اقبلت كبرياء وعزة نفس وشموخ وخصب

اقبلت في عيونهـا المـوت وسهـوم العـذاب
المنايا وسط عينـه والكفـن والسيـف الهـدب
اقبلت ما كنها الى في الضمـى لمحـه سـراب
اقبلت كبرياء وعزه نفـس وشمـوخ وصخـب
جات ربان المطر اليـا انسـدل قـدام السحـاب
جات ريح المسك واليشموم قدام خطوتها يهـب
جات عقـب اسنيـن وشهـور وايـام الغيـاب
جات عقب اشـواق واحـزان وهمـوم وتعـب
جات عقب ان الزمـن صـك للاحـزان بـاب
وشرعت بيبان حزن واهموم وجـروح وعطـب
سكرت للفراق اكتاب وفتحت لا شواقـي اكتـاب
مادرت اني مليت ارفوف عمري من الفر قا كتب
اه لو تدري عن الدمع الي سكبته فـي الغيـاب
مالقيت الي يواسيني ويمسح دمع عين.ن. يصب
اه لو تدري عن القلب مـن الفرقـا كيـف ذاب
والله اني جمعت الها من اقصى ضلوعي حطـب
والله اني من بعدها ماعليه كني الي مـا يهـاب
عايشن في هامش العالم ولا اشوف للدنيا سبب
بعدها كل مافيني تغير والخطى اصبـح صـواب
احتملت الحزن والهم لجلـه وشرهـات العـرب
والله اني كل ليل بدمع عينـي اوجهلـه خطـاب
كم على صفحه افراقه دمـع عينـي لـه كتـب
لو تحس بلوعه العاشـق وتشـوف المصـاب
كان ماقالـت انـس مافـات ويكفـي هالعتـب