عشاق من احفاد الشيطان !! - الصفحة 12

ـآ‘لـ ً‘ـرٍآبـً‘ ـح · 06-12-2008, 03:33 PM

ريان طلع من عند الشرطه وعلى طول رجع لشاليهات كان يبغى ينام ... ينااااااام وبس ..

دخل لغرفته بالشاليه ..

تنهد يبغى الراحه وبس عاش بقرف فضيع بهالليله الوعحده : اذا ماوريتك ياشموخ ماكون ريان ...

تروش على السريع وتمدد بينام ..لكن وين يجيه النوم جسمه تعان يبغى يرتاح ..بس ضل يتقلب بالسرير يمين وشمال ..غير مكانه وعكس الاتجاه مو قادر ينام كيف ينام وهو مابعد فكر بشي يدمر فيه شموخ ويكسر خشمها ... (( جد كنت غبي يوم عطيتها وجه ... لا وخايف على مشاعرها بعد ..))

غطى وجهه بالمخده : اطلعي من راسي ياشموخ ....

بعد جهد جهيد قدرينام ويغمض له جفن ...وصورتها بعيونه وصوتها باذنه ..

رجعت من للمشغل وهي محتاره وش المناسبه ..؟
دور السواق مكان يوقف فيه ماحصل مواقف القصر كلها متلت واظطرت تمشي مسافه ..

نزلت ومشت وشافت عمر كاشخ ويبتسم لشباب اللي معه ... وقفت تناظره (( الله يحفظك من العين ))

راكان قاطعها وهو رافع اكياس بياخذهم للمطبخ : انسه سجى هنا كله رجال امشي لعند الحديقه

سجى لفت عليه بدون نفس : عاااارفه ..

راكان (( سبحان الله المكياج يغير الحريم كثير جد لبس المكنسه تصير ست النساء ..))

مشت سجى متاففه للمدخل الثاني من القصر علشان مايشوفها احد لحد ماتضبط نفسها

دخلت لجناحها وقفت عند المرايه تتامل فستانها الخوخي كيف طلع لونها رايق وحلو .. والاكسسوار اللي زين شعرها على جنب لان الشعر كله موجته بحيويه وجمعته بجهه وحده وبطريقه .. دلوعه ... وظهرها كله عاري ومغطى صدرها ...

والروج الخوخي مع الشدو السماوي عطاها نظاره وصفاء ..

لبست صندلها بسرعه علشان مايفوتها شي من الحفله لانها تاخرت بالمشغل ..

طلعت من جناحها شافت ميري مع شغاله فلبينييه ثانيه واقفين عند الباب .

سجى : خير ايش فيه ؟؟ليه واقفين هنا ..

ركضت الشغاله الفلبينيه لتحت ..وميري قالت بارتباك : مافي شي بس انا في نظف ..

سجى مالقتها بال لانها مشغوله بملكة رياض ونفسها تتشمت بوعود واهلها وش لابسين ..

نزلت من الدرج بثقه تحب تلفت النظار وتنزل من الدرج مو من لصنصيل ..ماتذكرم طباعها بوحده .. شموخ اكيد صحبات ونفس الشي ...

نزلت مستغربه من الهدوء اللي صار ..نزلت بخوف وش صار ..
..

.. وقفت

موسيقى عاليه ...وناس متجمعه عند الدرج عيونهم معلقه فيها .. الصاله مافيها انوار الا انوار الشموع على الطاولات .. وانتبهت بطاوله فيها شموع كثير وقويه اضاءتها ..

من تكون السندريلا ..
غيرك انتي والله انتي ...

من ملك هالحسن ..
غيرك انتي والله انتي ..

يكفي اخجلتي القمر ..
من طلعتي ماظهر ..

سجى حطت ايدها على فمها تستوعب ..طلعت لها ربى وهي تبتسم بحنان وحب : سجوي نزلي فشلتينا

سجى لحد هاللحين مصدومه : ايش هذا ..؟

ربى وهي تنزلها معها : هههه حفل تخرجك والا ناسيه انك اخر سنه

سجى بنفس الصدمه : بس انا ماتخرجت ..

ربى : تعرفي ماما حبت تنبسط فيك بدري ههههه

سجى وقفت اخر خطواتها على نهاية الدرج .. اللكل صار يصفق ..

ابتسمت سجى وكانها مشهوره وهذا حلمها.. نجمه من نجمات هولويود الانيقات ..

ام سجى عند اضائة الشموع ... اشرت لهم ..

مشوا الخوات لعند الشموع الكثير .. كانوا فوق الاربع او الخمس كيكات وكلهم فيهم صورها بحالات كثير تضحك تبكي ميل جسمها ..
.. ولها كيكه فيها صوره من صغرها .. وماعند احد الا ربى اكيد ربى اللي مرتبه كل شي

سمعت صوت رجولي صوت اخوها متعب : مبرروك التخرج ...

ناظرت من وين الصوت شافته واقف قبالها وبجنبه واحد من عيال خوالها ...واسنانه واضحه من الابتسامه العريضه ..

ام رياض : يله اطفي الشمع ..

سجى وكانت مثل المخدره امها وربى محتفلين بحفل تخرجها بالبدايه ماستوعب .....

متعب: يللله داري اني مزيون وانا اخوك ... لاتتمقلين فيني كثير ... بس يله جوعتبنا ..

سمعت صوت ضحكات كثيره عرفتها ضحكات خوالها وعيالهم هم مايتغطوا عن عيال خوالهم .....ابتسمت وطفت الشموع بانفاسها الناعمه ..
وماطفوا الشموع بسرعه ..

حامد ولد خالها : بو الهش تعال بس ننفخ ونخلص ...

متعب: ايوه مطوله شكلها ..

رياض: لاااا اتركها تطفيه هي

سجى بدلع ..: يله اطفوهم ماعرف

ضمتها ربى بقوه : ياقلبي على الناعمات ..

سجى حمرت خدودها وبالذات انها تعبت من النفخ ..

اشتغلت الانوار القويه فجاءه بعد اخر شمعه تطفت .. تلفتت حولها تشوف .. رجال وحريم .. الحفله مختلطه ... ناظرت وراها تشوف كل خوالها هنا والا لا ... ...

بو سجى : يله سجوي حبيبتي اقطعي الكيك ..

نبهتها ايد متعب الكبيره اللي مسكتها بدفاشه : يالمايعه انا بعلمك القص كيف ..؟

حامد : بو الهش ابتسم للكاميرا هههه

متعب : شييييييز

نوره بنت خالها : سكر بفمك واللي يرحم لي والديك ..

اللكل : هههه

تلفتت من يضحك .. انبسطت على المفاجاءه الحلوه ..

ماحست بايدها اللي كانت تقطع الكيك مع متعب ..كانت مبسوطه ونفسها تحضن كل اللي حولها ...

رياض اخوها ..كان يبتسم لها بعذوبه بعدها غمز بمرح ....

سجى نزلت عيونها على الكيكه وخودها حمراء ..من زمان ماشافت خوالها وعيالهم ملتمين كذا

متعب : Boxing ... صورني كويس

حامد : طيب

راكان كان بالمطبخ مع ان الخدم كانوا يدورون الشغل والفرصه علشان يطلعون ويتفرجون على البارتي .. كان مستنكر اللي يصير بداخله وبتصرفاته ..خاف من الفسق الللي هم فيه تنخفس فيهم الارض او ينزل عليهم عقاب

ولانه مايقدر يطلع من المطبخ والا بيخسر شغله لا وبيدفع 6 الاف مثل ماهو مسجل بالعقد ..

مسك صورة نور ولف ظهره عن الاشكال اللي تمر بالمطبخ ..

(( هذي البزر المغروره عاملين لها هالحفله الكبيره ... جد ناس فسقانه ...آآآه يانور وحشتيني من زمان عنك ...اوعدك باول اجازه بنزل لشرقيه .. واكحل عيونك بشوفتك ...))

دخلت ميري : روكان هذا في جهز اصير

راكان :آف هذولا مايشبعون من العصير ...

وهو بيبداء بالعصير شاف لى الاوله صور سجى اللي عملهم بالكيك : ياكرهك ..

جاء بيرميهم بالزباله بس وقف ..يمكن يقولوا له وين الصور ..؟

....... ........... ......... ....... ....... .....

سجى بعد ماقطعوا الكيكه باركوا لها بالتخرج

ابتسمت لهم مجامله يهنونها وهي مابعد تقدم اختباراتها

نوره بنت خالها : سجى حفلتك حلوه ..

سجى : شكرا ..

رحاب بنت خالها الثاني : بس غريبه شكلك ماتدرين عنها

سجى بغرور : ايوه ماما ودادي عملوها لي سربرايز

رحاب ونوره ناظروا بعضسجى شايف نفسها على اللكل ورافعه خشمها

رحاب : مستعده لملكة رياض

سجى : ايوه وصلت الفساتين امس من بيروت ..

نوره : انا عملت فستانه بره عند مصممه ايطاليه اسمها ايلي ماسون ...

سجى: آآها عرفتها ملينا وحنا نعمل عندها فعملنا عند زهير مراد

رحاب: اي لون اخذتيه ...

سجى: هههه سربرايز ...

رحاب : احس ان اللوانك معروفه ومحدده يافوشي او اورنج ...

سجى تنرفزت عرفوا لون فستانها : لاااا لاهذا ولا هذاك لون غير ...

وضلوا يسولفون سوا وسجى بالها مع عمر نفسها يشوفها بهذي الكشخه ..

نوره : ياهووه وين رحتي ..؟

سجى : ها ..؟

رحاب : اللي ماخذ عقلك

سجى: عادي سرحت شوي

نوره تناظر ربى : مشاء الله عمر خطيب ربى مزيون

سجى ارتفع الدم كله عندها لراسها وحست بوناسه وهي تسمع اسمه لكن عصبت : وانتي من وين تعرفيه

نوره : بيوم ملكتها لكن مادققت فيه كويس اما اليوم مشاء الله ماعرفته الا لما قالي حامد ..

سجى ودها تضربها على وجهها بس سكتت علشان محد يشك فيها

رحاب: لا كانه مو مره مزيون ..اذكر يوم الملكه

قاطعتهم ربى وهي تسحب سجى بذرابه ..: سجوووو تعالي شوي

لما راحت مع اختها وهي متنرفزه من بنات خالها ..

ربى : ....ايش رايك بالفكره ..؟

سجى : امم غريبه ..

ربى ناظرتها بحنان وحب الاخوه : انا عاملتها لك ..انا اللي اقنعت ماما ..مادري حسيتك متضايقه هذي الايام ودايم متوتره اكيد للاختبارات حبيت اروقك .. بس وش رايك مو حلو ..؟

سجى نزلت راسها خجلانه من ربى قبل كم دقيقه كانت تناظرها زوجها وفارس احلام اختها بجراءه وبحب وهيام ولا هتمت لمشاعرها او احترمت وجود احد ..
وربى كانت تشوفها زعلانه وعملت لها كل هالحفله ..

سجى بهدوء : جنان بس تعبتي نفسك

ربى مسكت ايدها بحماس: كل شي يرخص لك يالغاليه ..

ربى طعنتها كلمات اختها كل شي يرخص لك يالغاليه يعني عمر يرخص لها .. مستعده تتنازل عن عمر علشانها ..والا بس كذا حكي ...هي كيف مافكرت انها بتجرح اغلى انسانه لقلبها ..

تركت ايد اختها بهدوء : تذكرت موديولد خالي ماسلمت عليه باي

تركت اختها ومشت بسرعه وهي حاسه انها حشره حقيره خاينه ..دخلت لاقرب مكان كان عندها شافت عيال خوالها يدبكون على اغنية علوش ..

راحت معهم تنسى شوي ...

سجى مسكت متعب : ابدبك معكم ..

