اذا عيب الخليج النفط؟؟ياربي

هــذي قصيده للشآعــــر تركي المطيري ..
(تركي 2000)
شارك فيها ببرنآمج شاعر المليون
وكان لها اثر كبير ساهم بفوزه في المسابقة



يدور الوقت وتبين لنا الأيام سر الغيب
وتظهر هيئة المكتوب من رسمه وعنوانه
لزمنا الصمت يوم الصمت في بعض المواقف طيب
وقفلنا دون وجه الشر بالمفتاح بيبانه
تخاطفنا يدين العبث والتزوير والتخريب
يبون يفرقون الشمل ويهدون جدرانه
سعوا للنيل منا بالخفا بالظلم والتكذيب
علينا كل واحد حد سكينه ونيبانه
رمونا وانعتونا بالتخلف واكثر التصويب
ما اصاب ولا وصلنا منه باروده ودخانه
واذا عيب الخليج النفط ياربي تزيد العيب
وتحفظ لهله نفطه ولولوه ومرجانه
واذا هم يحسبون النفط تنقيب ومعامل بيب
وحقل تنبعث من قوة التكرير نيرانه
لك الله ما نطق فيهم واحد كلام مصيب
ولا عد الصحيح وجاب قول الحق بلسانه
ترا هذا بقايا اجساد سكانه شباب وشيب
ودم ابطاله اللي من غلاه الارض رويانه
ورثنا العز لو ما نملك المصروف وسط الجيب :معصب:
وبعنا ارواحنا من شان هيبتنا ومن شانه
وهبنا الله بحكام رقوا في سلم الترتيب
وبنو صرح المعالي واحكموا ساسه وبنيانه
عطيناهم ولا واهدو علينا الحب والترغيب
يعامل شعبه الحاكم مثل ما يعامل اخوانه
وساوونا بعدل ولا احكمو بالظلم والترهيب
وكلن فاتحن صدره قبل لا يفج ديوانه
فقدنا الاربعه يالله عسا ذيك الجروح تطيب
وعساها تلتحفهم رحمة المولى وغفرانه
فهد خادم بيوت الله وزايد ملحق الهييب
وجابر جابر العثرة وعيسى الغيث وامزانه
لكن ان راح ذيب يحل غيره في المواقف ذيب
سباع كل واحدهم تشوف الموت بعيانه
تغيب الشمس وامجاد الخليج وعزها ما يغيب
وتبقى في جبين المجد مقرونة بحجانه
الا يا اهل الخليج المسأله تبغا لها تحسيب
قبل لا يدخل ابليس اللعين وزمرة اعوانه
ترانا شعب واحد مادخل فينا شكوك وريب
تجمعنا تحت راية عظيم الملك سبحانه
لو ان الحد بعدنا يقربنا الغلا تقريب
يموت الرجل منا ما غدر جاره ولا خانه
ولانا مايبي وقفه ولا يحتاج له تجريب
خلقه الله مع الرجال في دمه وشريانه


صح لسانك يا تركي