهله و متوفره عند الكل وما تكلفج شي

قبل ما ابدي و عشان احمسكم زياده ..

لو استخدمتي التقشير هذا مره وحده كل يوم ،، بتشوفين نتائج حلوه و ترضيج بعد اسبوع ..

لكن زي ما نتفق دوم ،، اللي تبي تشوف النتائج اللي تتمناها ،، اهم شي الاستمرار ..

و ياويل اي وحده تجربها مره وحده وتجي تقول لي ما نفعت هههههههه

يالله نشوف مقادير التقشير

بودرة الصندل "تلاقيها عند العطارين"

لوز مطحون " خذي اللوز قشريه وحطيه في طحانة القهوه"

حليب سائل ..

تاخذين كميات متساويه من بودرة الصندل و اللوز ،، تضيفي الحليب السائل مع الخلط الى ان تسير نتيجة الخليط قوية و متماسكه ..

تمدين الخلطه على المنطقه ،، وتقشرين بحركات ناعمه و دائريه لمدة 5 دقائق ،، وبعدها اتركي الخليط على الوجه لمدى 10 دقائق ،، و بعدين اشطفي بماء فاتر ..

لو حابة تسوين كميه من الخلطه تكفيكي لأكثر من استخدام ،، اخلطي كميات متساويه من بودرة الصندل مع اللوز المطحون في علبة نظيفه ،، و وقت ما بتسوي التقشير فقط خذي كميه من الخليط وضيفي الحليب ..

شفتوا كيف الوصفه متوفره من ناحية المكونات
سهله من ناحية التحضير و التطبيق
وفي النهايه نتائجها مع الاستمرار بتبان في وقت سريع

استخدميها مره يومياً وشوفي النتائج بعد اسبوع ،، انا ماقول ان بعد اسبوع بتروح كل المشكله
لكن بتشوفين نتائج حلوه تشجعك على الاستمرار لين تنحل المشكله نهائياً