بعض معادلات الحب"

للحب عدة معادلات وراح اعرض عليكم بعضها واتمنى أن يكون وجهة نظري بخصوص هالمعادلات شبه مقنعه او مقنعه للبعض


الحب = كراهية

اي ان في بعض الحب ينتج عنه الكراهية .. يعني كثر ما نشوف حب قوي ومخلص ووفي بس لما يصير وقعه او شوشره في هالحب تشوفونه مره وحده ينقلب لكراهية ويا سبحان الله مغير الاحوال؟!

الحب = قلة احترام

في انواع من الحب وحتى لو كانت صادقه بس ع طول تشوفون ان ما بين الشخصين قلة احترام يعني ماخذين حريتهم في تلفظ الفاظ دنيئه وغير لائقه ع بعض ..يظنون ان وراء هالالفاظ اليي يلقونها ع بعض متعه ؟! ع انه لما تنتهي العلاقه تشوفون كلتي الطرفين يفلتون ع بعض اقبح واوصخ انواع الكلمات الغير لائقه .. لدرجه تستعجبون هذول صدق كانو يحبون بعض؟!

الحب = لعبة

في ناس يحبون بس الطرف الآخر يعتبر هالحب لعبه تسليه .. شيء يتسلى فيه اذا فضى او مل او يبي يجرب انواع ثانية؟!

الحب = إعجاب

غالبا ما ينجح هذا النوع من الحب بس مثل ما قلت نادرا .. لانه الشيء اليي الشخص انعجب فيه اذا كان شيء قابل للزوال فالحب راح يزول معاه مثل (الجمال) .. بس اذا كان الشيء ازلي مثل الاخلاق والعفه فراح يزيد الاعجاب بما معنى يعني يزيد الحب

الحب = انتقام

هذا النوع الحب الشخص يمكن يقصد ينتقم من شخص معين بس غباءه الغير محدود انه يجهل انه ينتقم من نفسه .. هو يمكن بياخذ حقه في الدنيا بس حق اليي راح ياخذه الطرف الآخر في يوم الحساب اكبر واعمق

الحب = مصلحه

هذا اغبى انواع الحب يعني انا اسمي هالشخص انسان ضعيف ما له قيمه ..استغلاله لنفسه يفوق استغلاله للشخص المقصود

الحب = طمع بالمال

هالنوع حاليا منتشر .. ما ادري هو دلاله ع الغباء او بداية عمل العقل الباطل للانسان؟! .. من يعتقد ان الفلوس كل شي او ان الفلوس راح تحقق كل احلامنا او امانينا؟! .. الحب صعب الواحد يحصله بس الفلوس سهل نجنيه .. صدق في ناس محرومين من الفلوس بس تنهضم وهي مره .. بس لما يكون الانسان محروم من الحب فالموت افضل من هالعيشه .. فانا اناشد معشوقي الفلوس شوفو وين بيوصلكم مرضكم هذا

الاحترام = الحب

هذا النوع المفضل عندي واليي انصح الكل ابه .. الحب يمكن يجي بسهولة ويمكن يجي بصعوبة بس هو يجي يجي رضينا او انرضينا.. بس نادرا ما يكون مصحوب بالاحترام او يكون الحب توأم الاحترام

بس المعادله ذي تتكلم عن الاحترام اليي يولد الحب اليي ما فوق اي حب .. حب محال يتغير .. يكون قوي ويكون بقناعه تامه وبتقدير تام .. وهذا النوع من الحب يزيد بزيادة الاحترام ..



ااتمنى اني ما طولت عليكم .. وان شاء الله يعجبكم موضوعي البسيط ..

ملاحظة: الحب الي اتكلم عنه مو الحب اليي في بالكم .. اتكلم عن الحب بشكل شامل .. وشكرا