ما أبي منك أي إجابه كثر ما احتاج لسؤال
اسأل نفسك وقولي :
( ليه أنا أصلاً تركته 00 دامه أطيّب قلب شفته لا جحود ولا أناني أو فضولي )
وجاوب نفسك بنفسك وأعذرني ع السؤال
في غيابك
مجمل أحلامي تهاوت الحياة والموت بعيوني تساوت
صرت أنا إنسان عادي بعد ماني كنت غير
أي نعم 00 وياك كنت إنسان ثاني كنت طير
ليه حطمت كياني

آآآآه لو تدري وش جرالي صرت ماني اللي على خبرك وخبري قمت أهذي
صرت أشوفك في وجيه الناس وأتكلم معاك
آآه على حالي ارتمي بأصغر تفاصيل الملامح فيهم ابحث عن بهاك
وإن سألني أي واحد منهم وقال وش بلاك ؟؟
أمتلي حيره ولا أدري ويش أقول أسألك بالله قول ويش أقول ؟؟
خايفه اشكي و أنفجر بوجيهم وأبكي عليك
خايفه أبكــي أنصهر بعيونهم وأحرق يديك
وش تبي أقول طيّب عن جفاك
..

وش خذيت انا من صدودك وين صارت بك حدودك ؟؟
عاجبك ماصار فيني ...... يا برودك
رحت ماخليت فيني غير حاجه
شخص هالك مرتمي من تحت جلده منتهي من واقعه
بعدك 00 لا أهل 00 لا ناس 00 لا جيره وبلده
والله إنك كنت كل أهلي وناسي ليه صرت مصدر جراح ومآسي ؟؟
آآآآآآآه منك
ليه ياروحي قسيت وأنت أدرى الناس إيش يصير فيني لو دقيقة غبت عني أو شغلني ظرف عنك أو نسيت
هذا كل اللي تركني لي ورحت
قلب ميت بس مشكلته يكابر
رغم كل اللي جرى ظل صابر
بس هذا مو عشاني هذا لأنك تسكنه

(( إسترحت ))

وعيني مليانه بطيوفك همها بس التسكع في شوارع هالمدينة (تنظر) في عيون الناس حفنه من وصوفك
غالباً تصرخ بدون إحساس
(( وينك 0000 بس أشوفك ))
والمصيبه دمعها لو سال بعضه ينتثر قطرات فضه ويتلاشى الفقر عنها بس ما تبغى اللعينه
المهم ماعلينا !!
أتركــ عنك كلامي وأسمعني كل ماجيت تنام أبغى منك تذكرني
واسأل نفسك بدالي كم سؤال0
1- ( يستحق اللي جرالي من صدودك ؟ )
2- ليه خليتها تعيش بوهم ؟
3- ليه أخلفت بوعودي ؟
4- ليه ضيعتها وهي اللي منتشلتني من ضياعي ؟
5- ليه ما أوفيتها 0000 حقوقها ؟
دوم تمنحني خفوقها !!
6- ليه طيب ما منحتها حتى فرصه في وداعي ؟؟
وإلا أقــــولك
أنا عندي حل ثانـــي
بتركك أنته وضميرك
بس قول لي عشاني انصحني وين أروح ؟؟
" وكـــــثر الله ألف خيرك "