الحمد الله الذي كتب لى عمراً اخر بعد الحادث

السلام عليكم ورحمة الله وبركاتة


بعيد الشر محد سأل عن غيبتي ويني ووين كنت لاكن يالله الواحد يقول الحمدلله على كل حال

قولولي الحمد لله على السلامه يوم الجمعه الليل الساعه 10:56 دقيقة والسيارة تنقلب فينا ونحن رايحين مشوار شاءت الاقدار ان يصيرلي اول حادث في حياتي و{تنقلب} السيارة {اربع قلبات } جربت حوادث بس مب تنقلب السيارة وبصراحه انا للحين فصدمه وللاسف كان الغلط علينا
يوم الجمعه بالنسبه لي كله رعب فرعب الله يسلمكم ونحن في شارع المطار كنا 6 ومعانا سيارتين السيارة الاولى نيسان ارمادا وكانو اربعه داخل السيارة ونا منهم والسيارة الثانية مازدا فيها 2 وكانا موقفين في شارع المطار عند الاشارة رقم 27 {اشارة الترخيص} وكان ورانا درب تقريبا 48 كيلو متر ونحن واقفين عند الاشارة وربيعنا الى في المازدا قال حقنا شو رايكم لف يمين وبركن السيارة ونركب معاكم قلنالة اوكية ونحن كنا ماسكين الخط الى في نص الشارع الاشارة خظرت ربيعي اشر اشارة يمين وصفي الشارع ماشاف احد سارع وعطاها ريس تقريبا كنا ماشين 120 خلاص مابينا وبين الدخلة الا متر واحد الا سمعنا صوت بريك و{دووب} شي صدمنا شو ماندري مامرت ولا ثانية الا وشوف الدنيا ظلام ماكنت عارف شو يستوي كنت اتحري عمري في حلم والله وبعد ثانيتين سمعت صوت ثاني وكانت القلبه الثانية على الارض يدق بقوة في الارض وراسي يضرب بقوة اثر السيارة كانت في الهوي تنقلب من قوة الصدمة ويوم ظربت السيارة في الارض ماسمعت ولا صوت من اصوات ربعي قلت ماتوو وثالث قلبة فيها {حسيت بطعم الموت والله } قلت والله ميت ميت كنت انتظر شي يشق جسمي لاكن الحمد الله ماياني شي والقلبة الرابعه وعقبها وقفت السيارة فتحت عيني لقيت ربيعي مفرور تحت مكان الرجوول مدفوس هناك والدم يطلع من اثمة قلت ربيعي توفي يا ربيعي الثاني ينادي يا .... ويا... و..... ردوو وسمعت صوتهم قلت الحمد الله ماحد استوابه شي غير اثنين واحد انجرحت اذنة والثاني يطلع دم من اثمة ونا ايدي ورجلي راحو في دنيا السلام ايدي اليمين تمزق شرايين ورجلي اليسار ورام من اثر الصدمة نزلونا من السياة الا اشوف قدامي عالم من الناس ما اسمع غير ثلاث جمل عسي ماحد مات , الحمد الله على السلامة , انسدح على الرصيف وبعد ضرابة ويا الباب تبطل ويلست على الرصيف وشالو ربيعي من السيارة لانه من الصدمة ماقدر يتحرك والاثنين الثانيين مافيهم شي غير واحد اذنة يات الشرطة في نفس الدقيقة واتصلو على الاسعاف يات الاسعاف شالوني ودخلوني داخل سيارت الاسعاف وخلو ربيعي الى تعور في ثمة يركب وياي من كثر مانا مب مصدق ومدوخ والله العظيم ما شفت شو لون الاسعاف اسعاف مستشفي {لون احمر} او اسعاف الشرطة {لون ازرق} وربيعي الى منصاب في اذنة شالتة اسعاف ثانة واحد باقي في محل الحادثة انا ودوني على اقرب مستشفي وهي مستشفي زايد العسكري وربيعي الثاني لان اصابتة خفيفة ودوة مستشفي خليفة ونا في الطريج كنت مادري بشي فاقد الوعي وصلت المستفشي عطوني مغذي واشعات وتحقيق في المستشفي و ....و ... جاني الشرطي حمدالله عالسلامه الاخ قلتله الله يسلمك قال انت ربك رحمك انت وربعك ان السياره انقلبت {اربع قلبات ولامات احد منكم لا انت ولا ربعك اكثر الاوقات تنقلب قلبة وحدة ويموتون مباشرتأ } قلتله الحمدلله على كل حال المهم عقب ترقيده في المستشفي 7 ساعات حسيت عمري احسن من اول قلت للدكتور بسير المركز عند ربيعي بشوف قالى لا بيونك هم لين عندك وبيحققون يا اخوي وطلعني رحنا المركز وانا بعدني انتفض من ايدي وريلي والشرطي يقولي رد المستشفي قلتلة مافي شي وصل المركز لقيت ربيعي الي كان في موقع الحادث الى ماسارلة شي قالي حمدالله على السلامة قلتلة الله يسلمك وربيعي الى سار وياي المستشفي اجتمعنا نحن الثلاثة باقي خوينا الى خذوه مستشفي خليفة بعد ربع ساعه ياا والكل مب مصدج صراحتا ما اقدر اوصف الشعور يوم كنت بين الحياة والموت والله

طبعا مستشفي زايد العسكري ماتتعلاج الا واحد احد من اهله في الجيش او مطلع بطاقة من عندهم حولوني على مستشفي مدني يكملون الفحص
بس حسافة السيارة مالها خمس شهور طالعة من الوكاله الا تكنسلت بس عادي الحديد يروح ويجي
بس الحمد الله السيارة عليها تامين شامل يعني بيعطونا سيارة يديده غيرها ^_^ بس حسافة >_< حرمونا من سواقة السيارات وعقب الحادث لين الحين كل ما ابي ارقد احس عمري في حلم او خيال وعظامي احسة مفتت الحمد الله الذي كتب لى كمرا اخر وان اعيش بعد الحداث

تاريخ الميلاد :22\2\2008 الساعه : 10:56

اخليكم ويا صور السيارة الي صورناها الساعه 4:30 في الليل عقب الحادث طبعا


عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط
من الداخل

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط


عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط
هذا انا يوم اخذ الى تبقي حي لان الباب مايفتح

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط

عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط
وداعاً ارمادا

اليسارة الى دعمتنا
عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط




ملاحظه والله صحيح ان الشرطه في خدمة الشعب

الحمد لله على السلامه وما تشوف شر السياره تتعوض بس الارواح هي الي ما تتعوض


تـــــــــــــــــح ـــــــــــــــــيــــــــــاتـــــــــــــــ ي ....\اختك ...احلى بنوووته

الله يسلمج من كل شر ان شاء الله

ماقصرتي خيتو ^_^

الله يسلمك وماتشوف شي يالغالي

ان شاء الله تكون النهايه ولاحد يجربها باذن الله

تسلم اخوي على مرورك

الله يسلمج من كل شر ان شاء الله

كل شي روح ويجي الا العمر مرة وحده

الحمد الله على كل شي