متعب: ضفي وجهك هناك كله عيال ..

سجى : محمد محمد خلني معكم

محمد ولد خالها بعمرها لكن من الشطاره الزايده لحد هاللحين بالثانويه : يله تعالي ..

مسكت ايده ويدبكون وهي تصرخ كل مانزلوا لانهم يجرونها بقوه معهم ..

محمد : اذني ياسجى ...

سجى كانت مبسوطه مره وتترقص : ههههههههه

ام سجى ..: سجى تاركه الحفله وجالسه هنا .. تعالي بيعطونك الهدايه هاللحين

عطوها خوالها وعيالهم وبناتهم الهدايه وابوها واخوانها ...

ربى : سجى حياتي

سجى ابتسمت لاختها بتوتر : هلا ..

ربى: هذي هديتي وهذي هدية عمر

سجى بلعت ريقها : عمر غريبه

ربى: ليه غريبه حرام عليك والله ان عمر يحسك مثل اخته ودايم يسال عنك .

سجى ارتبكت اكثر وقلبها صار يدق بسرعه : مشكوره واشكريه بعد

ربى: اكيد

.... .......... ...... ....... ....

بجهه ثانيه من القصر ومع الحفل

عند المدخل ..

مادلين : انا عارفه انا مابدى اياني احطر . من شان هيك قالت حكي تسملي بدني فيه ...
(( انا عارفه انها ماتبغاني احضر.. علشان كذا قالت لي حكي تسمملي جسمي فيه .. ))

رياض: ياحياتي وعمري انتي وسعي صدرك وطننشي الحكي اللي قالته ...

مادلين : لا مراح اطنش على اولتك الحكي اللي التو كبير الت تجوزت علي ..
(( لا مراح اطنش على قولتك الحكي اللي قالته كبير ...قالت تزوجت علي

تغير وجه رياض وابتسم بارتباك : ماعليك منها حياتي وتعالي نرجع للبيت قبل لاتهينك اكثر ..

مادلين ((آآآي بعرف انك مجوز علي لاتعملي حالك وتهرب.. ومابتهمني انا يلي بيهمني مصاريك .. )): رياز انت مجوز علي ..

رياض بلع ريقه وحس لازم يقولها ..: تعالي نطلع للحديقه

طلعت معه تشوف اخرتها معاه ..بعد ماجلسوا بالحديقه ..

رياض هز راسه بضعف واخذ نفس : ايوه تزوجت عليك

كاترين مثلت الصدمه وحطت ايدها على فمها : تجووووزت ..

...... ......... ....... ....... ........... ...... .......

انتهت الحفله وماصار شي ينذكر لان بعد

ساعتين طلعوا كل الرجال للمجلس وبقوا الحريم بالصاله لكن بعد ايش بعد ماشاف اللي شاف وانكشف اللي نكشف ..

اللكل طلع لغرفته ونام من التعب حتى سجى نامت من غير لاتشوف الهدايه

يتبــــع ’’

ـآ‘لـ ً‘ـرٍآبـً‘ ـح · 06-12-2008, 03:35 PM

باليوم الثاني ..

(( كل انسان به الخير والشر ..ولكن عند خروج الجانب السي والشيطاني الموجود بالانسان وكيف نكون عندما نطلق له العنان لحد تدمير الانسانيه ))

هواجس لبست عبايتها اللي اشتراها لها بو ماهر لانها ماجهزت ولا شي وعدها بو ماهر يجهزها بعدين .

على الصباح ودعت اهلها وبنات خالها الغاليات ...

نور تضمها : الله يرجعك بالسلامه ...

هواجس تكره حركات الوداع وهي السوالف : ليه تبكين لاتخافي برجع لك

ندى تبعد نور وتصضمها من قلب : لاتنسيني عند المزاين هناك .. عطيهم رقمي ..

هواجس: هههههههه انت عندك رقم علشان اعطيهم ....

ندى : مع وجهك من هاللحين تشوفي نفسك ..

