|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
04-10-2008, 06:41 PM
|
رقم المشاركة : 97 | |||||||||||
|
مششكوره أختي يعطيج العآإفيه يأنتظآر البآرت دمتي بخير
|
|||||||||||
|
|
04-13-2008, 10:30 AM
|
رقم المشاركة : 98 | ||||||||||||||
|
اقتباس:
هلا والله وغلا نورتي القصه بمرورج عزيزتي وان شاء الله دوم اجوف ردودج يالغاليه تحياتي عشوقه
|
||||||||||||||
|
|
|
04-13-2008, 10:34 AM
|
رقم المشاركة : 99 | |||||||||||
|
جاري تنزيل الجزء السادس عشر
|
|||||||||||
|
|
|
04-13-2008, 10:35 AM
|
رقم المشاركة : 100 | |||||||||||
|
الجزءالسادس عشر >>شاغلتني هموم في خفوق رهيف..مع نجوم الليالي ساهر ماغفيت..افتقد عطف خل مثل نبع ذريف..لو تضايقت مرة حس لو ماشكيت<< مر اسبوع ونص على وفاه خالد وريم مانطقت بولا كلمة صارت بس تصلي وتدعي والا تطالع ذكرياتها مع خالد وتبكي على الساعة 3 الفجر كانت ريمجالسة تطالع بصورلخالد ولقت صورة من خطبتها كانت لنواف وخالد وكان خالد يضحك على نواف بهاللحظة تذكرت ريم نواف اللي ماسالت عنة ويوم يتصل ماتدري عنة لانها مغلقة جوالها حست انها تبي تفضفض لااحد فمسكت جوالها وفتحتة لقت عشرات الرسايل من نواف بس يبيها تطمنة على نفسها من دون ماتحس ضغطت اتصال نواف ماصدق ان ريم متصلةفرح مرة نواف::هلا بالغالية ريم::نواف شفت خالد وش سوى فيني خانني نواف::لية وش صار ريم هنا بكت وصوتها مبين علية التعب::قاللي ان مافي احد غيرة بيزفني لك وقالي ظبطي خطبتي ولا جا سويت كل اللي يبية وماجا راح لمكان مابيرجع منة ابد نواف قولة اني زعلانة علية لية يسوي كذا تدري كان يقولي زواجي محد بيزينة غيرك وانتي اللي بتسوين كل شئ حتى ابية احسن من زواجك كان يقولي انة بيغلبني انا وانت بحبة لهند حتى هند خانها وخذلها راح وخلاها وجلست تصيح نواف كان يسمعها وقلبة بتقطع ماتوقع ان ريم تحب خالد لهالدرجة وماتوقع هي وش كثر حساسة خلاها على راحتها ريم وهي لسا تصيحبس بصمت ريم::نواف نواف::هلا ريم ريم::تدري يانواف وتقعد تطالع بصورة خالد اللي بيدها يوم خطبتني وبعد ملكتنا جاني خالد كان يقولي ريم حبي نواف زين مثل مايحبك لاتخسرينة وحافظي علية وخلي عنك الزعل هههههههههه كان يعرفني ازعل بسرعة اذا احد زعلني وهو كان يستانس على هالشئ كان يغايضني دوم يقولي انتي احلى اخت بالكون اصلا انا وياه اخوان كان اذا تعب يشكيلي انا مايروح لا لاامل ولا لاامة كان يجيني انا كنت اسالة دوم لية بس يشكي لي انا ويعلمني بسوالفة؟؟ وقتها يجاوبني يقولي ادري محد بيفهمني غيرك محد يقدر اللي اسوية غيرك وانتي الوحيدة اللي اذا سويت غلط نصحتيني كان يحب اذا جانا للرياض اني اسوي لة انا الحلا اللي يحبة وهالمرة سويتة له وزينتة زين وماجاني ياكلة نواف يسمع ريم وقلبةيتقطع على حالها ريم تكمل::كان يغليك كثير يانواف يقولي محد يصلح لك غيرة وعدني انة اذا سافرنا بيسافر معنا وتقعد تضحك هههههه قالي بنصيع انا وياك بس مابيك تعلمين رجلك نبي نخونة ونفلها قبل لانصير عصافير محبوسين بالقفص الذهبي شفت يانواف شفت وشلون وعددني باشياااء كثيرة بس راح وخلاني اخوي راح وخلاني راح لمكان مامنة رجوع نواف::ريم حبيبتي خلي ايمانك بالله قوي والحين هو مايبي منك غير الدعااء البكاء ياريم ماراح يردة صدقيني ياريم لو البكاء يردة كان بكينا وذبحنا روحنا بالبكي بس البكا يتعبة في قبرة وكلنا فقدنا خالد خالد كان غالي على الكل الجميع يحبونة مافي احد يكرهه مااخبرك ضعيفة ياريم خليك قوية وصبري نفسك واللي حولك اذا انتي حالك كذا اجل كيف حال هند اللي باليوم اللي مفروض تكون فية فرحانة انها بترتبط بالانسان اللي يحبها وتحبة توفى بارادة الله انتي شفتيها ريم::لا ماشفتها من اول يوم نواف::ياريم ابيك قوية ابي خالد يرتاح بقبرة اكيد الحين هند ذابحة روحهها ابيك ياريم تروحين لها وتهدينها وتفهمينها ان هذا مقدر ومكتوب وهذا يومة وكلنا على هالطريق ياريم ريم فكرت بكلامة فعلا نواف كلامة صح وش حال خطيبتة الحين لازم تسوي شئ يسعدة ريم::ان شاءالله احاول بكرة اروح لها تدري خالد كاانة حاس انة بيموت قالي لو لاسمح الله متت وانا مااخذت هند خليها تتزوج ولاتتعلق فيني نواف::طيب ياريم خبري هند بهالموضوع علشان ماتعلق نفسها بذكرى انسان ميت ريم::ان شاءالله بهالوقت قطع عليهم صوت كل من سمعة حس بالراحة والهدوء والسكينة قطع عليهم صوت اذان الفجر يعلن عن بدء يوم جديد ممتلئ بالاحداث نداء الرب اللي يناجي فية كل عبادة بطاعتة نواف::لا اله الا الله ريم::محمد رسلول الله نواف::يالله ريم قومي توضي وصلي لك الفجر وبعدها ركعتين واطلبي الرحمة لخالد وان ربك يغفرلة ويسامحه ريم::طيب وانت وش بتسوي