للاوفياء فقط 000

بسم الله الرحمن الرحيم
1- ليت الزمن يرجع ورى واعرف الناس
................... عرف(ن) يبدّد من خفوقي ظلامه
2- واعرف من اللي خوّته ترفع الراس
.........................ومن خوّته بلشة تجر الندامه
3- واعرف من اللي صادق وكاذب احساس
................... ومنهو الوفي اللي وفى في كلامه
4- واعرف من اللي لاتضايقت ينحاس
......................واللي ليا من ضقت زاد الملامه
5- واعرف من اللي للوفا دوم نبراس
.......................ومن خان خلانه وسدّد سهامه
6- وياليت منهو عارف طيّب الساس
..................وياليت راع الطيب بوجهه علامة !
7- المشكلة لا من غشى العين عوماس
..........................ماعاد تعرف نورها من ظلامه
8- ومن عزني شلته على هامة الراس
..........................وحفظت قدره لين يوم القيامه
9- ومن باعني بعته مثل ساير الناس
.........................ونزل بوسط القلب عالي مقامه
10- ودام الوفاء لي دايم الدوم نبراس
....................... ماهمني غدر (ن) برى لي سهامه
11- وترى الوفاء ماهو كلام بقرطاس
............................اصل الوفا فعل يصدّق كلامه
12- وترى الوفا للخلق عزّ ونوماس
..........................يعطي جميع الخلق قدر وكرامه
13- مير البلا في وقتنا صار ينداس
..........................وخلوا الخيانه تعتلي فوق هامه
14- وياللي يدور ( ع ) الوفا بين ذالناس
............................يمكن تحصّل بعد يوم القيامه !


***

انتهت القصيدة

وكل عام وانتم الى الله احب واقرب .. وجعلنا الله وياكم من عتقائه من النار ..

اللهم امين

مير البلا في وقتنا صار ينداس
وخلوا الخيانه تعتلي فوق هامه

وياللي يدور ( ع ) الوفا بين ذالناس
يمكن تحصّل بعد يوم القيامه !

دلــــــــع

ابياتك قمة الروووعــــــــــــــــــــهـ

يعطيكي الف عااااافية


تحياتي
شرقاوية غير

يسلمو على المرور الحلووو

و شكرااااا