|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
04-24-2008, 11:18 AM
|
رقم المشاركة : 1 | |||||||||||
|
والله أحبك ويشهد الله علي ... >>قصه حلوه
هاذي قصه قريتها في منتدى وعجبتني وحبيت انقلها لكم الجزء الاول: اسمهـــــــــــــــــا: هو: والله أحبك ويشهد الله علي ... هي: ما أبي أكون إلا معاك في هامشك أو في سماك إن شاءالله تعجبكم (1) مرام مفوله على الآخر : هذي آخر مره أتصل فيه وإن ما رد علي يا سواد ليله يوم سمعت يقول إنه الهاتف المتحرك الذي طلبته مغلق صكرت من غير ما تكمل .. مرام: السخيف غالق تلفونه خله يرجع البيت ودواه عندي فتحت شعري بقوه اعرف اعرف شعري ماله ذنب بس من الغصه اكره شيء عندي يوم ما يكون عند كلمته بس انا بوريه إذا يظني بكون مثل باقي الحريم اللي يتريون ريلهم بشوووق ... شو هذا بعد ما يخوز من يدي .. خوز الريل مب ياي .. (تتكلم مع حيولها) خذيت منديل المرطب من جونسن ومسحت المكياج اكره شيء عندي يوم اتجهز وآخر شيء ما استفيد منه رحت ولبست بيجامة نومي وأنا متحلفه عليه ... فتحت الباب وطالعت من الفوق منو يالس تحت لأني سمعت صوت تلفزيون .. ولقيت هاجر كانت يالسه كلمتها من فوق : هجور أنتي ما عليج مدرسه باجر هجور طالعتني: لا افكر اغيب كلمتها بنبرة توبيخ: ناويه تعيدين السنه شو هجور حطت يدها على قلبها: بسم الله لا تفاولين علي طالعتني وتمت تضحك: تعالي أنتي مب كنتي متكشخه تذكرت إني كنت معصبه وما فيني اوقف وتقعد تطنز علي هذي بعد تجاهلتها و دخلت غرفتي صكرت الباب بقوه وقفلت بعد رحت عند شبريتي وخذيت موبايلي حولته لصامت وقبل لا افر تلفوني شفت الساعه تقريبا قريب بيوصل ساعه وحده وحضرته بعد ما شرف مب مشكله أنا بأدبه أوه تذكرت شيء .. طلعت برنوص من تحت الشبريه وشليت الموسده معاي ظهرت فيه برع ورحت عند هاجر كلمتها: إذا حيتي .. يوم بيوصل اخوج قولي له هذا هديه من حرمتك سمعتها تضحك وتعلق بعد: يعني بدأ الحرب بينكم قلتها وانا رايحه لغرفتي: هو اللي بدأ سمعت ضحكاتها وكلمتها: الله يعينه أخوي ضحكت انا بعد اتخيل كيف بكون شكله عادي متعود اعاقبه يوم يغلط في حقي دخلت غرفتي وقفلت الباب .. خذيت الريموت وشغلت على المكيف .. وجان انام نومه مثل اليهال سألت بو عبود كم ساعه ومثل كالمره ما رد علي لين ما اقوله بو عبدالله .... رجعت أسأله بو عبدالله كم الساعه رد علي : 2 وعشان ما يضحكون علي قلت في خاطري رحت وطي منو بنقذني منها استأذنت منهم بس محمد يودني:وين رايح رديت عليه: يا عمي تأخرت لازم ارجع علق علي بو علي: خايف من الحرمه شو ما اكذب عليكم لو قلت لكم شوي مب وايد شوي بس بس تظاهرت جدامهم بقوه: حرمتي وين و العصبيه وين بس لازم ارجع انتوا تعرفون انا الريال الوحيد في البيت لازم ارجع دافع عني بو عبدالله: صح كلامه خلوا يروح في حفظ الرحمن شليت موبايلي شفته مصكر متى ما ااعرف .. ركبت سيارتي وحطيت موبايلي على الجرج وانا اتحرك شغلته .. 12 مكالمه لم يرد عليها يا رب ما يطلع اسم شحرورتي وييييي كله الإتصالات منها اكيد معصبه على الآخر ... وانا شو سويت عشان تعصب ... تعالوا وانا اقول كيف فض البطاريه من كثر ما حارقه التلفون وصلت البيت .. ولقيت هجور نايم على الكنبه .. رحت وبندت التلفزيون ... ورحت صوبها اوعيها: هجور هاجر قومي روحي غرفتج قامت وقعدت تفرك عينها: الفلم خلص سألتها: أي فلم استوعبت إني أنا واقف جدامها: أوه منصور متى رجعت رديت عليها وبالمره بغيت اتأكد من شيء: توني بس هجور بسألج كيف الوضع فوق؟ شفتها تبتسم قلت اكيد فال خير نشت واشرت على البرنوص: تشوف هالبرنوص وهذا الموسده هديه من حرمتك قالت كلامها وراحت وطبعا كانت تضحك .. وانا فهمت إنه الوضع لابق بس استغربت يوم شفت هجور رجعت وهمست بإذني: المره الياي لا تخلها تكشخ وبعدين تخلف عن موعدك يلست على الكنبه وتوني تذكرت إني وعدتها نتعشى برع اليوم وانا الحبيب يوم شفت ربعي نسيت كل شيء ما الومها عيل.. صديت وراي شفت هاجر اختفت شكلها راحت تنام .. وانا بعد بروح اجرب حظي فوق ... وصلت عند باب غرفتي .. ترددت افتح ولا لا ... في نهايه قررت افتح مهما كان انا ريلها ولازم تحترمني تفاجأت أوه الباب مب راضي يفتح حاولت اكثر من مره بس ما شيء فايده الحبيبه قافله الباب دقيت على الباب بس ماشيء رد .. دقيت ودقيت في نفس الوقت كنت خايف احد يسمعني تعبت من الدق قلت انادي عليها: مرام مرومي حبيتي سوري مرمر بليز سامحيني ما اعيدها يلست احايل عليها بس ما شيء فايده ... نزلت ويلست على الكنبه .. شغلت التلفزيون ورقدت عشان إذا احد شافني اقدر اقولهم إني غفلت بينما كنت اشوف التلفزيون صج كنت ميته من الضحك وانا اسمعه يترجاني .. بس يستاهل واعترف لكم إنه كسر خاطري .. ما ادري إذا رقد ولا لا بس خله يتكسر ظهره ويتعلم الأدب ... وانا بعد برقد وراي شغل رررررررررررن ررررررررررررررررررن حسبي الله من هالمنبه شو عندك تصرخ ... ادور على النقطه عشان اسكته ... بعدما صكيته ... قلبت ويهي لصوب الثاني .. وتذكرت فجأه منبهي ما يصرخ إلا لشيئين: لصلاة الفجر ولدوام منصور ... وبما إنه منصور عنده إجازه يعني لصلاة الفجر ... قمت بكسل صج مب شابعه رقاد بس يهون كله ولا الصلاه طلعت برع و انا أتثاوب هالبيت من دخلت فيه تعودوا أنا أوعيهم .. وكنت ماخذه راحتي لأنه محد ريال هنا غير منصور وأنا اتمشى شفت منصور راقد على الكنبه وشكله مب مرتاح دقيت على باب عمتي (ام منصور) سمعتها تقول دخلي فديتج دخلت و شكلها توها واعيه ابتسمت لي: فديتج صايره لنا منبه ضحكت على كلامها: فديتج أنا اكسب من وراكم أجر هههه بروح اوعي البنات طلعت من غرفتها ورحت غرفة سهى اصغر عن منصور بسنتين مخطوبه من حمد يشتغل مع منصور في قوات المسلحة فتحت الباب ومثل كل مره ماشاءالله عليها واعيه وكانت قاعده تقرأ قرآن .. حست بوجودي وصدت وراها و اكتفت بالابتسامه فرديت لها بإبتسامه .. طلعت من غرفتها وانا اضحك على منصور اللي كان يتقلب ونص اللحاف طايح على الأرض وصلت عند باب غرفة شوق دخلت عندها وعيتها وهذي بسرعه تقوم بس انادي على اسمها تقوم : شوق قامت: ها شو صار ضحكت عليها: قومي صلي الفجر وانا طالعه سمعتها تقول: إن شاءالله وألحين غرفة اللي نايمه متأخره ..هذي قبل لا اروح أوعيها دخلت الحمام وشليت لي ماي بيدي ومثل ما توقعت ما رضت تقوم إلا من بعد ما رشيت عليها الماي طلعت من غرفتها وانا ناقعه من الضحك على تعابير ويها ... صج متفيجه مساعه متكسله وفيني رقاد وألحين كلي حيويه ونشاط ... نزلت عند السيد ... تميت واقفه شوي وبعدين سحبت عنه اللحاف وماتوقعت إنه بطيح من الكنبه فتحت عيني وانا أحس بألم بذراعي .. آخ يعور سمعت ضحكه مب غريبه علي رفعت راسي وشفت ست الحسن والجمال واقفه مربعه يدها .. ويوم شافتني اشوفها اختفت الضحكه من حلجها وقالت بنبره فيها عتاب : قوم أذن الفير قالت كلمتها وراحت عني دخلت الحمام وانا اضحك شكله كان يضحك يوم طاح .. بس بس انا يايه أتوضأ مو اضحك ... توضيت ويوم طلعت من الحمام شفته يالس على الشبريه ما سويت له سالفه وهو ظل يطالعني بس أنا طاف ... خذيت السيادة وهو دخل الحمام لبست وقاية الصلاة وخذيت لي قرآن متعودة أقرأ لين ما يقيمون الصلاه في الحمام قاعد ارطن ... اعرف في نهايه بترضى علي بس بعد بقرصني قلبي يوم ما تكلمني ... تذكرت أنا ياي اتوضأ واروح المسيد .. فتعوذت من إبليس وتوضيت .. طلعت من الحمام وشفتها يالسه تقرأ بخشوغ ... طلعت من الغرفه ورحت المسيد مشي احب اروح مشي عشان قريب وبالمره زياده أجر وانا طالع من المسيد فيني رقاد بس الشواب قعدوا يسلمون علي ... وقدرت اشرد لأنه خلاص مفول وابغي ارقد ... وصلت البيت وأنا بدخل تذكرت إني بنام في الصاله ... لكني تفاجأت يوم ما لقيت البرنوص والموسده قعدت استغرب: لا يكون بترقدني جذي .. لا عاد هذي مصختها صعدت الدري وانا ناوي اتفاهم معاها مو اعصب عليها لأنها ما تهون علي بس اتفاهم معاها ... أوه الباب مفتوح دخلت الغرفه ولقيتها نايمه ... شكلها رضت علي .. يوم اقولكم حرمتي حنونه ما اهون عليها بس اليوم لازم اعوض عليها فديتها والله ... يلست أتأمل في ويها .. شكلها وهي نايمه روعه خاطري أمط خدها بس أكيد بتقوم واليوم وراها دوام خلها ترقد المسكينه قمت على همس شوق: مرام مرام قومي بتتاخرين اترجيتها تتركني انام لو شوي: بس 5 دقايق بس هي شكلها مصره توعيني: حبيبتي ساعه 7 متى بتوصلين المدرسه قمت وانا اطالع ساعتي : هي والله قمت .. وهي طلعت يوم تأكدت إني قمت ... طلعت لي قميص وتنوره وقبل لا ادخل الحمام لاحظت منصور راقد يده في صوب وريوله في صوب : الحبيب ماخذ راحته عباله رضيت منه شفت ساعتي اوه بتأخر خلني الحق ... خلصت من السبوحه ولبست بدلتي .. حطيت جحال وبودره على خفيف ومرطب مب لازم كلوز بروحه وردي طلعت عباتي و وقايتي بيدي ... نزلت ولقيت شوق بعدها يالسه سألتها مستغربه: ما رحتي ؟ ردت علي عمتي: لا أونها تتريا أنتي توصلينها ابتسمت: عليج حركات اونه حرمة أخوج أبله قلتي عندي واسطه شوق تاخذ العصير: عيل أخوي مب مزوجنج على الفاضي فريت عليها الملعقه ... رديت عليها: من زينه اخوج ام منصور تمت تضحك علينا كليت على السريع وتذكرت سالفة هجور: عيل الكسوله غايبه اليوم بعد ام منصور على نياتها: هيه المسكينه تقول راسها يعورها وبينفجر همست بإذن شوق: لازم من السهر على تلفزيون ضحكت معاي ... لبست عباتي و وقايتي .. باسيت راس عمتي وقبل لا اتحرك قالت لي : شو مسوي بوليدي البارحه ضحكت عليها: يستاهل عشان مره ثانيه ما يخون فيني وهي بعد ضحكت لأنها متعوده على حركاتنا: الله يخليكم لبعض يا رب رفعت يدي: آمين طلعنا أنا وشوق ونحن نضحك وصلت المدرسه .. والحمدلله أول ما نزلنا دق الجرس قلت لشوق: يالله روحي انتي ما فيني ادخل معاح الكلاس شوق: اوجي أوه ما خبرتكم شوق هذي آخر سنه لها وأنا أدرس مادة الأقتصاد وسمعوا اول ما بدخل الكلاس شو تعليقاتهم بالأول خلني ادخل غرفة المعلمات السلام عليكم الكل: وعليكم السلام بس في وحده منهم عايرتني : توه الناس رديت عليها مجاننا مع أبتسامه: شو اسوي احضر بالوقت اقعد اتريا على الفاضي شكلها ما عجبها كلامي ابتسمت لي بغصب وشلت اغراضها وطلعت منيره تقعد حذالي علقت على الموضوع: عجيبه يوم اتردين عليها بإبتسامه وثانيه شاركتها نوره: تموت من القهر ههههه اعرف إنكم من تحت لتحت إذا قلت لكم شيء صاروخ عندها بيوصل فخلني ارد عليهم بعقلانيه : أنا ما ابتسم عشان اغايضها ولا شيء ابتسم لأاني ابتسم ما فهموا شيء حتى أنا ما فهمت .. شليت كتاب الاقتصاد وأقلامي .. وطلعت من عندهم دخلت الصف ... وسمعت أول تعليق ابله أنتي من وين تشترين ملابسج روعه الصراحه ابتسمت لها : انتي اكيد قاعده تعلقين انا اعرف هالحركات الكل تم يضحك حطيت اغراضي على الطاوله رجعت تكلمني: والله جد ابله ملابسج وايد حلوه أنا قررت اصير ابله بس عشان اكون مثلج رديت عليها: جان فيج حيل استوي ابله ردت علي نبيله: أفا ابله أنتي مضايقه منا حركت راسي: نص نص كانت نبيله بترمس بس مريم قاطعتها: ما عاش من يضايقج بس شو نسوي أنتي ابله الوحيده اللي تفتحين لنا نفس في الدراسه ادلعت عليهم اوني: بحاول اصدق كلامج ضحكوا كلهم ... نبيله: والله إنج فتكه شوق أخوج محظوظ الصراحه طالعت شوق اللي كانت ناقعه من الضحك خليت عمري جاده اونه: بس بس كله ولا امور خاصه الكل: إن شاءالله تفاجأت من ردت فعلهم .. وانتبهت كرسي فارغ: عنود مره ثانيه شردت يحاولون يدافعون عنها:لا لا هي غايبه رحت صوب طاولتها وطلعت شنطتها من داخل الطاوله: وهذا شو؟ هالحركات مو علي أنا .ترى نحن مرينا بها التجارب وانا راجعه لمكاني تكلمت مريم: يعني أبله أنتي كنتي تشردين رديت على كلامها: تبون الصراحه لا كنت مشاغبه بس ما كنت اشرد ولا كنت ابالغ في تصرفي واكره شيء عندي الغش وألحين خلونا من هالكلام نبدأ في درسنا أحسن كتبت على السبوره (إجمالي الناتج المحلي وإجمالي الناتج القومي) هذا درس الثالث معاهم صديت عليهم: أكيد محد محضر صح تفاجأت من ردهم: لا كنا محضرين أفا عليج نبيض الويه إلخ كانوا متحمسات على الآخر والدليل أجوبتهم مديت يدي وقعدت احركه يمين ويسار .. مرام .. مرام فتحت عيني ولقيتها محد .. أوني بوعيها عشان تروح شغلها وبالمره براضيها عدل .. بس كل شيء تكنسل يوم شفتها محد .. طالعت ساعتي كان الساعه 11 قمت ودخلت الحمام ... نازل وافرك الفوطه بشعري .. لقيت سهى وهاجر يالسين مطيت شعر هاجر : ليش غايبه تمت تصارخ: هدني يعورني هديت شعرها وضربتها على راسها .. عصبت علي: أنته مينون شو؟ تكلمت اللي اعقل وحده فيهم: هاجر عيب هذا اخوج العود وانا امدحها: تعلمي شيء من سهى هاجر: دخيلج يقولج البارجه مرام طاردتنه من الغرفه يستاهل عشان مره ثانيه .. قبل لا تكمل فريت عليها الفوطه : انتي ما يخصج بيني وبين حرمتي قعدت سهى تهزبها: هم متعودين على هالحال انتي ليش تدخلين بينهم هالأخت تعجبني وايد .. على عموم رحت ادور على امي .. وما لقيتها لا في غرفتها ولا في مطبخ ليش اضيع الوقت اسأل اللي قاعدين في الصاله:سهى وين امي سهى ردت علي وهي تبتسم تذكرني بمرام 24 ساعه الابتسامه على ويها إلا يوم تعصب قوموا عنها عاد .. المهم ردت علي سهى: امي بيت الجيران يلست حذالها: أنا ما اعرف أمي كيف تتحمل سوالفها سحبت الصمون اللي على الصحن (يخص هاجر) من جذي تمت تتنازع:إيه على وين ؟ منصور: وش فيج أنا اخوج الكبير ما فيها شيء خذت من عند يدي:خله حرمتك تسوي لك منصور : فديتها والله لو كانت هنا كان سوت لي سهى: افا عليك أنا هنا لا تزعل أنا بسوي لك منصور: فديتج والله محد مثلج شفت تعابير هاجر شكلها غارت من سهى .. كوني مثلها وبتلقين على هالمدح بعدما سوت لي صمون جبن عطتني: عليك بالعافيه واللقمه في حلجي: الله يعافيج من كل شر بكمل إذا عجبتكــــــــــــم 
|
|||||||||||
|
|
04-24-2008, 11:39 AM
|
رقم المشاركة : 2 | |||||||||||||
|
يسلموووووووووووووووو نستنى الجزء التاني
|
|||||||||||||
|
|
|
04-24-2008, 11:31 PM
|
رقم المشاركة : 3 | |||||||||||||
|
تسلمين اختي على القصه الرووووووعه ننتظر باقي الاجزاء تحياتي لك
|
|||||||||||||
|
|
|
04-25-2008, 03:31 AM
|
رقم المشاركة : 4 | ||||||||||||||
|
الــسلآم عليكم .. : ألف شُكر لك على طرحك .. قمه في الروعه .. لآ ترحمنا جديدك وكون بخير \
|
||||||||||||||
|
|
|
04-25-2008, 03:55 PM
|
رقم المشاركة : 5 | |||||||||||
|
يسلمووووووووو ع المرور والتكمله لعيونكم
|
|||||||||||
|
|
|
04-25-2008, 03:57 PM
|
رقم المشاركة : 6 | |||||||||||
|
الجزء التاني ما بغى يرن الجرس رغم إني ما مليت منهم لأنهم كانوا نشيطات ومتحمسات بس بعد بغيت ينتهي الحصه واروح آخذ لي بريك انتبهت على تعليق نبيله: أفا ليش دق الجرس رديت عليها: لأنه مكتوب يدق ههه تجمعوا البنات حوليه: أبله كوني رائده فصلنا أشل اغراضي .. بس وحده منهم اصرت تشلهم عني رديت عليهم: بس أنا رائده فصل 3 أدبي 2 مريم:من جذي مستانسات ما ألومهم كنت بفتح الباب بس وحده منهم فتحت بدالي ضحكت عليهم: عاد مب لهدرجه تراكم وايد مبالغين كنت باخذ من عند البنت اغراضي لكنها ما رضت واصرت توصلهم لين غرفتي طلعت من عندهم وهم يلوحون لي بيدهم .. وأنا اضحك عليهم لاحظت علامات الغيره على ويه سعاد اللي عايرتني بالفوق تذكرونها.. المهم أنا رديت عليها بإبتسامة دخلت الغرفه والبنت وراي .. خذيت من يدها اغراضي: لين هنا وبس ضحكت البنت: تستاهلين كل خير يا احلى معلمه درستني ضحكت على كلامها ودعيت لها بالتوفيق واللي في الغرفه قعدوا يطالعوني سألتهم: وش فيكم ردت علي علياء معلمة التاريخ: لا بس اول مره اشوف بنات يتعلقون في أبله جذي رديت عليها ومجاننا ابتسامه: أنا بروحي مستغربه رغم إني اكون عاديه معاهم نوره: لا فيج شيء مميز والدليل في كل سنه معدل البنات في الاقتصاد يكون مرتفع بررت لهم: ماده سهله يعني عادي يتفوقون فيه منيره: انا مره مسكت طالبه وسالتها عنج قالت لي اسلوب تدرسيج غير عنا ممكن تفسيرين لنا كيف هذيلا صج متفيجات يعني كل وحده اسلوبها بكون غير كله ولا اللي تطالعني باحتقار ابله سعاد رديت على كلام منيره: انا يوم كنت طالبه اتغصص من اسلوب المعلمات البارد افتحوا الكتاب وصكروا الكتاب ملل لازم تجديد عشان نقدر نستوعب من جذي بين فتره وفتره اضحك معاهم بس ما أبالغ واحياننا ما ادرسهم عشان يشتاقون للماده .. منيره مستغربه فمدت الكلمه: جـــــــــــــــذي عيـــــل سعاد: منيره مب كأنه حصتج ألحين ضربت على راسها : هي والله نسيت خذتوني بسوالفكم ألحين هي اللي طايحه تسأل وتقول نحن الله يعيني عليهم بس الغيره واضحه من عينهم ما علي منهم .. طلعت كراس وقعدت اخطط شو اسوي عشان اغير جو التدريس قعد افكر كيف اراضيها .. إذا اشتريت لها عقد الماس او ذهب ما تبى بتقول لي ليش خسرت أنته تعرف أني ما البس ... ضحكت يوم تذكرت أيام العرس أصرت ما تشتري ذهب عن الخساير بس أمها واهلها أصروا وكانت تحاول تقنعهم إنه كل هذا خساير وإنها ما تباني اتسلف لأنها تعرف إني الوحيد اللي اصرف على عايلتي وما تبى يكون علي ديون فحاولت قد ما تقدر إنها ما تخسرني .. ويلوموني ليش احبها .. إلا قولوا اموت فيها .. وما غلطت يوم قاومت عشان اكسبها لازم اسوي لها شيء ... بس شو؟؟ حمد: انتي تعرفين إنه اخوج لازم يدوام وأنا أكون في إاجازه سهى تضحك عليه: وش اللي غير الأحوال حمد: الحبيب قعد يترجاني اونه اسبوعين مب شايف مرته سهى: فديته اخوي يحاتيها ما ينلام حمد: أفا وانا يعني ما استاهل الخير سهى مستحيه: وانت بعد تستاهل كل خير حمد: عبالي بعد الاثنين: خخخخ ههه بطلت شنطتي وخذيت موبايلي لقيت وصلني 4 مسجات 3 من منصور و واحد من اخوي عبيد قريت مال منصور اللي مسمتنه (طاش ما طاش) اول مسج: اعتذر من قلبي وآسف لأني نسيت والثاني : آسف آسف آسف آسف آسف آسف آسف آسف آسف تعبت وانا أقرأ نزلت تحت مكتوب آســـــــــــــــــــــــــــــــــــــــف ضحكت على الخفيف ما بغيت أبين لسعاد الوحيده كانت في الغرفه .. يعني انا وهي بس قريت المسج الثالث: فـــــــــــ>ديتـج أحبـج مووووووووت قلت بصوت واطي: وأنا امووووت فيك ضحكت وصلت عند مسج عبيد وهذا الشخص ما يذكرني إلا إذا بغى شيء الحبيب كاتب : وينج أختاه ما تسألين عني وهذا انا حبيب قلبج أقولج عادي آخذ سيارتج اليوم ردي علي اوجي حركت راسي مصلحجي .. رديت عليه بالمسج: لا يا المصلحجي رديت تلفوني داخل الشنطه بس تفاجأت يوم رن .. فخذيته بسرعه لأنه نظرات سعاد شوي بتقولي شيء .. طلع مسج فتحت بسرعه وكان من عبيد بل مسرعه ما طرش قريت المسج: كنت عارف بتقولين لا من جذي خليت الرساله جاهز بليز اختاه بس اليوم صج كان ودي اضحك عليه بس مسكت نفسي عن تاكلني العيوز .. رديت عليه : إنزين تعال خذ بعد ما ارجع من الدوام كنت حاسه إنه برد علي بشيء فأول ما وصلني مسج فتحته ومطرش: هههه خخخخ كنت عارف في نهايه بتوافقين لأنج طيبه ما رديت عليه لأني اعرف ما بصدق وعادي يطلب مني رصيد بس تعالوا هذا مو في الكليه ألحين يمكن عندهم بريك ع طاري البريك متى بدق الفسحه .. لأني متعوده اقعد آكل مع شوق وهاجر والكل كان يستغرب في البدايه بس بعدين البنات قامن يجمعن على طاولتنا وكل وحده تاخذ لها كرسي وتقعد معانا طالعت ساعتي ما بقى شيء بس صج ملل ما بقالي غير حصة الرابعه والخامسه .. كنت اقدر ارجع البيت بس شوق وهاجر كانوا متعودين يردون معاي من جذي اقعد لين حصة الأخيره اترياهم يخلصون يالله يفداهم ... ارتحت يوم سمعت رنة الجرس ... قمت من مكاني وشليت الموبايل معاي ... حسيت العيوز تمارقني بنظراتها بس سويت طاف شفت شوق طلعت رحت عندها وتمشينا أنا هي صوب الكافتيريا ... اشترينا لنا أكل وقعدت معاها وشوي إلا البنات تجمعوا صوبنا بنات تعودت عليهم وبنات ما كنت اعرفهم ... وصرت طالبه من بينهم وقعدن نسولف ونضحك ... انا صار لي فتره ميود التفلون اتريا ردها بس ما ياني شكلها بعدها معصبه مني ... لا لا يمكن عندها حصه طالعت ساعتي لا هذا وقته الفسحه يعني ما لقت وقت ترد علي فرحت يوم سمعت رنة التلفون بس طلعت مب شحرورتي طلع ربيعي بو عبدالله رديت عليه بدون نفس: هلا بو عبدالله بو عبدالله شكله متحمس: شو تسوي منصور: ولا شيء يالس في البيت بو عبدالله: ما عندك سالفه اركب سيارتك وتعال شوف حمود كيف قاعد يصيح ويلات متفيج هذا أنا قاعد اتريا حياتي وهذا يسمعني صراخ الشباب بس تصدقون في وقت بروح اشوف وبرجع قبل لا ترجع رديت على بو عبدالله: ألحين ياينكم قبل لا أدخل الصف حسيت إنه الجو حلو ... فخطر في بالي ادرسهم برع دخلت عليهم وطلبت منهم يشلون كتبهم سألتني هنادي: وين بنروح ابله رديت عليها: مب في خاطركم تغيرون المكان خلنا ندرس برع شو رايكم تمو يصرخون طلبت منهم يوطون اصواتهم اشرت على ميره : حبيبتي إذا تقدرين تيبين سبوره من عند غرفتي (هذي السبوره متحركة واستعملها يوم ابغي ادرس البنات برع الصف) ميره تخبلت يوم قلت لها حبيبتي: انتي آمري يا الغاليه ضحكت عيلها وطلبت من نوف تساعدها استانست وطلعت معاها طلعن برع الصف ويلسن قرب الصف ... قلت لهم: اللي تبى تيب كرسيها عادي ترى واللي تبى تقعد تحت بعد عادي نصهم راحوا ونصهم فضلوا يقعدون تحت وصلوا الأثنين بالسبوره .. وقعدت اشرح لهم الدرس وطبعا تعلقياتهم وضحكاتهم ما خلصت بس الحمدلله ما تمادوا وايد لأنه هالصف يعرفوني عدل درستهم يوم كانوا ثاني ثانوي .. ويعرفون أسلوبي عدل خلصت الحصه وساعدوني البنات يردون لي السبوره .. بس تفاجأت بصوت الطلاب 3 ادبي 1 يقولون لي: وين وين نحن بعد نبى ندرس برع ضحكت عليهم : أفا عليكم أنتوا آمروا بس استانسوا يوم سمعوا كلامي فطلبت منهم بكل أدب يحطون السبوره عند صفهم .. والمساكين ما ردوني .. حطوا السبوره ودخلوا لصفهم عليهم عربي وعن نفسي أخاف من هذي الابله عصبيه ما تضحك كلش لاحظت الهدوء في صف 3 أدبي 2 .. من دخلت عليهم أبلة العربي.. المهم انتبهت على كل وحده يابت لها كرسي و بديت اشرح لهم بتحمل هذي آخر حصه وخلاص وما ببقى لي غير أتريا الاخيره وبرجع البيت عند حبيبي صج اشتقتت له بس بتغلى عليه عشان ما يكررها مره ثانيه شفت ساعتي ومابقى شيء على رجعت مرام .. استأذنت من الربع وطلعت من عندهم مريت عند محل الورود واشترت باقة ورد فيه ألوان اللي تحبه احمر وابيض و وردي أعرف عنقاش بس هذا اللي تحبه حرمتي .. كان خاطري أحط ورده صفره بس مرام ما اتحب هاللون .. على عموم دفعت للبايع وربعت لسيارتي .. وصلت البيت وشكلها امي بعدها ما رجعت من بيت الجيران ... المهم رحت وحطيت الورد على الشبريه .. اوه نسيت اشتر لها بطاقه .. قعدت اضرب راسي اللي كله ينسى هالأيام قعدت اسولف مع الوكيله عايشه وايد طيبه وحبوبه كلمتني: إذا ما عندج حصص ليش ما اتردين البيت مرام: لا عادي اصلا انا اتريا حمياتي لين ما يخلصون ونروح مع بعض كلنا ردت علي مبتسمه: ونعم تربيه أكيد يحبونج مرام: ههههه عاد هذا ينبطق عليهم شفت غرفة المديره ما في احد فسألتها: وين المديره ضحكت علي: تقصدين امج؟ غمزت لها: عن تسمعج هنا مكان الشغل مو مكان الاهل جان تضحك علي: هههه طلعت عندها إجتماع مع لجنه وقفت اول ما سمعت رن الجرس: أخيرا يالله حبيبتي أخليج ... مشتاقه لفراش ابى انام ردت علي الوكيله: عاد خلينا نشوفج باجر مو تنامين وتنسينا علقت عليها: بالستر تشوفيني سحليه تنام نوم عميق شو؟ ضحكنا أنا هي واستأذنت منها وطلعت من عندها شفت مرام تمشي على الساحه شكلها بتروح غرفتها المسكينه ما صدقت يوم دق الجرس تترياني رغم إنها تقدر تروح البيت طالعت معلمتنا رغم إنه دق الجرس وحضرتها بعدها قاعده تشرح الحمدلله ما بغى يدق ... شليت اغراضي ولبست عباتي عدلت وقايتي ولبست نظارتي الشمسيه ... سلمت على المعلمات وطلعت من عندهم حطيت كتبي في الشنطه وشفت مرام تأشر علي إنها بتترياني في السياره .. انا حافظه الموال بس مرام متعوده كل مره تأشر علي .. ابتسمت لها وأنا اشر لها انتبهت لصوت ربيعتي حصه : بصراحه حرمة اخوج ما عليها كلام شوق: صدقتي تصدقين ما عندها أي حصص وفوق هذا متحملتني انا واختي حصه: تستاهلون كل خير فديتها حصه ونعم الصديقه الصراحه ... حسيت إنها تعبانه فقلت اطلب منها نوصلها البيت بدال ما تركب الباص وتتريا ردت علي: بس اخاف ابله مرام تتضايق مني شوق:لا تحاتين مرام تعرف أنتي ربعيتي وما بتردني بعد كانت محتاره بس أنا سحبتها وخذيتها معاي ومثل ما توقعت مرام ما ردتني .. وصلنا حصه لبيتها ... ونحن بعد كملنا طريجنا للبيت ظلينا ساكتات لأنه التعب مأثر فينا ... ومن الغير الحر القاتل .. امارات يوم تكون حاره تحرق من الخاطر بس بعد يوم تكون بارده ما عليها كلام ... وصلنا لبيتنا البسيط بيت شعبي بس بو طابقين على الأقل احسن من بيتنا الأولي .. نزلنا من السياره وانا امشي ورا مرام .. يوم اشوفها استغرب كيف رضت تزوج اخوي .. معقوله الحب ينسي الفوارق الإجتماعيه .. وين مرام بنت عز و وين اخوي صعدنا الدري مع بعض بس كل وحده راحت لغرفتها .. وصلت غرفتي ومن التعب اللي فيني .. فصخت عباتي وفريته على الشبريه .. لمحت باقة ورد تقربت صوبه .. شليته وقعدت أتأمله محد بيحضر لي ورود ألونها عنقاشه غير حبيبي .. ضحكت الصراحه وتميت اشم الورود ... تفاجأت من يد تمسكني من ورا .. وصوت يهمس لي: أحبج حاولت اصد ورا بس ما خلاني .. سمعت يقول: لازم تردين علي فيني ضحكه بس مسكت نفسي وأحاول إني ابتعد عنه : انته ما تستاهل عيل تضربني خيانه رص علي بقوه وتم يعتذر مني:آسف يا اغلى كنز في حياتي بتسامحيني هزيت راسي بنفي إلا شوي احس نفسي ارتفعت من الأرض شلني وتم يدور فيني وانا اضحك وفي نفس الوقت اصرخ اطلب منه يتركني بس مب راضي وتم يدور فيني لين ما طحنا انا هو على الأرض وتمينا نضحك تقرب مني وبعد خصلات شعري من ويهي بأصابعه ورجع قال كلمته: أحبج مطيت إذنه وانا اضحك: و أنا أموووت فيك تم يصرخ من الألم:آخ آخ تركته وقمت عنه:تستاهل ههه قام هو بعد ويحك إذنه .. رحت وخذيت باقة الورود اللي طاحن على الأرض شليتهم ورتبتهم يلست على الشبريه ويلس هو حذالي حبيت اعلق عليه: شو ها الورود العجيبه بصراحه عليك ذوق عجيب رد علي مبتسم: ترى أنتي تحبين هالألوان ..سألني : عجبج هزيت له راسي بالموافقه والضحكه ما تفارقني لازم من اقعد معاه احس بالسعاده مسكت يدها وقلت لها: نسيت اشتري لج بطاقه بس اعتبريني بطاقه واللي بقوله طالع من القلب ضحكت لي وهزت راسها بالموافقه يلست على الارض ويدي بيدها ضحكت علي .. فديت ضحكتها ألحين ببدأ : أنتي يا اعز و اغلى واقرب واحب شخص من قلبي تركت يدها وفتحت ذراعي عشان اقولها الكلمه : امووووووووووووووووووووت فيج زادت من ضحكتها ولوت علي .. وانا اسمع اعذب كلمه تتطلع من حلجها و توصل في إذني: وأنا بعد أحبك تفاجانـا بصوت هاجر: جان خلصتوا غزل امي تترياكم تحت حدنا يوعانين طالعنها بنظرات وبعدين ضحكنا عليها راحت مرام تغسل ويها وانا نزلت تحت في الصاله حبيت راس امي : امايه انتي وينج اشتقت لج ما شفتج كلش سمعت صوت شوق تسلم علي فرديت عليها السلام ردت علي أمي: وين بكون يعني بيت ام طلال شفت مرام نازله من الدري .. اشرت عليها تقعد حذالي بس السخيفه تعمدت تقفطني ويلست حذال امي يعني مجابلتني طلعت لي لسانها تضحك .. وتذكرت إنها ما سلمت على امي .ز باست راسها هاجر: مرام زين سويتي في منصور كل يوم خلي ينام برع نازعتها امي: هاجر كم مره قلت لج لا تتدخلين بينهم بس مرام دافعت عنها: خليها عمو هجوري ما قالت شيء حسيت بالغيره يوم سمعت رد هجور: احبج مرامو ضحكت مرام: وانا بعد فضربت على راس هجوري .. : محد يقولها احبج غيري فاهمه؟ حسيت انه مرام انحرجت والكل تم يضحك على شكلي يوم قلت لها كنت مثل الياهل يوم يغار على لعبته سمينا بالرحمن وبدينا بالاكل ...
|
|||||||||||
|
|
|
04-25-2008, 04:00 PM
|
رقم المشاركة : 7 | |||||||||||
|
يالله وروني ردودكم الحلوه جوجو
|
|||||||||||
|
|
|
04-26-2008, 03:36 PM
|
رقم المشاركة : 8 | |||||||||||
|
شكــــــــــــــرا ( جولي الحلوة ) عــلـــى هـــالمـــوضــــوع الممـــــيز
|
|||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تابع كنوز من الحسنات (أدعية نبوية شريفة) | ابومازن | المنتدى الإسلامي | 13 | 02-11-2008 08:54 AM |
| معجزات الطعام والشراب | علاء الحياني | المنتدى الإسلامي | 2 | 10-04-2007 12:39 PM |
| كتاب ايات الله البينات والايمان من ص1 الس ص30 | فيصل محمد عوكل | المنتدى الإسلامي | 1 | 06-14-2007 04:32 AM |
| مائة وسيلة لنصرة المصطفى صلى الله عليه وسلم | ملك الأوصاف | المنتدى الإسلامي | 12 | 05-05-2007 06:36 AM |
| سنن ثابته عند الرسول صلى الله وعليه وسلم | ضئ القمر | المنتدى الإسلامي | 5 | 10-08-2006 02:19 PM |
العرض العادي
