(( قلوب بلآ ملامح )).. تشويق تحدي إثاره ورومنسيه..

05-12-2008, 02:56 AM

يعطيك العافيه عشووووقه دائما مبدعه

05-14-2008, 04:12 PM

اقتباس:

المشاركة الأصلية كتبت بواسطة eiad_a22

يعطيك العافيه عشووووقه دائما مبدعه

الله يعافيك خيو

اسعدني مرورك غناتي

لكي مني كل الحب

تحياتي
عشوقه

05-14-2008, 04:18 PM

~)(~ الفصل الثالث ~)(~
[]**[] ..فهمت كل الناس.. وجيت على نفسك.. عجزت افهمها!.. []**[]

في اليوم التالي.. في المسجد إلي في الحي نفسه إلي ساكن فيه محمد راشد "ابوحسام"..
.
.
بعد ما خلص سامر الصلاة.. جا بيطلع إلا شاف شابين يطالعون فيه بطريقة تلفت النظر..
استغرب وأتأفف من حركتهم إلي تقهر.. راح لهم..
سامر بنظرة حادة: خيــــر؟؟
الشاب الأول: مشبهين عليك..
سامر: لا والله.. يعني كل هاذي النظرات بس علشانكم مشبهين عليا..!!
الشاب الثاني: عصبيتك هاذي تأكد بأنك الشخص إلي مشبهين عليه..
سامر بطفش وهوا يلف: اقوول فكونا..
الشاب الثاني: لو سمحت.. نبا نتأكد
الشاب الاول بسرعه: بس نبا نعرف اسمك؟
سامر وهوا يطالع فيهم بملل: اوف.. سامر..
الشاب الاول شهق: سامر عبدالله الـ..؟؟
سامر عقد حواجبه: إيوه..مين إنتو..؟؟
أندفع الشاب الثاني وضمو: سامـــــــــــر .. ما اصدق!!
ابتسم الشاب الاول: ياالله وربي ما تغيرت معن بينا ست سنين بس سبحان الله إلي فرق جمع..!
الشاب الثاني وهوا يضحك: وقسم بالله من اول ما لمحتك افتكرتك.. وبعدين فكرت قولت لا يكون هوا.. ولما شفت عصبيتك ههههه أتأكدت إنه إنتا..
سامر بهدوء وبإبتسامه ما تظهر عليه إلا مع اصحابو: عقولكم ما طلعت هينه.. على فكره .. انا ما عرفتكم للحين.؟
الشاب الاول: حرآآم عليك نسيتنا..!!
سامر: لا بالعكس.. وجوهكم مـــــره مهي غريبه علي.. اكنكم.. (وبدا يعصر مخه)
الشاب الثاني: ههههههه أنا عبدالرحمن (ورفع حواجبو) ابو عبود صاحب المقالب..
الشاب الأول: هههههه وانا اكرم مهرب السجاير خخخخ
سامر: ههههههههههههه وربي إنكم.... خخخخ ذكرتوني بأحلى أيام حياتي..
أكرم: هههههه وذيك أيام تنسي!
عبدالرحمن: وربي لو قلنا لبشار حيكسرنا... ترااااه من بعدك منتهــــــــــــــــي!
رفع حواجبه سامر: بشـــار..!
أكرم: لا تقول نسيتو؟؟
سامر: لا إلا بشار ما أنساه..
أكرم: والله يا سامر من يوم ما أختفت اتصالاتك وبشار بس حاكر نفسو في ملعب كرة السله.. دايما ندوره .. يكون فيها.. واحسه حاط كل غضبه عليك فيها..
عبدالرحمن بتأثر: سامر ليه فارقت الجميع .. معقول ست سنين وما تفتكر احد.. صحيح الثلاث سنين الاولى تراسلنا وتكلمنا بس ليـــــــه من ثلاث سنين نسيتنا وما عاد كلمت احد؟؟؟
سكت سامر ورفع نظره للجهة الثانيه وكأنه يتهرب من الجواب: ..
أكرم: سامر حصلك شي..؟؟
سامر رجع طالع لهم: لا ابدا بس هذي ظروفي.. ظروفي الخاصة..
سكتو عبدالرحمن واكرم.. شوي
سامر: ياللا شباب انا عندي مشوار ألحين..(وهوا يطالع في ساعتو) مع السلامه
عبدالرحمن: استنى سامر.. عالاقل رقم جوالك..
اكرم باستهبال: رقمنا عـ الاقل... (ورفع حاجبو الايسر) ما عجبناك؟
عبدالرحمن: خخخخخخخ
سامر ابتسم: اخس شكلكم فسدتو من وراي!
عبدالرحمن واكرم: خخخخ
سامر: اوكي خذو الرقم **********
عبدالرحمن: خلاص اوكي .. بس لازم نتقابل اليوم او بكره
سامر: اوكي خلوها بكره ..
اكرم: خلاص بكره ان شالله
عبدالرحمن: بس يا ويلك تهرب!
سامر: خخخخ لا ما عليكم.. ياللا مع السلامه
اكرم وعبدالرحمن: مع السلامه
.
((::توضيح:: انا اقولكم ليه سامر ما يبتسم إلا مع اصحابه.. هذا لأنه يكره عايلته كلها من كبيرها لصغيرها.. وحتتعرفو عـ السبب لما ندخل في الروايه اكثر.. اما اصحابه فهذا لأنهم تقربو منو كثير وفتحوله قلوبهم... كانو غير عن الناس بنظره..)).
.
.
في إحدى البيوت .. في نفس حي ابوحسام.. بيت اخت ام حسام .. ام طارق.. وابو طارق اخو ابو حسام.. ((اخوين تزوجو اختين))
طارق: وبعدين معاك.. أنا خلاص بتزوج..
مهند: طب خلاص إتزوج.. مني مانعك..
طارق: لا يا حبيبي.. مو امي وابويا يبغونا نتزوج في ليله وحده..
مهند: كلمهم.. قولهم مهند ما يبا يتزوج ألحين
طارق: مهند خلاص دور بنت ثانيه..
مهند سكت: ...
طارق: يعني إلـ متى وحتفضل تخطبها وتردك..؟
مهند: طارق أرحمني واسكت.. لا تتكلم معايا في ذا الموضوع..
طارق بأنفعال: لا يا حبيبي.. إلـين متى وإنتا تتهرب ..
مهند سكت: ...
طارق: مهنـــــد!
مهند (وهوا يوقف): ويمين بالله مني أخذ غيرها! .. (وطلع من الغرفه)
طارق بتأفف ويكلم نفسه: والحل معاه هوا واختو..؟!!
ام طارق وهي تدخل للغرفه: طارق حبيبي الغدا..
طارق يبتسم لأمه: غدا العصر .. ما خلص احسن؟
ام طارق: ههههههههه ياللا يا بويا..
طارق: اوكي من عيوني جاي ألحين..
أم طارق: تسلملي عيونك يا حبيبي..
وطلعو الاثنين من الغرفه على الطاوله في الصاله..
كان هناك مهند يقرا في الجريده..
.
((::توضيح:: مهند ابيض قصير .. ملامحه حلوه عيونو واسعه عسليه وشعره بني.. وشخصيته حتلاحظوها من الاحداث عمره 24رابع جامعه متأخر لأنه ما يهتم بالدراسه.. وكان يخطب سمر وشغله جاهز بس هوا ما يبا يبدأ في العمل ويتخرج من الجامعه إلا بعد ما يتحدد زواجه..))
وكانت جنا تحط مع امها الصحون ع الطاوله.. وهي سرحانه..
قرب منها طارق بحنان ومسح على راسها.. رفعت راسها طالعت فيه وابتسمت بحزن..
أجتمعت العايله كلها عالطاوله..
ابو طارق: جنا نادي بندر و احمد..
راحت جنا ونادتهم .. كانو يلعبون سوني..
جنا: ياللا ياللا الغدا..
بندر..(16سنه): واهووو هــــــدف..
احمد..(15سنه): هاااااي إنتا يا غشااااش..!
جنا انقهرت: هااااااااااااي انا اتكلم.. مني جدار..
احمد: اش هذا الازعاج..
بندر: انقلعي..
جنا من القهر راحت وفصلت الفيش وشردت..
وهما انقهروو شعللووو ناااار.. قامو على طول وراها بينتقمو..!
.. ردت فعلهم كانت تتوقعها جنا وفيها تضرب عصفورين بحجر.. منها تطلع القهر إلي في قلبها ومنها يجرو وراها للغدا..
.
ام طارق: ايش فيكم ياااهوو..
طارق متنرفز منهم: يا ولــــــد!!
مهند: اشبكم كذا مفجوعين .. لهذي الدرجه جيعانين!!
الكل ضحك.. وبندر واحمد يطالعو بقهر لجنا.. هما اصلا مالهم نفس بس ما دامهم جو لحد الطاوله ماراح امهم تخليهم يرجعون إلا بعد ما ياكلو..
ابو طارق: ياللا يا عيال كلو..
بندر باستسلام: طيب..
احمد: ما ابغى..
ام طارق: حمود اجلس حبيبي لازم تاكل..
احمد: بس يا امي انا ماني جيعان..
طارق بعصبيه: إجلــــــــــــــس..
جلس احمد بعصبيه..
وبندر همس له: كان من البدايه جلست وهذا المتحكم موجود..
مهند سمعو: خخخخخخ وربي صادق ههههههاااي
كلهم يطالعون في مهند متفاجئين( ما سمعو بندر)
مهند يطالع فيهم رافع حواجبو ونزلها: احم احم (بعد نظره لبندر واحمد) افتكرت شي..
جنا ابتسمت لأنها لاحظت ليش ضحك.. وقالت في نفسها.. "اكيد يعني من هذولي الاثنين.. !"
ابوطارق: إلا فين الاء..؟؟
... : أنا هنااا ليه محد ناداني..؟؟
ام طارق: والله يا حبيبتي كلمتك.. كنتي مشغوله بالكتاب إلي في يدك.. حتى ما رديتي..
الاء..(12سنه): وربي كانت قصه مشوقه..
جنا: يؤيؤيؤ لدرجه ما تسمعي امك..
الاء: شفتي كيف..
مهند: عاد الاء إذا مسكت شي ما تفكوه إلا بعد ما تخلصه.. لو انفجرت جمبها قنابل..
جنا: هههه ايوا وربي صادق..
ابو طارق: ها اش قررتو يا عيال..
ألتفت الجميع له..
ورفع مهند نظره لابوه بغصه..
طارق: أسأل مهند يا بويا..

05-14-2008, 04:21 PM

ابوطارق لف نظره لمهند.. بنظره متسائلة..: ؟؟
مهند سكت شوي بعدين قال: بطلت اتزوج..
ام طارق شهقت: ليه يا ولدي؟؟
مهند بسرعه: عـ الاقل بهذي الفتره..
ابو طارق: بس يا مهند إحنا نبا نزوجكم إنتا وطارق في يوم واحد..
مهند ضحك: ما عندكم غير بالجمله..
ابو طارق ضحك وام طارق قالت: ايوا.. حتى لو ما تزوجت مع طارق .. حتستنى بندر واحمد..
طارق صفر: هههه بالعكاز تتزوج..
ضحكو بندر واحمد وهما يقومون وراحو ما لهم في هاذي الهرجات.. خلصو اكلهم ورجعو يلعبو..
مهند همس لطارق: حأستنى وحتى لو بالعكاز اتزوجها ما عندي مشكله .. بس هي توافق..
طارق حزن له وسكت..
ابو طارق: يا ولد لا تقول إنك ما صرفت النظر عنها..
ام طارق: حبيبي خلاص ادورلك وحده احسن منها بألفين مره..
مهند وقف: قولت ألحين ما ابغى اتزوج..
ابو طارق عقد حواجبو: اقوووول اعقل..
جنا: ابويا خليه براحتو..
ابوطارق طالع فيها بنظره ناريه: عشان يسيرله زي ما سار لك..
جنا شهقت ووقفت.. وطارق حن عليها ومسك يدها.. طالعت فيه اكنها تبا شوية قوه منو.. وبعدين رجعت طالعت لابوها
جنا: ابويا.. بالله عليك قولت الكلمه الصادقه؟.. ابويا.. خلينا صريحين أنا اخدتو بإراده مني.. ولا إنتا حطيتني قدام الامر الواقع..؟؟ وانا وافقت قدامك صح.. وهذا بس لأني ما ابا انزل كلمتك عند الرجال..!!
وطلعت لغرفتها ودمعتها في عينها..
طارق: ابويا حرام لا تثقل عـ البنت..
مهند: خلاص ما عليه اشويه وتهدا بإذن الله..
ابو طارق متفاجيء لساته من كلام بنته: والله خرجت مني الكلمه في وقت عصبيتي.. ما انتبهت..!
ام طارق: يا حبيبتي يا بنتي طلعت كل إلي فـ قلبها..
راح ابو طارق للصاله الثانيه جلس بهدوء وهو سرحان.. حس بإكتئاب فضيع.. وحزن على بنته الحبيبه.. "يا ربي أنا اش سويت فيها!".. ونزل راسو.. يفتكر.. ما جناه على بنته..

. . . . . . . !

ابو طارق: الحمدلله على سلامتك يا ياسر ..
ياسر: الله يسلمك عمي..
ابو طارق: ياللا يا ولدي ما عليك.. ربي يعوضك..
ياسر بحزن: ما في شي زي العينين يا عمي..
ابو ياسر تدخل: إيوا يا ابو طارق كلمو.. الله يخليك كلمو.. متعبني ومنكد على عمره..
ابو طارق: ليه.. ليه إن شالله ما فيك إلا العافيه يا ياسر..
ياسر: عمي بالله عليك خلينا واقعين.. أنا ألحين أعمى.. تعرف إيش يعني أعمى.. يعني ما اشوف.. ما أشوف غير.. الظـــــــلام..
ابو طارق بتأثر: بس يا ولدي هذا قضاء وقدر.. أحمد ربك إنها جات سليمه وما مت في الحادث..
ياسر: يا ليتــــــني مت.. ولا عشت اعمى..
ابو ياسر منصــــدم: ياســـــــر ..!! إش تقول!
ابو طارق إلي تقطع قلبه على ياسر إلي يحبه مثل حبه لعياله: حبيبي ياسر.. تعرف إنك بمجرد تمنيك الموت.. ترتكب معصية.. وتغضب رب العالمين.. أجل كيف تدعي بالموت على نفسك؟؟
ياسر بعصبيه: خلاص خلوني في حالي.. حتى زوجتي إلي توي ما تزوجتها إلا شهر.. وشفت السعاده معاها.. اول ما حصلي هذا تركتني.. !
ابو طارق عقد حواجبو: اخصرك منها.. هذا لأنها مهي مخلصه لك.. وإصحك تفكر بإلي يخونك.. ربي يعوضك..
ياسر: هه .. مين إلي بترضى بواحد مثلي.. أعمـــــــى؟!!
ابو ياسر: اتعوذ من الشيطان يا ياسر..
ابوطارق: ياسر.. يا ولدي.. ترا وقسم بالله في كثير بيرضون فيك.. صدقني..
ياسر بسخريه: عمي ترا ابويا ما قصر.. خطب لي مره ومرتين.. بس ما حد راضي بمثلي.. انا خلاص.. حأبقى لآخر حياتي وحداني..!
ابو طارق إلي كان عطوف مره وحنون.. وهذا ياسر عزيز مره عليه ويحبه مثل عياله، وولد اعز اصدقائه إلي هوا ابو ياسر..
ما قدر يشوفو .. كذا متألم وفي لحظة مشاعره كلها فاضت..
ابو طارق: أنا عندي عروسه لك..
ابو ياسر: بالله عليك يا بو طارق..
ياسر تفاجئ وسكت..
ابو طارق بثقة: ايوا وما راح ألقالها أحسن منك..
ياسر بضيق: يا عمي معليش بس ما ابغى اخذ بذي الطريقه.. وعطف منك علشاني..
ابو طارق: لا يا ولدي إنتا معزتك زي معزة عيالي طارق ومهند.. ولا يمكن أرضى عليك.. وبعدين بنتي ما راح تلقى احسن منك..
ابو ياسر: بنتك.. ! ..( وقال لنفسه) "وربي ما في مثلك يا بو طارق.."
ياسر: بس يا عمي ..
ابو طارق: لا بس ولا شي.. الملكه حتكون الاسبوع الجاي..
ابو ياسر: لازم تشاور البنت اول..
ابو طارق: ما عليك أنا اعرف مصلحتها.. وبعدين ليه ترفض ولدك..؟ الحمدلله ولد رجال.. ما ألقى مثلو ياخذ بنتي..
ياسر: عمي تراني أعمى..
ابو طارق: وإذا...؟ .. ياسر خليك واثق وما عليك.. وقلتلك ما راح ألقى احسن منك لبنتي..

. . . . . . . . !
.
مسح على جبهته .. حس إنه تعبان مهو قادر يصلح غلطته مهما كانت معزة ياسر.. بالتأكيد ما راح يعزه اكثر من بنته جنا.. بنته ودلوعتو..
تذكر إنها من اول ما قالها.. ما ابدت فعل.. كان واضح له كيف كانت مصدومه.. بس بعدين شافها تجيه وتقوله إنها موافقه .. ما توقع ابدا إنها ما تبا تكسر كلمته ولهذا وافقت .. توقع إنها إقتنعت بكلامه إلي قاله لها بخصوص نفسية ياسر وإنه عزيز عليه.. و..
وحدثت الملكه.. وأهيه ألحين مر عليها اسبوع وجنا بهذا الشكل.. طول الوقت يحسها متضايقه وسرحانه.. حتى الضحك إلي شافه منها اليوم حس إنه مو من قلبها..
"آه يا بنتي.. إيش سويت فيكي..!.. (تذكر يوم الملكه كان يحس إنو الجو بين بنته وياسر غريب). يعني هيّا مكأنها عروسه حتى لما تزبطت.. تزينت على خفيف قالتلي امها انها سمعتها تقول إيش الفايده اتزين وهوا اعمى.. لا والمشكله ما شفتها حتى ترفع نظرها له.. وحتى هوا حسيته حس بالجو ما كمل ربع ساعه وخرج اعتذر إنه تعبان شوي.. ااخ لو ادري إيش إلي حيحل الموضوع.. بدون لا آذي ياسر أو جنا.."
.
.
في بيت ابو حسام..
.
حسام: امي صحيح إلي قالته ليا سمر..؟؟
ام حسام طالعت فيه بتسائل: ..؟؟
حسام: وعد....هنا؟
ام حسام بضيق: ايوا يا ولدي.. شفت إيش حصلها.. !
حسام: الله يعينها..
دخلت سمر عليهم وباين الحزن في وجهها..
ام حسام: نامت؟
هزت سمر راسها بالإيجاب..
حسام: إلا كيف جات..
ام حسام: سامر ولد عمها جابها..
انقهر حسام ما يدري ليه بس الدهشه قضت على قهره: ســـامـــر يؤ إيش جابه.. اا اصلا إيش عرفه بإلي حصلها..؟؟؟
ام حسام تتنهد: .. هي قالت إنو ابوها قبل لا يموت الله يرحمه... اداها رقم سامر.. إلي ما تدري من فين جابه..
حسام: طيب هوا فينه ألحين؟؟
ام حسام: علمي علمك..
حسام: حطها وراح..؟؟
ام حسام: ايوا..
إلا وفي هذي اللحظه يرن الجرس..
حسام: بروح اشوف مين..
.
.
عند الباب..
حسام مندهش..
... : حسام؟
حسام: ايوا.. (ترجع بيه الذاكره).. يقول في نفسه.. "معقول يكون هذا إلي قدامي سامر.. ياالله وقسم بالله ما تغير معنه مده طويـــــــــله ما شفناه.."
حسام: سـ ـامـــر؟؟
سامر بهدوء: ايوا أنا سامر.. كيفك حسام؟
حسام ابتسم وقرب يسلم عليه: الحمدلله وإنتا كيفك يالقاطع؟؟
سامر ببرود سلم عليه: الحمدلله .. إلا فين عمي محمد؟؟
حسام: تعال تفضل.. ألحين أناديه لك..
((::توضيح:: سامر ما جا حبا فيهم.. بس جا علشان يسوي الواجب يعزي ويعطيهم شهادة وفاة عمه فهد..)).
ابوحسام: هلا سامر..
سامر: اهلين عمي..
ابوحسام: كيفك يا ولدي..؟؟
سامر: الحمدلله.. كيفكم انتو؟؟
ابوحسام: تمام ماشي الحال.. إلا إنتا وينك إش هاذي القطيعه.. ؟

05-14-2008, 04:26 PM

سامر طفش من هذا السؤال وحب يغير الموضوع: شهادة وفاة عمي معايا..
ابوحسام بحزن وغصه بحلقه..: .. الله يرحمو..
سامر: امين ويرحم جميع موتى المسلمين..
ادى سامر شهادة الوفاة لابو حسام.. وكان بيسأل عن وعد بس ما عجبته الفكره..
سامر: عظم الله اجركم..
ابوحسام: اجرنا واجرك يا ولدي.. جزاك الله خير.. والمفروض نعزيك إنتا كمان..
سامر طالع فيه بنظره بارده.. وسكت..
دخل سمير وفاجأهم: احلــــــــــــى يالخطير.. (يكمل بإستهبال) سامـــــر المختفي من ست سنين عن اهله واحبابه يظهر فجأة! محال أن يصدق..
طالع عليه سامر وابتسم بسخريه على جملته وببرود: اهلين..
سمير: ههههههاي ما تغيرت !.. معني كان عمري عشر سنين اخر ما شفتك.. بس وربي فاكرك.. محد ينسى ( بدق في الكلام) العصبي والشراني والـ...
ابوحسام: بس يا سمير..!
سامر بنظرة استحقار: خلي ولدك يقول إلي في قلبه (وبإبتسامه سخريه) يا حبيبي هذا كله مخبيه من وانتا خبل في العشر سنين..!!
سمير بعصبيه: هااااي إنتا لا تغلط..
حسام توه داخل المجلس: هاااااي اشبكم انتو.. اشبها اصواتكم عاليه كذا؟؟
سامر يوقف: انا طالع..
حسام: سامر توك داخل..!!
ابوحسام: اجلس لو شوي خلينا نطمن على احوالك..
سامر في سرو .." خخخخ تظمن على احوالي.. إلا ملقوف وربي.. إنقلع إنتا ووجهك" وبعدين قال: سوري بس لازم اطلع ألحين.. ما احب اجلس في اماكن فيها (وهوا يأشر على سمير من فوق لتحت وبنظرة إستحقار) فيها هاذي الاشكال..
حسام: ليه إيش سوا سمير..!!
سامر طنش الكل وطلع..
ابوحسام في سرو.. " اوووف.. خليه يولي" ..
حسام يطالع في سمير: إنتا لازم تسوي بلاوي لكل أحد..
سمير سكت وبقهر: كذا.. حر.. مزاج..
حسام بقهر: بس هذا ما شفناه من ست سنين وتوه جااااي يا خبل..
سمير: اوهووووووو علينا خلاص فكنا .. يا خي لو اتذكر حركاته زمان إلي ما انساها في يوم انقهر وودي اخذ كل حقي منه ألحين..
ابوحسام رجع لهم: تصدقو يا عيال.. سامر مره ما تغير ابدا!
حسام طالع فيه وسكت..
سمير: ايوااا هذا هوا.. ما تغير..
ابوحسام طالع فيه وما هاوشه .. سكت عنه.. لانه بنظره مو لازم يجبر عياله على احترام ذاك طويل اللسان وإلي من يوم ما عرفه وهوا يكرهه من كل قلبه..
.
.
.

عند وعد فوق فـ الغرفه..
كان الهدوء يغيم حواليها .. ما نامت إلا قليل.. إرتاحت وألحين ما عندها نوم تحس بالتوتر..
"..آآه يا ربي.. ألحين إنتقلت لمنطقه ثانيه اعيش فيها ومادري هل حأغادرها في اقرب فرصه أم سامر حيغدر بيا وما يسوي إلي طلبته منو.. آآه ما ابا اكون عاله على احد.. ابا اكون نفسي على نفسي.. آآه.."
.
تدخل عليها سمر مبتسمه: توقعتك حتنامي أكثر من كذا..
وعد ابتسمت: الحمدلله اكتفيت..
سمر: سامر جا توو..
وعد تذكرته وما تدري ليه حست بغصه: ..
سمر تضحك: بس ما كمل نص ساعه وخرج.. (وبخبث) شكله تهاوش مع سمير..
وعد رفعت حواجبها: تهاوش..!!!
سمر: لا تقلقي صحيح نفتكر إنه حق مشاكل.. بس برضو سمير حق مشاكل.. واصلا حسيت إنه كان وده يسوي شي من يوم ما فكرته بيه.. وقولتله إنه في المجلس.. خخخخ
سكتت وعد شوي وبعدين أكنها أفتكرت: صحيح وين خالي سامي..؟؟
سمر: مسافر..
وعد ابتسمت: اكيد بيحضر الماجستير في الطب.. هذا كان حلمه..
سمر ابتسمت: إلي قولتيه..
وعد: اشتقت له مــــــــره.. متى يجي؟؟
سمر: وربي مدري .. بس يمكن السنه هاذي ولا السنه الجايه..
وعد: ما تكلموه؟
سمر: قليل.. (وابتسمت) وعوده.. حكيني عنك..؟
وعد: حددي..عن ايش يعني؟
سمر: عن كل شي .. بداية غربتك وحياتك هناك..
قبل لا تتكلم وعد رن جوال سمر..
ابتسمت سمر وقالتلها: دقيقه بس وما راح افكك..
.
سمر: هلا والله بجنا..
جنا : هلا سمر..كيفك؟
سمر: تمامووون..وإنتي كيفك؟
جنا بهمس: الحمدلله
سمر بقلق: جنا إشبك..!؟
جنا بتعب: تعبانه شوي.. إنتي فاضيه؟؟
سمر طالعت في وعد شوي بس لما حست إن جنا تحتاجها قالت: ايوا تبي تجي..
جنا: ايوا انا جايه بس عشر دقايق واكون عندك..
ابتسمت سمر: طيب اوكي ..
بعد ما صكت سمر الجوال عن جنا.. طالعت في وعد..
سمر: وعد هاذي جنا بنت خالتي ناديه.. وبنت عمي ماهر وخالك بنفس الوقت ههههههه تفتكريها.. (( ماهر.."ابو طارق" ما كان له احتكاك كبير بوعد ولا ابوها.. ما كأنه خالها..))ابتسمت وعد وضحكت: هههه اكيد .. انا ما انسى احبابي..
سمر: ألحين هيّا جايه..
وعد بفرحه: والله؟
سمر ابتسمت: إيوا والله.. أنا نازله ألحين استقبلها وعلى طول إن شالله نطلع عندك..
وعد: اوكــــــــي..
.
.
سمر: يا هلا والله يا هلا..
جنا: اهليــــــــن فيكي..
سمر: كيفك حبيبتي؟
جنا تحاول تبتسم: الحمدلله على كل حال..
سمر بخوف عليها: جنا حياتي إيش بك؟؟
جنا: خلينا نطلع لغرفتك وأكلمكي..
سمر ابتسمت: لا غرفتي خليها للـمفاحأة يالحلوه..
جنا ابتسمت وسكتت..
سمر قربت منها: جنا تكلمي..
جنا عينها دمعت: سمر أحس إني ضايعه..
ضمتها سمر وقالتلها: جنا أنا صراحه محتاره معاكي ولا أعرف الحل.. بس بقولك على وحده يمكن تعرف تساعدك..
((::توضيح:: هذا لأن وعد ماشالله عليها من يومها وهي عقلها واسع وتعرف للحلول ..وتفهم النفسيات.. وتعرف كيف تتعامل معاهم.. عشان كذا دايما البنات يستشيرونها.. معنها كانت صغيره بس طول عمرها بعقل كبير..))تفاجأت جنا وفتحت عينها: ميـــــن؟؟
ابتسمت سمر: وعـــد..
جنا عقدت حواجبها: مين وعد؟؟؟
سمر: ما تفتكرين وعد.. بنت عمتي..
جنا: اها.. طيب وعد مسافره يالذكيه..!
سمر ابتسمت اكثر: (وهي ترفع حواجبها) وعد فوووق..
جنا: إيش بك صاير فيكي شي!!!!!!
سمر ضحكت: ههههههههههههه وربي إنها فوق في غرفتي..
جنا بتريقه: يا غبيه وعد فأمريكا..
سمر بهدوء: رجعت..
رددت جنا ببلاهة: رجعت!
سمر: رجعت..
جنا ببلاهة تضحك: رجعت!
... : رجعت!!
طالعو على جهت الصوت المرح الطفولي متفاجئين..
سمر: هنوف..!
الهنوف: هههههه اشبكم .. رجعت رجعت رجعت رجعت..!!! أكنكم مجانين..
سمر: بس خلاص
ابتسمتلها جنا.. : يا عمري إنتي.. كيفك؟
الهنوف: طيبه
حنا: الحمدلله..(ولفت على سمر) طيب بتأكد خلينا نطلع .. لأني أتوقعه مقلب..
سمر رفعت حواجبها بثقه: ياللا..
جنا: نشوف آخرة الثقه هاذي!
.
بعد ما طلعو...
سمر فتحت الباب بشويش.. وجنا تطالع فيها بمكر..
وابتسمت سمر بثقه وفتحت الباب على كبرو.. : سبرايـــــس!
دخلت بسرعه جنا الغرفه وبعدين ضحكت: ههههه وين إن شالله الوعد؟؟
سمر متفاجأة: وربي ما أكذب.. وين راحت..
جنا: اقووووول اعترفي.. يا كذابه..؟
وفجأة أنفتح باب الحمام.. ،، الله يعزكم ،،
وطلع وجه وعد المورد.. وابتسمت لما شافتهم..
جنا من المفاجأة ما قدرت تتكلم.. : .. (مره ما توقعت هذا الشي.. كانت متأكده إن سمر تضحك عليها)
طالعت في سمر إلي كانت مبتسمه بإنتصار.. ورجعت طالعت في وعد وهي مبلمه
وبشفايف مرتجفه: وعد؟!!
قربت منها وعد مبتسمه: ايوا يا حبيبتي جنا .. انا وعد..
راحت لها جنا بسرعه وضمتها: وحشتيــــــــــــــــــــــــــــــــــني ..
ضحكت سمر: طيب عرفنا.. بس لا تخنقي البنت!
ضحكت وعد: هاااي إنتي إيش دخلك .. أنا ولا أنتي!!
جنا ضحكت وهي تبعد نفسها: هههههههه وربي مني مصدقه..
وعد: ربي يسعدك حبيبتي.. وربي إني مشتاقه لكم كلكم..
سمر وجنا ابتسمو لها
جنا: حمدلله على سلامتك..
وعد: الله يسلمك..
جنا رفعت حواجبها بسخريه ممازحه: ها ها .. ما قالتلي سمر إنك بترجعي بعد كم سنه ليسع..!؟
نزلت وعد راسها بحزن وسرحت شوي..
جنا اتغصصت وحست في شي: وعد إيش فيـــه؟؟
سمر دقت جنا بشويش واشرتلها تسكت..
سمر: وعد.. ما عرفتي آخر خبر
رفعت وعد راسها وابتسمت عرفت إنو سمر تبا تشيلها من حزنها.. "الله لا يحرمني منك يا سمر"..: ها إيش هوه؟؟
سمر طالعت على جنا بنظرة خبث: جنا .. ملكــــــــــت!
وعد اندهشت من جد: إيـــــــــــــــــــــ ش؟؟؟؟؟؟؟؟؟؟
سمر: خيانه.. ملكت قبلنا..هههه
جنا دقتها بقوه: اقوووول بس اسكتي..
وعد: ها ها ها ايش ايش.. قــــــــولي..؟؟( بعدين اتفحصت جنا) اقول وين الخدود المحمره.. والإبتسامه الخجوله..
سكتت جنا ولفت وجهها للجهة الثانيه..
وعد تفاجأت مره وحست إنو في شي..
وعد قربت من جنا ومسكت يدها: جنا حبي.. إنتي منتي مرتاحه ؟؟
سكتت جنا وحست ودها تبكي ودها تصرخ.. تفهم الناس إلي جوا قلبها.. كل هذا عجزت تسويه.. إلي قدرت عليه إنها حطت راسها في حظن وعد.. وحطت قنبلتها..
جنا: تزوجت.. أعمــ ـى!
كانت صدمه كبيره لوعد إلي لمت جنا وما صدقت: جنا إيش تقصدي..؟
سمر طالعت في وعد: وعد.. جنا تزوجت من واحد ما يشوف ..
حست وعد إن الالغاز كثرت عليها..
وعد: يو يا بنات فهموني ..!!
جنا ما قدرت تقول شي.. وسكتت..
سمر نزلت راسها وبعدين رفعته ..: وعد حبيبتي.. عارفه إنك ما راح تصدقين إلي حصلها شي غير طبيعي.. يعني تخيلي ابوها جاها.. وقالها اسبوع الجاي ملكتك على ولد صاحبي .. إلي هوا اعمى.. وانا اعطيته كلمه ما اباكي تنزلينها لي في الارض.. لأنو ولد صاحبي هذا معزتو معزة اخوانك.. ونفسيته ادهورت .. وأنا حاط املي فيكي..
شهقت وعد: هاه يعني الملكه هذا الاسبوع..
بكيت زياده جنا وقالت: خلاص ملكتي راحت.. كانت الربوع إلي راح..
وعد: يؤ قولي والله..
جنا من بين شهقاتها: والله العظيم..

.. مر سكون عليهم لمدة خمس دقايق..

بعدها وعد استجمعت قوتها ورفعت راس جنا..
وعد بحنيه مع بعض الصرامه: جنا مو يعني زوجك اعمى يعني خلاص حياتك تعيسه معاه!
جنا: وعد إيش تقولين..؟
وعد: إلي سمعتيه!
سمر إندهشت من كلام وعد وفضلت تكون مستمعه.. تشوف إيش حتسوي بنت عمتها..
وعد: جنا .. كيف كانت ملكتك..؟؟
جنا بسخريه: تصدقي.. ما رفعت نظري له.. وقسم بالله ما اعرف شكلو.. حتى هوا بس ربع ساعه وخرج..
وعد: إنتي مجنونه؟؟
جنا: ليه أتعب روحي واتأمل في واحد اعمى؟؟
وعد دفت جنا بقوه وبعصبيه قالت: غبيه وقسم بالله غبيه..؟

، ،

يا ترى إيش ناويه وعد على جنا؟؟
وإيش موقف جنا من وعد وهل حيسبب هذا قناعه لجنا او عناد اكثر؟؟
وإيش بيصير بين جنا وياسر.. وهل حيجيها الخميس ويصير شي؟؟
ووعد إيش بيصير لها في الاحداث الجايه؟؟ هل حتلقى السعاده في بيت خالها؟؟
وسامر.. وش موقفه ووش حكايته مع ابوحسام وإيش بيصير بينهم بعد كذا؟؟
وسمــــــر ومهند إلي ما يبا يتزوج غيرها.. هل حيصير شي بينهم؟؟
امواج لا تستقر.. تابعوو معي..!
..::[]::[]::[]::[]::[]::[]::[]::[]::..

05-20-2008, 04:47 PM

~)(~ الفصل الرابع ~)(~
[]**[] .. غريبه هالدنيا.. وافعالها اغرب!! .. []**[]

جنا بسخريه: تصدقي.. ما رفعت نظري له.. وقسم بالله ما اعرف شكلو.. حتى هوا بس ربع ساعه وخرج..
وعد: إنتي مجنونه؟؟
جنا: ليه أتعب روحي واتأمل في واحد اعمى؟؟
وعد دفت جنا بقوه وبعصبيه قالت: غبيه وقسم بالله غبيه..؟
سمر بعصبيه: وعد اش بك عـ البنت.. هاذي مهي طريقه تتعاملي معاها..
وعد: اسكتي يا سمر.. وخليني اكلمها براحتي..
سكتت سمر وحست إنو وعد ناويه على شي..
وعد بهدوء: جنا... ما توقعت تسيري بيوم من الايام ...(وصرت على اسنانها) وقحه..!
تفاجأت اكثر سمر..
وجنا سكتت وبلمت فيها: ...!
وعد: صراحه عمي ظنه خاب فيكي.. توقعك إنك بعقليه اكبر.. إنسانه بكل ما تعنيه الكلمه من انسانه (وذرفت عينها لأنها تذكرت ابوها) جنا.. ابوكي يعز هذا الولد.. ولما شاف نفسيته مدهوره .. حط اماله عليكي بأنك إنتي تقدري تخرجيه من إلي هوا فيه.. رحتي خيبتي اماله كلها.. وطلعتي زي أي بنت من بنات هذا الزمن..
سكتت جنا وحست نفسها صغيره قدام كلام وعد..
وعد: جنا انا طول عمري واحسك اكبر من كذا! غريبه ما توقعت إنك حتتغيري بهذا الشكل..
نزلت جنا راسها وما قدرت تقول شي..
سمر طالعت وعد تسترجيها تخف بكلامها.. تحس إنها تقسي بكلامها كثير على جنا..
وعد: بالله عليكي يا جنا.. إسألي نفسك.. ليه زوجك..(وهيّا قصدت تختار كلمة زوجك.. علشان تأثر فيها..) خرج بعد ربع ساعه وهاذا في ملكته.. ملكـــــــتــ ـــــــه..!! هه.. هذا لأنه ما رتاح.. تخيلي ما يرتاح مع زوجتو,,, لقى منها كل جفاف وتجاهل.. !.. وكيف ألحين تلاقين الدنيا كلها تسكرت في وجهو.. جنا إنتي ما تدرين عن الدنيا .. إيش دريكي إن شالله يتعالج.. خاصة إنه انعمى من حادث يعني بإذن الله له علاج.. ما سألتي ابوكي..؟؟
جنا بتردد: لا..
وعد عصبت: شفتي الاهمال..!! أسألك بالله في أبو.. يتعس حياة بنته.. اكيد ابوكي عارف إنه بإذن الله له علاج..وشايف فيه الرجل المناسب لكي..
ما لقيت جنا كلمه تقولها : ...!
وعد: بعد الملكه ما جاكي..؟؟
جنا بخوف: لا.. بس..
وعد: بس إيش..؟؟
جنا: يمكن يجي يوم الخميس..
وعد: إلي بعد بكره..؟؟
جنا: إيوا..
وعد: اوكي.. جنا.. بليز حطي لنفسك وله فرصه.. وطالعي فيه على إنه مو اعمى.. بليــز..؟
جنا رفعت نظرها لوعد وهي بالفعل حست كل كلامها أثر فيها بقوه.. ((::توضيح::جنا من النوع إلي يتأثر بقوه.. وكان خير كبير جواها.. بس الوساوس حقتها خلتها تعاند..))قامت جنا وحظنت وعد وهي تقول: وعد والله إنك رائعه طول عمرك.. ما شالله عليكي.. وينك عني من زمان.. حتى امي ما سوتلي إلي سويتيه.. ربي لا يحرمني منك.. ويسعدك دنيا وآخره..
ابتسمتلها وعد وبحنان قالت: امين حبيبتي .. صدقيني إلي سويته واجبي.. بس إنتي اوعديني إنك تحاولي..
ابتسمت جنا: بحاول بإذن الله..
سمر: هههههه وربي إنك شي.. ماشالله عليكي.. إلي قولتيه ما كان بيخطر ببالي.. من جد كنت هبله..!
ضحكت جنا: هههه الاعتراف بالحق فضيله..
سمر: هاي هاي بس انا إلي اسب نفسي.. وأنتي عاد.. اص..
وعد وهي تحس إنهم مدينها اكثر من حقها بس ضحكت بغصة: ههههههه
.
.
.

... : بشار
بشار: هاه..
... : عمى قول نعم..
بشار: عبدالرحمن.. قول الزبده؟
عبدالرحمن ابتسم: يعني إذا قلتلك نفسيتك حتتصلح؟؟
بشار: اوهووو علينا.. متى تخلص إنتا؟؟
عبدالرحمن: سامر..
بشار عقد حواجبو بإستغراب: اتصل؟؟
عبدالرحمن: لا..
عصب بشار: ايش بو اجل.. ؟؟
عبدالرحمن ابتسم: بكبره جا هنا..
قرب منو بشار: ايش ايش ايش؟؟؟؟؟
عبدالرحمن: هههههههههه سامر هنا في جده..
بشار.. بلم فيه: !!
تدخل واحد من الشباب: بشار.. عبدالرحمن.. صحيح إلي سمعته.. سامر رجع..؟؟؟
بشار طالع عليه وعيونو بتطلع: يعني صح يا سالم..؟؟
اندهش سالم اكثر: انا أسأل!
عبدالرحمن ضحك: ايوا ايوا رجع سامر..
سالم: بالله..
عبدالرحمن: ويمين بالله
بشار: اقووول عبدالرحمن.. وينه..؟؟
عبدالرحمن: اليوم حيكون في استراحة الـفيصل في حدود جده هناك عشا له.. واكرم قاعد يجهز هناك.. إحنا ما قلناله.. حنسويها له مفاجأة..
بشار: طيب أنا اوريكم ما تقولولي..!!
عبدالرحمن ضحك: ههههه وربي اسف بس اهوه انا ألحين جاي اقولك.. والعشا سويناه بسرعه علشان ما نتأخر..
سالم: طيب وانتا روح ساعده.. انا حأكلم الشباب الباقين..
عبدالرحمن: اوكي.. انا ألحين رايح..(ولف رايح)
بشار: ابو عبود.. بسألك وينو الحين سامر؟؟
عبدالرحمن ابتسم(عارفه إنو اعز واحد على سامر الصديق الروحي بشار) : هلا
بشار: وينو هوا؟؟
عبدالرحمن حب يرفع له ضغطه: مين؟؟
بشار: اووووف من هذا الغبي.. يعني مين بالله عليك.. مين كنا نتكلم عليه تونا؟؟
عبدالرحمن: اها قصدك سالم.. شوفه رايح للشـ...
قاطعه بشار: اقوووووول لا تستهبل.. وين سامر؟؟
عبدالرحمن: مين سامر.. سامر مسافــــ....
بشار ارتفع ضغطه زياده وعصب وقاطعه: يالدلخ.. يالغبي يالـ..
عبدالحمن: ههههه بس بس خلاص..
بشار دفه بقوه: عبدالرحمن قولي وين سامر؟؟
عبدالرحمن وهوا يبعد بشار: هههه اقول بروح ألحين عندي شغل..
بشار خلاص بغى يذبح عبدالرحمن: هااااااااي انتا رفعتلي ضغطي فكنا ياخي وقولي..
عبدالرحمن: اقولك ايش؟؟؟
بشار هنا ما صبر راح طيح عبدالرحمن وقعد يضربو.. وكان هذا على دخلة اكرم..
اكرم: هااااي انتو اشبكم..... يالشباب خير إيش فيكم؟؟؟؟؟
عبدالرحمن مخنوق: اكرم بعده عني..
بشار: اقوول ما راح افكك.. تلعب بأعصابي هاه؟.. شايفني مغفل عندك!!
اكرم: بشار اش بك.. إيش هذي العصبيه.. ؟
عبدالرحمن: وربي مو جايبها من بعيد.. (وهوا يغمز لأكرم)
اكرم: هههههههههههههههه (يقصدو سامر)
بشار فهم قصد عبدالرحمن وبعد عنه: طيب اوريكم وربي لو بس ألقاه.. (وبصرخه) وينـــــه؟؟
اكرم: ما قلناله حيكسرنا هذا! ههههههههههه
عبدالرحمن: ههههههههههههههههه
بشار نفذ صبره ويقول لنفسه.. "اوووف دايما هذولي يحبو يرفعولي ضغطي ياااااربي ايش اسوي فيهم..!!"
بشار بتريقه: هي هي هي ما تضحِكون.. تعرفو انو إلي تسونو البزران ما يسووه..!
كركرو عبدالرحمن واكرم إلين ما قالو بس بعدين قال اكرم: اوكي اوكي ياللا انا لازم اكمل اعمالي الحين.. ياللا سي يو..
عبدالرحمن سرع مسكه مع يده: وانا معاك لا تتركني مع ذا الشرس..
وبعد ما بعدو مسافه من بشار وهوا واقف يطالع فيهم بطفش وده يقتلهم..
لفو عليه وقال عبدالرحمن: بشار تعال للإستراحه وحتشوفه..
بشار زهق وانرفع ضغطه وكره حياته كلها علشان إلي سووله.. "يووه وربي ما يعرفو معزتك بقلبي يا سامر ولو بيدي كسرت الدنيا علشانك.. ياالله ألحين اعرف إنك بجده واعجز اوصلك.. اووف يعني لازم استنى هاذي الساعتين.. اووووف وقسم بالله لأردها لكم يالحيوانات يالكلاب يالزبالين يالــ ...ّ!" ((خخخخخ طايح سب فيهم .. ههه ما بيده حيله!))
.
.
عند باب الاستراحه..
وقف سامر.. "هاذي الاستراحه إلي قالولي عليها الشباب..!"
دخل بهدوء استغرب لقاها مليانه شباب بالمرررره..
دخل شوي وشاف الشباب يطالعو فيه ويبتسمو.. وإلي يقول "هذا سامر".. وإلي جايله رافع يدينه بالاحضان..
ما توقع هذا العدد كله.. بس مع هذا عينه راحت تجي وتروح في الوجيه.. كان يدور على واحد بحد ذاته بس ما لقاه..
راح يسلم عليهم .. وعينه ما زالت تدور في الوجيه,, بس للأسف مهو فيه..
حس إنه متضايق... نفسه يشوفه هوا فينه؟؟ ويقول لنفسه "معقوله ما جا؟؟"
شاف اكرم.. وراح يسأله: اكرم.. وين بشار؟؟
ابتسم اكرم وتذكر إلي سواه عبدالرحمن ببشار.. وإلي حاصل جوا غرفة الاستراحه..بس بعدين تدارك نفسه وسوا نفسه اكتئب: بشار!
سامر رفع حاجبه الايسر: اقول مني غبي تضحك علي وبلاش تمثيل.. وينه هوا؟؟
عرف اكرم إنو سامر ما ينضحك عليه بسهوله عشان كذا قلب الموضوع نرفزه: مين هوا؟؟
اتنرفز سامر: اوهوو علينا وين بشـــار؟
اكرم ضحك: ههههههه اها..
سامر دقه على كتفه وراح عنو عرف إنو حيطفشه ما نسي ايامهم زمان.. وإلي كانو يسوونه..
راح لغرفة الاستراحه وفي الطريق صدم في واحد كان يجري.. بس ما انتبه لوجهه.. بس أكتفى انو يصرخ: هاي شوف قدامك..!
... : اقووول انقلع.. بروح اشوف الحبيب جاي وإنتا تتضارب معايا..!
سامر بس شاف هذا من ظهره وهوا مندفع ويقول هذي العباره.. ولف على قدام وشاف عبدالرحمن فاطس ضحك استغرب.. ورجع طالع لورا..

05-20-2008, 04:50 PM

عبدالرحمن: بشـــــــــــــار..
طبعا إلي صدم سامر ما كان إلا بشار..
بشار وهوا على الطرف يبا يلف للبرحه عند الشباب: اقول فكنا
سامر قعد يضحك ما قدر يمسك نفسه فعلا المشهد كان يضحك..!!
عبدالرحمن: وقسم بالله صاحبك هذا من يوم ما عرف إنك في جده سوالنا مناحه.. صرقعنا ياخي .. إنتا إيش مسوي فيه..؟
ابتسم سامر .. وهوا يقول لنفسه.. " بشار يا حبيبي هذا كلو تسويه علشاني.. الله لا يحرمني منك.."
دقيقتين واكرم يطل عليهم ويضحك وبشار يمشي وراه وهوا معصب
بشار: ويمين بالله ما شفت حقير مثلك إنتا وذاك الخبل.. يعني سامر لا جا ولا شي بس حركه سخيـــــفه تسوونها .. بس فالحين تلعبو عليا.. يا خي إنتو ما عندكم غيــ...
وجات عينه على سامر واهتز من داخله.. "ياالله مين.. لا مو معقول .. !! يمكن يكون شبيه سامر.. يعني هذولي الخبلين صادقين.. !!!"

قرب منو سامر وهوا مبتسم..: بشار
بشار مو مصدق: ..
سامر: كيف منتى مشتاق ليا..؟
بشار: سامر.. طيب فرحك إلي سار.. تغيب فجأة.. لا اخبار ولا شي!!
سامر: اعذرني يا خويا.. وربي فوق طاقتي..
بشار حس إنو كثير اشياء كابته على قلب صاحبه.. وقرب منو وضمو بقوه وعينه تدمع.. وسامر ضمه وهوا يحس نفسه مشتــــــــاق مره له..
بشار: سامر لا تعيدها ارجوك.. عـ الاقل.. لو انا لا تعذبني.. اهجر الناس كلها بس انا لا!
ابتسم له سامر: ما عليك يا بشار.. بس إنتا لا تعذب نفسك علشاني..
بشار: وليه إن شالله مو انتا اغلى صديق؟؟
ابتسم له سامر: الله لا يفرقنا..
بشار: اميـــــــــــــــــن..

عبدالرحمن: خلاص خلصو المسرحيه هاذي..
اكرم مبتسم: اقول بكيتونا..
ألتفت لهم بشار: اقول سامر.. وقسم بالله هذا الدب (يقصد عبدالرحمن) والمصرقع إلي معاه (قصده اكرم) طفشووووني موتو كل احساس فيني..!
سامر: أنا اوريك فيهم .. عدنا والزمن طويـــــل..
عبدالرحمن واكرم:ههههههههههه
عبدالرحمن: وربي إنتو لو اجتمعتو يا ويلنا..
.
... : اقول شباب وينكم.. مسوين العشا لاجل سامر يشارك الجميع مو تحتكرو فيه جوا هنا ..؟
اكرم: اوووه والله انك صادق يا سالم.. ياللا شباب خلونا نخرج..
عبدالرحمن: هيّا .. (ويلتفت لسامر) اقول سامر العشا عشانك لازم تسوي عرض حركات مركتات!
سامر متفاجيء: إيوا إن شالله ليه متعبين نفسكم علشاني.. ومسوين عشا..
بشار: لأنك تستاهل..
اكرم: إيوا والله يا سامر إنتا تستاهل نتعب نفسنا علشانك.,. وبعدين واجبنا تجاهك..
سامر ابتسم..
عبدالرحمن: ها ما رديت عليا.. حتسوي عرض..
سامر بإستهبال: اقول يا فالح احسلك تسكت قال إيش قال عرض اسوي..!
بشار فطش من الضحك: ههههههههههههههههه
اكرم: لا بالله ليه ما تسوي.. روقنا ياخي..
بشار: خخخخخخخخ انتا الثاني اسكت..
سامر: ههه وربي إنكم فايقين..!
.
.
.

يوم الخميس ..
.
في بيت ابو ياسر..
.
ابو ياسر: ها يا ولدي بعد المغرب نكون عندهم..
ياسر: بس يا بويا..
ابو ياسر: لا بس ولا شي.. اش بك ما كأنك مملك الشباب من يوم ما يملكو وهما منبطين في بيوت عرايسهم.. وانتا ما تبا تروح.. كفايه في الملكه ما قعدت ربع ساعه..
ياسر: ابويا ما اكذب لو اقولك حتى انا لو تزوجت وانا طبيعي ما اترك العروسه اروحلها كل شوي بس هذا إذا كنت طبيعي أما انا ألحين فإنسان مختلف.. مختلــــف..! ما اشوف إيش فايده اروح لروحتي وانا ما اشوفها..
ابو ياسر بتأفف: اوووف منك.. اقولك ما تفهم عادي عـــادي تراها وافقت عليك يعني مو عشان إنتا منتى قادر تهضم نفسك ما تعيشها اكنها عروسه مملكه إيش ذنبها هيّا؟؟
ياسر ..حس إنو كلام ابوه .. "صح بس انا ما حسيت بوجودها اصلا في الملكه فحسيت بثقل جلستي علشان كذا خرجت بسرعه.. مني قادر حتى أتخيل إنو عندي زوجه.. ليه ما شعرت بوجودها.. بس حرام اعذبها معايا.. ياالله طيب هيّا وافقت.. بس ابوها ادانا كلمه قبل ما يسألها كان المفروض ارفض مو علشاني إلا علشانها هيّا بس انا غبي من جد.. اووف خلاص بروح اليوم وأسألها بنفسي لازم اسمع رأيها واعرف إن كانت تبغاني بعمايا ولا لا! "
ياسر: اوكي خلاص انا جاي..
ابو ياسر: الحمدلله..
.
.
في بيت ابوطارق..
.
جنا بعد ما صلت العصر.. جلست تفكر.. "ممم يعني اليوم بنزل واقابله بضغط على نفسي.. خلاص زي ما قالت وعد.. لازم انسى انو اعمى واشوفه بنظره مختلفه إيش دراني يمكن احبه.. يمكن يكون غير عن إلي فبالي.. ايوا اش بي انا! مو يعني اعمى يعني خلاص ما يعيش زي حياتنا.. آآه يا ربي الحمدلله إنك ارسلتلي وعد.. بالغعل قد ايش انا احبها.. ريحت قلبي مره.. كلامها إلين ألحين يرن في بالي.. [جنا.. ابوكي يعز هذا الولد.. ولما شاف نفسيته مدهوره .. حط اماله عليكي بأنك إنتي تقدري تخرجيه من إلي هوا فيه..].. ااه يا ربي ساعدني اكون زي ما بويا يفكرني ساعدني يااارب.."
.
سمعت باب غرفتها ينفتح إلتفت شافت امها قلقانه عليها ابتسمت لها..
ام طارق بخوف على بنتها: ياسر بعد المغرب بيكون في المجلس!
جنا ابتسمت اكثر: اوكي حكون جاهزه ان شالله..
ام طارق بحنان: جنا.. حبيبتي إنتي من جد مرتاحه..؟؟
جنا : الحمدلله يا امي ما عليكي ربي يكتب إلي فيه خير..
قربت منها امها ومسحت على راسها: خايفه عليكي..
جنا: ومن إيش يا امي.. صدقيني ربي ما يكتب إلا إلي فيه خير لنا.. ما عليكي.. انا مرتاحه ألحين..
ابتسمت ام طارق: الحمدلله يا بنتي ريحتيني ربي يريحك ويسعدك.. بس عمري لا تضغطي على نفسك إن كنتـــ...
قاطعتها جنا: لا اضغط على نفسي ولا شي يا امي مااا عليـــكي..
ام طارق ضحكت: ههه اوكي عمري انا بنزل احط الغدا.. انزلي ياللا
جنا: وراكي إن شالله..
.
.
وبعد المغرب.. كانت جنا متوتره وخايفه.. هي في نفسها لازم تجلس معاه.. لازم تدي لنفسها وله الفرصه لازم..!
نزلت ومرت من الصاله.. شافت امها تبتسملها وتدعيلها..
مرت شافت طارق على جواله في الصاله.. راحتله طوالي..
جنا: طارق..
طارق رفع نظره لها: هلا حبيبتي..
جنا: انا متوتره..
طارق ابتسملها ووقف: هيا بدخل معاكي..
ابتسمت له جنا: شكرا ربي يوفقك ويسعدك مع مها..
طارق: ههههههه امين.. ياللا امشي..
مشيو إلين باب المجلس..
طارق طالع فيها يشجعها.. وهي ترتجف..
وارتجفت اكثر لما انفتح الباب وطلع منه بندر..
بندر: اشبك خايفه تراه ما راح يشوفك..
كلمته جرحتها.. فنزلت راسها..
طارق: يا غبي روح انقلع..
بندر: اش فيه اش سويت انا؟؟
طارق: رووووح..
على طول بندر راح.. لانه هوا واحمد يخافو من طارق لأنه عصبي عليهم.. ((ما يقدر لهم إلا هوا خخخخ))طارق طالع في جنا: جنا ما عليكي في ذاك الاهبل..
جنا رفعت نظرها له.. وسكتت.. هي عارفه إنو ما قصد بس كلمته الصادقه سببت جرح لها..
جنا: ما عليك يا طارق خلاص بدخل ألحين..
وبسرعه دخلت..
.
جنا: السلام عليكم..
ابوطارق+ياسر: وعليكم السلام..
ابوطارق: اهيّا وصلت عروستك يا ياسر.. (وطالع في بنتو مبتسملها وارتاح كثير لما ردتله الابتسامه بإبتسامه خجوله)
ابوطارق مبتسم: تعالي حبيبتي اجلسي جنب زوجك..
جنا اول مره ترفع نظرها وتطالع في ياسر.. عجبها مره.. كان جذاب فعلا وحلو.. ابيضاني وملامحه حلوه جذابه عيونو كانت خطيره وما تخيلت إن هذي العيون ما تشووف!
ارتبكت لما شافت ابوها طالع فيها وابتسم لاحظ إنها ركزت نظرها في ياسر..
ابو طارق: ياللا اتركم ألحين تاخذو راحتكم..
جنا حست بخوف ما تدري ليه وطالعت في ابوها إلي ما تركلها فرصه وخرج..
هي ودها تجلس معاه بدون ابوها صح بس برضو بحكم إنها بنت تتوتر باول ساعه تجلسها مع زوجها حتى لو كان أعمى!!
ياسر ابتسم: جنا..
ابتسمت جنا بخجل وهي ليساعها واقفه
ياسر: حنا وينك؟
حست جنا إنها بحكم إن زوجها ما يشوف لازم.. لازم تتخلى عن الخجل..
جنا قربت وجلست قريب منو: انا هنا يا ياسر..
ياسر حسها قريبه منو بس مو مره عرف اكيد إنها خجلانه حس من جد لاول مره إنو يتمنى مره إنو يشوف.. حس بقهر وبضعف حيلته.. بس حمد ربه على كل حال..
ياسر ابتسم: ايش اخبارك؟
جنا: الحمدلله تمام.. وإنتا كيفك ؟؟
ياسر: الحمدلله.. تصدقي..
جنا حست بالفضول وإنها تكتشف إيش يفكر فيه هذا الشخص إلي هوا زوجها وما تعرف منه إلا اسمه: إيــــش؟؟
ابتسم ياسر إلي ما توقع منها هذي الاستجابه: صوتك (وبهمس) حلووو..
جنا بغت تدوخ من الخجل..
ياسر: وتصدقي إيش هوا حلمي بهذي اللحظه؟؟
جنا منزله راسها ومبتسمه وخدودها محمره بس قالت بهمس: ايش؟
ياسر نزل نظره بحزن: إني اشوفك بهاللحظه.. لو بس يرجعلي البصر دقيقه اشوفك وبعدين يروح عني ..
جنا من جد حزنت له وحست إلي بقلبه ونفسها تشيل الهم إلي في قلبه حست بألمه وحست بمشاعر تنبض في قلبها..
ياسر: نفسي اشوف الانسانه إلي رضيت فيني وبعيبي إلي مهو زي أي عيب.. عيبي إني أعمـ....
جنا قاطعته بسرعه: ياسر بليز لا تقول هاذا الكلام!
ياسر حس براحه عجيبه من عبارتها هذي إلي تدل إنها راضيه فيه وبعيبه..
ياسر نزل راسه: بس هذي حقيقتي..
جنا بصوت راخي: وأنا راضيه بهذي الحقيقه..
ياسر رفع نظره بإتجاه صوتها وابتسم.. وهي حست براحه عجيبه وهي تشوفه يبتسم..
جنا كانت تبا تتكلم معاه عن علاجه وانه ودها اول ما يتزوجو.. يسافرو ويتعالج على حسب ما قاله لها ابوها ..إنو ياسر بإذن الله بإمكانه يتعالج والعلاج متوفر بره.. كان بتقول بس في الاخير استحت وفضلت ما تقولها بأول جلسه معاه..
جنا: ياسر.. بإيش تفكر..؟
ابتسم ياسر: فيكي..
ضحكت جنا بهمس: ههه اعترف تحش فيني..
ياسر حس إنها اخذت عليه من اول جلسه .. وحس إنه من جد حبها وارتاح لها كثيـــر..
ياسر حب يشوف ردة فعلها: بسم الله كيف قرأتي افكاري..
جنا اتفاجأت: إيـــــش؟!!
ياسر: ههههههههههههه..
جنا ضحكت: ههههه تلعب عليا هاه؟
ياسر: خخخخخ لا بس كنت بشوف إنك عصبيه ولا لا !
جنا حست إنو خجلها ذاب معاه.. ما تدري ليه اخذت عليه بهذي السرعه "يمكن لانه ما يشوفني.. اوف استغفر الله"..
جنا: لا والله! .. طيب انا اوريك..
ياسر رفع حواجبه متفاجيء ويقول لنفسه.." يا ويلي إيش حتسوي هاذي.. عاد حأبتلش لأني ما اشوف"..
جنا: ههههه ايش بك خفت؟
ياسر: خخخخخ لا عاد.. أنا اخاف!!..
جنا: ههههه باين .. المهم هههه تراني بس امزح
ياسر بصوت واطي: اشوى..
جنا: إيش؟؟ خخخ
ياسر: هاه لا ولا شي.. حرام الواحد يكلم نفسه..!!
جنا: هههههههههههههه
ياسر: دوم يارب ضحكتك..
جنا استحت ونزلت راسها..
ياسر: جنا لا تسكتي إنتي عارفه بلواي ..
جنا.. " يا ويلي تراني استحي افهم يا خي "
ياسر: جي جي..
جنا رفعت حواجبها باندهاش: جي جي..!
ياسر: ههههههه اشبك تفاجأتي.. هذا دلعك..
جنا سكتت وهي مبتسمه وخجلانه وقالت بصوت واطي: ما قيد احد دلعني..
ياسر ابتسملها: من اليوم أنا حأدلعك طول الوقت بإذن الله وحأحاول اسعدك قد ما اقدر..
جنا شعرت إنها فرحانه وحست إن العمى حاجه مهي عيب زي ما قالتلها وعد .. وقالت في نفسها .."من جد العمى شي مو بيد الانسان.. حتى العميان عندهم مشاعر حلوه واحاسيس رائعه.. معقوله هذا الانسان الطيب الحنون كنت بضيعه من ايدي بسبب شي مو بيده.."
ياسر: جنا إنتي تعذبيني بسكوتك..
جنا: اسفه حبيبـ...(وحست وجهها حمر بغت تقولها بس غيرت كلمتها) اسفه ياسر وربي(وبهمس) استحيت..
ياسر لفت نظره تغييرها للكلمه ابتسم وعرف إنها اكيد بتستحي بأول جلسه مع بعض.. فقال: خلاص طيب (وأداها القلم إلي في جيبه وهي متفاجأه وكمل) إذا استحيتي دقي بالقلم عالطاوله .. فأفهم إنك معايا..
جنا وهي تضحك: ههههههههه (وبصوت واطي) عندك افكار جهنميه..
ياسر: علشان حبيبتي جنا.. اطلع كل مواهبي..
جنا خجلت من عبارته اجل كيف لما سمعته يقول حبيبتي.."ياربي جسمي يرتجف"..
.
.
.

05-20-2008, 04:55 PM

.
.
.
في بيت ابو حسام.. في غرفة سمر..
.
آآه يا زمن كيف غربتك تقتل حالي..
كيف القلوب تنعمي قبل البصاير..
ياليت الجروح كلها تطعن في قلبي..
ولا احس بناس ما فيهم ضماير...
.
وعد كانت دايخه مره خاصه إنها طفشت لحالها فتحت الباب بشويش.. بس بتنادي سمر.. تجلس معاها.. ((::توضيح:: هي عارفه إذا نزلت حتسبب ربشه يعني حسام وسمير ما راح ياخذون راحتهم كيف بيتحركون وهيّا تغطي عنهم فعلشان كذا فضلت تجلس في غرفة سمر خاصه لما لاحظت إنهم ما يطالبوها بالخروج..))جات بتطلع إلا تسمع صوت مرت خالها: سمر قولتلك لا تجلسي معاها كثير..
سمر: ماما اشبك حرام لا تسيئي الظن فيها..
ام حسام: سمر.. قولتلك ما اطيق هاذي البنت.. اولا عاشت سنين مراهقتها فامريكا اش دراكي سوت ايش ؟.. وبعدين كمان... (كانت بتقول شي بس تراجعت) خلاص قولتلك لا تجلسي معاها..
سمر: ماما.. الله يسعدك.. لا تتعاملي معــ....
هنا وعد انصدمت وسكت الباب بهدوء وجريت ع السرير وعيونها تنزف دموع حاره.. حست بحراره تشعتل بوحهها.. " معقول .. معقول إلي سمعته.. بس ماني فاهمه ليه تفكيرهم كذا.. وليه يسيئو الظن ليــــه..؟.. الحمدلله بابا ما كان يتركني .. انا مربايه وربي مربايه احسن تربيه بس ليــــه يفكرو كذا.. آآه طول عمري واحس إنو في شي بين بابا واهل ماما.. وشكلو ظني في مكانو بس خلاص ما ابا اعيش في الذل لازم انقل لشقه ثانيه لازم.. أنا كلمت سامر في الموضوع.. بس هوا إلين الحين ما قال شي.. لا يكون نسي ولا مطنشني يااااربـــي.."
مسكت جوالها بتردد تتصل وتقول له ولا لا.. كانت بالفعل محتــــــاره..
بس خالها وما تقدر تكلمه تعرف إنه حيطنشها ويمكن يهزئها..و...و.. وتستحي تكلم حسام خاصه إنها انصدمت لما عرفت إنه خاطب وملكته قريبه.. بس طنشت الموضوع معنها حست بضيقه واختناق لما عرفت وما تدري ليه.. " آآه لما اتذكر ايامك يا حسام كنت حنــــون ورائع بالفعل.. صديق طفولتي إلي ما انساك.. بس يا وعد لا تفكري كذا .. معقول تكوني تحبيه لا لا ما اظن .. المسألة حب طفولي وبس.. يروح على طول.. ما وصلت مشاعري لأكثر.. وهي مسألة اعجاب وبس.. ايوا.. أنا عن نفسي اعرف إني ما حبيته.. لأن نفسي ليسع ما لقت الشخص إلي ملك إحساسي.."
حست بنفسها ضايعه... ومالها شاطي ترسي عليه.. بشراع افكارها.. حست بدمعات تنزل.. افتقدت ام.. ما حست بوجودها ولا لحظه في حياتها..
.
.


العضو المميز	الموضوع المميز	المشرف المميز
(عاشقــ(M)ــة الليل)	خيمة ابوعمر	همســُ‘ـة غــُ‘ـرٍَوٍبًَّ

الإهداءات
إضافة إهداء