|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى همس القوافي والشعر النبطي يختص بالشعر النبطي والقصائد الموزونه وكل المحاولات الشعريه للاعضاء ويهتم بالابحار في عالم الشعر |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
02-17-2008, 02:20 AM
|
رقم المشاركة : 1 | |||||||||||||
|
موسوعة قصايد ( سعد بن جزاء الميموني) شاعر حزن
السلام عليكم ورحمة الله وبركاته يبت لكم اليوم موسوعت قصايد الشاعر سعد بن جزاء الميموني ( شاعر حزن ) ــــــــــــــــــــــــــــــــــــ أســـم القصيدة///(( قالولي اطلع ياسعد غير الجو)) قالولي أطلع ياسعد غير الجـــــــــو الى متى قافل على نفسك البــــــاب قلت اتركوني ياعرب لاتـــــلــــزو الجرح ينزف ياعرب مابعد طـــاب اللي خذو عمري وعني تخلـــــــــو اللي طعنوني يوم صارولي اقــراب اللي بخفوقي للاسف كد تسلـــــــــو خلوني انظر للبشر كلها اغـــــراب قالولي انسى ياسعد دام ولـــــــــــو ومن جابهم غيرهم ملايين لك جاب وكثار منهم ياسعد من تـــمـــنــــــو انهم يلاقو منك لو نظرة اعجـــــاب جرب وصدقني سعد انت بس لـــــو اشرت بيدك ياسعد تطلب احبــــاب لتشوف حولك من حبايبك صفـــــو ناسٍ بحبك ياســـــعــــــد قلبها ذاب ناسٍ رغم صدك ولا يوم مــــلــــــو وكانو يقولون العذر مع من غــــاب بالصدق والاخلاص والله تــحــلــــو وفي قلوبهم حبك ترى ماله حـساب وفيهم جمالٍ ماحـــــدٍ شــــاف له أو احدٍ سمع ان فيه مثله بالاعـــــراب ومعهم بتنسى ياسعد من تــبــــــرو اللي بحبك ياسعد كان كـــــــــــذاب يعني انا افهم من سبب ماهرجـــــتو هو قصدكم اطلع ادور لي احــــباب كنكم بهذا القول والله قــــــلـــتــــــو دور سعد للحب في داخل الــــغــاب وكنكم تقولو شب في صدرك الضو واجدع خفوقك ياسعد بيد الاغراب خذو الوكاد انسو انا احب انـــــسو وقلبي حلف لي حلف انه بعد تاب واخر كلامي ياعرب لو سمــحتو لاتسألوني لي متى قفلت البـــــاب أســـم القصيدة///(((انا فعلاً غـــبــي)) اعترف وابصم على العشره بعد اني انا ما افهم ابد للحين انا عندي امل ان البشر صادق حنون وان المشاعر ماتهون فيه معاني ساميه محفوضه في وسط العيون فعلا انا فعلا غبي فعلا انا فعلا غبي مخدوع في زيف وظنون مسكين انا شفت الغدر من يوم امنت البشر عشت بحزن عشت بقهر كله من اسباب البشر وغدر البشر يمكن تكون حكمٍ من احكام القدر ويمكن تكون سبة غبائي والظنون في كل مره انصدم اقسم قسم ما اامن انسان واقول ان الغدر طبع البشر وسرعان ما انسى القسم وارجع اامن هالبشر واشغل عيوني بالسهر واعطي محبه صادقه واصير شمسٍ شارقه تشع لهم صدق وحنان نور وامان والقى جزاء هذا الحنان وصدق المشاعر والامان غدر البشر وارجع اقول وابصم على العشره بعد اني انا ما افهم ابد للحين انا عندي امل ان البشر صادق حنون وان المشاعر ماتهون فيها معاني صادقه محفوضه في وسط العيون فعلا انا فعلا غبي فعلا انا فعلا غبي أســـم القصيدة///((وربي لــنــتــحــر)) يــــاوليف الـــروح تكفى لا تروح لــو تــخــلــيــني وربي لـنــتـــحر لاتخليني حـبيـــبي للـــــجــــروح لاتخلي جــــفــــــن عيني للـسـهـر لاتهد عزوم قلبي والـــطــمـــــوح لاتـخــليــني لـهـمــي والـــكـــــدر قمت اشوف الموت قدامي يــلــوح وفي يمينه شفت لي حفرة قـــبــــر ياحبيبي طالـــبك شفني انــــــــوح ارتجيك بدمع عيني تـــنـــتــــظــر لو رحلت لمين بشكي له وابــــوح لجتمع همٍ وضيقه بالــــــــصــــدر الحزن في دنيتي بادي يفــــــــوح خلى دمعي فوق خــــــــدي ينهمر خابرك ياصاحبي وجهٍ ســمــــوح ماتخليني وانا حـــالــي خـــطــــر شوف عينك واضحٍ حالي وضوح لاتخليني اطــــق من الــقــــهــــر يعني تهمك حياتي؟؟لاتــــــــروح ولو حـــــياتي ماتهمك بــنــتــحــر أســـم القصيدة///((خلي غدر بي)) ياعين لاتبكين ماعاد به فــــــــــود يكفي ثلاث سنين تبكين فــــــــرقاه خلك غدربي والغدر منه مقصـــود جتني طعون الغدر من كف يمنــاه ودامه جزاء حبي بنكران وجــحود مني الجحود وكل نكران يـــلــــقاه من لانشد عني فلا عنه منــشــــود واللي جفى ياعين مجبور انا اجفاه ودام الليالي بناظرك سبته ســـــود خلك عزيزه ولاتجيبين طريـــــــاه وان كان ظنك دامها سهود ومهود انه بيرجع ويروي الظامي بـــمــاه والله مايرجع حبيبك ولايــــعـــــود كفي دموعك واتركي القلب ينســاه خلك غدى دربه ترى اليوم مسدود سدوه ياعيني ربوعه وبــــرضـــاه وصارت حواجز بيننا وبيننا قـــيود ولو ينوي الرجعه لقى ناس تـــنــهاه ويكفي ثلاث سنين مدري بعد زود تبكين ياعيني من اسباب فـــــرقاه أســـم القصيدة///(( انــــا مـــت!!)) ياصاحبي عندي رجاء لـــــــــو تكرمت نفــّـذ رجاء اللي يالغضي مــــنك مظـــلوم لو جت لك علومي وقالوا انـــا مـــــت ارجـــــــوك لاتبكي ولانـــفسك تلـــــوم لني سبب فـــرقـــاك يامــــا تألـــمــــــت وياما امتلى صدري من احزان وهمــوم وحالي تردى وصرت انا اطيح لو قمت واخذ على فراشي لي ايام مـــــــــا اقوم وفــي غيبتك لانمت انا فــــيــــك حلمت وافز غصبٍ وانــــحــــرم لــــــذة النوم ولاجيت اقاوم موج حزني وعـــــزمت غرقت في موج الحزن ما اقـــدر اعـوم ورغم المـــــــآسي والقهر لازم الصمت اخــــاف لايشــــمت بــــنا نــــاسٍ رخوم يعنـــي امـــــــانه وانتـــــــــبه لو تكلمت عني تقول ارجـــــــوك((خلي سعد دوم)). وكانك عـــلـــيــــنا بــعـــــد موتي تندمت اسأل يــــــدلونك عـــلى قــــبري القــــوم دامــــــك علي شوفك وانا حـــــي حرّمت لايصير قبري من زيارتك مـــــحــــــروم ومع السلامه ولـــــــو يجي علمـــي ومت ارجـــــــــوك ولاتبكي ابي تقول مرحوم أســـم القصيدة///((داوه قبل لايموت)) ياللي تداوي كل هالناس بــيــديــــك داو اللذي من سبتك صــار مرضان داو اللذي يازين بالــحــيل يغلــيــك داوه من احزانٍ بها اليوم غــرقـــان داو اللذي من بين هالناس شاريـــك ميت بحبك يعشقك حـــد الـــجــنان داو اللذي ضيّع حــيــاته يداريــــك