|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
04-26-2008, 03:37 PM
|
رقم المشاركة : 9 | |||||||||||
|
بانتظار الجديد منك
|
|||||||||||
|
|
04-26-2008, 08:00 PM
|
رقم المشاركة : 10 | |||||||||||
|
يسلمو ع المرور التكمله:
|
|||||||||||
|
|
|
04-26-2008, 08:02 PM
|
رقم المشاركة : 11 | |||||||||||
|
الجزء الثالث: بعدما خلصنا من الأكل كل واحد راح غرفته متعودين ننام لين ما يأذن العصر دخلت مرام الحمام .. وانا طحت على شبريتها .. شفت موبايلها خذيته ورحت عند الرسايل فتحتهم وتميت اقراهم .. قريت مسجاتي وتميت اضحك وصلت عند مسج عبيد أخوها بعدني ما فتحت وقلت أكيد طالب منها شيء فتحت وقريت المسج طلعت على الصواب .. وتميت اقرأ مسجات من رفيجاتها عجبني مسج من رفيجتها مسمتنها صديقة عمري وعرفت إنها رفيجتها مي .. حياة زوجتي كتاب مفتوح اعرف عنها كل شيء وهي مب من نوع اللي تخبي شيء او تسوي شيء يستاهل تخبي المهم بقولكم شو كان المسج: مرام اول ما برجع بي بيتكم مع ريلي وخلي ريلج يعلمه الرومانسيه عرفتوا ليش عجبني أكيد مرام تتكلم عني .. شفت مرام طالعه من الحمام .. وشافت موبايلها بيدها .. يلست حذالي وقالت لي: طرش مسج لعبيد وقوله خليت سويج السياره عند زبيده وما يخرب رقادي كتبت مثل ما قالت وطرشت له حطت راسها على صدري وضمتني بيدها .. قعدت ألعب بشعرها .. وفي سؤال في بالي من زمان بغيت اسألها: مرام ردت علي: ها منصور: انتي ما تاخذين في خاطرج يوم اجيك على تلفونج ردت: لو كنت تشوف بدافع الشك كنت بزعل بس انا اعرفك انته فضولي موبايل ربعك ما رحمتهم هههه حسيت في احد شد شعري ويوم صرخت تركني وطبعا كنت اضحك و وصلتني بوسه على الراس قلت له: غصبن عليك هههه ورجع يمط شعري مره ثانيه خخخخخ كله كان بالمصخره ما فيني رقاد حاولت ارقد بس ما فيني .. انشغل بالي بسالفه طلعت من غرفتي اشغل نفسي بشيء ثاني .. لقيت البيت فاضي .. بس لفتني ضحكات مرام ومنصور عرفت إنهم مب راقدين .. دقيت عليهم الباب .. سمعت صوت منصور: ادخلي دخلت ولقيت مرام راقده على صدر منصور وكانت تضحك اشرت علي ادخل واقعد شوق: سامحوني إذا خربت عليكم ردت علي مرام: حرام عليج حياج في أي وقت طالعت منصور بنص عين:يمكن انتي هيه بس ما اظنه منصور موافق رفسني بريوله: يعني مرام طيبه وانا لا ضحكت عليه: لا ما كنت اقصد بس قلت يمكن انت منصور اللي ينحط في الراس افتخر بعمره الأخ: عبالي بعد ضحكت عليه مرام .. بعدما شبعت ضحكت سألتني: ليش مب راقده مو كنتي تعبانه شوق: حاولت ارقد بس ما ياني شيء شاغل بالي غمزت لي: لايكون تحبين واحد طالعت منصور اللي متفاجأ ويتريا ردي: لا شو تقولين انتي (تفقطت الصراحه بس هذي مرام عليها لقافه مو طبيعيه تقول اللي في خاطرها) و زادت الطين بله يوم قالت: اعترفي عادي لا تخافين من منصور قمت من مكاني: احسن لي ارجع بدال هالإحراج صوت مرام وقفني وكانت تضحك: تعالي كنت امزح اعرف إنه ما عليج هالحركات تراج مب صايعه مثل اخوج ضحكت عليهم يوم منصور مط خدها بقووو كانت تصرخ من الألم يلست سألني منصور: شو اللي شاغل بالج رديت عليه: انتوا الأثنين: نحن؟! مرام: هيه بصراحه مستغربه كيف حبيتوا بعض .. اخوي لا تزعل مني بس وين مرام و وين انت شكله عصب: شو تقصدين مرام حلوه وانا خسف ضحكت عليه مرام: لا ما تقصد جذي ومنو قال إنك خسف بسم الله عليك انته ما في احلى منك مطت خشمه وهو تم يضحك مثل اليهال تفاجأت بدخول هاجر مب انا بس حتى منصور ومرام حتى منصور هزبها: بل ما تعرفين تستأذنين هاجر يلست حذالي: ضحكاتكم واصل لغرفتي قلت اشوف شو السالفه منصور: لا تبالغين وايد قاطعت منصور: ما عليك منها بس فيني فضول كيف عرفتها ونحن كلنا نعرف إنه أهل مرام ما كانوا راضين فيك أبدا ضحك منصور: كنتوا صغار ومحد يعرف بسالفتنا غير امي وسهى انتي كنتي تسمعين منا كم من كلمه هاجر: إنزين أنا ابى اعرف كيف مرام وافقت عليك شفت مرام قامت ويلست حذاله تبتسم له: خبرهم عن بلاويك قبل الزواج وهو بعد عدل من عمره وقعد حط اصبعه على حلجه وتم يضحك ما اقدر انسى هالشيء اول مره في حياتي شفتها يوم رحت بيت ربيعي حمد قاطعته هاجر: حمد خطيب سهى؟ رد عليها : هيه كان ربيعي في دوامي تعرفت عليه في اول يوم لي هناك .. وهو بعد كان له اول يوم فتعلقنا على بعض وصرنا رباعه هو ترك الدراسه عشان مب فالح فيه وانا تركت عشان اقدر اعيلكم من بعد المرحوم باست مرام على خده: دوومك اصيل كنت اطالعهم وانا مستانسه بس هجور الدفشه قاطعتهم: اوهو انتوا ما تملون تراكم ذبحتونا اشر علي منصور: طلعيها من هنا هجور شكلها تابت: لا لا خلاص من حقها اتوب نبى نعرف شيء عن علاقتهم رغم إنه مر 3 سنوات على زواجهم كمل كلامه منصور : إنزين رحت بيت ربيعي وهو بيته مجابل لبيتكم مرام إلا قولوا قصر هجور: شفنا تراه طالعها بنظرات وكمل كلامه: حرقت الهرن والأخ بعده ما طلع رغم إنه ابوه بعد قوم كباريه بس كان يحب يطلع معاي تعرفون عاد انا إنسان حبوب كلهم صرخوا عليه: كمل ضحكنا عليه وكمل كلامه: المهم وانا اتريا مليت والجو كان رهيب احتمال كان في أي وقت يطيح فبندت المكيف و نزلت الجامه .. لفتني صوت ضحكات يهال صديت صوبهم وشفتهم كانوا يراكضون ويلعبون البوابه كانت كبيره ومفتوحه .. فتفاجأت يوم شفت وحده كبيره بينهم كانت تلعب معاهم تاخذهم بين احضانها وتغدغهم وكانوا مستانسين على آخر لفتني المنظر وايد وتميت اطالع نسيت بالمره إنها ما كانت لابسه وقايتها اصلا هذي (ضربها على الراس) كيف لعبت معاهم والبوابه مفتوحه ردت عليه مرام: ما سويت حساب للبوابه كانوا ملانين فقلت اروح ألعبهم كرور واللي امسكه ادغدغه كمل منصور: نزلت من سيارتي عشان اقدر اشوفها عدل اول مره في حياتي حسيت بشعور غريب اطالعها وكنت اضحك مجرد ما كانت تضحك .. واول ما طاح المطر الكل تم يركض داخل .. وانا مب حاس بعمري تميت واقف في مكاني لين ما هزني حمد : إيه شو تسوي ادخل بسرعه دخلت سيارتي وحمد يطالعني مستغرب حمد: شو عندك واقف على المطر ما عرفت شو اقوله فخرطت من عندي: كنت اترياك ويوم مليت طلعت برع السياره تحركت بالي وعقلي وروحي وقلبي كله متعلق فيها ما بقى فيني شيء إلا وسلمت لها شوق:شو هذا كل هذا من اول نظره مرام: يوم تلتقين بشخص وتحسين بشعور ما قد حسيت بحياتج بتعرفين هو هذا الشخص اللي بكون شريك حياتج هاجر سألت سؤال بالنسبه لي كان سخيف: وأنتي حسيتي مثل ما حس هو اول ما شفتي رديت عليها: أكيد هيه بس تفاجأت بمنصور ومرام يردون علي: لا طالعوا بعض وتموا يضحكون .. أشر عليها منصور تكمل لنا مرام: لا .. أنا كان ما يخصني بسوالف الحب .. تربيت على هالشيء .. اخوي الكبير سيف ارتبط عن طريق ابوي .. واخوي الثاني فيصل كان يحب وحده بس ابوي ما وافق عليه وارتبط برحاب بنت عمي والحمدلله عايشين بسعاده بقيت أنا واخوي عبيد واختي ميثاء وانا حياتي كانت من الجامعه لبيت صح كنا من عائله كباريه بس يمنع منعا باتا البنات يطلعون مكان او يطلبون شيء اما إذا الرياييل إذا بغوا شيء يتنفذ في يوم من أيام وانا اتريا السايق برع الجامعه تفاجأت بأخوج وصارحني كل شيء من اول لقاء بينا والله يوم اتذكر شعوري كيف كان كله خوف من احد يشوفنا حتى ما كنت اسمع شيء شو يقول إلا يوم قال أنا ناوي اخطبج كلنا كنا نتريا تكمل بس منصور حط يده على حلجها وقال انا بكمل .. بعدت يده: إنزين كمل بس لاتخنقني منصور دزها وكمل القصه: قالت لي مستشفى المجانين من هنا و اتذكر إني تميت واقف في مكاني وهي ركبت السياره وراحت عني شوق: وشو سويت بعدين منصور: تميت اترياها يوميا تقريبا لمده شهرين وانا احاول اتفاهم معاها بس كلش ماشيء فايده مب حاسه فيني وصلته ضربه على كتفه من مرام:وين ... يوم ارجع البيت افكر فيك كنت اقول هذا صج يحبني ولا يبى يلعب علي اعطيه فرصه ولا لا احترت الصراحه لين ذاك اليوم اللي طاح فيه مطر بالقو اذكر إنه محد كان في البيت غير اليهال الي هم عيال فيصل و سيف وكانوا راقدين في غرفتي لأنهم كانوا خايفين من البرق والرعد وعبيد طلع مع ربعه اونه مغامرات في هالجوا امي وابوي كانوا في بيت يدتي .. وحريم اخواني مع اخواني كانوا طالعين .. واختي ميثاء راقده في غرفتها يالسه في غرفتي اقرأ روايه .. بس ما ادري في شيء كان ينغزني من داخل وكل خمس دقايق كنت اصد صوب الدريشه شوق: ليش؟ كملت :بيوصلج .. صبري تضايقت وقمت من مكاني قلت اتبع حدسي واروح صوب الدريشه فتحت الستاره وتفاجأت بشخص واقف برع البيت انخشيت ورا الستاره وكنت ميته من الخوف وتميت اطالع بالخش .. وعرفت هالشخص كان اخوج قاطعها منصور: قلت مايفيد معاها إلا إني اتم قاعد عند باب بيتهم ويصير إلي يصير شفتها لبست وقايتها وفتحت الدريشه أشرت علي شو تبى؟ رديت عليها : اباج انتي المسكينه خافت وانخشت .. بس بعدين طلعت هاجر قاطعتها: تلعبين غميضو معاه شو؟ مسكين اخوي شو سوى عشانج ذل عمره رد عليها منصور: حتى هي ما قصرت بعد ما حست بحبي كلمتت امها بالأول حطت مرام يدها على خدها: أذكر يتني صفعه حاره بس انا بعد هددت امي : إذا ما كلمت ابوي انا بكلمه ردت علي امي: جان تبين تموتين روحي كلمي وهذا ما صار إلا من بعد ما منصور ياء بيتنا اكثر من مره عشان يخطبني بس اهلي كل مره كانوا يرفضون عشان كان مب من مستوانا و مو من الاهل وإلخ ومره تجرأت ودخلت على ابوي كان يالس مع اخوي سيف يراجعون على الاوراق شكلهم بالعه ريجي وامشي بالبطيء من الخوف اللي فيني كلمت ابوي عن منصور إني احبه (كانت ترمس وتتطالع منصور) وما باخذ غيره وانا مستعده اعيش معاه وين ما بحطني هجور: أكيد وافق صح؟ ضحكت مرام : أنتي كل مره تسأليني عن العلامه الصغيرونه اللي على جبهتي وانا كنت اضحك وما ارد عليج بس اليوم برد عليج هذا من ضرب ابوي بعد ما سمع كلامي .. اذكر إنه ضربني ضرب كسر عظامي وآخر شيء فرني على الطاوله استوت هالعلامه لو ما اخوي جان مت من زمان ... حسيت ويه منصور تغير كأنه متلوم .. من جذي حط اصبعه على جرح مرام وباسه مرام ابتسمت: هذي علامة جوده حبنا هههه شوق: وبعدين مرام: ماشيء تميت في مستشفى أيام وكان اخوج يمر علي بالخش يعني يوم اهلي ما يكونون موجودين إلا عبيد فهو كان يساعده حاس فينا الحبيب يقعد معانا ويوم شاف كيف اخوج منصور صاح علي يوم شاف حالتي من هناك قرر يساعدنا ويوقف معاي رغم إنه كان صغير بس كان قوي ووقف معاي وفجأه مرام تمت تضحك من الخاطر استغربنا كلنا إلا منصور لانه كان يعرف هجور تمت تضرب الأرض: كملي اشرت على منصور يكمل وهي ناقعه من الضحك كمل منصور: عبيد طلع مب هين قالها تمثل إنها بتقتل نفسها شوي شوي باليوع إذا ما زوجوها في .. وكانت جدامهم بس ما تاكل وباليل عبيد كان ييب لها أكل بالخش .. وفي نهايه منو بيرضى يشوف بنته بها الحاله عمتي إلي هي امها ما قدرت تتحمل حالة بنتها وعمي ما قدرت يتحمل حالة حرمته وبنته و واقف علينا بالاخير تنهدت: وااااااااو قصتكم قصه الصراحه هاجر: وأنا أقول ليش ميتين على بعضكم جذي الحب يسوي كل هذا الحين عرفت منكم حطت مرام راسها على الموسده: الحب يسوي وايد اشياء منصور: وعقبال ما تلقون واحد يحبكم ويعزكم شوق: يا رب ألقى ريل مثلك ما ابى إلا مثلك دخيلك منصور دروني على مثلك منصور: ها شوق تخبلتي اشوفج واصلا ما بتلقين نفسي لأني نادر الوجود .. صح مرام ما ردت عليه لأنها نامت رغم إنه ما بقى شيء على آذان العصر من جذي لحفها منصور وطلعنا كلنا من الغرفه يوم بأذن قال بوعيها يتبعـ
|
|||||||||||
|
|
|
04-26-2008, 08:09 PM
|
رقم المشاركة : 12 | |||||||||||
|
تــ 3ــابـــع قمت إلا قولوا نقزت بسبب صوت العالي مصدره من سيد منصور كان يصرخ قرب إذني يلست افرك إذني ويوم شفت منصور قاعد يضحك علي .. خذيت الموسده وفريت عليه رجعت ارقد: سخيف فر علي الموسده وتقرب مني: صلاة يا كسوله تنهدت: صج اليوم ما رقدت عدل منصور: يعني اليوم بترقدين بوقت وإذا رقدي بوقت ما شيء طلعه اليوم قمت : وين بنطلع منصور: فكرت اعوض لج مال البارحه ونروح نتعشى تفاجأت يوم حطت يدها على إذونها وقالت لي: خرط خرط منصور اكبر خريط رحت صوبها عشان امسكها لكنها دخلت الحمام وصكت الباب دقيت عليها الباب عشان تتطلع لأني ابغي اتوضأ وألحق على الصلاه ما رضت عبالها بسوي فيها شيء رحت عنها وانا اسمع ضحكاتها داخل الحمام.. دخلت غرفت امي وتوضيت هناك ..ورحت بسرعه ألحق على صلاتي خلصت من الصلاه .. فكرت ارقد بس حسيت فشله نزلت اروح اسأل زبيده إذا عبيد مر وخذ السويج .. فقالت لي هيه طلبت منها تسوي فطاير إذا تقدر خاطري فيه .. والمسكينه ما ردتني .. يلست في الصاله مع هاجر و عمتي أما شوق فصلت ونامت كلمت هاجر: ها يا المريضه عيل يقولون راسج يعورج اليوم هاجر اشرت علي تباني اسكت أم منصور: هيه صح شو اخبار راسج ألحين هاجر: الحمدلله يوم شبعت رقاد خاز عني الصداع ام منصور: يالله الحمدلله هاجر تتطالعني وتضحك .. وأنا ضحكت معاها نزلت سهى من غرفتها فعلقت عليها: عاش من شافج يا الاميره ابتسمت ويلست حذاالي: عاشت ايامج بس انا وين رحت هاجر: 24 ساعه في غرفتج ما ادري شو عندها رديت على هاجر: أكيد تكلم حبيب القلب لاحظت على سهى تستحي . فحبيت ما اعايرها وايد دخل منصور .. وسلم علينا بعدما ردينا السلام تم واقف يدور على مكان يقعد المهم يكون حذالي ... فتعمد يختار يقعد بيني وبين هاجر حتى لو ماشي مكان خش بعمره هاجر تغصصت: يا دب قعد وجان تقوم هي وقعدت عند امها: امايه شوفيه كيف ميت عليها ردت عليها: خليه إنزين ولا تحسدينهم وايد رن تلفوني وكان عبيد رديت عليه: هلا عبيدان رد علي: هلا سيس (اختصار لكمله سيستر) أنتي وين ترى الاهل وايد يسألون عنج مرام: هه انا موجوده واهلك اسبوع اللي طاف مريت عليهم رد علي: هذي ميثانه ملعوزه فيني تقولي اتصل فيها مشتاقه اونها مرام: وينها عطني أكلمها عبيد: لحظه سمعت صوت ميثاء وشكلها صج متوله علي: حيــــــــــاااااتي وينج حتى اللي حولي سمعوا وتموا يضحكون عليها مرام: حبيبتي انا هنا انتي شو اخبارج كسرت خاطري: اختاه البيت ملل مري علي مع حمياتج على الأقل اتونسوني شكله منصور سمعها فطلب مني اقولها: حياتي خلاص منصور حن عليج وقال بطلعنا كلنا اليوم ألو ألو ألو سمعت صوت عبيد:شو قلتي لها مرام: ههه ليش شو صار فيها عبيد: قامت تنقز مثل الميانين مرام:خخخخ إنزين امي وابوي وينهم شو اخبارهم علق علي: ليش أنتي ما تشوفين امج في المدرسه مرام: لا اليوم ما شفتها عبيد: بخير وإذا بتسأليني عن سيف وفيصل فكلهم بخير مع حريمهم مرام: هههه خايف على رصيدك شو إنزين مب مطوله عليك قول لميثاء بنمر عليها بعد العشاء عبيد: وابوي مرام: بتصل في وبكلمه عبيد: اوجي قبل لا يصكر كلمته: سيارتي لا تنساها ترجعها عبيد: تركت لج سيارتي مرام: بس أنا .. صكر قبل لا أكمل كلامي كنت بقوله ما اقدر على سيارته كبيره وانا متعوده على سيارتي هونداي ازيرا مب مشكله باخذ سيارة حياتي بي إم ... الجزء الرابع: حسيت إنه الجو مب ملائم عشان اكلم الزعيم اقصد ابوي لو إنه كبر في سن بس بعد يخوف .. فقمت من عندهم وقبل لا أتحرك سألني منصور: وين؟ كنت برد بس هجور ردت عليه: خلها يا اخي مب شارده مكان يوم شافت امها اطالعها بعتب سكتت ابتسمت ورديت عليه: بكلم ابوي عشان استأذن منه منصور: وليش تستأذنين ترى انتي حرمتي ألحين صديت صوب عمتي: عمو تصدقين مرات ولدج يكون عليه ذكاء مب طبيعي ضحكت عمو لأنها كانت عارفه إني كنت اعيب عليه طالعته: يا حبيبي كنت اقصد استأذن لميثاء مو لي هـز راسه: أيــــــــــــــــــــوا وعشان ما يتفشل خله عمره كان يعرف: كنت اعرف بس بغيت احرق اعصابج مشيت السالفه معاه: هيه صح رحت بعيد عنهم وخذيت نفس عميق قبل لا ادق لأبوي دقيت دقيت ودقيت لين ما رد علي:السلام عليكم أبوي سمعت ضحكه فأستغربت ابوي يضحك غريبه فقلت مستغربه: هذا رقم صالح محمد زادت الضحكه و هالمره كلمني: مستغربه إنه ابوي ضحك ضحكت معاه لأني عرفت صوت منو: سيفووووو عصب علي: تشوفني أصغر عيالج شو؟ عضيت شفتي: اوبس سوري مستر سيف شكله عجبه: جذي زين اخبارج بعد مرام:انا بخير انته اخبارك واخبار طيف وعيالكم سيف: انا الحمدلله بخير بس طيف وعيالي زعلانين منج ما مريتي عليهم مرام: افا بس كله ولا عيالك أما طيف عادي خلها تزعل هههه يدافع عنها اونه: إيه عاد حدج ما عندج معزه لمرتي مرام: كنت اتمصخر حرمتك على العين والراس سيف: عساج مرتاحه رديت عليه: واااااااااااااااايد منصور ابدا مب مقصر فيني سيف: يالله الحمدلله بغيتي شيء من ابوي مرام: هيه بغيت استأذن منه اليوم نحن طالعين فحبيت اشل معاي ميثو سيف: هذوا ابوي تو وصل كلمي يوم سمعت صوت ابوي حسيت برجفه : السلام عليكم ابوي رد علي بجديه كعادته: وعليكم السلام مرام: عساك بخير ابوي؟ رد علي: الحمدلله بخير شو بصير فيني يعني ولا سمعتي عني شيء عادي تعودت على رده :الله لا يقول إن شاءالله دووم اتم في صحه وعافيه ابوي: بغيتي شيء مرام: بغيت استأذن منك بشل معاي ميثاء بنطلع نتمشى ابوي: زين يوم تذكرتيها ماشيء فايده ارد عليه فخله يعاتبني قدما يريد أهم شيء في نهايه سمح ميثاء تطلع معاي بعدما صكرت من عنده .. ارتحت اتصلت على البيت ردت علي ميثانه وخبرته إنه ابوي وافق وبعدين ما سمعت لها حس شكلها تخبلت مره ثانيه لو تلاحظون ولا احد من اهلي يسالني عن منصور .. إلا عبيد غير عنهم وميثو بعد عادي معاه ... من جذي منصور يوصلني لبيتنا بس ما يحب يتم هناك وايد وانا ما يهون علي ريلي سيف وفيصل هم عاديين معاه لكني عمري ما سمعتهم يعايرون منصور مثل ابوي كل ما يشوفه يعاره وحبيبي يبتسم ويتحمل .. يالله تعمر الحب اللي بينا والله إني اموووت فيه محد طلعني من خيالي غيره يوم ضربني على كتفي بس بالخفيف : تفكرين في منو؟ حطيت راسي على صدره: عندي أحد غيره افكر فيه غيرك أنته شكله عجبه كلامي تم يمسح على شعري وفجأه مطه على الخفيف بس حسيت بألم .. مط شعري وركض اعدل شعري واتحرطم: منصوري ألحين بوريك ركضت صوبه وانا اضحك بعد الصلاة العشا هجور دخلت حجرتي تبى مكياجي اونها .. فقلت لها: كل اللي عندي ملك لج ردت علي: مشكوره أعرف إنج ما تقصرين بس خليني آخذهم قبل لا يوصل ريلج الزطي تفاجأت يوم سمعت صوت اخوي من وراي: منو الزطي ابتسمت له وعلبة المكياج بيدي: محد كنت اقصد راعي الدكان تقرب صوبي: بس انتي قلتي ريلج وانا ما أحيد ريلها يشتغل راعي الدكان شفت مرام تضحك علينا وفي نفس الوقت غمزت لها .. تعجبني يوم تفهمني .. قامت وانقذتني من أخوي مرام بدلع: منصوري تعال اختار لي بدله ما اعرف شو ألبس مسكت يده وسحبته عند الكبت والحبيب صدق وقعد يختار لها بدله .. شفتها تضحك لي وتطلب مني اطلع .. وزعت لها بوسه من بعيد وطلعت من غرفتهم ... نعم الأختيار يا أخوي .. عرفت تختار .. ما اكذب عليكم صح يوم تزوج منصور كنت صغيره بس مب لدرجه إني ما كنت افهم شيء .. اول ما عرفت اخوي بيتزوج خفت كيف بتكون حرمته خفت تفرقنا عن اخونا الوحيد ما لنا غيره .. توفى ابوي ووتحمل مسؤوليتنا .. عمره لا ضربنا ولا رفع صوته بس فيه عاده تقهرني يوم يمط شعرنا حتى حرمته ما سلمت منه ههههه ... يالله بروح أكشخ حاطه يدي على ذقني واشوف اختيارات ريلي .. يختار لي قميص غير عن التنوره .. وعلى كل 5 دقايق يغير رايه عيزت منه جان اقوم وبعديته من الكبت: مشكور وايد كلفت على نفسك طلعت لي بدله قميص ابيض على تنوره ورديه بس فاتحه ... حطيته على الشبريه وقلت له: هذا يسمونه ذوووق رد علي بكل غرور: لا تعلمين اهل الذوق شو معنى الذوق تقربت منه وطالعته بسخريه: والله مط ذراعي ولواه تميت اصرخ : منصور منصور قالي وهو يضحك: لو ما عندي ذوق جان ما اخترتج صح .. قولي صح هزيت راسي هيه من الألم ترك يدي .. وانا بعد ما تركته خذيت الموسده وتميت اضربه .. واضربه .. وهو يحاول يحمي راسه بيده ويضاحك الحبيب صار لي 10 دقايق وانا اتريا الأميرات ينزلن ... الحمدلله اول وحده نزلت شوق .. اما هجور وحرمتي بعدهم .. قلته لها إن السياره شغاله .. فراحت صوب السياره .. شفت امي لابسه عباتها فسألتها: أمايه بتروحين معانا ردت علي:انا شو دخلني بينكم أنا واختك سهى بنروح مع ام طلال عزيمه مسوين طالعتها بنص عين: امايه وايد صرتي تحوطين تفاجأت يوم قعدت تضربني بس كان بالمصخره وانا اقولها: امايه عصمتي بتخترب سمعت صوت حياتي تقول:ضربي بعد أكثر السخيف لوى ذراعي ولين ألحين يعورني مطت إذني تقولي: تضرب بنت الناس حاولت ادافع عن نفسي: هي اللي بدت تركت إذني: صج إنكم يهال هجور ادخلت: من زمان بست راس امي وسحبتهم الإثنين على السياره من ركبت السياره وأنا ألاحظ اخوي يطالع مرام بنظرات حب ويوم تصد صوبه يغير نظراته .. ما ادري ليش ما كان يباها تعرف . سمعتها تقول مرام: هجوري وين السيدي مال أغاني رديت عليها: وييي نسيته في البيت ردت علي:مو منج فايده وصلنا بيت مرام .. رغم إني أكثر من مره دخلته بس بعدني اتخبل عليه يوم أشوفه .. واتمنى لو كان بيتنا بس الحمدلله على كل حال ... دق اخوي هرن طلعت ميثاء وركبت السياره سملت علينا: السلام عليكم ردينا السلام عليها من ويها كان باين عليها الفرحه شكلها من زمان مب طالعه ... قعدت اسولف معاها رغم إنه نحن مب لها زود مع بعض ... بس يعجبني شيء واحد إنها يوم تكون معانا تاخذ حريتها في كلام تسولف مع منصور أكثر عنا وفيها خفة دم مثل أختها ... كل ما اشوفهم يسولفون مع بعض جذي استانس وادعي من كل قلبي يتمون على هالحال للأبد .. يا رب ترزقني بحياه مثلهم انقطع حبل افكاري يوم سمعت هجور وميثاء يصرخون فرحنات يوم شافوا منصور وين يايبنهم لأنا من ركبنا ونحن مب عارفين وين بنروح و آخر شيء طلع سكي دبي ما ادري شو عاجبنهم فيه لأني اموت من البرد فيه .. بس يالله دامني معاهم بنسى البرد وما فيه بعدما بركن منصور سمعته يقول : يالله إنزلوا ميثاء وهجور قبل لا ينزلوا طالعوا نفسهم على المنظره اللي ما تفارق هاجر يوم تتطلع مكان فقلت اتريا مرام ومنصور ينزلون .. بس منصور بعد انشغل يعدل عصمته في المنظره .. ويوم شفت مرام نزلت نزلت معاها ... شافتني مرام: ما شااءلله محلوه رديت عليها: وين أنتي طالعه احلى وحده من بينا دزتني بكتفها: عاد قلنا انا حرمة اخوج بس مو تمدحيني 24 ساعه لا تخافين مو مخبره اخوج إذا حشيتي عني ضحكت على كلامها ورديت عليها: إذا مو مصدقتني أسألي منصور اللي كان على كل 5 دقايق كان يطالعج بالخش طالعتني مستغربه: والله كانت بتكمل بس يوم سمعت صوت منصور يقول لنا: يالله سكتت .. لاحظت إنه اختي وايد مستانسه مع منصور .. وتحمدت ربي ماسكين يد بعض ويضاحكون فقلت اعلق عليهم ميثاء: بصراحه انتوا مسكتين علينا متكشخين على الآخر وفوقه مب راضين تهدون يد بعض ولا بعد رومانسيتكم واصله حدها رد علي منصور: تذكريني بوحده كله تحسدنا عافنا الله فهمت كان يقصد منو وتميت اضحك قص لنا التذاكر و اول ما دشينا نسينا نفسنا انا وهجوري وميثاء بروحنا .. ومنصور مع اختي بروحهم ارتحت يوم طلعوني من السجن ... خخخ كنت واقف ... و مرام كانت معاي بس ما ادري متى قدرت تاخذ ثلج وتخشهم داخل كندروتي .. صج إني تميت اتحرقص وحبي تمت تضحك علي .. وانا بعد قلت مب ساكت إلأ أرد عليها ... خذيت كمية ثلج وركضت وراها ... والله إنه نسينا نحن متزوجين ولازم نتصرف بعقلانيه اللي يشوفنا يقول عاشقين مو متزوجين .. او أجانب من دوله ثانيه يوم شافت نفسها انحبست ماشيء مكان تركض فيها تمت تترجاني بس انا بعد ما خليتها رحت وسبحتها بالثلج والله إني ما كنت اعرف كانت تضحك ولا تصرخ اللي اتذكره قضينا وقت وايد حلوه بعدين كلنا تجمعنا وسوينا لنا قلب كبير من الثلج ... مره ميثه وهجور يقعدون داخل ونصورهم ومره ثلاثتهم مع بعض مسكت بيد مرام وخذيتها داخل القلب صورتنا شوق .. وشوي طلبت من الأجنبيه تصورنا ... كلنا طلعنا من سكي ورحنا نتعشى .. كان خاطري اوديهم مطعم بس مرام ما رضت .. طلبنا لنا سندويشات ومشاوي واكثر وحده طلبت هجور ما عليها بطن الصراحه المهم بعدين خذيتهم صوب الممزر .. ميثاء: هذا اليوم ما بقدر انساه مرام:ليش مو اول مره تطلعين معانا ميثاء: بس اليوم كان أحلى طلعه في حياتي مرام: هههه هاجر: زين منه تكرم وقال بطلعنا دافعت عني مرام: حرام عليج أخوج ابدا ما يقصر فينا شوق: صدقها مرام نحن ما نقوله طلعنا هو المسكين بنفسه يتكرم ويطلعنا حطت ميثاء يدها على خصرها: لا تغلطين على اخوي ما ارضى الصراحه هجور: خلاص خلاص كليتوني كلنا ضحكنا عليها ... رن تلفوني وكان عبيد المتصل سألني عن مكانا ودليته .. كان ناوي يشاركنا يوم وصل طاحت فيه ميثاء: توه الناس رد عليها: ما يخصج طلعت مرام سندويج من الجيس وعطته قعد يمدحها: تعلمي شيء منها يالملسونه شاركته: مشكله بعد البنات يوم يكونون آخر العنقود لسانهم متبري منهم ردت علي ميثاء بعتب : ما علي خله أحد يدافع عنك ضحكنا عليها بس راضيتها بكم كلمه طلبت من ميثاء وهجور نروح نتمشى لأني ما كنت مرتاحه من نظرات عبيد لي ... حسيت إنها تبى تتهرب مني .. يا اخي تعجبني .. يوم شفتها تمشي طلبت من الكساله يشمون معاي عبيد: يا الكساله قوموا خلونا نشمي ردت علي مرام: محد كسول غيرك ورد علي منصور: تسبني انا عادي بس تسب حرمتي لا انحنيت له: اشهد إنك تحبها خلاص سامحني بابا ضحكوا علي ورحنا نمشي حسيت إني صج تعبانه ومن غير باجر وراي دوام بس قلت ما بقول شيء حرام اخرب وناستهم .. بس شكله منصور حس فيني .. منصور: يالله خلونا نرجع حرمتي وراها دوام وانتوا وراكم مدارس شكلهم اقتنعوا لأنه ردة فعلهم كانت عاديه عبيد حب يسهل علينا وقال هو بوصل ميثاء البيت وقفت ميثاء قبل لا تركب السياره: ميثو كلمتي امي عن نقلج لمدرستنا بترتاحين هناك هجور وشوق ميثاء: كلمتها وقالتي بتشوف والله يعلم كم بياخذ شوفتها صارت ما تبين وايد كل يوم في بيت أحدمن رفيجاتها حسيت فيها فقلت لها: متى ما تبين مري علي ولا تخافين من شيء اتصلي فيني إذا بغيتي أي شيء طلعت لها بيزات وعطيتها .. اول شيء قالت لي ما تباه بس انا اصريت تاخذه إلا وشوي طب علي عبيد: وانا قلت له: وانت شو رد عبيد: ابوج بخيل ما يعطيني وايد ويخلص كله على متطلبات الكليه طالعته وبنبره سخريه: إلا يقول ألحين يطلبون منك تشتري لهم اغراض (سألته): كم تبى؟ تم يضحك : 500 عايرته: وايد صاير طماع (طلعت 500 وعطيته) ماخذ سيارتي عشان ما تكلف عليك بترول قد ما تكلف سيارتك صح؟ ما رد علي ركب السياره ... اكتفه بالابتسامه بس ركبت انا بعد السياره وتحركنا مع بعض ... بس على جدام تفرقنا عبيد راح سيده ونحن لفينا صج كنت حاسه بالتعب ما رقدت عدل اليوم .. حطيت راسي على كتف منصور وغمضت عيني .. سمعت همس هجور وكانت تضحك بس ما همني اهم شيء ارتاح شوي قرب حبيبي ما صدقت إنه وصلنا البيت .. نزلت من السياره وسيدا على الحمام ... قعدت افرك غسول الويه على ويهي .. فغمضت عيني وانا اغسله .. يوم فتحته تفاجات بمنصور وراي .. سألني: خفتي رديت عليه: هيه يا جني كملت اغسل ويهي و هو خذ له فرشاة معجون ... اضحك عليه يوم اشوفه يسوي فرشاه معجون أحسه ياهل وهالشي يزيد حبي له .. دزني عشان يتمضمض وهو استغرب إنه ما رديت عليه وما يعرف إني كنت اتريا وقت مناسب .. يوم شفته انشغل يفرك ضرسه بالفرشاه شليت ماي بيدي ورشيت على ويه .. تفاجأ لكني ما عطيته فرصه يسوي فيني شيء ركضت برع الحمام ... لبست جلابيه وطحت على الشبريه ما حسيت بعمري متى رقدت المهم ابغي ارتاح وبس طلعت من الحمام وكنت ناوي اخيسها بالماي بس يوم شفتها راقده سابع نومها هونت ما هانت علي .. سمعت صوت برع مصده من الصاله طلعت من غرفتي ولقيت قوم امي توهم واصلين مسيت عليها ورحت انام ... وما قمت إلا على صوت مرام توعيني حق الصلاه .. دخلت الحمام وهي راحت توعي اهلي .. الله يجازيها بكل خير فتحت باب عشان اطلع شفتها جدامي رغم إنها نعسانه بس كانت تبتسم لي مطيت خشمها ورحت عنها ... رجعت من الصلاه واستغربت يوم ما شفتها في الغرفه .. رحت ادور عليها .. كنت بدخل غرف اخواتي بس لقيت غرفهم مظلمه يعني أكيد راقادت سمعت صوت ضحكات من تحت ... يوم صديت لقيتها هي و امي شكلهم طالعين من المطبخ ومرام بيدها كوب ماي ... وقبل لا تركب تركت الكوب على الطاوله ما قدرت اخرب عليهم ضحكتهم .. امي وايد مرتاحه من مرام ما حسوا بوجودي إلا من بعد من ركبوا الدري بس قبل لا يركبون سمعتهم يتكلمون عن العزيمه اللي راحته امي انتبهوا علي فعلقت امي من قدها تعرف تعلق بعد: مجنون ليلى شو يسوي برع غرفته غطت مرام ضحكتها بيدها وانا فاج عيني اطالع امي حطت يدها فوق شعري: روح ارقد و خل حرمتك ترقد وراها دوام راحت امي الغرفه وكانت تضحك علي .. عاد مرام لقتها فرصه تعلق : سمعت خلني ارقد مو تسمعني نكتك اللي ما تضحك تقربت صوبها وهي رجعت لورا حسيت إنها بطيح بس انا مسكتها وتفاجأت يوم شليتها .. وتمينا نضاحك ونحن داخلين  يالله وروني ردودكم
|
|||||||||||
|
|
|
04-28-2008, 11:37 AM
|
رقم المشاركة : 13 | |||||||||||
|
مع انو ما في ردود لكن حاكمل
|
|||||||||||
|
|
|
04-28-2008, 11:38 AM
|
رقم المشاركة : 14 | |||||||||||
|
تــ 4 ــابـــع قبل لا أطلع من الغرفه تركت ملاحظه لمنصور: منصور باخذ سيارتك وانته خذ الرنج مال عبيدان تعرف إني ما اقدر عليه .اوجي حبيبي وحطيت فوقه سويج السياره وطلعت من الغرفه ... وكالعادتها عمو تكون واعيه .. تطمن علينا لين ما نروح وبعدين تروح ترقد .. أوه ما قلت لكم هالمره الكسوله هجور معانا تراها تدرس في نفس المدرسه وهي في صف ثاني ثانوي مثل اختي ميثو .. بس ميثو في مدرسه ثانيه ولا كان اكتملت العايله هالمره وصلنا بوقت .. هجور وشوق راحوا على صفوفهم .. وانا حبيت اسلم على امي .. ما شفتها البارحه استاذنت قبل لا ادخل وهي عرفت إني انا لأنه الباب عاكس يعني هي تشوفني هيه انا اشوفها لا دخلت وانا ابتسم لها سلمت عليها: السلام عليكم ردت علي: وعليكم السلام حسيت إني اشتقت لها فرحت وبست راسها عاتبتني:مرام أكثر من مره قلت لج نحن في المدرسه ما اهتميت لعتبها ولويتها: بس انا اشتقت لج امي في المدرسه تكون شديد بس في البيت تكون حنون معاي .. فيوم لويتها ما قالت لي شيء دخلت علينا الوكيله وضحكت يوم شافتني ملتويه على امي وحسيت إنه امي عصبت فأبتعدت عنها سلمت على الوكيله وطلعت من الغرفه ... رحت غرفة المدرسات وانا كلي حماس .. شفت باقة ورد على الطاوله .. فسألت المعلمات بعدما سلمت عليهم مرام:منو اللي ياب لي هالباقه منيره: بنت قبل شوي دخلت وحطته لج على الطاوله حسيت إني عصبت من الحركه وكان الغضب واضح بويهي سكت وما اهتميت للباقه بس سعاد ما خلتني في حالي: ما بتقرين شو كاتبه رديت عليها: ما يهمني واللي يابته لي بخلها تشل بيدها حسيت إنهم استغربوا من ردة فعلي .. بس انا ما احب يوم الطالبات يبون لي هدايا وبعدين بقولون لي سهلت عليهم وما اعرف شو ما فيني على المشاكل هذي ثاني سنه لي في المدرسه وما قد احد اشتكى علي وانا اتمنى احافظ على سمعتي شو ما يصير .. دق الجرس .. ما اهتميت لانه اليوم ما عندي غير حصتين الثالثه و الخامسه ... الكل راح ومحد تم معاي غير منيره و هدى معلمة جغرافيا فتمينا نسولف في اشياء عاديه .. ما قدرت اركز عدل ... وانا افكر بنظرات عبيد .. ويوم قلت بنروح نتمشى قال هو بعد يبى يتمشى .. اكثر من مره شفته بس عمري ما لاحظت عليه غير البارحه ... آخر مره شفته قبل شهر والبارحه ما ركزت عليه إلا بعدما لاحظت نظراته .. صدق ملامح ويه قريب من ملامح مرام ... عاد كله ولا ***وكته .. ضحكت على عمري وما حسيت بنفسي إلا يوم لاحظت حصه تتطالعني وتأشر علي بحواجبها : وش فيني رديت عليها بصوت واطي: ما فيني شيء طلبت مني اركز على الشرح .. اتفشلت الصراحه في أحد عند لصق ولا صمغ ويلصق حلج البنت اللي حذالي وايد ترمس ابغي افهم المعلمه شو تقول بس هذي مب راضيه تسكت تسألني أونها: هجور ليش غايبه البارحه رديت عليها وعيني على الأبله : راسي كان يعورني ردت علي: حظج اهلج يخلونج تغيبين طالعتها بنظرات شكلها ما فهمت بس انا كان قصدي كلش مب متفيجه لج فيني طبع إذا غبت في يوم الثاني اركز اكثر ... تقدرون تقولون اريح مخي من الضغط وبعدين ارجع لطاقتي المهم هي تمت ترطن وانا سويت لها طاف وانتبهت لشرح المعلمه سمعت صوت سهى توعيني: منصور منصور وانا قعد اتقلب على الفراش ردت توعيني: منصور امي تباك توصلها السوق تشتري اغراض البيت ما فهمت شيء بس فوق هذا رديت عليها: زين زين طلعت من الغرفه ورقد مره ثانيه وبشوي دخلت علي امي و وعتني .. طار الرقاد من عيني .. قمت ومشيت بالكسل صوب الحمام .. طلعت من الحمام ورحت صوب التسريحه شفت ورقه شليته وقريته .. بعدما قريته شليته وحطيته في صندوق من تزوجت مرام وهي متعوده تكتب لي ملاحظات مثل هذا وانا تعودت إني ما افرهم اخشهم في الصندوق ولين هاليوم مرام ما تعرف عن حركتي هذي تلبست ونزلت تحت .. طلعت مع امي واصريت على سهى تروح معانا شو تسوي تقعد في البيت لحالها وفي السياره امي كلمتني عن حمد إنه طول في الخطبه ... انا اشوف سهى على المنظره ورديت على امي: بكلمه اليوم وحليلها استحت ... وصلنا الجمعيه .. فضلت اترياهم في السياره ... وخطر في بالي اتصل على مرام ... لكنها ما ردت علي اعرفها ما تحب تتكلم يوم تكون في دوامها بس قلت احاول يوم شفت اهلي طولت قلت فرصه اكلم حمد اتصلت فيه وتم يعاتبني إني قطعته ونسيته ... قعدنا نسولف تقريبا ساعه وفي نهاية سألته متى ناوي يملج وارتحت يوم قال يوم بنزل بكلم اهلي ... طالعت ساعتي وانا في خاطري تأخروا وايد ناويين يشترون الجمعيه كامله شكلهم .. المهم قعدت اسولف مع حمد لين ما يخلصون اهلي ... دخلت علي الفراشه وبيدها ورقه عطتني .. قريته وتغصصت سألتني منيره : شو فيج رديت عليها بملل: بكون معلمة الأحتياط على صف اول ثانوي 4 منيره: الحمدلله ما اختاروني رديت عليها وفي خاطري هذي تستهبل شو: أكيد ما بختارونج انتي عندج حصه ألحين سألتني : ليش هو في أي حصه رديت عليها: الثانيه وفي نفس الوقت رن الجرس ... قامت ولحقت على حصتها .. أما أنا فشليت بعمري ورحت لصف اول ثانوي ... سكتوا اول ما شافوني كأنهم شايفين شبح ... بس وحده منهم تكلمت: انتي ابله مرام يلست على الكرسي: هيه سمعتهم يهمسون وانا مستغربه .. بس ما اهتميت لين ما سألتني البنت مره ثانيه: أبله بدرسينا إذا رحنا ثاني ثانوي رديت عليها: لا أنا ادرس ثالث ثانوي ألحين حسيت إنها انحبطت فحبيت اغير عليهم الجو: فإذا بخاطركم شيء سو .. خذو راحتكم وحده قزمه (عجبني طولها) سألتني:عادي نسولف رديت عليها: هيه خذوا راحتكم استـــــــــــــــــانســــــــــــــــــــوا طلعت موبايلي .. وشفت مكالمه لم يرد عليها كنت محولتنه على صامت والمكالمه من طاش ما طاش ... كان خاطري أكلمه بس الوضع ما يساعد فهونت وقعدت ألعب على لعبه نزلته من النت 5 اخيرا ترحموا علي أهلي وخلصوا .. نزلت من السياره وفتحت الدبه .. ساعدت الهندي نحطي الاغراض في الدبه و ركبت الرنج .. سمعت وايد هرنات أكيد يحسبوني عبيد كنت ارد عليهم عن يقولون عن عبيد متكبر طلبت امي مني اروح الخياط بتيب ملابسها ... يفداها كم ام عندي يعني ... نزلت من السياره وبقت سهى وقلت اكلمها عن حمد منصور: سهى حمد قال بكلم اهله يوم بيرجع اكتفت بالإبتسامه لأنها مستحيه رجعنا لسكوتنا .. بس سهى قاطعت السكوت بسؤالها: منصور ؟ رديت عليها: ها؟ استغربت من سؤالها ما احيدها جريئه جذي: شو سر نجاح زواجكم ؟ ابتسمت ورديت عليها: الحب ونحن متافهمين وإن زعل أي احد منا ما نطول لا في زعل ولا في نراضي بعض مثلا امسات كانت مرام زعلانه مني .. صح إنها رضت علي بس انا بعد حبيت اراضيها بنفسي .. قالت بنبره خوف: أخاف حياتنا ما تكون مثلكم صديت ورا عشان اشوفها: لا تخافين حمد ريال ما ينعاب عليه واهله وايد طيبين وإن شاءالله حياتكم بتكون احسن واحلى منا شفت الراحه على ويها فأرتحت ... صديت جدام يوم شفت امي راكبه وقاعده تتنازع: صج مو منهم فايده من متى عاطتنهم وبعدهم ما خلصوا يوم دخلت الكلاس سلمت عليهم وردوا علي السلام .. ما سويت لهم سالفه وحسوا إني معصبه فسألتني نبيله: ابله ما عجبج الباقه طالعتها بنظرات غضب: زين يوم قلتي ... نبيله انا ما احب هالتصرف ما احب أي طالبه تعطيني هدايا ... احترموا العلاقه اللي بينا ولا بتشوفون اسلوب ثاني معاكم ويوم بينتهي الحصه تعالي الغرفه وشليه حسيت إنها شو ي وبتصيح فكسرت خاطري .. لاحظت على نظراتهم كانوا مستغربين يمكن لأنهم اول مره يشوفني معصبه جذي حبيت اخفف على الجو فضحكت وقلت لنبيله: خذي الباقه وخلي عندج ويوم بتتخرجين عطيني إن شاءالله حتى لو عفن بس ألحين لا .. عشان ما يطلعون علينا كلام شكلها فهمت قصدي من جذي ابتسمت: إن شاءالله ورجع الجو الصف يتعدل شوي شوي وكملت الدرس معاهم انتهت الحصه الثالثه .. كنت بظهر بس شوق اشرت علي تترياها شوق تكلم حصه: تعالي معانا حصه: عادي يعني شوق: اكيد عادي انتي ما تشوفين البنات كيف يجمعون حولينا حصه: هيه شوق: خلاص عيل قومي يالله دخلت غرفة المعلمات وطلبت من شوق وحصه يتريوني برع ... سألتني نوره : اقول مرام أي وحده فيهم حميتج اشرت على شوق: هذي نوره: هيه هذي شوق مرام: طلعتي ذكيه ضحكنا انا هي .. وبعدين طلعت من عندهم ... تمشينا نحن الثلاثه وطلبنا لنا .. وبشوي شاركتنا هاجر وكانت تتحرطم على معلمتها هاجر: مب فاهمه شيء في الرياضيات سألتها: وليش ما تقولين لها ؟ هاجر: ما فينا على حشرتها اخاف تسوي لي سالفه حصه كلمتني: أبله ليش ما تكلمينها ترى وايدين يشتكون منها مرام: اخاف ادخل وتفهمني غلط بس أنا بحاول اسوي شيء في الموضوع وشوي تجمعوا البنات فغيرنا السالفه وقعدنا نسولف في أمور منوعه ... بعدما لفت في امي لف ... قعد في الصاله تميت ألف على القنوات .. ولفتني مصارعه الحره .. بس شكله كان مال أول .. المهم من الملل قعدت اطالعه ... متى غفلت ما حسيت بعمري .. بس حلمت إني كنت اسمع صوت صياح ياهل لكني ما كنت اعرف وين المصدر ظليت ابحث ابحث ابحث .. كنت اسمع صوت صياح في كل مكان ... وفجأه حسيت إني طحت .. فتحت عيني وانا على الأرض .. يعني الحلم خلص من زمان بس انا كنت طايح على الأرض ..والتلفزيون شغال ... شليت بعمري وبندت التلفزيون سمعت صوت آذان .. شفت ساعتي كانت ساعه 12 ... رحت غرفتي عشان أتوضأ خصلت من الوضوء .. وانا نازل شفت امي طالعه من المطبخ فسألتها شو مسوين غدى ردت علي: مجبوس سمج حسيت باليوع اول ما طرت لي الأسم ... بس لازم اتريا غناتي ترجع من دوامها ... رن الجرس يعلن انتهاء الحصه الخامسه .. طلعت من الحصه كنت بدخل غرفتي بس الفراشه نادتني .. الفراشه: المديره يبى انتي ضروري بكل طيبه طلبت منها: إنزين ممكت تحطين هذا على مكتبي ما قصرت المسكينه ... رحت انا عند المديره .. وقبل لا أدخل سألت الوكيله عائشه عن مزاجها .. ابتسمت لي: عاديه ليش؟ مرام: حبيت اتأكد من الجو قبل لا ادخل دقيت على الباب .. يوم سمعت تقول :دخلي مرام دخلت .. مرام: السلام عليكم المديره (خديجه):وعليكم السلام قعـــدت تريتها تتكلم .. بس وين عينها كان على الكمبيوتر .. فأضطريت ابدأ: بغيتي مني شيء؟ ألحين تذكرت إنها مناديه علي .. صدت صوبي:شو سالفة باقة الورد حواجبي انرفعن من غير ما احس مستغربه كيف وصلها الخبر.. سألتني مره ثانيه: ما تتكلمين؟ انتبهت عليها ورجعت على طبيعتي: هيه .. هذي طالبه طرشت لي عربون شكرها طالعتني بنظرات عتب: وليش انتي سويتي لها شيء؟ ابتسمت بتوتر: لا ... بس عاجبنها شرحي قالت لي بكل جديه: معلمه مرام لا تظنين إنج بتلقين على معامله خاصه لأنج بنت المديره قاطعتها: بس يمه .. يوم طالعتني بنظزات جان اخيط حلجي بعدين استقويت وقلت لازم ادافع عن نفسي فقلتها: أنا ما سويت شيء تفاهمت مع البنت وقلت لها لا تعيد هالحركه ... لأني اعرف العواقب شو بتكون قاطعتني: وشو بتقولين عن افتخارج إنج بنت المديره جدام المعلمات باستغراب اشرت على نفسي: أنا ..؟!! متى صار هالشيء عمري ما تكلمت مع أحد بها الأسلوب شكلها صدقتني من جذي ختمت كلامها: خلاص روحي شوفي شغلج ولا ما عندج حصص رديت عليها ببروده: لا ما علي خديجه: تبين ترجعين البيت؟ رديت عليها من غير ما اصدعليها: لا بتريا شوق وهاجر يخلصون حسيت إنها تسخر مني: هيه صح نسينا اخوات ريلج هنا ألحين بذمتك منو اللي قاعد ييب سالفه الأهل في الشغل .. بس ما بقول غير الله كريم ما رديت عليها .. وأستأذنت منها .. لكنها وقفتني عندها شيء ثاني تقول لي: هيه صح نسيت اخوج فيصل برجع من السفر استانست ورجعت عند امي: متى ردت علي: طبعا مع عائلته يوم الخميس وبنسوي العزيمه يوم الجمعه بعد صلاة الجمعه تعالي انتي واهل ريلج كله ولا كرامتهم: يمه لازم انتي تتصلين لأم منصور وتعزمينها صج إني عصبت من كلامها: بعد شو هالخقه عزميهم انتي وخلاص رديت عليها بغضب:سلمي على فيصل من بدالي شكلها عصبت: معنى كلامج ما بتين رديت عليها: مكان ما يحترمون فيه اهل ريلي مالي مكان هناك قلت هالكلام وطلعت من عند امي شافتني وكيله عائشه معصبه فسألتني : وش فيج مرام هديت نفسي وقعدت معاها: ما فيني شيء بس تعرفين هالمديره حاطه دوبها في دوبي ضحكت علي: ترمسين عن أمج انتي ضحكت معاها بعدين تذكرت شيء:تعالي عايشه في احد من معلمات دخلوا عند المديره ردت عليه: هيه من غرفتكم ابله سعاد وقفت: كنت حاسه استغربت: شو صار؟ رجعت وقعدت مره ثانيه بس هالمره خبرتها بالسالفه رجعت ظهرها ورا: اسمينها طلعت غيوره علقت عليها: غيوره في بيتهم مو تحط حرتها علي تمت تضحك على تعابير ويهي عائشه: هدي عن تروحين تضاربينها ضحكت ومسكت نفسي ترى بروحي معصبه عادي اروح اطلع حرتي فيها ... بس نسيت السالفه ودقيت سوالف مع عائشه رجعت من المسيد ولقيت امي يالسه في صاله وكانت قاعده تقطع الخضروات شكلها بسوي سلطه باسيت راسها ويلست حذالها .. ناديت على زبيده وطلبت منها تيب سكين .. صد صوب امي : تعرف منو متصل في سألت باستغراب: منو؟ يابت زبيده السكين وتميت اقطع جزر .. ردت علي امي: خديجه اقطع وآكل الجزر في نفس الوقت: منو خديجه لايكون وحده تباني لبنتها قوليهم خلاص فاتهم الفرصه ضربتني على راسي: صدقها مرام يوم تقول عليك ذكاء مو طبيعي طالعتها بنص عين: مب كأنكم تعيبون علي ما ردت علي لكنها كملت سالفه خديجه: خديجه ام حرمتك عمتك طالعتها: تصدقين نسيت اسمها ... شو تبى إنزين ردت علي: قبل شوي دقت علي وعزمتنا عشان ولدها فيصل بيرجع مع اهله البلاد يوم الخميس والعزيمه بتكون يوم الجمعه بعد صلاة الجمعه يالس اقشر الجزر : بتروحين ام منصور: أكيد الحرمه متصله فينا كيف تباني اردها شافتني وايد مقطع جزر ... شلت عني السكين قلت لها:عطيني بعدني ما خلصت ام منصور: بس انته بالغت وايد قطعت قلت لها وانا ابتسم: مو حقي حق مرام هي ما تاكل من الخضره غير الجزر طالعتني مستغربه وبشوي نقعت من الضحك .. طلعت سهى من المطبخ تخبر امي إنها خلصت من تقطيع السمك تجمعنا كلنا على الغدى .. بس هالمره قلت بقعد آخر شيء بالأول بتأكد مرام ماتسوي فيني مقلب وتقعد مكان ثاني ويوم شفتها نزلت وقعدت رحت قعدت حذالها بسرعه ... طالعتني مستغربه شكلها تبى تضحك بس مسكت نفسها مدت امي لي صحن كله فيه جزر استانست وشكرتها بس منصور دزني وتم يأشر على نفسه ضحكت عليه عمتي وقالت: لا تشكريني انا اشكري ريلج هو اللي قعد يقطع لج حبيت اغصص فيه: تعال بعدين بعطيك البيزات طالعني بنظرات لأني تميت اضحك عليه مو انا بس الكل تم يضحك عليه كنت بحط لي الجزر .. بس الحبيب سحبه عني وما رضى يعطيني رغم إنه انا وعمتي تمينا نحن عليه بس شكله ناوي يادبني .. كليت المجبوس من غير الجزر .. هههه بعدما خلصنا من الأكل ... عطاني الجزر قلت له: شو اسوي فيه ألحين بكل بروده قال لي: على كيفج وتم ياكل جدامي .. عصبت وشليت منه الصحن يلست على الكنبه .. وتميت آكل .. قعد حذالي بعد ما شغل التلفزيون يمد يده عشان ياكل .. بس أنا مأذيه فيه كل ما يمد اسحب الصحن عنه .. وأخلي عمري اوني بأكله بيدي بس اخدعه وآكل بروحي هذي طايحه فيني تلعوزني ...ولا وتضحك علي بعد .. ألحين بادبها .. خليت عمري انادي على امي لانها كانت مندمجه تطالع التلفزيون .. فصرخت : يمه شوفي مرام هي صدت واسحب من عند يدها قص علي نسيت انه عمو راحت ترقد .. ألحين كيف آخذ من عنده .. قاعد ياكل ومستانس الحبيب تظاهرت إني مب مهتمه ... وقعدت اطالع على البرنامج ... وشوي جان اشوف يد جريب من حلجي .. بطلت حلجي قلت يمكن بقص علي بس لا المسكين آكلني طلع أرحم عني تمينا ناكل أنا وهو ونضحك على برنامج كاميره خفيه كانوا حاطين على قناة الفنون احترت ما اعرف اقوله عن العزيمه ولا لا ... مممم اسكت وانسى السالفه احسن لي .. شفته ياخذ الريموت وقصر على الصوت ... منصور: مرام أمج اليوم اتصلت في امي وعزمتها على العزيمه مسكت فرحتي وخليت عمري ما اعرف شيء:والله منصور: هيه بس قال هالكلام وتم ساكت انا ألحين فيني فضول إذا كان بروح ولا لا .. مشتاقه لفيصل وحرمته وعياله الصراحه بس اهم شيء راحة ريلي هو سكت وانا بعد سكت حسيت إنه مب مرتاح من السالفه .. قعدنا نطالع التلفزيون شوي وبعدين رحنا ننام لين ما يأذن العصر ... يتبعـ
|
|||||||||||
|
|
|
04-28-2008, 02:15 PM
|
رقم المشاركة : 15 | |||||||||||
|
تراني متابعتك حبيبتي جولى الحلوة لكن أعذريني لاني ما أرد عليك ولك العافيه على القصة الأكثر من رائعة وأتمنى أنك تنزلين الباقي بأقرب فرصة تقبلي مروري:::::
|
|||||||||||
|
|
|
04-29-2008, 12:12 AM
|
رقم المشاركة : 16 | |||||||||||||
|
شكــــــــــــــرا ( جولي الحلوة ) عــلـــى هـــالمـــوضــــوع الممـــــيز تقبلي مروري
|
|||||||||||||
|
|
|
| الذين يشاهدون |
