سندريلا في ربوع القصيم ( الأمل البعيد )

** كان يامكان في قديم الزمان وفي سالف العصر والاوان.

** كان هناك فتاة تدعى الأمل البعيد .. تتميز الأمل البعيد بجمال آخاذ فهي الاقل شطوبا بين زميلاتها وهي اكثرهم بياضا بالنسبة للركب واقلهم اصفرارا بالنسبة للاسنان.

** كانت تعيش سعيدة في احيالتهم (مزرعتهم)..
وفي يوم من الايام راح ابوها يبي يجيب العلف من المزرعة حاول حمل حزمة العلف .. عندما رفعها وجد تحتها جنيا فبخ به الجني فخر صريعا على خشته ......

لحــــــظة هونت ابوها مامات وش لون يصير لها مرة ابو؟؟ اذا فالذي راح للمزرعة ومات اكتشفنا انها امها لكن الترجمة لم تكن دقيقة

** ماتت ام الأمل البعيد .. وشعرت بحزن غامر.. .. ماتدري وش اتسوي .. فتصافقت بها الجدران ...
جاءابو الأمل البعيد لمها وقال الأمل البعيد انا لازم اعرس .
الأمل البعيد : على راحتك يبة.
ابوها ..خلاص انا باخذ لطيفة ارملة ابو سعد.
قالت يبه بس هاذيس قشرا.
ابوها .. لا هذي اشاعات وبناتها مريم ومزنة بيصيرون مثل خواتك.
الأمل البعيد .. اللي تبي يبه

** تزوج ابو الأمل البعيد وبعد شهر من فلة الحجاج بدات مرة ابوها وبناتها تقل خاتمتهم وايحسرون بالأمل البعيد .

ضاق صدر الأمل البعيد وسكنوها في بيت الدرج .. والابو ماله سنع بينما لطيفة وبناتها ساكنين باحسن غرفة والتي تطل على حوش البقر < حاسين بالارتباط معهم.

** دارت الايام .. والاهاك اليوم به حفلة في بلدتهم.. ..امسويها حاكم البلدة من اجل انتقاء عروسا له.

** اقعدت الأمل البعيد تصيح ودها تروح .. ومرت ابوها صاكتن عليها

*اطلعوا للحفلة واتركوها ..
** يوم صار بالليل وتمر هذيك الفارة وتلحقها الأمل البعيد بالنعلة تبي تقتلها ... اصرخت الفارة بقوة قائلة :

الفارة / اصبري وش بلاس انتي ماتقرين قصص.
الأمل البعيد / بلا قصص بلا هم هالحين ابلخس بهالنعله واطير راسك.
الفارة /وش بلاس انا فارة متجنسة < يعني فيها جني من اهل الارض.
الأمل البعيد / واذا صار يعني.
الفارة / انا راح اسوي لس اللي تبين < اكيد لاحظتوا اللهجة.
الأمل البعيد / وش بتسوين يعني

الفارة / مثل القصة اللي بالتلفزيون ابخليك كشخة وتروحين للحفلة.
الأمل البعيد / يالله ورين اذا انتي صادزة>>يعني صادقة
الفارة / طيب جيبي لي عنز واربع دجاج مندي < خطا مطبعي. .. واقرعة نجد وارويس.

راحت الأمل البعيد وجابت له كل اللي تبي.
الفارة /// شرم برم لاتو فاتو جرام سرام ... يوم صارت القرعة كاديلاك وصارت العنز شغالة.. وصارت احدى الدجاج سواق ... وباقي الدجاج مالهن سنع فاضبطوا عليهن كبسة.

افرحت الأمل البعيد .. قالت الللللللله بس وشلون اروح وما عندي لبس.
قامت الفارة < نسينا انقول لكم ان الفارة تغير شكلها الى انسان ..
المهم قامت اسحرتها وحطت عليها ذاك اللبس :
التيور من آوت فيت < ماعليش دبة اشوي.
والجزمة من ميلانو.
والشنطة فندي < اصلية مو تقليد.
والبوك جفنشي < ماعليش مو زي الشنطة هذا المتوفر باسواق الجن.

** افرحت الأمل البعيد واركبت وراحت للحفلة.


** قالت الفارة لـ الأمل البعيد اسمعي الساعه احدعش ... لازم ترجعين والا تراني مانيب مسؤو لة عن اللي بيصير.

* * جت الأمل البعيد للحفلة .. يوم الفتت نظر كل الموجودين ادحيم واعليان واعزيز والبرهم كلهم فقوا اخششهم من الدهشه.