صاين ثــمـان سنين والله مـــاخــان داو اللذي في كل شارع يبــاريـــك خايف عليك من شر هالناس يافلان داو اللذي دايم يـتـمـتم بـــطـــاريك من كثر شوقه دايم تــهــــل الاعيان داو اللذي يازين بــالــروح يفديـــك لاتقابل بنكران يازين الاحــســـان داوه انا بــــرجــــوك ربـــي يخليك رافض ترى غيرك يداويه انـــســان داوه قبل لايــمــوت ادواه بــيــديـــك من قبل جسمه لاتغطيه الاكـــفـــــان أســـم القصيدة///((وهلت دمعتي والناس يهنو بعضهم بالعيد)) اشوف الناس فرحانه يهنو بعضهم بالــعــيــد وانا دمعي على خدي وقلبي تنزف احزانـــه يهل الدمع من عيني ولا ليت الدمع بــيــفــيد يرجع لي حبيبٍ راح حرق قلبي بهجرانــــه يهل الدمع من عيني ولونه سقى هــــالــبــيــد كساها بلونها الاخضر وفاضت منه غدرانــه انا اشهد مابهم رحمه جميع اللي صباح العيد مامنهم من مسح دمعٍ عيوني فيه غرقـــانـــه الا ليت الحبيب يحس يجيني صاحبي ويعيد زمان الحب والاشواق وقلبٍ يعزف الحانـــه انا اشهد من رحل عني وانا حزني غدالي قيد يقيدني عن الفرحه واذوق الـــهــم بالـــــوانه وهلت دمعتي والناس يهنو بعضهم بالـــعــيد وجميع الناس فرحانه وقلبي ينزف احزانـــه أســـم القصيدة///((ما اصدق انت ياخلي تخون)) يــاحبــيــبي لــيه ياعــمـــري تخون لــيــه تــغـدربي وانا وافي مــعـــاك دامك انت اللي على عمري تمــــون ولو تبي عمري ترى عـمري فــداك ودامك اغلى عندي من ضي العيون ودامك اغلى عندي من هــــذا وذاك كيف تهديني من كفوفك طــعــــون كيف ترميني على درب الــهـــلاك كيف حب سنين في عينك يهـــــون كـيـف تـنـسى قلب عمره مانساك كنت اظنك يابعد عمري حــنــون وكنت اظنك صادقٍ ٍ لي في غلاك وكنت اظنك يابعد عمري تصون قلبي اللي فز من صدري وجاك ياخساره غرتك ذيك الــظــنــون وغرك العاذل وعن خلك عماك ما أصدق انت ياعمري تخــون ياخساره بعت في قلب ٍ شـراك أســـم القصيدة///(( قــتــل الأمــانــي)) ياليتني مـــيــت ولا عيني تـــشـــوف خلي يــزفـــونه على شــخـــص ثـاني طعنت غدر جتني كما طعنت سـيوف يوم الحبيب اختار غيري ونــســــاني ثارت وشبت نار في داخل الجـــوف وانا اشوف الـغير ياخــــذ مــكـــاني من صدمتي كــنـــــي مقيّد ومـكتوف من صدمتي هرجي عجز به لســـاني وحارت على شفاتي سؤالات وحروف لــيــه الـــخــيانــه ليــه قــتـل الامـاني كنت احسبه خلي وفي حالــي يـــروف واثره حكم با اعــدام حبي وحــنــانـــي كنت احسبه ماله بهالــعــالــم وصـــوف كــنــت احــســبــه وافــي ولاهـو اناني واثري انخدعت وراحت سنيني حسوف وضاعت حــيــاتـي وانـتـهـت في ثواني وصار الحزن والهم والجرح والخـوف صــاروا رفـــاقي يـــوم خـــلي رمـاني وماتنفع الــحــســره ولاصفــق الكـفـوف يــامــوت ريــحــنــي تــرانــي اعــانــي ويالــيــتــنــي محــروم مـن نعمة الشوف ولا اشــوف الــغــيــر يــاخــذ مــكــانــي أســـم القصيدة///((انتهى حبي وانا معه انتهيت)) إنتهى حبي وانا معه