قصيده حب الشباب للبنات فكاهيه

شوفو الغزل ولى بلاش
حبيبتي تشرب على الريق ببسي
واليا تعشت ماكلت غير كت كات
حبيبتي حطت على العين ورسي
وماتلبس الى من جديد الموديلات
نحيفه(ن) عن كل عذرا تنسي
في حسنها قد كلبشتني كلبشات
احبها بس العرب ماتحسي
والله يعين المبتلي بالطويلات
ياونتي ونت سواق تكسي
زل النهار وماحصله ريالات
ولا مريض(ن) علته شي نفسي
مافاد به كي العرب والقراءت
لاشفتها كني مصاب(ن) ابمسي
مثل المهبل قمت اقطع اشارات
وليا حكت كني من الناس خرسي
اطرش 000خرس 000لو دوسني تريلات
فيها حلا الاسبان وعطر الفرنسي
وفيها دلع لبنان وعز قطريات
حلوه مثل طعم الكرز والجالكسي
مخلوط بالسكر معه خمس تمرات
لو ماتزوج(عجرم)وجاب(نانسي)
يحق لي اتزوج (ابله عطيات)
لاقلت:شكرا,قالت البنت :مرسي
بنت الافندي ناظرت لي بغمزات
يجلدني الاستاذ لاهملت درسي
مايدري اني واقع (ن) بالبنيات
ابكي واقول ان البلى كان ضرسي
ياستاذ تكفى لاتنقص العلامات
انا وقعت اليوم من فوق كرسي
ولاحصل لي من حبيبي زيارات
قالت:انا ليلى ,وبسميك:قيسي
عطني شعر واعطيك بسمه وضحكات
قالت: تجي لابوي ثم (ن) تمسي
بس المهر تاقف علي خفارات !
قلت:اسمحي لي واعلني بالmbc
تلقين غيري يبنيه حثالات
يشهد على ماقول بيتر وعبسي
نحول ونامق بالرسم والحركات
اليا حضرتو يالربع بيوم عرسي
عانيتي منكم كراتين كت كات