تكون محترف سيارات بجد من هنا :الرجاء الاطلاع

03-15-2008, 02:15 PM

كيف تكتب موضوع متميز

اولا قبل ما نبدأ
كل التحية لكل أعضاء المنتدى الجميل على مجهودهم الوافر في المنتدى
وأنا هنا عامل الموضوع دا عشان نعرف ازاي مع بعض نكتب موضوع يستحق الدرجة الكاملة
عشرة على عشرة

نبدأ على بركة الله

أولا أي موضوع في أي مجال في شقين
الشق الأول التنسيق . . . . . . . . . . . .الشق التاني المعلومات
وهنتكلم بالتفصيل عن كل شق لوحدة

التنسيق

ودا أهم حاجة في موضوعك . . . . . .طبعا بتقولوا في سركم اية الكلام الغريب دا :shutup00:
التنسيق أهم من المعلومات طب ازاي ؟؟؟
أنا اقولك ازاي
التنسيق هو الواجهة اللي بتعرض بيها موضوعك فلو واجهتك حلوة أكيد موضوعك هيكون حلو
زي العربيات بالظبط
ممكن عربية شكلها حلو بس امكانيات ضعيفة تتسوق أحسن من العربيات اللي شكلها مش قد كدا بس تجهيزاتها فخمة جدا :flex0000:
طيب ازاي أعمل موضوع متنسق حلو بص على النقط دي معايا

أولا : الافتتاحية و العنوان
أي موضوع لازم تكتب عنوانة اللي انت منزلة بيه أول حاجة في الموضوع بعد بسم الله الرحمن الرحيم طبعا
وبعدين صورة معقولة عن موضوعك وكلمتين في البداية عن العربية اجمالا وتحط بعد كدا فاصل
ونقطة مهمة جدا العناوين الفرعية لازم تعملها وتقسم بيها مواضعك وترتبها صح
الأول الشكل الخارجي بعدين المقصورة الداخلية وبعد كدا المحرك وطبعا لو في البداية كتبت لمحة عن تاريخ السيارة في سطرين بس تبقى كدا ابدعت

ثانيا: الفواصل
دايما دعم مواضيع بفواصل زي اللي أنا مستخدمها دي عشان تفرق بين أجزاء الموضوع
يعني المواصفات الفنية لوحدها والشكل الخارجي لوحدة والفرش الداخلي لوحدة وهكذا
طيب المشكلة ان المشاركة بتشيل 20 صورة بس يعني لو حطيت 5 فواصل هضيع على نفسي مكانهم خمس صور للعربية
فممكن تستخدم فواصل زي دي
=-=-=-=-=-=-=-=-=-=-=-=-=-=-=-=
^*^*^*^*^*^*^*^*^*^*^*^*^*^*^
وتخليها بلون مختلف وحجم كبير

ثالثا : الألوان
لازم تغير لون الموضوع للون أساسي هادي وابعد عن الألوان الزاهية اللي بتتعب العين أو بتكون صعبة في القراية
زي كدا مثلا
طبعا الألوان دي بتخلي الواحد يكره نفسه وهوا بيقرا
فخليك في لون هادي أساسي ومعاه لون باين للأرقام والكلام الانجليزي والحاجات المهمة وطبعا العناوين الأساسية والفرعية

رابعا :حجم ونوع الخط
دايما خلى خطك وسط في حدود أربعة مثلا وكمان متنساش توسط الكلام عشان الموضوع يطلع شكله حلو

خامسا: حجم وعدد الصور
طبعا المشاركة بتحكم الواحد بعشرين صورة بس فنعمل اية عشان نحل المشكلة دي
أول حاجة اختار حجم الصور وسط يعني اخر الصورة يكون 600×400 بالكتير زي كدا

عشان لو عريضة أوي هتبوظ شكل الموضوع ولو طويلة أوي هتقطع تركيز اللي بيقرا
ويفضل ان الصور كلها تكون حجم واحد يعني على ما تقدر تجيبهم من موقع واحد

طيب عاوز أحط صور زيادة خلفيات مثلا وتكون 800×600 مثلا
بعد ماتخلص موضوعك المشاركة التانية خصصها للصور الخلفيات وحط فيها براحتك بس برضو ما تزيدش بالحجم عن 800 في600 عشان المشاركة ماتبوظش شكل الموضوع

ويفضل انك توحد لنفسك ثيمز معين في التنسيق تنزل بيه كل مواضيعك

طيب عاوز فواصل وحاجات تزي بيها موضوعك
روح هنا ونقي
ومتنساش تشكر الراجل على المجوعة الجميلة دي
وكدا خلصنا من التنسيق وناقص بقى لب الموضوع وهو المعلومات

المعلومات

ودي طبعا بالنسبة لكل الناس لب الموضوع والهدف منه
طب اجيب المعلومات دي منين؟؟
في كذا مصدر
الأول :المجلات العربية ودي مكلفة حبتين ومتعبة
وطبعا ما بيعملهاش غير عشاق السيارات اللي هما بيشتروا المجلات دي من غير حاجة

ثانيا: المواقع العربي
ودي اسهل حاجة انك تنقل موضوع من موقع او منتدى تاني
بس طبعا دي فكرة الضعفاء اللي مالهومش خلفية كويسة في موضوع العربيات
بس طبعا لازم تكتب انه منقول وتحاول تكتب في زيادة أو تكتبوا بأسلوبك على الأقل

ثالثا: المواقع الانجليزي ودا المصدر الأهم لينا كلنا
لأن المواقع الانجليزي المتخصصة كتير جدا وشغلهم احترافي بجد
بس المشكلة في الترجمة وخصوصا لو الموضوع مكتوب في مجلة مثلا
طيب نتغلب على مشكلة الترجمة دي ازاي??
الحل ترجمة الجوجل أو برنامج الوافي للترجمة
يعني اختار ادوات اللغة ونقي من انجليزي لعربي وترجم الموضع
طبعاالترجمة بتكون ضايعه ومش واضحة . . . . . . . . بس بتفهمك 70% من الموضوع على الأقل
وبيكون ناقص أنك تكتب اللي انتا فاهمة
وتبقى كدا انت عملت موضوع جميل ومميز

03-15-2008, 04:45 PM

يعطيك العافية

03-21-2008, 03:04 PM

يسلمووووووووووووووووو
ماننحرم من جديدك


العضو المميز	الموضوع المميز	المشرف المميز
وردة سورية	جزء من واقع المجتمع السعودي !!	ـآ‘لـ ً‘ـرٍآبـً‘ ـح

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أكثر من 40 موقع لأشهر شركات تعديل السيارات في العالم >>>>> مرجع مهم	سٌِِّمًوٍ آلمًشًِْآعًٍرٌٍ	منتدى السيارات	9	05-14-2008 11:14 PM
لهذا يبكي الرجال	فيصل محمد عوكل	المنتدى العام	0	08-26-2007 09:42 PM
انواع الرجال وطرق التعامل معهم...!!!	عاشقة الدلع	بنات دلع	18	06-28-2007 01:59 PM
الكلاسيكو .. وعلى ذكرى ثلاثية برنابيو .. برشلونة والريال في ارض النوكامب !!	alisandro	المنتدى الرياضي	2	04-01-2006 01:44 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء