كذاب من قال المحبه تساهيل

04-05-2008, 07:05 PM

لايومي بيـوم ٍ ولا ليلـي بليـل
ولا السّعد مقبل ولا الهـم زايـل

ماغير ازم هموم واحـط واشيـل
ولاراح منهـا هـم جالـه بدايـل

تدرون يالعربان وشهي البهاذيـل
فرقى وليف وحظ مامـن صمايـل

الوصل نعمه والمفـارق غرابيـل
ياحـظ ليتـك تعتـدل ماتمـايـل

لامن بغيت اعدّلك ترجـع تميـل
كنّك تقول اعيش وامـوت مايـل

والمهرة اللي ماتعيّن مـع الخيـل
من دونها تقصر جميع الأصايـل

من دونها ضاعت عقول الحلاحيل
وتضاربت فيهـا سلـوم القبايـل

ياشيب عيني يوم قفّت وانا اخيـل
دموعها وبلٍ علـى الخـد سايـل

وانا اتصبّر وازهم العقل والحيـل
والقلب يشكي للضلـوع النحايـل

اصبر مثل صبر الرجال المشاكيل
واخبّي جـروح الزمـن واتحايـل

لن الردي والهيس وخبل الرجاجيل
تفرح لا وراني الزمـان الهوايـل

وانا اترفع واترك القـال والقيـل
واجبر عزى قلبٍ على الموت آيل

أشب نار الشوق وارهي المعاميل
واريّح اعصابـي ببـدع المثايـل

ولاّ الغلا ماعاد يحتـاج تفصيـل
لنّـه مورينـي نجـوم القوايـل

ياللي غيابك حط بالقلـب تنكيـل
ويلي على قربك ولانـي بطايـل

لاغاب صوتك ماتفيـد المراسيـل
وفر على الجوال كثـر الرسايـل

والله لـو تاخـذ لدمـي تحاليـل
تلقاك بالجينـات صايـل وجايـل

حبك تعدى حب الاكـراد لأربيـل
الاّ تعـدى حـب شمـر لحـايـل

صبيت حبك مثل صـب الفناجيـل
وين الجليله تشرب اشواق وايـل

وانته تواعدني من اسهيل لسهيل
والشوق في قلبي مسوي عمايـل

ليتك تبادلني الغـلا والمواصيـل
وترد لي بعض الوفـا والجمايـل

تعبت من قولة ظروف وعراقيـل
وتعبت من قولة ياقـل الوسايـل

يعني انا ويـاك مثـل المهابيـل
واشباهنـا فالوقـت هـذا قلايـل

كذاب من قـال المحبـه تساهيـل
راحو ضحيتهـا عيـال الحمايـل

منقـــول اتمنى ان ترضي ذائقتكم الشعريه

تحياتي ’’ عشــوـوـوقـــهـ

04-05-2008, 09:12 PM

تعبت من قولة ظروف وعراقيـل
وتعبت من قولة ياقـل الوسايـل

يعني انا ويـاك مثـل المهابيـل
واشباهنـا فالوقـت هـذا قلايـل

كذاب من قـال المحبـه تساهيـل
راحو ضحيتهـا عيـال الحمايـل

الله الله

صح لسااااااانك عشووووووقه

أبدعتــــي بالنقل

بارك الله فيك

04-06-2008, 12:02 AM

رومنسي مزاجي

يسلم لي مرورك العطر الذي عطر صفحتي
لاعدمناك ولاعدمنا وصلك

تحياتي ,, عشــوـوـوقــــهـ

04-06-2008, 07:28 AM

اقتباس:

لامن بغيت اعدّلك ترجـع تميـل
كنّك تقول اعيش وامـوت مايـل

والمهرة اللي ماتعيّن مـع الخيـل
من دونها تقصر جميع الأصايـل

من دونها ضاعت عقول الحلاحيل
وتضاربت فيهـا سلـوم القبايـل

عاشقة الورد .. ليس مجامله .. من اجمل الابيات التي تم نقلهــــا للمنتديات دلع ..

بحق رائع ـه وجميله .. في كل شي .. ابيات فعلاً فوق الخيال ..

عاشقة .. دائماً ماتسطرين .. لنا الجميل والمفيد ..

فدمتي لنا أختي ..

04-06-2008, 01:22 PM

راااااااائع مانقلتيه ياغاليتي

مااننحرم من ذائقتك الشعريه الاكثر من مميزهـ

دمتي بكل الود والحب

04-07-2008, 01:44 AM

عشــــــــوووقـهـ

تسلم يمينك يالغلااا ..لاعدمناااك في أنتظااار جديدك

04-07-2008, 01:52 PM

ابيات رائع ـه بروعة من حضر بهـــــــــا ..

كم تروق لي مثل هذهـ الابيات المليئه بالجماليه.

04-09-2008, 12:59 AM

رااااااااائعه وذووووووق

مثل ماتعودت دوم باختيارك ذووق

تسلمين ربي لايحرمنا من قلمك المبدع دوم


العضو المميز	الموضوع المميز	المشرف المميز
وردة سورية	جزء من واقع المجتمع السعودي !!	ـآ‘لـ ً‘ـرٍآبـً‘ ـح

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
واااو جديد فنانة الخليج هند - مريض المحبه من البومها 2008 اقوى اغنية خبيتيه	حبيب هند	منتدى الفن والاهداءات	5	04-01-2008 09:05 AM
يوميات كذاب سوبر الحق حالك	فيصل محمد عوكل	المنتدى العام	0	12-01-2007 07:08 PM
مدري تصدقني أو تقول كذاب	الأمل الظامي	منتدى المسجات	14	11-26-2007 12:01 PM
إن كان طيبي عيب ومشكلتي اوفيت = اموت صادق وارفض اعيش كذاب	ســـــــاره	منتدى همس القوافي والشعر النبطي	11	01-08-2007 03:53 PM
حتى انا كذاب	صراحة احساس	منتدى همس القوافي والشعر النبطي	11	01-08-2007 04:02 AM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء