قصيده عن احتلال العراق

احبائي اكتب لكم هذه الابيات باللهجه العراقيه اتمنه ان تفهمو معانيها

اكلو حتا النخل والتمر والجمار.....وبقا بس الجذع مشتعله بيه النار

وبالبصرة كعدو سيطرو ع الابار.....ودخلو للمتاحف سرقو الاثار

معروف الرصافي اطوقه دبابات......والسياف باگو منا كوم اشعار

خلو بالطريق اسلاك يابو اسلاك.....وبغدادالحبيبه لبسوها اسوار

احتلو كربلاء وميسان والحمزه.....وعلى صوت الرصاص نامت ذي قار

احتلو الموصل والنجف والفاو.....وبرگبت البصرة حدو المنشار

عراقيين وسفه الزمن بينه اندار.....شاهد انا ع الجرى وشاهد انا ع الصار

ياهو الي يطفي شعب مشتعله بيه النار.....اصعدنه فوگ السطح نباوع على الطيار

اصعدنه فوگ السطح نباوع على الطيار....ابگلبه ماكو رحم فلش علينه الدار

امي قتلها القصف وهنا ماتو اخواني....وصاروخ اجه من بعد فلشلي جيراني

شاهد عيان الزمن ياناس خلاني....ماعدنه غير الصبر وفوگ الصبر دنفوت

منو يرضه هذا الوطن يتخله في تابوت.....ميموت هذا البلد لالا ابد ميموت

ياعالم اسمع بعد صوتي وانفاسي......وطني حبيبي وهلي وكل ربعي وناسي



عسا ان تنال رضائكم

اخوكم علاء الحياني