العاشق ــــــــــ دربي بعيد وعثر واني عزم مابي
وماني بضهر سابقأ تارود لحبابي
الطبيب ــــــــــ اهلن وسهلا مريض نعالجه ونبري
وان كان راد الصدق برواحنه نفديه
العاشق ــــــــــ لولاك ما هفت اليمنه ولا جينه
وانته الوحيد الذي شوفك معنينه
الطبيب ـــــ على السديه مدد يخوي ارجوك بطل الاوف
وخلنا نقيس الضغط ونعاينك ونشوف
العاشق ـــــ ان چانك من عرب داوي الجرح بيدك
مو گلبي يحبك يساهي العين ويريدك
الطبيب ـــــ يسايلك بالنبي يل من نسل عدنان
اجروح گلبك گبل داويتهن يفلان
العاشق ــــــــ كل يوم اداوي جرح گلبي واباشر بي
وشال الخياط ومشا وما عاد ينفع بي
الطبيب ــــــــ يفلان كف الحچي حالك ترة مخطور
وهذن اجروحك گبل ماشافهن دكتور
العاشق ـــــــ جابو طبيب الهند عن وصفك بيده
وگال مالو سبب ودواه ليريدو
الطبيب ــــــــ لازم لجرح الگلب تجري تحاليلي
وعطني الجواب الصحيح اتنام بليلي
العاشق ــــــــ العين تابي لذيذ النوم وتعوفه
على هل عزيز الغذا يصعب علي شوفه
الطبيب ـــــــــ يسايلك بالنبي والال والزهاد
من يوم راح الولف ضگت الشرب والزاد
العاشق ـــــــــــ طبيب جف المحاور ودحج على لوني
واني طعين الحلو بهريز يسگوني
الطبيب ـــــــــ هذا الجرح اعتقد عدا عليه الحول
عندك اعراض اخر غير الجرح شدكول
العاشق ـــــــــ اييييه بحشاي مبرد خشب ياكل على طولو
والعين دم تهمل عل مالنا وصولو
الطبيب ـــــــــ همزين جيت بعجل تا تنجد بروحك
ورايح نكتب دوا وصفات لجروحك
العاشق ــــــــــ طبيب شيل القلم يازيك تكتب بيه
وهويل جرح الگلب ماتكدر اتداويه
الطبيب ــــــ عندين جرحك كلف والحال مستعصي
گبل ان ترح لهلك يفلان شتوصي
العاشق ــــــــ امنة الله ان متت گبل ان تشيلوني
ميلو بحي الترف تا تلمحه عيوني
وشكرا علاء الحياني
الإهداءات
العاشق والطبيب
يسلموو يا اخوي وننتظر جديدك وتحيااتي لك 
العرض العادي