ياكثر مارافقت خلان وأحباب

تعجز الكلمات أن تقدم هذا الشاعر ....

قصيدة من أروع الروائع ...

أنها قصيدة / هملوني " الذهب "


للشاعر المُبدع / حامــــــــــد زيد





يا كثر مـا رافقـت خـلان و احبـاب
و يا كثر مـا فـي شدتـي هملونـي
على كثر ما أعدهـم ستـر و حجـاب
على كثر مـا احتجتهـم و اتركونـي
من صارت الخوه ثمـن حفنـة تـراب
نفس الوجيه اللـي نصونـي نسونـي
من غير ذكر فروق و عروق و أنساب
كانـوا ثلاثـة و الثـلاثـة جفـونـي
علمتهم و شلـون الأهـداف تنصـاب
و لمـا سواعدهـم قـوت صوبونـي
عشاني أصغرهم عمر صاروا أحـزاب
عشانـي اصدقهـم قصيـد اظلمونـي
اللي نجاح اسمـي زرع فيهـم أنيـاب
حتى النصيحة مـا بغـوا ينصحونـي
دام العطايـا عندهـم ديـن و أتعـاب
والله لو أطلـب ذنبهـم مـا عطونـي
طالب نصيحـة كنـي طالـب أرقـاب
وهي نصيحة؟! كيف لـو زوجونـي؟
كنت أكتب لنفسي مشاريـه و عتـاب
و لا ادري إن اللـي قرونـي قرونـي
تضاربت من دونـي عقـول و ألبـاب
واجد بغـوا غيـري و واجـد بغونـي
أقفل هدب تسهر على شعـري أهـداب
كني حبسـت إرقادهـم فـي جفونـي
لو شفتهم واحـد يشوفونـي اسـراب
مـن ويـن مالـدوا نظرهـم لقونـي
أثري و جودي بينهم محرق أعصـاب
و مزعل بعضهم من بعض لو طرونـي
يا كبري بعينـي و أنـا تونـي شـاب
و اهـم كتـاب الشـعـر حاربـونـي
حتى و لو يهوي على نجمـي شهـاب
يكفينـي إن إسمـي كبيـر بعيـونـي
قد قال ابوي :ان هبتهم قول :ما هـاب
لـو يقدرونـك قـول :مـا تقدرونـي
ما دام قبـري محتضـن راس مرقـاب
علـى كثـر مـا تقـدرون ادفنونـي
لو ماني بذيب إنهشت عظمـي ذيـاب
لو ما عرفت اثبـت وجـودي لغونـي
لو ما سكنت وجيههـم مـت بغيـاب
لو ما قدرت أمحـي ورقهـم محونـي
أصبحت الأصعب لأنهم كانوا اصعـاب
جننتـهـم مـثـل مــا جننـونـي
ما جيت أبدبل كبدهم شعـر و خطـاب
ليـن أدبلـوا كبـد الـذي خلفـونـي
يا ويل وجهـي كـن للدمـع مخـلاب
ما جف ماه و لا استحى مـن طعونـي
كل ما طرالـي منظرمريـب و أرتـاب
كان الوحيـد اللـي يحـرك شجونـي
قبلة صلاة و ذكر و خشـوع و كتـاب
وأمـي علـى سجـادة النـور دونـي
تدعي لي الله يفتـح بوجهـي أبـواب
تتوسلـه بالشـده يـكـون عـونـي
من كثـر مـا خفاقهـا بالدعـاء ذاب
صارت تحـس إن زمـلاي اكرهونـي
بشرتها:يمه معـي ربـع و أصحـاب
مانـي لحالـي واجـد اللـي يبونـي
من يوم ما حاز قلمـي كـل الالقـاب
قلطتهـم فـي دفتـري و احفظـونـي
الله وهبنيهـم بنـي عـم و أجـنـاب
من يوم جيت اعجبتهـم و اعجبونـي
و اعجابهم فيني ما هو بأيـه اعجـاب
باسلوبـي بشرحـي بطرحـي بلونـي
لو قلت عن نفسي( بشر) صرت كـذاب
لو قلت دمي من ذهـب) صدقونـي
لو بكيفهم كان ازرعوا دربي أعشـاب
لـو بيدهـم يتشبهـون اشبهـونـي
من كثر ما صاروا من طبوعي اقـراب
حتـى بلبسـة شمغـهـم قلـدونـي
واجد دعوني و اغلقوا دونـي البـاب
واكثار ناس أبكـي لهـم مـا بكونـي
لو طالوا لهدمـي مناسيـب و أطنـاب
كان و غلاتك مـن زمـان اهدمونـي
ما دام حطوا فينـي عيـوب و سبـاب
جنبـت عنهـم مثـل مـا جنبـونـي
أصلا لـو أن بخوتـي شـي ينعـاب
ذبحـت نفسـي قبـل لا يذبحـونـي
أنا يدي لو مـا كسـت متنـي ثيـاب
نذر ٍ على لقطـع يـدي مـن متونـي
مو عيب أجي مدعو و لا أشوف ترحاب
العيب لـو إنـي رجعـت إن دعونـي
ما دمت اجي و لا يحسبون لى حسـاب
حرمـت اروح اذا يبونـي يجـونـي

تحيااااااااتي لكمـ.......

رووووووووووووعة الكلمات

الله يعطيكي العافية

بس المفروض انك تحطينها في منتدى همس القوافي والشعر النبطي

تحيااتي

يعطيكي العافيه واهلا فيكي روووووعه ما نقلتي

اسمحلي لي بنقله باسمك لموسوعه دلع

وشكرا

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط