حاولت .. اصبر ..

من جديد ....!!
ارســـم بين ايديكم ... ماستجد معي من احساس


..
..


( حــــاولت أصبر )


..
..





أنا ياللي تعرفوني ترى قلبي أسير هُموم
واعاني من جروحٍ داخل الأعماق مخفيه

كثير الهم عذبني وقرَّب يومي المحتوم
أحس من الآلام كل الجوارح بي مطويَّه

وأشبه حالتي مثل السجين اللي شكى مظلوم
تحت يدين ظالمٍ قاسي مافيه ماويَّه

رماه الحظ الأقشر يعترف ويقول ذا المقسوم
انا مثله احس الكبد بالنيران مكويَّه

تجرعت الهموم وصرت انا من كثرها مسموم
رغم هذا ماشفت احد من العالم رفقْ بيَّه

ذبحني هم قلبي سكن في داخلي وصار مكتوم
حاولت اصبر على الأحزان واكتم كل مافيَّه

لاكن الملامح بينت كل الآلام والهموم
وصرت أعاني من جروحٍ نارها في داخلي حيهَّ