نواف::بروح للمسجد اصلي وارجع انام لان وراي دوام ريم::طيب سامحني يالغالي اني اهملتك الايام الي طافت نواف::معذورة يالغالية وانا مو زعلان وخلاص ياريم اللي فات مات واحنا عيال اليوم ريم::طيب رح صل لاتتاخر نواف::اوكي مع السلامة ريم::مع السلامة ريم بعد هالمكالمة حست بالراحة شوي وقررت من يوم تقوم بتروح تشوف هند وسوت اللي قاللها نواف ونامت هذا كان حال ريم بعد وفاة خالد اما امة بعد مانتهى العزا بيوم سافرت لمكة تطلب ربها الرحمة لولدها الوحيد هي وابوة اما حال امل كان لايقل عن ريم بس كانت اهدا شوي ومستوعبة الصدمة حمد::امل خلاص ياقلبي يبي منك الرحمة الحين امل::بس هذا اخوي ياحمد قطعة مني مالي غيرة بهالدنيا هو سندي الوحيد راح عني حمد::وش تسوين يالغالية حكم ربك ذا ووين رحت انا امل::بس ولو ماحد يعوض عن الاخو حمد::صح ياامل بس انتي عندك عيال الحين خلاص امل::ااه بس تدري ياحمد كان يتمنى احد يسمي على اسمة وانا وعدتة اذا جاني ولد بسمية علية بس حتى لو سميت علية هو راح خلاص وش يدرية حمد::امل خلاص خلي ايمانك بربك قوي واطلبي لة الرحمة بس قومي صلي الفجر وادعي لة امل::طيب وتقوم تغسل وجهها وتتوضا وتصلي وتنام في اليوم الثاني قامت ريم وهي تحس بنفسها غير لانها مقررة اليوم تسوي شغلة حلوة تبي تفرح الكل يكفي حزن اللي راح راح وخالد لويدري باللي يسونة كان زعل عليهم نزلت للصالة مبتسمة لقت الكل مجتمع ريم::اس اس السلامووو عليكووو الكل يطالع ريم مستغرب مو هذي ريم اللي امس وقبلة الكل::وعليكم السلام ريم:::خير وش فيكم تطالعوني كذا فيني يعني شئ متغير محمد::لا بس ريم تضحك من متى مريم::اية صح انتي من يوم وفاه خالد ماضحكتي ريم تذكرت خالد بس ماحزنت::بصراحة انا فكرت بعقلي يعني الين متى بنحزن سنة سنتين مصيرنا بنلتهي بهالدنيا وننسى وبعدين مااقول ننسى خالد لا خالد بقولبنا كلنا وصعب نسيانة بس يعني لو حزنا خالد مابيرتاح بقبرة يعني لو يدري بيزعل علينا وبنضايقة كذا انا قررت اسوي كل شئ يحبة خالد اضحك واسولف واسوي اللي كان يتمناة وحتى انتو بعد ابو حمد فرح ::اية هذي بنتي اللي اعرفها امل هنا حست بالفخر ببنت عمتها وقررت حتى هي تسوي مثلها جلست ريم معهم وجلسوا يتغدون بعد الغداء ريم::يبة ابوحمد::هلا يبة ريم::ابي اروح عند هند بشوفها ابوحمد::روحي يابنتي ريم::طيب وقامت ريم بتروح تلبس ام حمد::بس الحين الظهر مايصير ريم::يمةاحسن شئ هالوقت ابوحمد::خليها تروح تشوف البنت ريم راحت لبست وراحت لبيت ام رائد دخلت الصالة لقت بس ام رائد جالسة ريم بابتسامة::السلام عليكم ياخالة ام رائد::وعليكم السلام ورحمة الله وبركاتة ريم::كيفك ياخالتي ام رائد::الحمدالله وانتي يابنتي ريم::بخير ياخالتي ام رائد::عظم الله اجرك ياريم ريم::اجرنا واجرك الا خالتي هند كيفها الحين ام رائد انقلب وجهها حزين::وش اقولك يابنيتي من يوم دريت بالخبر حالتها حالة بغرفتها تبكي وتلوم بعمرها ريم::ليى تلوم عمرها ام رائد::تقول ان هي السبب ريم::لا ياخالتي مقدر ومكتوب ذا ام رائد::ادري يابنتي بس وش نسوي فيها مي راضية تقتنع ريم::طيب خالتي هي وينها الحين ام رائد::بغرفتها ومعها ريمة بعد ريم::طيب خالتي بروح اشوفها واتفاهم معها ام رائد::اية تكفين ياريم شوفيها ريم::خالتي هذا واجبي وتروح ريم لهند بغرفتها طقت الباب ريمة::من ريم::ممكن تخلوني ادخل والا ادرعم ترا مافي مشكلة ريمة تفتح الباب وهي مبتسمة انها شافت ريم ريمة::درعمي مافي مشكلة انتي من اهل البيت ريم تدخل وتسلم على ريمة ويجول نظرها بالغرفة وشافت منظر يقطع القلب كانت هند نايمة على فراشها لكن وجهها ذبلان ودمعتها ناشفة على خدها ريمة::هذي حالتها من اسبوع لاتاكل ولاتشرب وشغلتها تبكي وتلوم عمرها ريم::انا بشوفها وتروح ريم وتجلس على طرف السرير عند هند وتحط يدها على خد هندوبصوت هادي ريم::هنودة حبيبتي هنودة هند فتحت عيونها وطالعت اللي قدامها يوم شافت ريم تذكرت خالد قامت بسرعة وضمت ريم وهي تصيح ريم::هند حبيبتي مالة داعي هالدموع هذا يومة هند وصوتها مشبع من البكاء::راح الغالي ياريم راح وهو مايدري اني احبة راح وكل هذا بسبتي كان جاي مسرع علشاني وبسبتي مات ريم تسمع هالكلام وجلست تبكي ريم::لاتقولين كذا ياهند ذا مقجر ومكتوب لاانتي ولاانا نقدر ناجل القدر هند::بس ياريم مادرى اني احبة مثل مايحبني ريم::ومن قالة انة مايدري خالد الله يرحمة يدري انك تحبينة هند قامتمن حظن ريم وبفرح تطالع ريم ::صدق يدري وشلون ريم ابتسمت::هذا يالغالية قبل شهرين كان خالد عندنا خالد::ريم برايك يعني ومن وجهه نظرك ومن خلال معاشرتك ومعرفتك بهند ريم::ههههههههههه وش عندك صرت دكتور سعد خالد::ومن هو دكتور سعد ريم::هذا دكتور عندنا بالجامعة ياحبة يتفلسف المهم خلصني وبلا هالمقدمة وش تبي خالد::ههههههههه والله يابنت العمة وحرم نواف ابي ادري هند يعني متقبلتني والا لا والا يعني حضرتك اقنعتيها بالقمر خالد ريم::اقول شايف نفسك قمر خلك على جنب ياخوك وبالنسبة لااستفسارك كم تدفع علشان اجاوبك؟؟؟ خالد::افاااا تاخذين مني فلوس علشان سؤال بسيط ريم::المشكلة ان السؤال بسيط لكن جوابة يكلف الكثير صح خالد::صح ريم بمكر::طيب كم تدفع؟؟ خالد بنظرة امكر من ريم::ريموة بتجاوبيني والا ويطلع تلفونة بتصل على********055 يطلع الجواب من عيونك ريم استحت::طيب ياخلود خالد::قلتلك قوليلي ريم::طيب بقولوامري لله هذا يابن الحلال البنت تموت بترابك بعد مو بس تحبك خالد بفرح::ريموة احلفي ريم::والله بكيفك تبي تصدق صدق خالد::يعني تحبني مثل مااحبها ريم::واكثر بعد خالد::اااااااااااااه ريم::سلامتك من الااه يالغالي خالد::ريحتي قلبي ريم وهي تمسح على راس هند::شفتي ياهند كان يعرف هند قربت من اذن ريم وقالت لها شئ ريم::طيب من عيوني بس لية؟؟ ريم::طيب بس حرام عليك بتعذبين عمرك ريم::اوكي براحتك هند::طيب ريم لية هو راح وماقالي ريم::ردينا كل هذابيد ربك يالغالية وخلاص ابيك تنسين خالد هندوهي تتنهد::انساة وكيف انساة تهقين بهالسهولة يعني ريم::ياهند ادري صعب علينا نسيان خالد وعلى فكرة انا اكثر وحدة متاثرة بوفاتة لان خالد كان يعنيلي الكثير علاقتي بخالد مو علاقة بنت بولد خالها علاقتي فية اكثر من اخوة بس ابيك الحين تشوفين عمرك هند::طيب ابي الشئ اللي طلبتك ريمة مي فية ريم::طيب وتفتح ريم شنطتها وتطلع صورة لخالد وتعطيها هند هند وهي تطالع صورة خالد واحزن باين بعيونها::مستحيل اتزوج غيرة ليتني اموت ريم::لا ياهند وش هالكلم ان شاءالله اشوفك عروس وافرح بعيالك بعد هند::قلتلك مستحيل اتزوج بعد خالد لو يجيني اللي يجي ريم ماحبت تظغط على هند قالت في نفسها فترة وبتعدي ريم::اقول هنودة وش رايك ننادي سارة ونجلس تحت زمان مااجتمعنا هند بابتسامة::طيب الا بفتحة الباب عليهم سارة::ها خيانات صايرة من وراي طيب انتي وياها ريم وهند طالعن بعض وضحكن::هههههههههههههههههه سارة::بعد بعد يضحكن ان شاءالله تضحكن بلاسنون بس سارة يوم طالعتهن يضحكن فرحت من قلب ريم::حرام عليك هالمرة ظلمتيني توني اقول لهنود خلينا ننادي سارة صح هند سارة::قال من شهدلك يابا الحصين ريم وهند فرطن ضحك على مثل سارة اللي تورطت ماعرف كمالتة ريم::اقول نزلنااحسن ونزلن البنات وجلسن بالمجلس ضحك وسوالف ريم::الا صح انتن وتطالع ريمة وسارة ماحلني اصير خالة هند::اية صح ابي اصير خالة وعمة بنفس الوقت ريمة::لا والله انتي وياها اية مو حضرتكن اللي تتعبن ريم::هههههههههههههههه كفك هنود سارة::تبن الصراحة ريم::اية نبيها بسرعة سارة وهي مستحية::بصير ام ريم وهند بفرح وصرخة::لااااااااااااااه احلفي سارة::والله وتروح ريم تضم سارة::يابعد عمري انتي اخيرا بصير خالة ريمة وهند وسارة يطالعون ريم ويضحكون سارة وهي تبعد ريم::شوي شوي ذبحتيني وذبحتي ولدي قبل لايجي ريم وهي تبعد عن سارة::من فرحتي والله والله ياسارة كبرتي سارة تطالع ريم باستغراب::لا والله ريم::ههههههههههههههههههههههه هند::ههههههههههههههههه واخيرا بصير عمة وناااسة ريم::وانتي احظي متى بتكبرين وتصيرين ام ريمة::انا توني هند::ريموة عيني بعينك كذا وش عندك تبينهم يحملن ريم::اسكتي ابي علشان اصير اصغرهن وخليهن يبتلشن بعيالهن ويفكني سارة وريمة::لا والله ريم ::انا قايلة مابي ازوجكم بيوم واحد بس من قرادتي صرتن ربع اشوف علي انا المسكينة ريمة::لا والله انتي مسكينة مرة نواف مسكينة هههه ضحكتيني سارة::طيب ياريم ريم تطالع هند::هنودة انقذيني اجتمعن علي حرم رؤؤدي وحرم تروكي هند بحركة::انا مالي دخل صديقاتك وانتي تعرفينهن اكثر مني ريم::رحت فيها سارة::اتصلي خلي حبيب القلب يفزع لك ريم::شبي فية ادافع عن نفسي بنفسي هند::اقول انا رايحة اسوي لكم نسكافية من تبي
|
|||||||||||
|
|
|
04-13-2008, 10:37 AM
|
رقم المشاركة : 101 | |||||||||||
|
ريم ::كلنا هند::طيب ريم تطالع سارة وريمة سارة::خير وش فيك تطالعينا ريم::سولفولي عنكم وكيف الزواج ريمة::ريم عيني بيعينك كذا انتي خايفة صح ريم بارتباك::ها انا لا بس اسال سارة::ريم احنا نعرفك اكثرمنك من ايش خايفة ريم بارتباك زايد::صراحة انا مو خايفة من الزواج نفسة انا خايفة من مسؤلية الزواج ريمة::صدقيني ريم يوم تتزوجين تحسين باحساس ثاني تخافين على نفسك تخافين على زوجك يصير عندك وعي بالحياة سارة::وبعدين ياريم الزواج مشاركة بين الزوجين يعني مو كل شئ على المرة حتى الرجال علية مسؤليات كثيرة وانتي اخذتي واحد مايتقدر بثمن انا مااقول هالكلام لانة اخوي لا اسالي كل الناس وتعرفين ريم::لا ياسارة ماقصدي اخوك بس عمري ماتخيلت نفسي اكون زوجة وام تدرن نواف يستعجلني بيقدم الزواج وانا ااخرة سارة حست بصديقتها لانها تعرف ريم زين اكيد ريم تعبانة سارة::ريم ريم::لبية سارة::لبيتي في مكة ريم::وياك يارب سارة وبعد ماطلعت ريمة تشوف زوجها وش يبي سارة::ريم انتي من يوم كلمتيني مرة وانا مسافرة وانتي مو على بعضك ريم انا صديقة عمرك فيك شئ ريم تحاول تبعد عيونها عن سارة سارة::ريم لاتحاولين تخفين علي اذا مي عينك فاضحتك صوتك ضحكتك كل شئ يفضحك عندي ريم::صدقيني ياسارة مافي شئ بس هو اللي قلتلك سارة::ريم نواف مسوي لك شئ مزعلك بشئ ريم::لا ابد نواف مافي منة بالعكس مريحني سارة::اجل وش فيك ريم::بصراحة وبهالوقت دخلت هند بالقهوة تنهدت ريم وحمدت ربها لان و مادخلت هند كان قالت كل شئ لسارة وتدري بسارة ماراح تفكها بس على الاقل اتاجل الموضوع شوي وصارت ريم تتجنب نظرات سارة اللي فيها الف سؤال وسؤال ريم::انا اذكر انك رايحة تسوين نسكافية مو قهوة تركية هند::هههههه بصراحة يوم رحت فكرت وقلت قهوة احسن ريم::تصدقين احسن خليني اقرا فناجيل هالمهبل ريمة::اقول سارة ماتحسين انا تهزئنا كثير اليوم ريم احنا طايحين من عينك والا طايحين من عينك ريم::هههههههههههههههه انتو طحتوا بس تعلقتو بقلبي خخخخخ سارة::انا ابصم بالعشرة انك مو صاحية ريم::اقول اشربن واقلبن فناجيلكم وتاخذ ريم منديلها وتلفة عصابة على راسها وتاخذ كحلتها وتحط خط على ذقنها مثل البدويات هند::هههههههه الله يقطع بليسك وش بتسوين ريم::اقول اقلبي فنجالك حتى انتي ريمة::رحنا فيها ريم::ماسمعت وش قلتي ريمة::سلامتك بس عاد قعدت ريم تخربط عليهن وتضحكهن وتقرا فناجيلهن بتخبيص لانها ماتامن بهالاشيااء بس كانت تحوس عليهن تبي ترسم الضحكة على وجه هند والحمدالله خلتهن يموتن من الضحك عليها ومضى اليوم بسرعة وراح كل واحد لبيتة .................................................. .................... ام عبد العزيز::اقول يمة خلني افرح فيك عبدالمجيد::يمة وشلون تفحين فيني زواج وتزوجنا ام عبدالعزيز::وين تزوجت وانت رامي مرتك ببيت اهلها لاتسال عنها ولاشئ ولاحددتوا يوم العرس عبدالمجيد::يوووة يمة يعني ام عبدالعزيز::يايمة ابي اتطمن عليك قبل لااموت وابياشوف عيالك يلعبون قدام عيني وانا خذيت لك شيخة الحريم اللي بتسعدك عبدالمجيد وهو قايم متنرفز::سوو اللي تبونة ام عبدالعزيز::اذا تبيني ارضى عليك ابيك تتزوج اليوم قبل بكرة عبدالمجيد::خلاص حددو انتو العرس وسوو كل شئ وطلع وخلاهم كان تعبااان مرة شاف جوالة قلب بالارقام لقى رقم العنود كان بيتصل بس حس انة يكرهها رجع شاف الارقام ودق رقم هو حافظة عن غيب اتصل علية بدون تردد هدى::هلا حبيبي كنت عارفة انك بترجع عارفة عبدالمجيد::انا تعبان ياهدى تعبان ولا احد حاس فيني هدى::سلامتك حبيبي وش فيك عبدالمجيد::امي تبيني خلاص اتزوج العنود وانا احسني مو طايقها هدى تضايقت يوم طرى العنود تكرهها كره العمى هدى::طيب خلها مانت مجبور عليها عبدالمجيد::بس انا ماني نذل مو حقير اخطبها واتركها وش بيقولون الناس عنها هدى::والحل وش بتسوي عبدالمجيد::ااااه خلاص يمكن الاسبوع الجاي زواجي هدى حست بطعنة الحين جاي يتصل علشان يخبرني عن زواجة وربي مابتتهنى ياعبود هالمرة مابكت لا ارت اقوى من امرة اللي طافت هدى::طيب لية متصل علي عبدالمجيد::افهميني ياهدى افهميني دخيلك هدى::وش افهم خلاص انت ببتزوج وانا ماني شئ بحياتك عبدالمجيد::لا ياهدى انتي كل شئ هدى::والعنود عبدالمجيد::حرمة على الورق بس خليني اسكت امي وبعدها بتزوجك مالي غيرك هدى حست بالنصر شوي هدى::طيب حبيبي اخليك امي تبيني عبدالمجيد::طيب بحفظ الله خبرت ام عبدالعزيز عهود انها تخبر امها علشان الزواج بعد اسبوعين عهود فرحت بهالخبر عهود::عنودة حبيبتي العنود::طيب لية مااتصل علي وقاللي عهود::يمكن يستحي عبدالمجيد خجول العنود::اية هين خجول عهود::الحين المفروض تستانسين العنود::اية صح عهود::يالله علشان نروح السوق نشتري لك اغراض وعبدالمجيد انتي وحدك بتغيرين طبعة ومع المعاشرة ببين كل شئ العنود::ان شاءالله يكون كلامك صح وبدت التحضيرات لزواج عبدالمجيد والعنود اللي راح يكون يوم الاثنين الجاي نواف::انتي لية كذا ريم::وش فيني؟؟ نواف::اقولك نتزوج رافضة يعني الين متى بصبر ريم::امممممممم نواف::ياربي منك بتذبحيني اقول فراشة خلينا نتزوج طقيت انا ريم::ههههه فراشه مالها دخل احنا اللي بنتزوج مو هي فراشه::اقول اذيتوني شغلتكم تتهاوشون صيرو شوي رومنسين اللي يتابعون القصة يبون رومنسية شوي نواف::هههههههههه خلينا نتزوج ونصير رومنسين ريم::حبيبي نواف::عيونة وقلبة بعد ريم::فديت عيونك وقلبك الغالي نواف::امري يالغالية ريم::انا ابي اسافر ابي انسى شوي من اللي صارلي نواف::سافري ياقلبي وانبسطي بس وين ريم::انا قلت لاابو وقالي استاذني زوجك بروح لمصر نواف::روحي وانا بعد عندي سفرة لمصر ريم بفرح::والله نواف::والله عندي شغل شهر هناك ريم::ونااسة اجل نواف::أي وناسة وانتي ماتخليني اشوفك ريم::ها لا هناك عادي نواف::ياسلام وش معنى ريم::لارحنا هناك اقولك ليش بس بعد زواج ولد خالتك عبدالمجيد نواف::طيب ياريم نصبر عليك ونشوف يالله عاد توصين شئ ريم::لا ياقلبي بس انتبة لحالك نواف::طيب يالغلا اخليك ريم::اوكي وتقفل عنة وهي مبسوطة ومرتاحة نفسيا ان نواف بيروح معها في بيت ام نادر سعد::هههههههههههه العنود بتتزوج اضحكو ياناس نور::ياسخفك ياخوي سعد::تصدقين انك اكتشفتي شئ خطير نور::هاهاها ماصخ مزحك ناصر ::العنود وش فيك حبيبتي لية مانتي بمعنا (ناصر اخو العنود يدرس في البحرية ومتخرج مع خالد ولد خال ريم هو طيب وحنون جدا متعلق اكثر شئ باختة العنود ويحبها موت اصلا زعل يوم عرف بزواجها) ناصر:::العنود عنودة عنودة العنود انتبهت::ها هلا ناصر وش فيك ناصر::من الصبح توم وجيري يتناقرون عندك وانتي ولا حاسة وبعدها اناديك حاقرتني معقولة كل ذا علشان حبيب القلب العنود ااه ياناصر لو تدري بس خلها على ربك::لا مو تفكير بس تعبانة انا شوي تعرف التحظيرات ناصر::اها ربي يعينك امانة عنودة اذا احتجتي أي شئ نصور موجود العنود بابتسامة::فديت نصوري انا ناصر::قهر بياخذك هالدب عبدالمجيد مني وربي بفقدك العنود::لا محد بياخذني عنك يالغالي الا صح مو ناوي تتزوج ناصر::خلي هالدب اللي قدامك يتزوج علشان يجي دوري العنود::كانها على سعود بتشيب وهو ماتزوج سعد::نعم نعم كاني اسمع احد يحش فيني العنود::اقول سعد مانت ناوي تتزوج خل اللي تحتك يشوفون نفسهم سعد::اها قولي كذا اكيد نصور اللي قايلك افتحي هالموضوع ناصر::انحطت براسي العنود::لا حرام عليك انا اللي فتحت الموضوع مع ناصر وقالي خلي اخوي الكبير يعرس وبعدين انا العنود تقرب من سعد وبصوت واطي::اقول لايكون احد بخاطرك قلي ياخوي ومن عيوني بااخطبها لك سعد اخ يااختي ضربتي عالوتر الحساس::ها لا مافي العنود::عيني بعين ياخوي تراني اعرفك اكثر من نفسك مو يعني اني مااشوفك مااعرف سعد::تدرين محظوظ عبدالمجيد فيك انا لو القى وحدة مثلك تزوجتها العنود كلكم عارفين قدري الا هو مطنشني::اقول جد سعد تراك كبرت سعد::يحلها ربك يابنت الحلال نور::اقول نصور كنهم قطونا على جنب وجلسوا يسولفون ناصر::نصور اصغر عيالك انا نور::ياسلام اش معنا العنود تقولك عادي ناصر::هذا انتي قلتيها العنود شفتي لو انتي اللي ببتزوجين عادي لكن عنود خسارة كبيرة بيفضىالبيت نور::لا والله وتقوم وتحط يدها على خصرها اش معنى عنود بتفقدها وانا لا ناصر::انتي صيري ربع حنانها وعطفها وبتعرفين لية العنود تطالعهم وتضحك راح تفقد هالهواش الحلو كل يوم وراح تشتاق لهم مرة سعد::اقول العنود العنود::لبية ياخوي سعد::لبيتي في مكة يارب العنود::امين يارب سعد::اذا محتاجة أي شئ قوليلي بس العنود::ماريد الا سلامتك سعد::طيب وش رايك اكشخ اللكسزس او الفياجرا العنود::ولية؟؟ سعد::لا بس ابي اتمشى وابي اشوف الاكشخ خلي البنات يغازلني العنود::هههههههههه بصراحة انا احب الفياجرا سعد::طيب يالله عن اذنكم ياجماعة نور::اعوذ بالله انت ماتستحمل تجلس في البيت ساعتين على بعضها سعد::طيري بس انتي احد خذ رايك ويطلع ويخليها نور حمر وجهها من القهر::ياربي من اخوكم ذا بيذبحني العنود::تستاهلين انتي اللي تناقرينة ناصر::عنودة ممكن العنود::ايش حبيبي ناصر::ابي انام على رجلك وابي تلعبين بشعري مثل قبل العنود تبتسم ::ممكن ونص بعد وينسدح ناصر عالكنبة ويحط راسة على رجل العنود وتقعد تلعب بشعرة العنود حمدت ربها ان عندها اخوان كذا يحبونها ويخافون عليها نور::ياسلام وانا يعني مو اختكم العنود::لا نور حبيبتي ماقلنا كذا تعالي واجلسي عندي ناصر وهو مغمض عيونه ومسترخي على الاخر::الا نور انتي أي صف نور::لا لا انا انهنت اخوي اللي معي بالبيت مو عارف صفي لا اله الا الله ناصر::شوي شوي كلتيني حشا مايسوا علي كلها سؤال نور::اية مو مهم بالنسبة لك لكن بالنسبة لي مهم ونص جاوبية عنودة انا باي صف العنود::هههههههههههههه ناصر نور بثاني ثانوي الحين ناصر::بثاني ثانوي ماشاءالله ياسرع السنين هالفنعوص صارت بالثانوي نور::لية مو عاجبتك والا مو عاجبتك؟؟ ناصر::لا من قالة عاجبتني ونص العنود::الله يقطع بليسكم وربي راح اشتاقلكم نور والدمعة بعينها::عنودة خلاص لاتروحين مالة داعي تتزوجين العنود::خلاص نور كلها يومين وتصير الغرفة لك لحالك نور ودمعتها نزلت ::لا مابيها الغرفة لاصارك مو فيها وربي البيت بيصير مو شئ من دونك العنود حست بحزن اخوانها عليها ودمعت عينها ونزلت دمعتها على جبهه ناصر حس ناصر فيها لانة يعرف اختة من دون ماتتكلم حس ان فيها حزن وهم كبير بس مي راضية تقول لااحد ناصر قام ومد يدة ومسح دمعة العنود::ماعاش من ينزل هالدمعة يالغالية العنود::لا مافيني شئ ياناصر بس حزنانة اني بفارقكم ناصر::اكيد العنود وهي تبتسم::اكيدين &&&&&&&&&&&&&& سارة::رؤدي رائد وهو مغمض عيونة::اممممممم سارة بدلع::رؤووودي رائد::هلا سارة::طالعني عاد رائد::تكفين سارونة خليني انام تعبان انا سارة::ياربي منك رائد قام وطش الغطا::نعم وهاذي قومة خير سارة::طيب هذا جزاي تعاملني كذا رائد::والله ياحياتي ماقلت شئ انا انتي مدري وش فيك بعدين تعبان كل يومي ركض بركض وبكرة وراي مطامر بعد سارة وهي مبوزة ::وانا الي بقولك خبر حلو رائد::ها خبر حلو شنو سارة بابتسامة::بتصير اب رائد بقق عيونة::عيدي عيدي سارة::يعني انا حامل رائد طار من الفرحة::الحمدالله يارب يعني بصير اب يعني بيصير عندي عيال ونااااسة سارة تطالع رائد وهي فرحانة رائد::طيب متى وكيف ووشلون؟؟ سارة::ههههههههه حلوة متى وكيف ووشلون وش هالاسئلة الرهيبة رائد::طيب لية ماعلمتيني مشوين سارة::والله مو فاضي لي انت وبعدين لسا اليوم عرفت بالخبر رائد::طيب ياويلك ان شلتي والا سويتي شئ انا اللي بسوي كل شئ عنك سارة::اقول نم بس نم رائد::وين انام طار النوم من عيني سارة وهي تاخذ اللحاف منة وتحط راسها وتنام رائد::ياربي شسوي بهالمرة ذبحتني الحين تقومني وترد تنام وقام وحط راسة ونام وهو يفكر بولدة والا بنتة اللي بيجون بالطريق &&&&&&&&&&&&&&& اما ريم فهي كالعادة ماسكة ريشتها ولوحتها وجالسة ترسم بالغرفة فرسمت بحر ومن نص البحر طالعة دمعة كبيرة وفي الدمعة رسمت وجة بنت حزينة الصورة طلعت مرة خيال وحلوة تذكرت نواف وانها ماسمعت صوتة غير مرة اليوم هي حاسة ان فية شئ بس مو راضي يخبرها فقررت ماتتصل بس ارسلتلة مسج حلو كنت أشوفك شخص عادي زي باقي الناس حالك وكنت أجاوب ماشي حالي يوم تسال كيـف حـالك لين ما شفـت اهـتـمـامـك وارتـبـاكـك في كـلامـك وقـتـهـا حسـيـت عـيـنـي دوم تـشـتـاق لـوصـالـك بعد ما شـفـت الـحـقـيـقـه في عـيـونـك يا عـيـوني صار إحسـاسي وغـرامـي في غـيـابك يـسـألـوني لـيـه نـشـتـاق فـغـيـابـه ولـيــه نـرتـاح لـعــذابـه واكتشفت إني "احبــــك " دون مدري يا جنوني قرا نواف المسج وابتسم كان ودة يتصل بس نفسيتة ماتسمحلة فارسل لها هالمسج وقفل جوالة ونام **متى على الله ينفـرج ضيق الايــــــــــــــــــام ويزين وضـع مغـربلات الليــــــــــــــــالـــــــــــي امــا تحقق لي كبيـرات الاحــــــــــــــــــلام واللا شربت المـــــــر في كــوب حـــــــــــــالي كم واحدٍ يظهــر سنا الصبح ما نـــــــــــــــــام يتــــذكـر الظلــم من بعيــد ودانــــــــــــــــــي ** ريم من يوم قرت رد نواف حست الا تاكدت ان في شئ مضيقة قررت تتصل واتصلت واتصلت لكن الجوال مقفل ريم::اوكي مقفل جوالة ولا راضي يتكلم براحتة بس اذا يبي يتكلم بيقولي خلوني انام ابرك لي &&&&&&&&&&&&&
|
|||||||||||
|
|
|
04-13-2008, 10:40 AM
|
رقم المشاركة : 102 | |||||||||||
|
حمد::ريماني حبيبتي ريم الصغيرة::اغغغغغ حمد::ياقلبي فديتك انا الا امول نايف وينة امل::نايف من يوم حقرتة ريم وهو مبوز وزعلن ولا راضي يكلم احد حمد::نايف نايف حبيبي نايف وهو يلعب بلايتيشن::وث تبي حمد::افا ويروح يجلس بجنبة وش فيك حبيبي لية زعلان نايف::انتم كلكم مو حلوين ماتلعبون معي وعموة ريم صارت بس تبكي تبكي وماتحبني هي وهذا عمو نواف مااحبة خلاها تبكي كثير وماتخليني انام عندها مثل اول وخالو خالد كلمني قال بيجي وماجا حمد ضم ولدة لصدرة::وانا وين رحت يابابا انا معك نايف::بس انا ابي عمووة ريم هي تلعب معي بلايستيشن وتخليني ارسم معها بعد حمد حس بولدة وحزنة وضعة اذا ريم ابتعدت اسبوعين عنة وكذا سوا وشلون يوم تتزوج حمد::يالله بابا قمنا نايف::وين مابي اروح ابي العب حمد::بنروح نزور عموة ريم ونهاوشها لية خلت نيوفي حبيبي يزعل نايف نط من الفرحة::والله بابا حمدبابتسامة ::والله وبناخذ ريم الصغيرة معنا صح نايف::صح ويوقم حمد ويشيل بنتة بحظنة وولدة يمشي بجنبة ويروح لغرفة ريم هالمرة دخلو عليها بدون مايطقون الباب لقااها منسدحة عالسرير قرب منها وحط ريم الصغيرة على وجهها ونايف رقى عالسرير بجنبها ريم حست بشئ هي ماكانت نايمة لانها تفكر برجلها وقامت وشالت ريم عن وجهها ريم تلاعب ريم الصغيرة::كذا ياريماني تصيرين فوق وجهي تبين تذبحيني وريم الصغيرة تضحك مي فاهمة شئ بس تضحك على شكب عمتها ريم::فديت هالضحكة يارب ريم حست بضربات خفيفة على كتفها صدت لقتة نايف ريم::هلا والله بحبيب عموة تعال حبني نايف قام وحبها ريم::فديت حبيبي انا حمد::ريم لية مزعلة نايف ريموهي متفاجئة::انا مزعلة نيوفي ازعل الكل ماازعلة حمد::الا هو يقول انك مطنشتة من اسبوعين وجالس يسب من الصبح في نواف ريم::ههههههههههه نيوف حبيبي تعال بجنبي لية زعلان تزعل من عموة نايف::طيب لية ماصرت انام عندك ريم::ها حبيبي هذا ماما وبابا قالولي نبي نايف ينام عندنا علشان يتعود علينا حمد يطالع ريم ومستغرب منها وشلون لفقت السالفة نايف::طيب لية مايبوني انام عندك ريم::يقولون انت تزعجني وانا اقولهم بالعكس نيوفي احبة ومريحني بس هم مدري عنهم نايف يصد على ابوة::بابا لية انت وماما تقولون كذا ماتبوني انام عند عموة حمد::نيوف حبيبي مو صدق الكلام اللي تقولة ريم نايف::عموة ريم علمتني ان الواحد مايكذب علشان مايدخل النار وهي اكيد ماتكذب ريم::هههههههههههههههههههههه حمد يطالع بريم::قلبتي السالفة علي طيب الله يستر على بنتي لاتصير مثلك ريم::اصلا تتمنى تصير مثلي لفت نظر حمد لوحة مرسومة بس لسا مو مكتملة قام وراح يطالعها حمد::بصراحة الرسمة خطيرة يبيلها بيت شعر يكملها ريم::لا ماراح اكتب لها شعر خلها هي تعبر عن نفسها نايف::عموة ريم::هلا يانظر عموة نايف::شوفي ريم وش تسوي ريم تطالع ريم الصغيرة لقتها تتقلب عالسرير وتلعب ماتت من الضحك عليها شكلها يضحك كانت بيضا ودبدوبة شوي وعيونها ماشاءالله سودا وسيعة وتروح ريم وتشيلها وتلاعبها ريم::الا الساعة كم حمد::على مااعتقد 1 ونص ريم::ماشاءالله عليك انت وعيالك وش جايبكم عندي ماخليتوني انام حمد::لا والله هذا جزانا اللي جينا نسليك نايف::عموة ابي انام عندك مثل اول انا اشتقت لك ريم::طيب حبيبي بتنام عندي بس ابوك واختك بيطلعون حمد::ياسلام وش معنى نايف وريماني مالها شئ ريم::نايف غير بعدين انا تعبانة وراسي مصدع مالي خلق انوم ريماني الحلوة حمد::اها طيب نخليك ياحلوة وياويلك تزعلين نيوف مرة ثانية ريم::حاظر استاذ حمد اوامر ثانية بعد حمد::اية عندي سؤال ريم:::تفضل حمد::الا متى تتزوجين وتفكينا؟؟ ريم::لا والله جالسة على قلبك انا حمد::هههههه اية ابي اخذ غرفتك لعيالي ريم::لا والله وبيتك هاللي هذا كبرة حمد::مو قصة ان البيت صغيراو كبير لا بس علشان يكونون هنا عند جدهم وجدتهم ريم وهي ماسكة حمد من ورا وتطلعة::اقول اقلب وجهك بس حمد::على أي صفحه ريم::ياسخفك رح بس ويطلع حمد من عندها وهي ترجع وتنام هي ونايف الصغير وجا يوم زواج عبد المجيد والعنود الكل فرحان ومبسوط الا العروسين نور::واااااااااااااااااااااي صايرة تهبلين عنودة العنود بلا مبالاة::أي اهبل ناصر كان عندها ::بينجن عليك عبود العنودبقلبها اية هين::طيب ممكن تطلعون انت وهي ابي البس نور طلعت اما ناصر قبل لايطلع راح لااختة وباسها ومن دون شعور العنود ارتمت بحظنة وجلست تصيح ناصر::خلاص عنودة لاتصيرين ضعيفة كذا وين عنود القوية وينها العنود::طيب ناصر مد يدة ومسح دموعهاوباسها على خدها وراح عنها وهي جلست وعندها الكوافيرة تظبطها وتفكر بمصيرها المجهول مع هالزوج المتقلب اما بالقصر الكل كان مبسوط وسعيد ومستانس ورقص وهيصة الا وحدة كانت طاقة من القهر اللي هي طبعن هدى دبرت لها بطاقة من تحت الارض ام عبدالعزيز شافتها وكانت مي مرتاحة لجيتها بس وش تسوي فخلتها حالها حال المدعوات جت دخلت العروسة ودخلت على اغنية قمر لعبدالمجيد الكل اعجبتهم العنود ورزانتها وحلاوتها كانت مرة جذابة وابتسامتها الحلوة هي كانت فرحانة انها خلص صارت لعبدالمجيد بس شايلة هم وماتدري وش بتخبي لهم الايام الجاية جلست عالكوشة والكل جا وبارك وسلم عليها وبعد نص ساعة دخل عبدالمجيد هو ماكان راضي يدخل بس ابوة قالة ان هذا عيب وذي مرتة ومن هالكلام واقتنع انة يدخل ودخل عبدالمجيد ومعة ابوة وابو نادر ونادر وناصر وسعد ووصلو للمنصة وسار عبدالمجيد قدام العنود ريم كانت تتكلم هي وسارة ريم::شوفية ياسارة بالله احد بليلة زواجة مكشر سارة::وربي العنود ماتستاهل الا الخير ريم::شوفي وشلون مو براضي يطالعها ابصملك بالعشرة انة مايبيها سارة::شكلة كذا اما على الكوشة عبدالمجيد مو باين علية ملامح لافرح ولاحزن كانت امة بجنبة وقالتلة انة يشيل الطرحة عنها وشالها وهو متثاقل سلم عليها بصراحةابهرتة العنود هو يذكرها وهي صغيرة بس ماتوقعها كذا بس طنش الوضع وجلس هو وياها جا الكل يبارك لهم وعبدالمجيد يطالع بالحظور ماطالع فيها والعنود ميتة من القهر بس مي مبينة لانها مستحية وهذا اللي محليها زيادة في هالوقت كانت عيون تطالع بالعنود وهي مليانة شر وتوعد كانت عيون هدى فقررت تسوي حركة تغص على عبدالمجيد اول ليلة زواجة لبست عبايتها ومشت من جنب المنصة وطيحت الغطوة وكان عبدالمجيد يطالع قدامة فانتبة لها وهي بعد طالعتة بنظرة ومشت عنة انتبهت لها ام عبدالعزيز وراحت عندها وطردتها اما عبدالمجيد تنح فيها عبدالمجيد لية ياهدى تسوين فيني كذا وش جابك العنود انتبهت لها وجلست تطالع بعبد المجيد شكت ان في شئ وتجي ام عبدالعزيز واستعجلت عليهم وزفتهم بسرعة اما ريم وسارة فمتابعات الاحداث اول باول ويحللن على كيفهن وراحو المعاريس لشقتهم وجلسوا بالصالة فقام عبدالمجيد وشغل التلفزيون وجلس عندة اما العنود فهي مستحية مرة شافها جالسة حس انها متضايقة من فستان العرس عبدالمجيد::اقول رحي اشلحي هالفستان احسك متضايقة العنود::ان شاءالله وتدخل وتلبس لها بجامة وتطلع له اماهو جاب لة عشا وجلس ياكل ويحس نفسة مو طايق العنود شئ يمنعة يتكلم معها وخاصة بعد ماشاف حبيبة القلب جلست العنود بكنبة بالصالة بس بعيد عنة شوي طالعهاعبدالمجيد ورجع يطالع التلفزيون حس بنفسة تعبان عبدالمجيد::اقول العنود انا بنام بالغرفة الثانية وانتي نامي هنا وياشر على االرفة الرئيسية العنود هنا انقهرت منة ومن حركتة فقررت تسالة مو معقولة تبقى كذامي بعارفة شئ العنود::ممكن اسالك سؤال عبدالمجيد::وش عندك قولي العنود::انت مغصوب علي عبدالمجيد عصب::انا رجال والرجال عمرة مابينغصب فاهمة العنود::هد شوي وش فيك عصبت اجل لية تعاملني كذا عبدالمجيد::كذا مزاجي حر انا ويروح ويخليها العنود جلست تصيح ودخلت الغرفة وقفلت على حالها وهي ميت صياح ومن كثر مابكت نامت عالكنب في الغرفة الصبح بدري قام عبدالمجيد وطق عليها الغرفة عبدالمجيد::العنود يالله قومي علشان نلحق عالطيارة العنود وصوتة مليان صياح ::طيب وتقوم وتتحمم وتغسل وجهها لانها ماتبي تبين انها يكت علشانة وش يعني لها هو وهي تكذب على نفسها لانها تحبة مهما سوا فيها وطلعت لة يوم شافها اعجبتة اكثر بس يحس في شئ مانعة انة يحبها او حتى يكلمها بلطف عبدالمجيد::يالله مشينا العنود::طيب وراحوا وسافروا شهر العسل لماليزيا نرجع لنواف وريم ريم طبعن كانت شاكة ان نواف فية شئ مخبية فيوم طلعوا من زواج عبدالمجيد استاذنت امها ان نواف بيوصلها وعلى اساس هو جاي بياخذ امة فركبت معاه هي وام نواف راحت مع سارة اللي اصرت عليها فتحت ريم السيارة وركبت قدام ونواف مستغرب مين هالحرمة اللي جتها الجراءة ريم وهي مغيرة صوتها::حرك السيارة بسرعة نواف مبقق عيونة عليها ريم::اقولك بسرعة نواف::لا والله ومن حضرتك اصلا ووش هالجراءة اللي تخليك تركبين مع رجال غريب وبعدين انا متزوج ريم في قلبها ميتة ضحك بس بنفس الصوت::نبي نغتصبك شوي ماعمرك سمعت عنة نواف عصب::اقول انزلي لا بالعقال ريم::ههههههههههههههههههههههههههههه هنا نواف عرفها من ضحكتها نواف::يالحمارة ياللي ماتستحين على وجهك كذا تسوين فيني ريم::أي يابطني هههههههههه شكلك يموت ضحك نواف::ولا كلمة بعدين صح غريبة وش جايبك معي ريم::مو زوجي بروح معك شوي بشوف وش اللي مخليك مريض نواف::انا مريض من قالة ريم::احساسي وصوتك وكلامك ومعاملتك الايام اللي طافن يالله حرك السيارة ومشى نواف ومعة ريم ريم::حبيبي نواف::هلا ريم::ممكن اعرف وش فيك نواف::مافيني الا العافية ريم::نواف قص على العالم كلهم الا علي انا نواف::بايش ااحلف لك وربي مافيني شئ ريم::نواف ابصم لك بالعشرة ان في شئ مضايقك طيب قلي فضفض لي نواف::مافيني شئ اقولك يالله وصلنا بيتكم ريم انقهرت منة ولما بغت تنزل صدت يمة ريم::نواف لا صرت مرتك بجد اتصل فيني والا اذا انك للحين مو معتبرني مرتك لاتتصل علي ولاتطلب تشوفني نواف يطالعها::كيف مافهمت ريم::لانك للحين مو معتبرني زوجتك وشريكة حياتك حتى همومك تخبيها علي اللي المفروض تفضفض لي وتريح نفسك وانا اللي من اشوف نفسي تعبانة الجا لك ومعتبرتك اقرب الناس لي لكن انت للاسف للحين مو معتبرني قريبة منك نواف حس بتانيب الضمير لان كلامها صح وهي كانت بتنزل بس مسك يدها وركبها معة هل تتعتقدون انة بيقولها وش فية والا بيسكت؟؟ عبدالمجيد والعنود وحياتهم الجديدة ؟؟ هدى هل لها علاقة بالموضوع؟؟ انتظروني في الجزء السابع عشر امل ان ينال رضاكم تحياتي لكم العــــــــــــــــــ الولهانه ــــــــــــــــاشقه
|
|||||||||||
|
|
|
04-16-2008, 02:12 PM
|
رقم المشاركة : 103 | |||||||||||||
|
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ننتظر الاجزاء المتبقيه تقبلي تحياتي 
|
|||||||||||||
|
|
|
04-20-2008, 01:12 PM
|
رقم المشاركة : 104 | |||||||||||
|
مشكوره خيتو عسآإج ع القوه بآنتظآر البآإرت
|
|||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه
|
||||
| ال | ||||
العرض العادي
