هل مرة شافك ولد خاتك بدون عباية؟اوشفت بنت عمتك بالغلط؟

اهليــــــــــــن بنااات وشباااب

شفتلكم موضوع بمنتدى يموووت من الضحك واللي مبين من عنوانه

هل مره شافك ولد بالغلط وانتي بدون عبايه؟ ( للبنت )

هل مره شفت بنت بدون عبايه من أهلك أو مومن أهلك بالغلط وشنو رايك فيها ؟ ( للشباب )



وقلت اجيبه لكم واشوف مواقفكم

قولي لنا بالتفاصيل

و هذي بعض الردود اللي عجبتني و قلت انقلها لك




(1)

السالفه كنا رايحين البر..(غثونا به)..وتعرفووون شلون يوقفوون السيارة..يغطووون بها الحريم..بينهم وبين الريجيل..ايه..وكنا كثيرر..وكنت انا فاكه باب الجمس حق ابوي من وراء وقاعده احتري بنات عمي...وكان اخوي الصغير مزعجني يبي يركب معي..وانا كنت داخله جو اتسمع بالآيبود..وابوي يصيح علي واخوي يبكي..ودنيا!!..قمت انا عصبت خلاااص...واقوم بدون الطرحه ورابطه العبايه من تحت..وشايله اخوي..من ياقته(مسويه اعصب انا)..وابوي يوم يهاوش على بالي لوحده ..واجيتك طايرة عنده..وانا اهاوش..ابوووووووي ترى بكفخه..!!
اطالع جنب ابوي ولاهذاك الكشخه اللي جنبه..وقفت مكاني!!..ما انتبهت الا على صوووت ابوي يقووول يابنت ادخلي!!..بعدها ماتحركت من الجمس...هههههههــ واخوي جنبي راز نفسه..يرقص حواجبه ..يقووول شافك صح!..شكلك يضحك!!..ههههههههه

هههههههههههــ



(2)

الوقت : نسيت والله لكن زمان
المكان : البيـــت
السالفه : تجيكم الحين

وقتها طبعا كانت صيفيه
عطله والنفسيه حلووه على الصباح
صحيت وقلت ابي اخذ شور انا ووجهي
المهم دخلت دورة المياه ( وانتو بكرامه ) واخذت الشور
المهم انا اطول ... اجلس نص ساعه او ساعه الا ربع << وناسه تحت المويه
امي الملقوفه عزمت جارتنا على الفطوور << مدري كيف لهم نفس زيارات على الصبحيه
جات جارتنا وبنتها النكبه وانا يا غافلين لكم الله
عاد طلعت من دورة المياه وانا مغطي راسي كله بالمنشفه ما اشوف اخاف ابرد
واللبس الله لا يوريكم بس
واصااااايح عليهم : هاتوا الفطور لاجيكم اطربق البيت فوق راس اهاليكم << طبعا معصب الاخ
فجأه اسمع اصوات الاهل يضحكون وفيه اصوات غريبه
ويوم رفعت المنشفه عن وجهي << كان المفروض يحطون اغنيه شيلي الطرحه عن الوجه السمووح
الا انا واقف وسط الجلسه
والنظرات من كل مكااان
جارتنا وبنتها << المشكله مو في جارتنا العجوز ... المشكله في بنتها
طبعا وجهي الوان الطيف كلها تجمعت فيها
ما لقيت حل الا اني ارجع المنشفه على وجهي والبس واطلع برا البيت
من جد احرااج
وسلامتكم




(3)

دايم يسيرلي مواقف زي كذا مع بنات اقاربنا بعض المرات ماادري الا انا قاعد بينهن واخذو تفشيل واهلي عاد سارو يعرفوني ويربطوني عند الرجال بس مره (( راعي سوالف طويله)) كنا <<بدينا ياويلي >> بالشرقيه يعني اقارب مافيه طالعين بالشاليه وكنت لابس أي شي واحنا لمى نطلع انا اطلع ريحت اخوي الكبير لين يعصب وعاد ذاك اليوم حقد ومن بعدها سكت وما كلمني ""بس سكتته كان وراها بلى"" وانا عاد ماصفالي الا البحر وفي هالوقت اتصل عمي على ابوي وقال انه في الديره ابوي ماصدق خبر وقال تعال حياك الله <النكبه >>وانا عاد ياغفلين لكم الله ماحد داري عني ولا قالي قاعد اطافش بالبحر المهم انا مليت وطلعت ابغير ملابسي ولبست البنطلون واحط ذيك التي شيرت البرتقاليه على الكتف ولاه على حزت جيت عمي حسيت انا وقلت حق ابوي من فيه قال هذا عمك يامال الثور اها قلت أي ماقصرت ومن بعدها اختبصت عاد عمي الله يهديه عنده بنت ((خلوها مستوره )) ابي اطلع ابلبس شي زين ماقدرت محاصريني رجال يسار وحريم يمين واهلي وخواتي مشغولين ومالقيت الخبله الشغاله تودي القهوه ومسكها قلتلها جيبي ملابسي اللي هناك قالت زين وراحت وتركت التزهيب والقهوة <ذبحتني امي بعدها> ومالقت امي الا نت عمي قبالها وقالتلها اخذي الحلى واعطيه الشغاله عند الباب (((اللي هي انا عند الباب احتري الملابس ))) ولما جت انا مديت يدي على انه الخبله ولمى التفت زين لاني اشوف ذيك اللي ماعمري شفتها انا تجمدت ولزقت بمكاني نص دقيقه عجزت اتحرك وشكلي بالتي شيرت اللي على الكتف سامج بس انا شفتها واهي شافتني بذيك العصاقيل ((اتوقع انا الي محظوظ في الموقف ذا)) المهم بعد الوقت ذا انا تاقلمت شوي بس مع تصبب العرق وكلش اجتمع قلت برحب وقلت شخبار... ولاني ماشوف احد واعطي روحي طراق من بعدها وحقدت على الشغاله بس سمعت ضحك عاد حقدت بقوه عليها ولما جت (ياويلها) اعطيها ذيك الرفسه اللي بردت قلبي بس النذله اخذت الملابس وراحت عاد انا ياحيل الله اقوى رحت قعدت بين الرجال بملابسي العاديه واخوي مبسوط وقاهرني (بس خلص الباقي بايخ) عندي سالفه ثانيه بس اخاف تضحكون علي من جد لا بس هذي تكفي طويله



(4)

انا صار لي موقف مع ولد خالي كنت جالسه بالحديقه الا يدخل علي وكنت متحجبه بس جلست اناظره وهو يناظرني لمده (دقيقتين تقريبا )...بصراحه انحرجت وماحسيت بنفسي الا لما نادتني امي وقالت وشفيك واقفه ....وروووووووووووووح اركض وادخل وانا ميته من الاحراج



(5)

((وحده من قريباتي شافت ولد خالها ""زوجها الان"" وهي كانت لابسه كعب وجالسه تتمشى في الحوش

واول ماشافته طلعت الدرج تجري ولما وصلت لاعلى الدرج طرااااااااااااااااااااااااااااااخ زحلقت من الكعب

وطاحت... المسكينه كانت في موقف محرج خصوصا ان الولد كان يبغى يشوفها قبل مايخطبها رسمي




(6)

هذا موقف صار لها بالعطله وكان واحد من عيال خالتي ماشفناه من 4 سنوات
المهم ناداني اخوي للمقلط وكان فيه خوالي ورحت له وكان يبي اغراض جبت الاغراض وطلعت وشوي دق الثاني علي وقال جيبي لي الاغراض وتعالي مافيه احد غير خوالي يعني ادخلي على طول
جبت الاغراض وكنت رافعه التنوره وواصله لنص الساق والبلوزه ورديه كان شكلي ناعم بس فشله وادخل عليهم ولا القى عيال خالاتي توهم داخلين انا بعيده عن الباب واخواني يضحكون وخوالي يتفرجون
واحد من اللي دخلوا كان يضحك ولما شافني اختفت الضحكه بس بقت الابتسامه
والثاني منصدم والله شكلهم نكته
وانا موقادره اتحرك الى ان جت خالتي وجرتني وطلعتني وتقول عاجبتك الوقفه عندهم
والله اني انقهرت منهم




(7)

وحده تقول كنت جايه ركض ابي ادخل للصاله عارفين كيف ركضضضضضضضضضضضضضضضض
الا ولد عمي يبغى يطلع من الصاله يروح لمجلس الرجال




وهو كان مستعجل في مشيه بس مو ركض مثلي خخخخخخخخخخخ



واجيك طااااااااخ وجهي بوجهه حادث مؤلم خخخخخخخخخخخخ
واطيح على الارض من قوي الصدمه وهذا اخر شي اذكره ههههههههههههههه

دخت بعدها وماصحيت الا هو ولد عمي واخوي يغسلون وجهي بمويه بارد والدم يصب من خشمي خخخخخخخخخخخخخخخ احراج
واطالع فيه مستحيه
بس الحمدلله جت سليمه خخخخخخخخخخخ

ومره ثانيه مع نفسه ولد عمي صار لي موقف انا موفقه معاه خخخخخخخخخخ

دخلت على جدتي بالمجلس احسبها لحالها ومادريت انه موجود واسلم على جدتي والتفتت الا هو موجود ومن الفشله مو عارفه وش اسوي قمت سلمت عليه بس صافحته ههههههههههههههه زين اللي مابسته خخخخخخخخخخخخ




(8)

انا قبل الزواج مااذكر ان صار لي موقف بس الادنى اللي صار لي كان بعد ماتزوجت

اذكر في الصيف مو هذااللي قبله كنت توني متزوجه - يعني عروس جديده - خخخ المهم واهل زوجي طالعين على مزرعه وطبعن رحنا جميع وفيها بركه ووناسه ولازم نسبح وانا ماعندي مشاكل ابد المهم وانا اسبح صرت حسرانه << طلعت الفضاايح خخخخخخخخخخخ قمت رحت للحمام اعزكم الله واكيد بلبس السباحه ومبلله وحالتي حااااااااااله وانا طالعه ما وعيت الا ولدين بوجهي فجأه المشكله اني ما عرفهم لاني كنت توني ماتعرفت عليهم وابو الفشييييييييييييييله وركض ارجع ادخل << بس بعد ايش يا حسرة خخخخخخخخخخخخخخخ





(9)

دايما انا ولد خالتي نشوف بعض ودايم انا وياه نصقع في بعض عادي مرة لدرجت انه ماله داعي اغغطي عليه
بس الموقف الاكثر فشله
كنت عند بنت عمتى وكانت توها مرتبه غرفتها وانا طبعا لازم اتحرش كبيت علبت الالوان وطيحت الكتب من الطاوله عاد هي عصبت و قامت تركض وراي وان احط رجلي واركض وا روح الصاله ودخلت ونا مدري من فيه وهم يقلون ياولد وحنا مادرينا عنهم نضحك وتركض وراي وهم ياولد يوم استوعبت انه فيه رجل عمتى
المهم اني ما ركضت طبيعي لاني ركضت ريوس <<ركض على ورى لغير الناطقين باللغه الانغطالسيه
وكان شكلي تحفه وانا راجعه ريوس




(10)

وهذا موقف صار لي اختي

هي اصغر مني بسنه وكانت جاية بيت اهل زوجي متجمعين وبنات ووناسه عاد قلنا وش رايكم نروح للسوق << ياحبنا للسوقه خخخخخخخخخخخ

المهم نترجى احد من الاولاد يودينا وباليالله رضى ولد اخت زوجي وبعدين اختي والبنات كانوا يبون يلبسون عبيهم وماوعينا الا الولد قام يصارخ على اختي ويقول لها انتوا بس تبون تروحون للسوق كل اسبوع هذي حالتكم وووو... الخ عاد اختي مسكينه تصروعت طالعت فيه وبسرعه دخلت الغرفه لانها ماكانت متغطيه يوم استوعب انها مو اخته << يحسبها اخته لان ثنتيناتهم يلبسون نظارات قام تفشششششششل ولين اليوم يقول لاخته قولي لهذي البنت انا اسف ماكنت اقصد اصرخ بوجهها احسبها انتيي خخخخخخخخخخ << يعني هو تفشل اكثر منهااا





(11)

كنت بيت جدي وجالسه ألعب بلياردو في الصاله اللي برا المهم دخل ولد خالتي ما شفته لي 5سنوات عشان كذا ما أتكر ملامح وجه المهم دخل الاخ وجلس يناظر أنا ما انتبهت مندمجه المهم وجلس مده دخلت أمه لقته واقف قالتله وش تسوي هنا قالها لاأبد من هاذي (قوي وجه)انا التفت اخترعت لقيته وراي خلاص لو تشوفون وش صار وجهي ألوان قوس قزح ومستحيه ولاخ مطول يقول لا امه ما نيب طالع الاما تعلميني تخيلوا انا ما ني قادره اتحرك قاعده اسبه في دداخلي قالتله امه هاذي بنت خالتك قال هلا والله قال تصدقين يمه بنات خاله كبروا (يحسبنا صغار هو وجه مافي احد كبر الاهو) المهم قال من هي مايبي يطلع الاخ قالتله امه اطلع احرجت البنت المهم قال والله افكر لمن اكتشف من هي وانا احس بحراره بداخلي من الحياه يا قلبي المهم واطير على جوا وشوفو لمن عرفوا با القصه انواع الاستهبال والتنغيز الله لايعديدها ذاك اليوم






و بس هذي بعض المواقف الحلوه <<<<<<<<<< من كل بستان زهره

اتمنى إنكم استعتعوا و وسعتوا صدوركم

ترى مب زين أضحكوا معهم ولا عليم

و اتمنى إنكم تردون عالموضوع بمواقفكم

لا تستحوا عاااااااادي <<<<<<<<< خلك أيزي



مودتي و احترامي لكم