لامانع للعزوبي ان ياخذ فكرهـ

11-13-2007, 03:55 PM

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

جايب لكم ايميل لواحد مقهور من حياته
باين انه مقهووووور بقوووووة
و كتب هذا الايميل عشان يفضفض

بس في الحقيقة انه ما قال الا الحق
و هذا شي يعرفه المتزوجين ..
و لا مانع للعزوبي ياخذ فكرة

ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي ... المشكله اني اقرا طلبات مالها داعي بس مجبور اجيبها ... دراق / طماط/ بقسماط/ برغل / واخرتها مانلقا على السفره الا كبسه وان سوينا نفوسنا كنديين حطينا فجل هه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك طقني الجوع مع ابوشايع وابوعبد وان سوينا فيها فجور وكااااااش ارسلنا حنيف يجيب بروست وتهاوشنا على الثوم ههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههه قسسسسم ب مافيه شي ماهوب على السفره ماناقص الابطل بلاك .. الى درجة اني رحمت الامير سلطان يوم شفت سفرتنا ههه

المشكله ان زوجتى تعاملني على اني ابلة تدبير وعندي خبره وانا و ما افرق بين الملوخيه والكزبره تقوم تكتب لي مره في الورقه كيلو كنافه كذابه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات ..

واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي مع انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا

يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط و اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض يقطع شيطانهم

المشكله ماعندهم رحمه ... درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال و اني ابغا اصيح اذا قريت رسايل جوالي ورسايل جوال اخوياي العزوبيه ..
كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( على الجمس لولا وراد الستين ) << رسالة داخله بالغلط خويته ابوها شريطي ه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل من الاعذار بس

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك و صار عندي خبره ولاخبرة رابحه وانا و من اول كنت احسب البندوره هي البطاطس ههه

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها خير تفهمت الموضوع بشكل حضاري وهذا انا اكتب لكم الموضوع من مقهى

للامانه ملطوووووووووووووووووووش

11-13-2007, 04:38 PM

ههههههههههههههههههههههههههههههه

يسلموا اخوي على الطرح
الله يعينه شكله ماصدق انه قطع الورقه >>جاب العيد مع ام العيال هع هع
تقبل مروري يالغلا

11-13-2007, 10:28 PM

ههههههههههههههههههههههه

رووووعه

يسلمووووووو يالغلا

تحياتـيـ

11-14-2007, 02:23 AM

اقتباس:

المشاركة الأصلية كتبت بواسطة مشمشة الاهلي

ههههههههههههههههههههههه

رووووعه

يسلمووووووو يالغلا

تحياتـيـ

تسلمين والله

الروعه مرورك ,,,

11-14-2007, 02:48 AM

ههههههههههههههههههه
حلـــــــــــــوة
يســـــــــــــــلـــــــــــــمو

11-14-2007, 03:41 AM

اقتباس:

المشاركة الأصلية كتبت بواسطة الفرسـ(( دلوعه ))ـان

ههههههههههههههههههه
حلـــــــــــــوة
يســـــــــــــــلـــــــــــــمو

هلا وغلا

الاحلى تواجدك معانا

يسلمووووووعلى المرور ,,,

11-14-2007, 09:35 AM

ههههههههه
مشكور على الطشه الحلوه ,,,
والله يكون بعونو.....
تقبل مروري..

11-14-2007, 11:04 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههه << ترافس من الضحكـ

هوووووووووع

وربي مسكييييييين ذا الرجال

نكدتلهـ حياتهـ

يسلموووو يالدب

<< عقبال ما تجيكـ وحدهـ مثل إلي فوووق

ميسووو


العضو المميز	الموضوع المميز	المشرف المميز
قــريبا	قــريبا	قــريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الله ياخذ كل الي شارك بهالمنتدى واولهم ابو خالد	مهبوله وتهبل	المنتدى العام	18	11-02-2007 03:02 PM
..,,الله ياخذ هذا المنتدى,,..	مغرٍوٍرٍ بسـ معذوٍرٍ	المنتدى العام	20	08-23-2006 03:00 AM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء