|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
05-04-2008, 06:44 PM
|
رقم المشاركة : 121 | ||||||||||||||
|
اقتباس:
العفو والله يعافيكي خيتو تسلموي والله على المرور تحياتي لكي
|
||||||||||||||
|
|
05-04-2008, 07:15 PM
|
رقم المشاركة : 122 | ||||||||||||
|
اقتباس:
العفو حياتي والله يسلمج يالغاليه اسعدني مروركي ميكون خاطرك الا طيب تكرمي تحياتي لكي عشوقه
|
||||||||||||
|
|
|
05-04-2008, 07:18 PM
|
رقم المشاركة : 123 | ||||||||||||
|
اقتباس:
هلاء والله وغلاء نورتي ويعافيكي يالغلاء ويعطيكي الف عافيه تحياتي لكي عشوقه
|
||||||||||||
|
|
|
05-04-2008, 07:21 PM
|
رقم المشاركة : 124 | |||||||||||
|
جاري تنزيل الجزء الثامن عشر والاخير
|
|||||||||||
|
|
|
05-04-2008, 07:22 PM
|
رقم المشاركة : 125 | |||||||||||
|
الجزء الثامن عشر والاخير >>وداع ارحل..وداع ابعد ابقفل دونك الابواب...خلاص اتعبت انا قلبي ماعاد اقوى على الحيرة..ماعاد اقوى احتمالات الزمن تاهت بي الاسباب...تحمل فكرة الماضي ولابقوى على غيرة<< ومرت الايام وجا رمضان اللي الكل كان سعيد وفرحان فية ومبسوط وعلى نهاية شهر رمضان كان ابو حمد مسوي فطوور وكان لبيت ابو نواف وابو رائد والاهل وبل الفطور ريم في المطبخ وجتها سارة اللي من اسبوعين ماشافتها سارة جت من ورا ريم وسوت حركة لاامل وهندانهم مايعلمونها وغبت عيون ريم ريم::يوووة بوتمبة مو فاضية لك ولحركاتك هند::غلطانة مو بوتمبة ريم::يالله مين مو فاضية صدقني سارة::افا نسيتي ايدي ريم وبعد ماشالت سارة ايديها صارت مقابل وجة سارة ريم وبفرح::ساروة الدبة وحشتيني وتضمها سارة::حتى انا اكثر اقول عروستنا اشوفك شايلة البيت كل هذا استعداد للزواج ريم::اقول دبة بتساعدين والا صح روحي عند الحريم انتي حامل مايصير تشتغلين سارة::حتى انتي شوفي هذا وانا بالشهر الثالث صرت هذا كبري من قل الحركة ريم::اقول ماباقي شئ وياذن خليني اضبط السفرة للرجال وراحن ريم وهند يحطن سفرة الرجال اما امل وسارة سفرة الحريم واذن المغرب وكان الكل مجتمع على سفرة الفطوور طبعن حطو بس تمر وزبدة ولبن علشان يحللون فطورهم وارتفعت الالسن بالادعية والتهليل والتكبير حلوو الرجال فطورهم وراحو يصلون بالمسجد وقامت هند وريم ومعاهم امل تساعدهم وحطو الفطور للرجال كانت ريم نص السفرة هي اللي مسويتها وامتلت السفرة من الى وراحن الحريم يصلن وبعدها حطن لهن الفطور ام نواف::ماشاءالله هذا كلة انتي ياريم مسويتة ريم::يعني يمة مو كلة كلة مقتطفات امل::اقول خالتي لاتصدقينها كلة هي مسويتة ريم استحت ::اقول سمو باسم الله وجلسو يسولفون ويضحكون لحد مااذن العشاء وراحن الحريم والرجال للمسجد علشان يصلون التراويح علشان يرجعون لبيت ابوحمد يكملون سهرتهم هناك ويوم وصلوا للبيت اتصل نواف على ريم نواف::لازم اشوفك حرام عليك شهر ونص مااشوفك ريم::انسى مافي شوفة لي الا يوم الزواج مو خلاص تحدد نواف::اقول انا استناك بالحديقة ريم::مافي مو طالعة اصلا حتى بالعيد يمكن ماتشوفني نواف::لا والله احلفي ريم::برمضان احنا حرام الكذب وبعدين انت اللي حددت انتظر ليوم الزواج نواف::ريم بتجين بالطيب والا قسم بالله لاادخل ريم::انسى مافي نواف::ريم حبي احنا برمضان لاتخليني اعصب ريم::لا يعني لا رح عند الرجال ابرك لك نواف::طيب وتقفل عنة وترجع عند الحريم سارة::ريم حرام عليك ريم::وش اللي حرام علي خلية يستاهل سارة::طيب بس بيسلم عليك ريم::شوفي مابية يشوفني الحين ويشوفني بالعيد خليها مرة وحدة سارة::يعني مخططة انه يشوفك ريم::اية مااقدر اصلا استحمل مااشوفة سارة::يالنصابة انتي ماتشوفينة لاصارك يوميا تصبحين بوجهه وهو ياقلبي من شهر لشهر بالموت يشوفك ريم::خلية احسن لية يخلي الزواج سارة::ريم عيني بعينك كذا مو انتي تبين تنجمعين معة اليوم قبل بكرة ريم نزلت عيونها سارة::انا اموت واعرف من متى صرتي تستحين ريم::لية وش قالولك يالدبة اقول خليني اتابع المسلسل زين اقول هنودة هند::يالبية ريم::وش يسولفن اللي عندك هند::ياربي يالشفاقة مافي مالة داعي تعرفين ريم::هنودة حبيبتي انتي هند::لا بس يسولفن عنك يقولن ياحظ نواف فيها هنا حمر وجهه ريم وقامت عنهن وجابت لهن حلا مسويتة وطبعن ارسلت للرجال منة اللي اعجب نواف مرة لانة حتى هو يحب الحلا مرة وكملوا سهرتهم للساعة 2 بعدها راحو لصلاه القيام مع بعض وطبعن طول الوقت نواف يحاول يشوف ريم وهي خبر خير مي معطيتة وجة ومرت الايام سريعة وجا العيد الكل قبل لايفرح حزن وبكااء ان خلاص بيودعون هالشهر الفضيل والكل هم فرح لانة عيد الفطر جاهم طبعن صباح العيد الساعة 5 الفجر اتصلت ريم تصحي نواف ريم::كل عام وانت بالف خير يالغالي نواف وصوتة فية نوم وهو مبتسم::وانتي بالف خير ريم::حبيت اكون اول شخص يهنيك بالعيد نواف::طيب انا بعد ابي اكون اول شخص كل عام وانتي بخير وكل عام وانتي حبي بعد ريم::وانت بخير يالغالي يالله قوم علشان نلحق على صلاة العيد لان حضرتك اللي بتوديني نواف::والله ريم::أيه يالله قم هذاني انا بجي لبيتكم بعد ببارك لابوي وامي نواف::طيب يالغالية دقايق واكون قبلك جالس بالصالة ريم:::طيب مع السلامة نواف::مع السلامة وتلبس ريم وتنزل تحت للصالة لقت الكل صاحي اول من سلمت علية ابوها وعايدتة وبعدين على امها وسلمت عالباقين ابوحمد::يالله ريم روحي لبيت ابونواف عايدي عليهم وروحي معهم نايف::وانا بعد عموة بروح معك حمد::لا يابابا انت بيتروح معاي انا وماما نايف::لا مابي انتو خوذو النونو بروح مع عموة ابوحمد::خلوة يروح معها وش تبون فية يالله ريم علشان لاتتاخرين عليهم ريم::حاضر يالغالي وتلبس عبايتها وتروح لبيت ابو نواف دخلت لقت ابو نواف وام نواف راحت سلمت عليهم وعايدتهم وهم نايف كان يسوي ويقول مثل ماتقول ريم الا بنزلة نواف جا وصار قبالها وابد لاهمتة لاامة ولا ابوة حبها على جبهتها نواف::من العايدين ان شاءالله ريم وهي ميتة حيا ::من الفايزين يارب وابونواف وام نواف ميتين ضحك عليهم ابونواف حس ان ريم محرجة فماحب يطول الموقف اكثر من كذا ابونواف::يالله بنلحق على الصلاة ويطلع نواف للسيارة يسخنها وطلعوا معهم ومشوا قدام بعض هم وبيت ابوحمد ابونواف وام نواف راحوا وركبوا مع ابو حمد لانهم قرروا يخلون ريم ونواف مع بعض لانهم زمان ماشافو بعض في الطريق نواف ::محلوة ريم::عيونك الحلوين نواف::تدرين هذا احلى صباح واحلى عيد يمر علي بحياتي ريم::ان شاءالله تكون كل ايامك اعياد نواف::احبك ريم::وانا امووووت فيك نواف::اقول بكرة نتزوج بعد بتحمل شهرين وربي بموت ريم::بسم الله عليك وبعدين هالشهرين صدقني بتمضي كانها رمشة عين نواف::ربي يصبرني بس ووصلوا للمسجد صلو وبعدها رجعوا كلهم لبيت ابو نواف وجت هناك سارة واهل رائد لان الغداء عندهم هناك واسعد انسان كان نواف اللي طول اليوم وهو مقابل ريم كان هذا حال نواف وريم نرجع لعبدالمجيد والعنود اللي من رجعتهم حياتهم من سئ لااسوء العنود قدام العالم تحاول تبين ان حياتها سعيدة لكن كانت اتعس خلق الله كانت تتحمل اهانات عبدالمجيد لها وعصبيتة الغير مبررة يعني لما يكون عند اهلة يكون مثل العسل معها ومع اهلة لكن يوم يرجعون لبيتهم ينقلب حالة والعنود ابد ماعمرها اشتكت لااحد تسوي اللي يرضية وهو ولا مهتم فيها في صباح العيد العنود كانت متزينة ومتبلسة ومبخرة البيت وراحت صحت عبدالمجيد بعد مارجعوا من المسجد عبدالمجيد::يالله نبي نروح لاامي العنود::طيب بعد اهلك ودني لااهلي اعيد عليهم عبدالمجيد::نشوف العنود::لا قلي من الحين عبدالمجيد::اقول خلي اليوم يعدي علىخير وامشي رضخت العنود للامر الواقع وراحوا لاهل عبدالمجيد يعيدون عليهم عبدالمجيد::عيدكم مبارك ويروح يحب راس امة وابوة ام عبدالعزيز::من العايدين ياوليدي وتجي العنود وتسلم عليهم وتجلس شوي تجي اختها اما الرجال راحوا جلسوا بالمجلس علشان الناس اللي يجونهم عهود::ها العنود كيفك العنود::الحمدالله بخير ام عبدالعزيز::اقول العنود العنود::هلا خالتي ام عبدالعزيز::مافي خبر حلو بالطريق منتي حامل يمة العنود من جابت خالتها طاري العيال قلب وجهها العنود::هلا خالتي لا لاكتب ربي ام عبدالعزيز::الين متى ابي اشوف عيال عبدالمجيد العنود مشكلتها مي قادرة تنطق بشئ الكل يحسبها مستانسة مايدرون عنها العنود::ياخالتي لاقسم ربي ام عبدالعزيز::طيب كشفتي يمة تبين اوديك لحرمة تكشف عليك العنود::ها خالتي لا لا مالة داعي وبعدين تونا ماصار لنا اكثر من اربع شهور الا بدلال داخلة عليهم العنود حمدت ربها الف مرة بجية دلال لكن ام عبدالعزيز ماخلتها بحالها طول اليوم تقط عليها نغزاات وخاصة لاجا عبدالمجيد لكن عبدالمجيد ولا معطيهم سالفة ناصر الصغير ::خالي عبدالمجيد::هلا ياخالي انت ناصر::ماما بتجيب بيبي عبدالمجيد::والله ويطالع دلال الحين حامل ولابشرتيني دلال::هو انت تنشاف اصلا عبدالمجيد::طيب عرفتي جنسها دلال::اية لاني بالخامس الحين عبدالمجيد::يالظالمة داخلة بالخامس ولاني عارفة انا دلال::انت خلنا نشوفك اول وبعدين عاتب يالاخو عبدالمجيد::المهم بنية والا ولد ام عبدالعزيز::اللي يجيبة ربك خير وش عندك تبي تعرف عبدالمجيد::الا ابي اعرف دلال::بنت عبدالمجيد::وناسةبنت انا اللي بسميها قولي لرجلك دلال::ياخوفي منك ومن اسمك خير وش تبي عبدالمجيد::سميها هدى دلال::لا وععععع مو زين عبدالمجيد::وش مو زين الا يخبل العنود هنا نزلت راسها وبان الحزن بعيونها لان وتذكرت ذاك اليوم اللي ماينذكر بعد مارجعوا من شهر العسل باسبوع انطق باب شقتهم وراح عبدالمجيد يفتح عبدالمجيد::نعم مين وفتح الباب ماشاف احد لقى بس باقة ورد اخذها ودخلها وجلس على الكنب وحطها عالطاولة قدامة العنود::من مين؟؟ عبدالمجيد::دقيقة شكل في بطاقة وياخذ البطاقة ويقراها يوم قراها تنح فيها وبقق عيونة العنود قربت منة وهو يقرا وانصدمت وعبدالمجيد يوم لمحها قرت الكلام حاول يبعدة عنها بس وش بعدة بعد ماقرتة العنود من الصدمة جلست على الكنب وتطالع بعبدالمجيد العنود والدمع بعيونها::هذي هي اللي كلمتك واحنا بماليزيا عبدالمجيد::..... العنود::جاوبني قلي فهمني وش علاقتك فيها عبدالمجيد::اقول تراك اذيتينا العنود::طيب فهمني وش ذنبي انا ومن هدى ذي اللي ماذيتنا حتى باحلامك تطريها عبدالمجيد::هدى هذي حبيبتي اللي انحرمت منها بسببك هنا بهالكلام هذاتوجهت طعنة للعنود ومن مين من حبيبها اللي لو طلب عيونها مابتبخل علية وكمل عبدالمجيد::اية لاتطالعيني كذا وكفاية دموع التماسيح كنت ابيها هي الوحيدة اللي كانت فاهمتني هي الوحيدة اللي حبيتها من قلب لكن امي حرمتني منها علشانك هنا عبدالمجيد بكى والعنود منصدمة ودموعها مثل السيل على خدها لكن هم هي خاينة تزوجت وخلتني وصوتة مشبع بالبكي هي مستانسة وانا هنا اعاني طيب لية وش تبي فيني حرام عليها وحرام عليك دمرتوني العنود وتبي تخفف لية لما شافتة يبكي حتى نست انة جرحها::خلاص حبيبي عبدالمجيد انساها وعش حياتك مثل ماهي عايشة حياتها عبدالمجيد::وين اعيش حياتي وانتي فيها وين العنود::اذا يريحك خلاص طلقني اهم شئ تكون مرتاح عبدالمجيد جتة حالتة عصب::اطلقك ها تبين اطلقك اعترفي اكيد حابة لك واحد والا شايفة احد والا ماتطلبين الطلاق وقام عليها وضربها وهي تترجاة يفكها وهو ولاسامع العنود::ااااااااااااااااااي حرام عليك عبدالمجيد ماسويتلك شئ عبدالمجيد::موتي موتي انتي السبب موتي سمعوا الجيران صوت العنودوهي تطلب احد يفكها من رجلها ومافكها الا جارهم منة لما كسر الباب ومسك عنها عبدالمجيد وجت زوجتة ودخلت العنود للغرفة ومن حظ العنود ان جارتها دكتورة وعالجتها لان العنود ماتبي فضايح لان لو راحت المستشفى بيطلبون الشرطة وبتصير مشاكل تذكرت العنود ذاك اليوم وبان الحزن بعيونها ام عبدالعزيز انتبهت لها وجزمت مليون بالمية ان اكيد عبدالمجيد مسولف للعنود عن هدى دلال::يمة دريتي ام عبدالعزيز::بوش يابنيتي دلال::هدى ال..... عبدالمجيد بلهفة ::وش فيها دلال::وانت خير وش تبي عبدالمجيد::خلصيني وش فيها دلال بحزن::قبل يومين دخلت المستشفى تسوي فحوصات واكتشفوا ان عندها الخبيث اللهم ياكافي عبدالمجيد يوم سمع الخبر حس بالصاعقة::لاحول ولاقوة الا بالله ام عبدالعزيز::لاحول ولاقوة الا بالله وانتي وش يدريك دلال::يمة نسيتي ان صديقتي ممرضة بالمستشفى وكانت تسولفلي ان في وحدة فيها الخبيث يوم سالتها من هي قالت اسمها بصراحة انصدمت اما العنود كانت تتابع ردة فعل عبدالمجيد اللي نزل راسة وجلس يطالع الارض ام عبدالعزيز::العنود العنود::هلا خالتي ام عبدالعزيز::وش فيك مانتي معنا بسوالفنا العنود::هلا خالتي لا مافي شئ بس افكر في اهلي للحين ماعايدت عليهم ام عبدالعزيز::مايصير يمة لازم تروحين لهم عبدالمجيد يمة قوم ود مرتك لااهلها عبدالمجيد::ان شاءالله يمة ام عبدالعزيز::يمة العنود قولي لااهلك ان العشاء عندنا اليوم مثل كل عيد لاينسون نبيهم يجون العنود::ان شاءالله خالتي عبدالمجيد::يالله العنود امشي اوديك وتقوم العنودوتروح لبيت اهلها وطول الطريق عبدالمجيد ساكت وان نطق قال لاحول ولاقوة الا بالله وصلت العنود لبيت اهلها ونزل عبدالمجيد معها تروح العنود وتحب راس ابوها وتعايدة وامها بعد وعبدالمجيد عايدهم وطلع ماطول نور كانت توها صاحية من النوم ونازلة على الدرج يوم شافت العنود نست الكل ووطارت لها بحظنها تعايدها
|
|||||||||||
|
|
|
05-04-2008, 07:23 PM
|
رقم المشاركة : 126 | |||||||||||
|
نور::لا مااصدق عنودة عندنا اليوم العيد عيدين العنود::هلا حبيبتي وش فيك اللي يسمعك يقول ساكنة انا في امريكيا مو في الرياض معكم نور::لا بس من يوم تزوجتي هالنحيس وطالعتها العنود بنظرة نور::اسفين قصدي من يوم تزوجتي ماشفتك الا مرتين يوم رديتي من السفر ومرة قبل شهر الا ناصر ورا نور يبعدها عن العنود ناصر::نور يالنحيسة بعدي خليني اسلم على اختي الغالية زمان ماشفتها العنود ::هلا حبيبي عيدك مبارك يالغالي ناصر::كل عام وانتي اجمل واحلى واروع اخت في الدنيا وشوي يجي سعد ونادر سلمت عليهم وجلست لكن تفكيرها مو معها تفكيرها مع زوجها ناصر::العنود عنودة العنود انتبهت::هلا يالغالي ناصر::صارلنا ساعة نناديك وين سرحتي العنود::ولا مكان معك انا ناصر وهو يطالع يد العنود انتبة لزراق فيها ناصر وهو يمسك يدها::شنو هالزراق هذا العنود بتوتر::ها لا ولا شئطيحة بسيطة ناصر وهو يطالعه الاثار اثار لوية يد مو طيحة ناصر::العنود الطيحة ماتسوي كذا العنود::الا تسوي هذا كنت امشي بالشقة واتعثرت بالطاولة وطحت على يدي وانلووت بس ناصر ترك يدها::اية زين وجلسوا يسولفون الاهل كلهم لكن ناصر ماهو تارك العنود لحالها شغلتة لازق فيها يقول زمان ماشافها ومضى شهر على هالاحداث ماصار شئ جديد العنود وعبدالمجيد هذي حالتهم هواش ونقار والعنود متحملة ولاتشكي لااحد اما ريم فيهي جالسة تحضر لزواجها اللي باقي علية شهر ونواف طاير من الفرحة ان ماباي الا شهر بس وريم تكون لة نهائي وطبعن الشخص الزعلان هو نايف الصغير اللي لما يشوف نواف يقعد يسبة لحد مايقول بس اما هند جوها خطاب كثير لكنها ترفض لحد الان متمسكة في خالد وامها وابوها يقنعونها وهي رافضة ماتبي اما سارة ورائد من اسعد الازواج ورائد طاير بس متى يشوف ولدة والا بنتة اللي في بطن سارة وكل يوم بطنها تكبر عن اول وريم تبيها تروح تجهز معها بس ماتقدر فاخذت امل بدالها ريمة وتركي يدرسون في المانيا ومبسوطين وطبعن ريمة حملت وهي بالشهر الاول لسا وراح يجون بزواج ريم يحضرونة بيوم جا اتصال لشقة عبدالمجيد عبدالمجيد::الو ...::الاخ عبدالمجيد عبدالمجيد::ايوة من معي ندى::انا ندى اخت هدى ممكن تجي انت وزوجتك للمستشفى هدى تبي تقولكم شئ قبل لاتموت عبدالمجيد::خير وش تبي فيني ندى::اخوي عبداالمجيد هذا اخر طلب لها تتمنى تجون بسرعة عندها كلام ضروري عبدالمجيد::خلاص بنجي ويقفل عنها ويفكر شوي وبعدين قرر يروح لها بس وشلون يقول للعنود بس قرر يقول واللي يصير يصير عبدالمجيد::العنود العنود وهي تطلع من المطبخ::هلا عبدالمجيد::غيري ملابسك بنروح نزور هدى العنود حزنت يعني لسا مانساها وين ينساها::مابي اروح عبدالمجيد::بتروحين غصبن عنك مفهوم العنود قررت انها ماتناقشة لانها لو بتناقش بتروح فيها فسكتت وراحت بدلت ملابسها وراحوا للمستشفى ووصلو لغرفة هدى العنود وعبدالمجيد مترددين يدخلون وطقوا الباب طلعت لهم ندى اخت هدى ندى::الاخ عبدالمجيد صح عبدالمجيد والتوتر باين علية::اية ندى::تفضلو اختي تنتظركم وانتي حياك اختي دخلوا شوي شوي والعنود قلبها يتنافض شافوا منظر يقشعر له الابدان الاجهزة حول جسم هدى عبدالمجيد نزلت دمعتة غصبن عنة واول ماشافتهم هدى بكت بكت من قلب وبصوت مسموع كان وجهها مبيض تماما والبياض باين مرة لانها لافة راسها بمنديل اسود العنود بعد تاثرت بالمنظر هدى وصوتها مليان بالتعب وبالبكاء::سامحوني سامحوني سامحيني العنود سامحني عبدالمجيد عبدالمجيد::نسامحك على ايش هدى ونحيبها يزداد ودموعها مثل الشلال تسيل على خدودها::سامحوني على كل شئ سويتة لكم وعلى العذاب اللي سببتة لك ياعبدالمجيد وانتي يالعنود انا اصلا حقيرة عبدالمجيد انا عرفت ان الله حق وقبل مااروح لخالقي لازم اعترف لكم عبدالمجيد والعنود مبققين عيونهم وفي بالهم ياترى وش سوت وقالت هدى الخبر اللي نزل عليهم مثل الصاعقة وصدمهم وخاصة على العنود اللي عمرها مااذت احد بكلمة يجيها الاذى من وحدة عمرها ماشافتها بحياتها الا مرتين بس هدى::في الحقيقة يوم رفضت امك تزوجك اياني جنيت وفقدت اصلا عقلي وشلون حبيبي ياخذ وحدة غيري وتبكي وتكمل كلامها فكرت فكرت وشلون استردك لكنك خاطب كيف نصحتني وحدة بشغلة اول شئ كنت معارضة لكن يوم شفت ان زواجك قرب وانك خلاص بتروح من يدي قلت مستحيل اخليك تتهنى وانا اتعذب ببعدك عني وسويت الشئ اللي قالتلي صديقتي عنة وتبكي عبدالمجيد وهو معصب::يالله انطقي وش سويتي هدى::اخذت صورة لك ووديتها لوحدة وست لك عمل انك ماتتهنى مع مرتك وتكرها عبدالمجيد::يالحقيرة يالسخيفة العنود::عبدالمجيد هد بالكمايصير احنا بمستشفى عبدالمجيد وعروقة بانت من كثر ماعصب ومن القهر اللي فية::ماتسمعينها وش تقول ساحرتني انتي ماتستاهلين احد يحبك انا حمار اللي حبيتك انا غبي سخيف اثاري امي طلعت صادقة جزاك وماجاك هدى وهي تبكي::تكفى خلاص عبدالمجيد لاتعذبني اكثر انا عرفت غلطتي عبدالمجيد::بعد ايش بعد ماخليتيني اعذب هالمرة معي وكلة بسبب غيرتك العميا هدى::عبدالمجيد انت عمرك ماجربت شعور المحب يوم حبيبة يتخلى عنة ويوم يفقدة شعور قاسي شعور مؤلم وانا حبيتك بكل مافيني وماكنت مستعدة اخسرك عبدالمجيد::من قالك ماجربت انا حبيتك اية والين الحين احبك بس بعد عملتك خسارة طحتي من عيني عمر اللي يحب مااذى حبيبة الللي يحب يتمنى كل الخير لحبيبة اللي يحب بصدق يتمنى الخير لحبيبة مو يضرة انا يوم سمعتك تزوجتي فرحت لك وتمنيت لك الخير اما انتي لا خليتيني ااذي انسانة مالها أي ذنب بعلاقتنا طبعن العنود كانت مثل المصدومة تطالعهم وتسمع جدالهم بكل حواسها هدى::خلاص ياعبدالمجيد انا حسيت بغلطتي وقلت اصلحها قبل فوات الاوان وشفلك شيخ يفك السحر راح تلقى السحر تحت عتبة بيتكم بس سامحني ارجووك بعد ماعرف عبدالمجيد مكان السحر اخذ العنود وطلع من عند هدى وماتكلم بولا شئ بس رمى عليها نظرة مليئة بالاحتقار والكرة هدى ::ندى تكفين خلية يسامحني الحقية مابي اقابل وجة ربي وانا مذنبة ندى::خسارة انك اختي خسارة عبدالمجيد بعد ماطلع راح لشيخ على طول وقالة السالفة انة مسحور ومكان السحر يعرفة واخذ الشيخ معه وطلع السحر وفكة بعد مافكة عبدالمجيد حس براااحة عجيبة الصداع اللي كان يجية فجاءة يروح ضيقة قلبة هم راحت حس انة توة مولود هو ودى العنود للشقة وراح فك السحر رجع للشقة بنفسية غير عبدالمجيد والابتسامة شاقة حلقة لانة قرر يكون انسان غير يوم كان مسحور كان شبة فاقد وعية يعني يذكر شوي انة كان يضربها واشياء كثيرة مايذكرها عبدالمجيد::عنودتي عنودتي العنود طلعت خايفة من الغرفة وهي للحين مو مصدقة تحسها كذبة ::هلا عبدالمجيد::العنود ابيك تنسين كل الايام اللي راحت وانا اسف اسف وربي ماكنت بوعيي اصلا محد يضرب هالملاك من اليوم نبدا حياة جديدة من اليوم خلاص انتي بتكونين مرتي وحبيبتي العنود::وهدى عبدالمجيد::هذيك وحدة حقيرة ماتستاهل ذرة حب ولاحتى شفقة اقولك جهزي عمرك بنسافر من اليوم خلاص تعتبر ليلة زواجنا اقولك امشي بوديك المشغل تتزينين ابيك عروس وبكرة بنمشي العنود::لا عبدالمجيد حز بخاطرة يحسبها للحين زعلانة وخايفة منة::خايفة مني العنود::لا ياعبدالمجيد بالعكس انا احبك واموت عليك واتمنى رضاك بس مانقدر الحين نسيت زواج ولد خالتك ماباقي علية الا اسبوعين ولازم نحضرة عبدالمجيد::طيب نرجع بوقتها العنود::مايصير لازم نكون مع خالتك وقت بوقت ونساعدها عبدالمجيد::طيب بس مو هم بيتزوجون ذاك اليوم حتى انا بتزوج العنود تطالع فية عبدالمجيد::هههههههه وش فيك تخزيني كذا اقصد زواجي انا وانتي العنود::اشوا حسبت بعد عبدالمجيد::سامحيني يالغالية سامحيني انتي جوهرة نادرة العنود::اووش ولا كلمة عمري مااخذت بخاطري منك اللي يحب ياعبدالمجيد بصدق مستحيل يزعل من حبيبة لو مهما سوا فية مستحيل يضرة بنضرة حتى يضرة بكلمة عبدالمجيد::فديتك اقول يالله تجهزي مشينا العنود::وين عبدالمجيد::عازمك على احلى وافخم مطعم العنود::طيب استنى البس بس عبدالمجيد::خوذي راحتك وبكذا حس عبدالمجيد براحه مو طبيعية وخاصة ان العنود ماهي شايلة بخاطرها علية &&&&&&&&&&& نواف::تكفين حبي طيب بس اشوفك خمس دقايق ريم::انسى نواف::ترا بزعل ريم::ازعل نواف::افا ريم::ههههههه احسن كلها اسبوعين وبعدها طول العمر ان شاءالله مقابلتك وبتمل مني نواف::انا امل منك معقول ريم::أي قص علي كلهم قبل الزواج يقولون كذا وبعد الزواج يطلع شكل ثاني نواف::كلهم الا انا ياحياتي رمت لحظة صمت نواف::ريم ريم::عيونها نواف::طيب بشوف فستانك صورية وارسلية لي ريم::نونو نواف::ليش؟؟ ريم::بتشوف كل شئ بوقتة نواف::حرام عليك بكمل شهرين ماشفتك ريم::عادي كلها اسبوعين نواف::احلفي انك مو مشتاقة لشوفتي ريم::يالواثق انت نواف::يعني ماوحشتك ريم::هو بصراحة اية لكن يكفي عندي صور كثيرة لك وفديو لاوحشتني تفرجت عليهم نواف::ياسلام طيب ياريم طيب ريم:وش اللي طيب نواف::كل اللي سويتية فيني بينرد لك من اول يوم ريم::يعني وش بتسوي نواف::بتشوفين باول يوم بذبح لك القط علشان تخافين مني ريم::يمة منك تخوف وش فيك صاير متوحش نواف::ماعلمني الوحشية غيرك ريم::نوفي عمري حياتي انت نواف::نعم خير ريم::تبي تشوفني نواف::اية ريم::بعد اسبوعين ان شاءالله هههههههههههه نواف::سخيفة ريم::له له قوية يالحبيب انا سخيفة مرة وحدة نواف::اجل كذا تسوين فيني ريم::اقول احمد ربك اني خليتك تشوفني ايام الخطبة كذا مرة والا انا متحلفة انك ماتشوفني الا بالعرس نواف::ياسلام لية ان شاءالله؟؟ ريم::لاني احبك نواف::مو سبب ريم::اقول مع السلامة نواف::وين بدري بتخليني ريم::عندي بروفة بروح اشوف الفستان نواف::طيب اوديك انا ريم::تسلم بروح مع كريم زمان ماتهاوشت انا وياه نواف::ههههههه الله يعينة عليك ريم::قول الله يعيني انا بيفتحلي محاظرة الحين نواف::طيب روحي وان جيتي دقي علي طمنيني ريم::طيب ان شاءالله وتروح ريم تنزل تحت ولقت سارة تستناها ريم::هلا وغلا بام احمد سارة::لا والله بدري تو الناس كملي سوالف مع حبيب القلب ريم تروح عند سارة::فديتك انتي واللي ببطنك سارة::ياربي من ذي احر ماعندي ابرد ماعندها ريم::لا فديتك كلش ولا تعصبين مو زين لك سارة::الحين مو مواعدتني نروح نشوف فستانك لية متاخرة ريم::يابنت الحلال تونا الساعة الحين 4 واحنا موعدنا 5 ونص سارة::اية موعدنا ذاك الوقت بس الحين زحمة لازم نروح بدري ريم::طيب كلتيني مايسوى علي امشي كريم ينتظرنا برا وراحن ركبن السيارة ولازم مناوشات مع كريم كريم::انت ليش في اخر ريم::اقول اسكت مالي صدعة راس من وراك كريم::انا متى شوف انتي زواج علشان يصير زين انا ريم::اف اف حتى انت ياكريم تبي تفتك مني كريم::خلي علشان زوج انتي صير ودي جيب ويصير ضغط مال هو مليون سيم سيم انا ريم::اصلا تدري هو بيفرح انه بيوصلني وانت احمد ربك اني اركب معك بعدين اقولك وقف عند بيت ابو رائد كريم::ليش وقف ريم::وانت وش دخلك وقف وانت ساكت ياحبك تقرقر اما سارة ناقعة من الضحك على هواش ريم وكريم وقف كريم عند بيت ابو رائد سارة::وش فيك وقفتية الحين ترا بنتاخر ريم::استني شوي وتتصل ريم على هند ريم::هنودة يالله البسي عباتك وانزلي تحت هند::على وين ان شاءالله وبعدين بقول لامي لاابوي استاذن ريم::اقول انتي البسي انا الحين بتصل بخالتي هند::طيب لانها تدري انها ماتقدر ترفض لريم طلب وتتصل ريم على ام رائد وتستاذن منها في انها تحلي هند تروحمنهم طبعن ام رائد وافقت على طول لان هند ماتطلع ولا تجي الا لريم وتركب هند السيارة ريم::هلا وغلا بهنودتي هند::هلا ريم
|
|||||||||||
|
|
|
05-04-2008, 07:24 PM
|
رقم المشاركة : 127 | |||||||||||
|
سارة::هلا بعمة ولدي هند متفاجاة::سارة هلا وغلا سارة::لعنبو دارك وينك ماتنشافين هند::ابد تدرين دراسة الا ريم وين رايحين ريم::الحين تعرفين ووصلن البنات للمشغل ونزلن وهو نفس المشغل اللي فصلوعندة لزواج سارة وريمة مدام دانيا::اهلا بعروستنا ريم ريم::هلا مدام دانيا ها بشري مدام دانيا::يالله على غرفة القياس ريم::يالله ودخلت ريم ولبست الفستان كانت مترددة تطلع سارة::يالله ريم ماصارت هند::يالله ريومة ريم::طيب طلعنا وتطلع ريم مدام دانيا::يخزي العين شو هيدا قل اعوزو برب الفلق سارة::الله ريم تخبلين هند::ريم الفستان على قولة اخوانا المصرين حياخذ منك حتة ريم حمر وجهها بعد المدح ريم::يعني زين سارة بققت عيونها بريم::ذوقك اكيد زين ريم::مدري خايفة سارة::الحين يوم لبسنا احنا على ذوقك ماخفنا وانتي خايفة ريم::اية خايفة لان ذا فستان زواجي هند::ياسلام واذا فستان زواجك ريم::لازم يكون فستان زواجي مافي مثلة هند::اقول طيري بصراحة موديل غريب وحلو وفوق كذا على ريم انا صراحة خايفة على نواف سارة::أي والله انا خايفة على اخوي مدام دانيا::ها ريم بدك عدلك فية شوي والا تمام ريم::لا تمام بس مدام الباقة ابيها جاهزة بنفس اليوم مدام دانيا::اوكي ريم من عيوني هند ارتسم الحزن بعيونها يوم شافت ريم وهي لابسة الفستان تذكرت انها كانت بتلبسة في يوم من الايام لكن راح اللي كانت بتلبسة علشانة ريم انتبهت ان هند مو معهم فقربت منها واغتنمت فرصة ان سارة تسولف مع مدام دانيا ريم::حبيبتي هند هند بابتسامة::هلا بالعروس ريم::عقبالك ان شاءالله هند::لا انا مابي اعرس بعد خالد مابي احد ريم::مايصير ياهند كذا ربي مايرضى وخالد لو يدري هم مابيرضى هند::انا قلتلكم مستحيل ريم::بس مايصير ياهند بيجيك ان شاءالله اللي ينسيك خالد وياخذ قلبك اية صح هند::شنو ريم::مدام دانيا وين فستان هند هند تطالع بريم مدام دانيا::هلئا بجيبو هند::ريم من قالك تفصلين لي فستان ريم::اقول لايكون مابتحضرين زواجي هند::لا مو قصة ريم::والله ياقلبي ادري انك للحين مادورتي فستان واعرفك انتي اذا مو فستان جديد ماتحظرين وهذا اللي تبينة يوم يجي يوم العرس تقولين ماعندي فستان علشان كذا فصلتلك هند تورطت ماتدري وش تقول::طيب ريم::يالله قيسي بلا دلع هند::اوكي وتروح هند وتقيس الفستان وطلع مضبوط عليها لان مقاساتها عن المشغل يوم فصلوا لها مرة ورجعن البنات للبيت وفي الطريق ريم::اقول بنات سارة::قولي ريم::انتن جيعانات مثلي هند::بصراحة اية انتي من النوم جيت معك ريم::كريم كريم::لاحوول ريم::وحول يحولك مر على كنتاكي كريم::انتي بس يمسك انا كثير مشوار لازم جيب سيارة لمدام ريم بس ريم::اقول لو نسوق حنا الحريم كان مانتظرت منتك وبعدين مالك شغلة هاليومين غيري راضي والا زعلان جلس كريم يتحرطم لان هذي ريم غصبن عنة يمشي بشورها والا ابو حمد يزعل علية ريم::ناس ماتجي غير بالعين الحمرا سارة::الله يعينة عليك ريم::اقول سارة لاالحين مع الشباك ارميك سارة::يمة منك صايرة متوحشة ريم::اقول بطلت اعرس هند::لية ريم::مدري خايفة انا اسمعن نوصل البيت تنزلن عندي انتي وتطالع سارة مافي روحة لرائد الا الساعة 12 سارة::حرام عليك لية ريم وصوتها مليان خوف::سارة سارة حست ان خويتها مرة خايفة ومحتاجتها فماحبت تطفرها اكثر شرو البنات غدا بعشا لهم على قولة هند وطبعن جابوا للي في البيت ورجعن وصلن وطوالي لغرفة ريم ومعهن الاكل تقول ريم ماتحلى اجلسة الا بالاكل وجلسن البنات بالجلسة اللي مسويتها ريم بغرفتها سارة::فمان الكريم حبيبي ريم::ياعيني عيني على الغزل سارة::ريموة كلها اسبوعين واشبعي غزل اصلا اقول شبعانة من الحين انتي ريم وتبي تصرف الموضوع::اقول خلونا ناكل جيعانين وتطالع هند وسارة بعض ويضحكون سارة وهند::هههههههههههه ريم تطالعهم بحقد::اقول مالت علي اللي مناديتكم وسوية لكم قيمة الا جوالها يرن تعال ومابقالي يوم في غيابك يصبرني اخاف اموت من شوقي وانت مطول غيابك هنا ريم وجهها قلب الوان ريم::اسمعي ولاكلمة ولاضحكة انتي وياها لااطلع حرتي فيكم ريم ردت::هلا حياتي نواف::هلا ياقلبي ها رديتي للبيت ريم::اية نواف::ولية ماتصلتي فيني يوم وصلتي ريم::وربي انشغلت معي سارة وهند ونزلوا معي نواف::وينهم عندك ريم::لا هم تحت وانت اتصلت عيب اخليهم لحالهم نواف::لا عادي ريم::نوااف نواف::طيب بس ريم::بس ايش؟؟ نواف::احــــبـــــك ريم قلب وجهها الوان اما سارة وهند يطالعونها بنظرات تحرج لانهم سمعو كلمة نواف ريم::نواف يالله فمان الكريم نواف::بدري ياقلبي ريم وهي ميتة احراج وفي قلبها تكفى حس فيني::من عمرك بس البنات ينتظروني تحت نواف::طيب اذا كذا اية والا اقولك انزلي تحت وعطيني سارة ريم ياحول وش النشبة ذي ريم::طيب وتسوي نفسهاتمش وطول ماهي تمشي كان يغني لها نواف ريم::سارونة ام حمودي تعالي كلمي اخوك سارة وهي ميتة ضحك::طيب عطيني سارة::هلا وغلا بالغالي وينك ماسمعت صوتك اليوم نواف::اية مو ماشاءالله عليك تسالين عن اخوك سارة::وش اسوي ياخوي بلشانة انا بعرسك نواف::الا وشلون فستان ريامي سارة::اها قل كذا هذا اللي مخليك تكلمني طبعن سارة من يوم كلمت حطت ريم سبيكر ريم تطالع بسارة وتاشر لها بمعنى لاتقولين لة نواف::تكفين هذي نحيسة مو راضية تقول وانا متشوق اشوفه سارة::اذا هي ماقالت تبيني اقول لا خلك متشوق احسن علشان يكون مفاجاءة نواف بتحطم::افا بغيناك عون طلعتي فرعون سارة::هههههههههههههه نواف::هي وينها عندك سارة::لا راحت للمطبخ تبي اوصل لها شئ نواف::اية قولي لها احبك نواف كان متقصد يقول هالكلمة ويخلي اختة توصلها يدري انة بيحرج ريم يها سارة::طيب يوصل وتقفل عنة وريم وجهها ماعرفوة من كثرة الالوان خخخخخ سارة تطالع بريم بنظرة تحرج الواحد::يقولك احبك هند::احلى يالرومنسية انتي وش هالخجل ريم تطالعهم وودها تذبحهم::اقول لو ماسكتي انتي وهي قسم بالله لاارتكب جريمة سارة تطالع بريم ومستغربة من تصرفاتها تحسها موطبيعية سارة::ريم ريم::هلا سارة::لهالدرجة العرس مخوفك ومومخليك على بعضك ريم::اسكتي ياسراة ميتة خوف انا صدق مااخفي عليك احب نواف وودي باليوم اللي اكون لة بس وتطالع الغرفة بكل اجزاءها صعب علي افارق هالبيت اللي تريبت فية صعب علي افارق غرفتي اللي حضنتني 22سنة صعب علي افارق ابوي وامي وحمد ومحمد ومريم ونيوفي وامل صعبة علي يوم اقوم الصبح مااحب راس ابوي ومااسمع منة كلمة هلا ببنت ابوها صدقيني صعب قامت سارة وضمت ريم سارة::بس ياريم انتي مو رايحة بعيد انتي هنا عندهم بالرياض حتى شقتكم ماتبعد كثير كلها شارعين ريم ونزلت دمعة غصبن عنها ماتدري تحس نفسها متوترة جدا جلسوا معها البنات شوي وبعدين خلنا بعد ماطلعن كانت ميتة طفش ففتحت الانترنت تسلي نفسها شويواول مافتحت الماسنجر كان نواف شابك عاشق الريم:: هلا وغلا بعمري وحياتي ونظر عيني ماردت علية عاشق الريم:: ريم حبيبتي ردي علي مايكفي مقفلة تلفونك مغرورة وبكيفي:: نواف مااحبك انا انصدم نواف من كلمتها عاشق الريم:: افا لية؟؟ ريم لامت نفسها بس ماتقدر لازم تقولة مغرورة بكيفي:: لانك بتاخذني من عند ابوي واهلي والناس اللي يحبوني عاشق الريم:: ريم انتي مو رايحة عند احد غريب وبعدين انا ماراح اخذك منهم هم عندك متى مابغيتيهم بتجينهم مغرورة بكيفي:: بس مااتخيل نفسي اقوم الصبح ومااروح احب راس ابوي واسولف معة نواف في قلبةفديته الغالية عاشق الريم:: اذا تبين كل صبح نمر عليهم وتسلمين علية رم بسطت مغرورة بكيفي:: والله عاشق الريم:: والله مغرورة بكيفي:: احبك مووووت عاشق الريم:: وانا بعد طلعت ريم وهي شوي مرتاحة ماتدري هل هذا هو الاحساس اللي فيها من ايش هل لانها من جد بتفارق البيت والا طبيعي كل بنت لازم تحس فية اما نواف بعد كلام ريم حسها طفلة مع انة يعرف ريم زين عقلها يوزن بلد بس حس بحنيتها وحبها الكبير وتعلقها بالكل حمد ربي مليون مرة انها صارت من نصيبة مضت الاسبوعين بسرعة البرق ماحسوا فيهمهو الوحيد اللي يحسهم طوال نواف بس وجا يوم الثلاثاء اللي بكرة الاربعاء راح ينجمع فية ابطال قصتنا ريم ونواف طبعن نواف طول اليوم يتصل على ريم وريم خبر خير مي معطيتة فرصة يااما مارد يااما تقفلة في وجههوهو يرسل لها مسجات انه مشتاق لها ويبيبس يسمع صوتها وهي ابد ماترد علية المغرب في صالة بيت ابو حمد كانت ريم جالسة بحظن ابوها ابوحمد::ها يابنيتي لااوصيك على ناف حطية بعيونك ريم::خلاص يبة مابي اتزوج ابوحمد يطالعها::ريم جنيتي ريم وهي تضم ابوها بقوة::اية مابي بعدين مااصير اصبح على وجهك وانا اسمحلي مااقدر مااصبح على وجهك يالغالي ابوحمد::لا يابنتي عادي انا بمركم كل صبح اذا تبين ريم::فديتك يالغالي ابوحمد::ها جهزتي عمرك الا وين بتسافرون ريم::ماادري ابوحمد::وش اللي ماتدرين مو انتي اللي بتسافرين وشلون ريم::كل مااسالة وين يقولي مفاجاءة بكيفة خلني معك الحين مريم::لا لا ارضى بهذا ولية ريم بحضنك ريم::اقول طيري كلها اليوم اللي بجلسة مع ابوحمدالغالي ابوحمد::هلا مريومتي تعالي هنا بعد عندي ريم::لا ماابي انت لي لحالي وامضت ريم الوقت كلة عند ابوها تسولف وتضحك معة تقول تبي تشبع منة مع انه ماينشبع منةوعلى الساعة 9 في الليل استاذنت منهم علشان بتروح تنام يوم راحت لقت من نواف 50 مكالمة و30 مسج ريم::ههههههههههههههههههه ياحليلة وش عندة ذا بس ماراح ارد كلها اليوم وبكرة عندة فتحت المسجات كلها مشتاق لك واحبك ولقت مسج منة هذي الاغنية اهداء لي ولك ياكل الغلا وبدا صوت الجسمي يغني اغنية من فينا هاللية ينام وريم سرحت مع الكلمات من فينا هالليله ينام والشوق صاحي ماينام..وكل منا ياحبيبي شايل بقلبة كلام..هذا واحنا مالتقينا رعشة الشوق في يدينا..كيف بكرة ياحبيبي باول الموعد سلام..من فينا هالليلة ينام..وكل منا ياحبيبي شايل بقلبة كلام..بكرة ياعيوني بتجيني شايل بعينك حنيني..تسهر الليله عشاني واسهر لشوقي اللي فيني..ولية اشكيلك ياغالي وانت مثلي
|
|||||||||||
|
|
|
05-04-2008, 07:25 PM
|
رقم المشاركة : 128 | |||||||||||
|
بانشغالي..والله يكفي ياحبيبي مااقوى هاللهفة حرام..من فينا هالليلة ينام وكل منا ياحبيبي شايل بقلبة كلام..مدري شسوي ياقلبي لما اشوفك بكرة جنبي..ودي احكيلك غرامي خايف عيوني تخبي..بكرة بكرة ياعمري لقانا وحدنا مااحد معانا..لوبكينا ياحبيبي ماعلى اللهفة ملام..من فينا هالليلة ينام والشوق صاحي ماينام وكل منا ياحبيبي شايل بقلبة كلام.. ريم::ااااااااه أي والله من فينا هالليله ينام وشوي الا يدق باب ريم قفلت جوالها نهائيا وراحت فتحت الباب لقت نايف ومعة بطانية صغيرة ووراه مريم نايف::عموة نبي ننام عندك مريم::اية ريم ريم::تعالو ادخلوا وجلسوا عند ريم نايف راح بحظنها على طول مريم::ريم لاتتزوجين بيفضى البيت بعدين ريم استغربت من مريم لااول مرة تعبر عن مشاعرها تجاهها مريم ودموعها بدت تنزل::اكره نواف لية ياخذك مننا ريم انا انا احبك ريم ابتسمت لااختها وضمتها ريم::لا ياحياتي لاتقولين كذا انا ماراح ابعد عنكم ابد مريم::ريم لاتنسينا ريم::مستحيل ياقلبي انساكم انتم اهلي واخواني وكل شئ عندي بهالدنيا نايف::عموة خلاث لاتروحين الا شوي ينطق الباب مرة ثانية ريم ياترى من بيكون وفتحت الباب لقتة اخوها محمد ومعة بعد بطانيتة محمد::ريوم بنام عندك ريم::حياك ياخوي ومامدالها تبي تدخل الا حمد يفتح الباب ويدخل حمد::افا الكل مجتمع هنا بينام مع الغالية وتخلوني خيانة كبرى وانت يعني نايف ماتستحي مخلي ابوك هناك وجاي هنا لحالك كان ياخي ناديتني ريم الدنيا مو سايعتها من الفرحة يوم شافت اخوانها حولها كلهم الا شوي تجي بعد امل عندهم تبي تكمل السهرة معهم وبعدين تروح تنام لكن مريم ومحمد وحمد قالوا انهم بينامون عند ريم حمد::اقول لايكون عند زوجك مانع اني انام عندك اليوم ريم::اصلا مايقدر يقول شئ محمد::ريم خلاص لاتروحين مو حلو البييت بدونك بعدين بجلس مقابل هذي وياشر على مريم ريم::لاتقول كذا ذي اختك بعد وجلسوا سهرانين لحد مااذن الفجر وبعدين قالوا لازم نخلي ريم تنام وتريح لان وراها يوم متعب لكنها ماخلتهم يروحون من عندها نومتهم كلهم عندها مريم ونايف على السرير وحمد ومحمد فرشت لهم على الارض وجا اليوم المنتظر صحت ريم على الساعة 12 الظهر لانها مانامت الا بعد صلاة الفجر من التعب ومن سهرتها مع اخوانها نزلت للصالة لقتهم يتغدون ابوحمد::ريم يمة تعالي تغدي معنا ريم::تسلم يبة مابي شبعانة بس بجلس معكم وجلست معهم على السفرة لكن بالها ابد مو معهم هم يشحكون ويعلققون اما ريم في عالم ثاني كانت تقول في نفسها خلاص ايوم اخر يوم لي هنا بهالبيت اللي عشت فية طفولتي ومراهقتي وشبابي اليوم اخر يوم اكون بهاللمة لحالي وانا بنتهم يالله راح اشتاق لكل زاوية في هالبيت راح اشتاق وتطالع ابوها وامها واخوانها كلهم لاابوي الغالي وامي واخواني يالله ياسرع السنين والايام صدق اني احب نواف واتمنى اليوم اللي يجمعنا بس هم يعز علي مفارق اهلي واحبابي اخ بس حمد::ريم ريماني ياهووة ريم انتبهت::هلا حمد حمد::وين رحتي صارلنا ساعة نناديك ريم::لا ابد معكم حمد::معنا والا تفكرين باليوم هنا ريم قلبت الوان وعصبت شوي ابوحمد::حمد خلاص خل اختك لحالها حمد::بدا الدفاع عنها ريم::فديتك يالغالي وطلعت ريم عنهم علشان تشوف عمرها وتجهز نفسها لان على العشاء بتروح للفندق علشان هناك بتجيها الكوافيرة وتضبطها وعلى العصر جتها سارة شوي جلست عندها تطمنت عليها وطلعت من عندها اما نواف كان بيطير من الوناسة والفرح بس متى تجي الساعة 2 الفجر علشان يجتمع هو وريم مع بعض راحت ريم للفندق على المغرب ومعها امل وامها ومريم ريم::مابي خلاص رجعوني البيت ام حمد::يمة ريم خلاص هدي يابنتي وش هالكلام ريم تبكي وتضم امها::يمة مابي افراقكم خلاص هنا ام حمد بكت بكت قدام بنتها لااول مرة ولا اول مرة تظهر ام حمد مشاعر الحب لبنتها ريم ام حمد::حتى انا يعز علي اشوف بنتي الكبيرة تروح م عندي لكن يمة ذي سنة الحياة وانتي مو رايحة بيت غريب رايحة عند ام نواف وبعدين تعالي يمة وراحت ريم بحظن امها طلعت ام حمد مريم والكوافيرة من عندهم وجلست هي وريم لحالهم وجلست توصيها وتعلمها ومرة ريم تموت من الاحراج ومرة تصيح لان الكلام اللي تسمعة كبير مرة عليها عمرها ماتخليت انها راح تسمعة من امها ام حمد::ها يمة مثل ماوصيتك صيري لزوجك عون ريم::ان شاءالله يمة وطلعت امها من عندها ودخلت امل لها ريم::اما كان بتقولين شئ اطلعي برا امل::ههههههههههههههههه هي عمتي خلت شئ ريم::مبسوطة حضرتك امل::عادي يوم تزوجت انا انحرجت مثلك وازود ريم::بس تدرين انا مبسوطة لان اليوم عرفت وش كثر امي تحبني امل::ياريم من زمان امك تحبك بس معك انتي ماتظهر مشاعرها لك والا دوم يوم نجلس ماعلى لسانها الا ريم سوت وريم فعلت وانها دوم مفتخرة فيك يالله عاد تجهزي وخلي الكوافيرة تشوف شغلها الحين ريم بابتسامة::طيب يالله وخلصت ريم على الساعة وحدة ولبست فستانها وكانت لحالها بالغرفة ومتوترة مرة اما نواف مو اقل منها متوتر لكن شعور الفرح مسيطر علية اكثر لان واخيرا راح يجتمع بحبة نواف::اقول حمد متى يدخلونيترا طفشت حمد::ههههههههه عيني عينك مستعجل تراني اخوها احترمني نواف::حمد ابد انت ماسويت ازود من كذا يوم عرسك حمد::ها بس انا عادي انت لا نواف::ياسلام ليش ان شاءالله رائد::هلا بالعريس نواف::هلا والله بالنسيب رائد::كيف استعدادك مبسوط نواف::اكيد مبسوط الا يرن جوال نواف نواف::هلا بالغلا سارة::هلا بالعريس يالله جهز عمرك 10 دقايق وتدخل لان الحين بندخل ريم نواف::والله يالله عجلوا مااقدر اصبر سارة::هههههههه طيب طفت الاضواء بالصالة وبدت موسيقى كلاسيك كانت مختارتها ريم وتسلطت الاضواء على البوابة وطلت بنت احلى من القمر نفسة بدت تمشي شوي شوي كان شعور الخوف مسيطر علية والتوتر لان كل الانظار عليها امها وام نواف يسمون بالرحمن عن العين ريم طالعة مثل البدر الحريم كلهن جلسن يطالعن ويحسدن زوجها عليها كان مكياج ريم مو مكياج صارخ كان هادي ولونة زهر لان ريم ماتحب المكياج الصارخ ووصلت ريم للكوشة اللي كانت على شكل قارب صعدت ريم عليها ولما وصلت عند الكرسي ماجلست لفت وصار وجهها للناس ريم كانت منحرجة مرة والحين تقررت دخلة نواف ريم كان قلبها يرقع مثل الطبل صارت الاضواء على نواف اللي دخل ووقف وعلى ريم بدت محاورة بينهم وعيونهم على بعض كانوا مسجلينها باصواتهم وعليها موسيقى رومنسية نواف::اخيرا جا اليوم اللي بنجتمع فية ريم::شفت واخيرا نواف وبدا يمشي شوي شوي::اشتقتلك ياغلاي ريم::وانا اكثر يادنيتي نواف::شفتي الدنيا ذي كلها عندك ولاشئ ياحياتي وصل نواف عند ريم صارمواجها تماما هنا ريم قلبها بدا يدق بسرع بس بنفس الوقت مبسوطة مسك يدها بين ايدية وعيونة صارت بعيونها نواف ::احبك وباسها على راسها ريم::وانا بعد احبك وبدت اغنية يابعدهم كلهم وكان نواف يقولها لريم لان نواف غناها لها بصوتة الحلو وهذا كان مفاجاءة لريم لانه ماقاله لها نواف:: ياخذون اللي يبونة كل هالعالم وكونة الا قلبك يتركونة الا قلبك يتركونة لاتمسة ايدهم يابعدهم كلهم ياسراجي بينهم عطني من دنياك حبك واترك الباقي لهم وبعدها انفتحت الاضواء والكل عاش مع العروسين هالجو الحلو ودخل ابو حمد وحمد ومحمد وابونواف علشان يسلمون على المعاريس ابوحمد::لااوصيك يانواف على ريم تراها بنتي الغالية ابيك تحطها بعيونك نواف::لاتوصي حريص ياعم ريم بقلبي قبل عيوني وقرب ابوحمد من بنتة وباسها ابوحمد::ابيك يبة تحطين زوجك بعيونك وتحافظين علية ريم والدمعة بعيونها :::ان شاءالله ولاشعوريا ضمت ابوها ابوحمد غصبن عنة دمعة عينة بس مسحها بسرعة علشان لاتشوفها ريم لانة هو جالس يهديها ابوحمد::خلاص يبة بعدين يخترب مكياجك ويقولون بنت نايف مي بحلوة ريم::ان شاءالله يبة لاتخليني ابوحمد::يبة ريم خلاص انتي بايدي امينة مع نواف كانك معي انا حمد وحب يلطف الجو لانة كان يسولف مع نواف وسمع بكلام ريم وشاف دموعها حمد::يالله عاد ماصارت خلونا نسلم على العروس ابوحمد::يالله يبة توصيني بشئ ريم::خلك هنا بجنبي يالغالي ابوحمد كان ودة يجلس بس يخاف يضعف ويصيح عند بنتة وهو مايبي يخرب فرحتها ابوحمد::لا يبة بروح اشوف الرحال عيب لحالهم ريم::طيب بس استنى صور معي وسلم حمد على ريم ومحمد وابو نواف وصوروا معهم وبعدين طلعوا بعد ماطلعوا وهم يمشون نزلت دموع ابوحمد ابونواف::وش فيك يانايف ابوحمد::وشلون اقوم بكرة وهي عودتني انها اول من يسلم علي تصدق اذا ماكانت اول من يحب راسي تقعد طول اليوم تراضيني على بالها بزعل منها ابونواف::ربي يحفظها ويخليها ريم جوهرة وحظيظ نواف بها وبعدين هذا هم البنات يعتبرون ضيوف عند اهلهم لحد مايجي ابن الحلال وياخذهم ابوحمد::بس راح اشتاق لها ابونواف::لاتخاف كل يوم بتلقاها عندك نرجع للمعاريس نواف كان مستعجل يبي يروح للشقة باسرع مايكون وعلى الساعة 3 الفجر طلعوا ونواف رفض ان أي احد يسوقبهم هو اخذها بسيارتة بس الشباب ماخلوة لحقوة بسياراتهم وزفوة للشقة وفتح نواف باب الشقة نواف::حياك تفضلي يالغالية ريم::زاد فضلك دخلت ريم وجلست على الكنب بالصالة وهي تطالع بالارض تحس بشعور ماتدري وش تعتبرة فرح اظطراب ماتدري قرب منها نواف جلس على الارض عند رجولها ورفع راسها نواف::انتي مبسوطة مثل ماانا مبسوط ريم كانت خايفة ماتدري ليشمع ان هذي اللحظة تمنتها طول عمرها::..... نواف::طيب ويمسك يدها ريم وتسحب يدها::لاتلمسني نواف استغرب منها::ريم وش فيك انا زوجك ريم::شوف نواف اعرفك من صغري انت محترم وحبيب وطيب فلا تتهور وبعدين ابي ارجع عند ابوي مااحبك انا ليش اخذتني منة نواف يطالعها وهو يبي يموت من الضحك يدري ان ريم متوترة بس ماتوقعها تكون كذا عرفها قوية نواف ومسك وجهها::ريم حبي وش فيك خايفة زوجك انا مو بغريب وبعدين هذي الحياة وانا مااخذتك ولاشئ ومن الصبح عمي قال انة بيجي علشانك ريم::احلف هو قالة نواف::اية قالة طبعن جتهم المصورة وجلسوا يصورون شوي واخر صورها بدلت ملابسها ولبست لها بجامة لان ريم من النوع اللي مايحب القمصان نواف::حياتي تعالي تعشي اكيد مااكلتي شئ ريم::هلا لا ماابي وجلست بالصالةوفتحت التلفزيون اما نواف جلس يتعشى شوي مااكل كثير بس لقمتين وبعدين راح الطبخ جاب عصير كوكتيل وجابة لريم نواف::احلى عصير لااحلى واروع انسانة بحياتي ريم استحت اخذت العصير منة::تسلم لي نواف::ربي يسلمك حياتي نواف::صراحة مو مصدق انك خلاص لي واخيرا ريم::لا صدق تبيني اقرصك نواف::ماصدقت على الله ريم وبضحكتها المعتادة::هههههههههه وهالمرة نواف تخبل عليها وعلى ضحكتها لان هالمرة غميزاتها باينة نواف::الريامي ريم::لبية نواف::لبى قلبك تحبيني ريم::ها نواف::من قال ها سمع ريم انحرجت وانحاشت للغرفة ماتبي تشوف وجهه من المستحى نواف::هههههههه فديتها تستحي على الساعة 2 الظهر كان باب الشقة يندق على نواف وريم ريم::حياتي قوم بسك نوم رح شف من جانا نواف::اممممممم ريم::يالله قوم يمكن اهل والا اهلك نواف فتح عيونة وشاف ريم طبعن ريم قامت قبلة من وقت وهي خلتة نايم علشان يرتاح نواف::صباح العسل حياتي ريم بابتسامة::ظهر القشطة هههههههه نواف::ياحبيلك يالغالية ريم::يالله قوم عيب طقيناهم عند الباب نواف::طيب انتي افتحي لهم وانا بغسل واجي ريم::طيب وتفتح الباب كان ابوها وعلى طول بحضنة ابوحمد::فديتك يالغالية ريم::فديتك انت وش اخبارك وشلونك اشتقت لك ابوحمد::وانا اكثر وتضم ريم امها وتسلم عليها وبعدها مريم ومحمد وكان طبعن نايف الصغير معهم نايف::عموة لية مانمتي امس بغرفتك ريم انحرجت ماتدري وش ترد علية ابوحمد::ياجدو خلاص ريم صارت مرة عمو نواف ماراح تنام بغرفتها نايف::تدرين عموة امس نمنا انا ومريم ومحمد بغرفتك ومحمد ومريم جلسوا يبكون مثل النونو
|
|||||||||||
