شكا قلبي ((منقول))

شكا قلبي

شكاقلبي من عنادك وطول الصد والهجران
وياليتك شعرت بلوعة أشواقي وإحساسي
كذا تبعد وتتركني متيم في الهوى ولهان
كذا تقسى علي وتغيب عني يابعد ناسي
رسول الشوق نادى لك حبيبي لاتصمم الآذان
ابي تسمع صدى صوتي وتقتل بالأمل يأسي
ابي لطفك يرافقني دوماً مو بعض الاحيان
أبي أرفع حبيبي فيك بين الملا رأسي
رسمتك لوحة في خافقي تزهى بك الألوان
كتبتك لين مل من لون حبري وجه قرطاسي
يعين الله كم هي صعبة الفرقا على الانسان
يعيش العمر في حسرة كبيرة دوم ويقاسي
ملكت الروح ياخلي وعشت بداخل الوجدان
لك الله صرت لي أقرب الى نفسي من أنفاسي
يمر الوقت لكن لا طريقة لي الى النسيان
نسيت أنساك,لا تعجب!!لا ني أذكرك ناسي؟
هويتك والهوى ما يرتوي من نبعه العطشان
شربت إمن الوله لين أشتكى من شفتي كاسي


منقووووووووووووووووووووول