بعد الإنقطاع ثلاث عيديات كل عام وانتم بخير

السلام عليكم ورحمة الله وبركاته
اخواني الاعضاء ابارك لكم بعيد الأضحى المبارك
وكل عام وانتم بخير
وعساكم من عواده
أهديكم ثلاث عيديات وقصائد كتبتها على مدار ثلاث سنوات
تشابهت المناسبة وأختلفت الحالة والحال إليكم القصائد ولي الشرف و السعادة بقرائتها
مع املي أن تحوز على رضاكم

القصيده الاولى حينما تغرق في بحر الحب والشوق حينما تنتظر أن يأتي العيد بافراحه العامة والخاصة التي تخصك وحدك ولا يعلم عنها غيرك يكون للأنتظار طعم آخر ولترقب الهلال لون آخر ولأعلان دخوووووول الشهر معنى آخر كيف لا وعيدك بالاضافة إلا عيد المسلمين يقترن بعيد آخر هو ما تجسد في هذه القصيده



القصيده الثانية


العيد ماهوب عيد الفطر وظحيه 000 العيد عندي معايد من على بالي
العيد ماهو شرى ثوبِ وطاقيه 000 ولاهوب كشخه ورزة شمغ وعقالي
العيد والله إلامن أتصل بيه 000 ثم قال عيدك مبارك يابعد حالي

ابيات من قصيده كتبتها سابقاَ في موقف تكرر مراراَ
ولكن حينما ينحرم الشخص من شيِ قد تعود عليه
يحسب ايامه ولياليه على امل ان يسمعه مره اخرى
يجعله بدايه لأعياده لا تتم إلا به فجأه ينحرم منه
ويجيد من جرحه معرفه السبب
إليكم هذه القصيدة المتواضعه التي اتمنى ان تحوز على رضاكم وإعجابكم
أنا من كتبها ولكن ربما تكون لي وربما لغيري ممن عاش هذه القصه



القصيده الثالثة
كثيرون هم من يفرحون في هذا العيد فقط بملابسهم بمجاملاتهم للناس وظاهره
بينما في باطنهم الأسى والحزن اجتمع الحرف والسراب ليسطرها هذه القصيده
ولنسميها سراب الحرف هذه القصيده التي كتبتها مع الشاعر الكبير عاشق السراب
حيث اجتمع حزن الحرف وعشر السراب فيها



وسلامتكم
اخوكم حزين الحرف
عبد الرحمن سعد الدوسري

حزين الحرف

وكل عام وانت بخير ..

والله مافيك حيله ..

تدهشني دائمآ بكلماتك ..

من أول قصيده قرتها هناك لك ..

عرفت أنك قلم مميز ..

أتي بكل قوه ..

كموج البحر .. الذي ينحت على الصخر ..

اقتباس:

أول تكلمني من العيد للعيد = واليوم راح العيد ماجا أتصالك في كل عيد تقوللي عيدك اسعيد = والعيد هذا ماطرينا فبالك ياخي ولو ترسل إذا مابه ارصيد = "كل عام وانت بخير وشلون حالك " مدري وش اللي صار ياشيخة الغيد = وش يمنعك ما تتصل ؟وش جرالك؟ أولا معودني على الوصل تعويد = ومايكتمل عيدي بليا وصالك واليوم كثرت الهجر والتصاديد = وقفيت عن خلِ بحبه وفالك وين الحلف ؟ وين العهد ؟ والمواعيد = ماقد حلفت وقلت : إني حلالك وش فيك خنت العهد من بعد توكيد ؟ = وبعت الخفوق اللي يحبك لحالك المشكلة إنك تزوجتي بعيد = لاهو ولد عمك ولا ولد خالك وأكبر بلا لاشفتكم إيدِ بإيد = عز الله اللي قالوا فلان هالك كنت أحسب أيامي لجل عيدِ اجديد = فيه استمع صوتك ونبرة دلالك ومن عقب ماجبتي بخفاقي العيد = ماعاد ابي عيدي ولا أبغى أتصالك

حزين الحرف ..

تناقض رهيب بين حالك في هذا العيد ..

والعيد السابق ..

العيد السابق كانت الفرحه ترقص بين حروفك ..

تشعر من يقراء لك بسعاده وفرح ..

وفي هذا العيد حروفك كساها الحزن ..

الذي نثر دمعه على كلماتك ..

كم هو رائع تصويرك لحساسك ..

اقتباس:

العيد أقبل والعرب به يهلون=ألا أنا أبكي بخافي المعاليق تضحك شفاه وترقص عيون وعيون=بسمة طفل غنت له الكف تصفيق ياللي لفيتوني هدفكم تهنون=لاتعايدوني بعيدكم يالمخاليق العيد هذا ماله أي طعم أو لون=وصويحبي ناسي العهد والمواثيق ليته يعايدني ولو بالتليفون=ويجلى بصوته عني الهم والضيق عيدي معك يأغلا البشر ياحلا الكون=شوفك مناى ولا ..بعد تحلية ريق لوتجتمع كل البني مايسدون=والله مأحد بناظري غيرك يليق بس أن هجرك خلّف جروح وطعون=وحملنّي حمول ثقيله كما طويق وشلون تهجرني وتنساني أشلون=وتصّدق اللي ينقل الهرج تصديق كذبتني وطاوعت ناس يعذلون=وسمعت بي هرج الكذب والتلافيق لكن لك الله قلب بالحب مجنون=يمشي معك تغريبة الحب تشريق عيدك مبارك يابعد كل مزيون=من قلب لك مع باقة الورد تطويق أنا حزين الحرف قبلك ومن دون=وعاشق سراب ولكن بدون تفريق

حزين الحرف ..

لاأعتقد أن حالك بهذ العيد ..

كان بعيدعن حالك بالعيد الذي قبله ..

فمازال قلبك المخلص الوافي ..

ينزف حروفه وفاء وحسره ..

على فقدان تلك الحبيبه ..

التي أصبحة الملهمه لي حروفك ..

وصبحة بسمتها هي أعيادك ..

كم هو جميل ما طرحت هنا ..

باقه متنوعه من زهور نادره ..

حزين الحرف ..

سجلني من أشد معجبيك ..

اتمنى لك مزيد من الابداع وتميز ..

تقبل مروري وتقديري ..


أختك ..ريشة شاعر