انــتــهــيــت دام خلي باع في قلبي وخــــــــان يشهد الله اني في حبه وفــــيــــت صاينٍ ٍ حبه لي سنينٍ ٍ ثــمـــــــان وتشهد ابيات القصايد بيــت بيــت وتشهد الدنيا ويشهد لـــي الــزمان يشهدون اني لغيره ماهـــــــــويت واضحٍ ٍ اخلاص قلبي للـــــعـــيان ويشهد الله كل شئٍ ٍ له عـــطـــيت حبي الصادق وشوقي والحـــــنان وسبة اني واثقٍ ٍ فيه انــعـــمـــيت عن خـيــانــاتــه ومعــطيه الامان من سبايب طيبتي وحبي انكويــت ومابقى للفرح في قلبي مــــكـــان وانهدم صرحٍ ٍ من اشواقي بنــيت وصرت اشوف الحب قدامي يهان وغصب عني كل ما اذكر بكــيت يوم خلي باع في قلبي وخــــــــان تحياتي فديتك انا
|
|||||||||||||
|
|
02-18-2008, 01:05 AM
|
رقم المشاركة : 2 | |||||||||||
|
اخوي فديتك انا مشكووووور والله يعطيك العافيه على موسوعه القصايد
|
|||||||||||
|
|
|
02-18-2008, 12:48 PM
|
رقم المشاركة : 3 | |||||||||||||||
|
خطيييرر الشــأعر هذا صح لسانه ولاهان باقيه فديتك انا ربي يبعد عنك الحزن يعطيك العافيه يالغلااااا  تحياتي ’’ عشـوـوـوقــهـ
|
|||||||||||||||
|
|
|
02-19-2008, 08:35 AM
|
رقم المشاركة : 4 | ||||||||||||||||
|
فديتكـ آنا
اقتباس:
بالفعلـ قصائدهـ كلها رآئـع ـهـ وتسلمـ يدكـ على نقلها دمتـ بــود أختكـ:هـمـسـة
|
||||||||||||||||
|
|
|
02-19-2008, 12:12 PM
|
رقم المشاركة : 5 | |||||||||||||
|
ياعين لاتبكين ماعاد به فــــــــــود يكفي ثلاث سنين تبكين فــــــــرقاه خلك غدربي والغدر منه مقصـــود جتني طعون الغدر من كف يمنــاه يعطيك ربي العاااافيه..وتسلم يمينك على الطررح الرائع
|
|||||||||||||
|
|
|
02-21-2008, 12:38 AM
|
رقم المشاركة : 6 | |||||||||||||
|
وعليكم السلااام صح لساان هالشااعر وتسلم يمينك على اختياارها كل مااهو مميز ووذوق خيوو الله يعطيك الف عافية ينقل للقسم المناسب 
|
|||||||||||||
|
|
|
02-21-2008, 09:25 AM
|
رقم المشاركة : 7 | |||||||||||||
|
الف شكر لك على هذا الاحسايس ودام نبض احرفكِ ازهار تفوح بين زوايا المنتدى دمتِ بود
|
|||||||||||||
|
|
|
02-22-2008, 07:29 PM
|
رقم المشاركة : 8 | |||||||||||
|
&& فــــديتـــــــــــك أنــــــا && يســــــــــلموووو ع الطرح المتمـــــــــــيز ربـــــــي يعطيــــــــك العـــــــــــافيـــه تقبــــــــــل مـــــرورى \ دلـــــ الـهـــــــوووىــــــع/
|
|||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصايد ناصر الفراعنه | رووح رووحي | منتدى همس القوافي والشعر النبطي | 8 | 02-06-2008 08:59 PM |
| سعوديات في بريطانيا ..... | دلووعــ وبس ـــــــه | منتدى القصص والروايات | 39 | 12-29-2007 11:21 AM |
| وفاة العضو احاسيس شاعر...ناقل الخبر (صــــديق احاسيس شاعر) | ©. أحاسيس شاعر .© | المنتدى العام | 24 | 03-07-2006 09:54 PM |
| موسوعة مواقع اسلامية كل المواقع التي تهم المسلمين | المعارض | المنتدى الإسلامي | 3 | 10-14-2005 02:38 PM |
العرض العادي