** الامير كان مستنزل < يطقون له طيران ...
قالت الجنية اللي مع الأمل البعيد للجني اللي في الامير : اطلع خل الامير يصحي

** نظر الامير الى الأمل البعيد مدهوشا
ماهذا الجمال اللي يشق الجبهه

** تبسمت الأمل البعيد وقالت تسلم الله يخليك
الامير إحول وفقد التركيز.

قال ممكن ترقصين معي
الأمل البعيد : واخزياة والناس وش يقولون.
الامير : تكفين تراها قصة لاتخربينها.
الأمل البعيد خلاص تم.

** ارقصت الأمل البعيد مع الامير ونست الوقت.
مادرت الا المباراة اللي بالتلفزيون مخلصة .. درت انها تاخرت.

كانت الساعة العاشرة وثمان وخمسون دقيقة .. طيط ..عند الاشارة < عفوا نسينا.

*المهم...
انقزت الأمل البعيد وراحت تركض واثرها لابسة الزبيرية حقت اخوها الصغير < انتبهوا للصغير... لان الجزمة اللي جابتها الجنية لها ضيقة عليها.

اركضت الأمل البعيد بالدرج .. وتنقطع الزبيرية وتطيح .. والامير يركض وراها ... تكرفس على جبهته وماقدر يلحقها .. اخذ الزبيرية معه ورجع.

** الأمل البعيد ارجعت لبيتهم وهي مبسوووووووطة.
الامير اعلن انه يبي يتزوج راعية الزبيرية ..

من بكرا انزلوا الحاشية يدورون راعية الزبيرية ... اكتشفوا ان نص هل الديرة تركب عليهم اوالله البلشة < قالها الامير
معقول باتزوج خبي
جاب مستشاره وقال له وش الحل.

المستشار : ابد طال عمرك انشوف رجلين الحريم واللي مقاسها ست واربعين تراها هي

*** راحو يدورون ... اكتشفوا ان معظم بنات الديرة مقاسهن تسع واربعين وفوق.

** يوم اوصلوا بيت الأمل البعيد .. صكت عليها مرت الابو في بيت الدرجة .. لم تسكت الأمل البعيد فبدت اتصارخ واتصيح افتحوووووووووولي ..

سمعها خوي الامير قال جيبوها
قالوا هذي خبلة
قال ماهو شغلكم جيبوها ..

** جت الأمل البعيد والبست الزبيرية والاها قدها تمااااام ... فرح الخوي وراح وبشر الامير.

** تزوج الامير الأمل البعيد .. وتهاوش معها عقب شهر وطلقها . < اوالله الخاتمة.
مما ورد نستفيد التالي :

1/ القرع له فوائد عديدة.
2/ الأمل البعيد شخصية مش خيالية.
3/ .. زين اذا كانت انعال اخوك قدك.
4/..القرعة ممكن تتحول الى كاديلاك.
5/..اذا بغيت تعرس لاتاخذ وحدة شايفينها بعرس .. وحاول انك تشوفها في الوضع الطبيعي ..والا تراك تبي تطلقها .. الا اذا كانت مدرسة

المشاركة الأصلية كتبت بواسطة عربجيه ديجيتل يسلموووووووووووووووووو..صموته هههههههههههههههههههههههههههههههه ههههههههههههههههههههههههه ههههههههههه جاك الدور الامل...تستاهلين .. لاتحرمينا تواجدك وحضورك...

المشاركة الأصلية كتبت بواسطة بندر الفيصل ههههههههههههههههههههههههههههههههههههههههههههه هههههههههههههههههههههههههههههههههه هههههههههههههههههههههه الامل البعيد لاتصدقين وتدوووووورين الفيران بحارتكم وانتبهي عليكي بالجزمات ماتطيح هههههههههههههههههههههههههههههههههههههههههههه @ صمت الشوق @ الله يسعدك

المشاركة الأصلية كتبت بواسطة شهدالليل ههههههههههههههههههههههههه ههههههههههههههههههههههههههههههههههههه الله يرجك صموته احس ان معاكى كتاب الف ليله وليله صموته ابى قصه انا وتكون قصة الجميله والوحش وبندر زوجى العزيز يكون الوحش ههههههههههههههههههههههههههههههه والله تستاهلين الامل لانك سحليه مزيفه ههههههههههههههههههههههههههه يسلموووووووووووووووووو صموته