مجرد حلم......

السلام وعليكم ورحمة الله وبركاتـــــه


حلم حلمته مقدر اني اعديه
بالصاحب اللي كل مابي تمناه
عرفته بزوله ومشيت خطاويه
وقفت بقباله...آهلي بملقاه
عليت صوتي وقلت:ياسيدي ليه
ليه الغياب اللي يلملم بي اخطاه؟!
قلي ..تعال..الدرب وش هي تواليه
قلب يحبك لاتحده على اقصاه
كم قلتلك :تحبني..وقلتلي: ايه
واليوم لاقيس...ولاشفت ليلاه
والله ما غيرك من الناس أرجيه
وانته بقلبي يالغلا..داه ودواه
ياسيدي شعري تغير معانيه
وصارت حدود الحرف من آه لي آه
ياصاحبي خل الملا والمشاريه
تعال..مشتاقة لقربك وطرياه
اللي شراك اليوم لابد تشريه
واللي يبيعك لاتحسف لفرقاه
(دلوعتك)تشكي عنا البعد تبكيه
دايم تنادي ليت تسمع مناداه
شعري تقطع..كثر ماني بسليه
أنطر يديك الطاهره تصبح غطاه
اما تجي والحلم..مااقدر أعديه
والا يصير الحلم أضغاث وامناه
مجرد حلم..كلمات للطرف الآخر..تبعث بها لمسةحنان..عبرآثير الشعر
بنكهة الحب والشوق..تصافحكم بها لثالث مرة!!!