هواجس: ايوه انا هواجثثثثث ..خهههههههه

ندى: هههه بتوحشيني ..يالزفته

هواجس: وانتي اكثر وسلمي على فوزيه الدريع ههه

ندى: ابشري عيوني هههه

جاء عند حبيبتها وعود وبئر اسرارها

ضمتها وعود بنعومتها المعروفه ...هواجس بدفاشه ضمتها
: اتركي عنك سوالف يعقوب والله الله برياض

وعود تبكي: ابشري ...

سلمت على امها وزوجة خالها وعوروا راسها من الوصائيه .. وملاك فضحتهم بالعماره من كثر البكي ..

بو هواجس : يله بلا تبكبك .. خلصينا رجلك ينتظرك ..

بالمطار

اول مادخلت لصالة المطار الواسعه والكبيره وصوت الازعاج ناظرت بانبهار وكانها تشوف عالم ثاني .. كانت لوحات كبيره فيها كلام كثير خمنت انه موعد الرحلات مثل ماكانت تشوف بالتلفزيون لكن الحقيقه غير .. حست دقات قلبها سريعه مكان ماتعرفه لكن مكيف وحلو ...ابتسمت بسعاده لاتوصف وماكانها اللي من ساعات كانت تبكي ...

قطع سحر المكان وجماله صوت بو مهار المرتجف : هواجث حبيبتي ... يله الطياره جاهزه ...

هواجس (( مالت عليك وعلى وجهك يالشين حتى اسمي ماتقوله عدل ..)) هزت راسها ومشت وراه

كان يمشي وعظام ظهره بارزه من البلوزه السماويه اللي ماتناسب جسمه والا البطلون الجنز شي مقرف عليه حتى ذوقه من العصور الوسطى ... كان الحزام البني اللي لابسه لبدايه بطنه شوي ويصل حلقه ..
هواجس صحيح ماكانت تشتري من المركات ولا تعرف اشهر المحلات لكن تميز بين الكشخه والقراوه ...من التلفزيون والمجلات اللي كانوا صلتها الوحيده هي وبنات عمتها للعالم ...
تذكرت بنات عمتها واختها نور ...و هي تركب درجات الطياره

جلسوا بالطياره وكانوا درجه اولى والمكان هادي مره ..ومنظم ..وهوااءه منعش .. واضح انهم بارقى الدرجات ...

اشرلها مظيف على الكراسي وعلى وجهه ابتسامه ترحيبيه ..
بو ماهر تغير وجهه وهو يشوفها تناظر المظيف وتهز راسها ..

بو مهار بعصبيه واضحه قال للمظيف : خلاث مشكور ..

الموظيف هز راسه بادب وراح لناس ثانين ..

جلست هواجس على المقعد وربطت الحزام قبل اي شي ماكانت تتخيل نفسها بتكون بعد دقايق بين السماء والارض

بوماهر ابتسم لها ونص فك اسنانه مسوس وطايح : حبيبتي لاتخافي الطياره ماتخوف

هواجس واخيرا تكلمت معه قالت بدون نفس : داريه ومن قالك اني اخاف ...

بو ماهر جمدت ملامحه شوي بس بعدها كبرت ابتسامته (( ثغيره وتدلع )): لا انا ماقول انك تخافي لكن الطيارات خوفهم طبيعي ...

بعد ماقلعت الطياره .. كانت عادي لاهي بخايفه ولاشي الا مستمتعه توقعت انها بتخوف وتصرخ وتطرش مثل الافلام .. لكن الوع عندها عادي وسخيف بعد ...جد الناس تحب تبالغ ...

هواجس قويه بشخصيتها وتحب تغامر علشان كذا ماخافت من الطياره ..

هواجس بتفكير : حنا وين رايحين هاللحين

بو ماهر : ثعيد ماقالك ...

هواجس متنرفزه : لا ابوي ماقالي ...وين ..؟ !
..شكلك يقول موزمبيق ...(( هههههه كملت ضحك بداخلها ))

بوماهر : لا وش موزمبيق – مسك ايدها وقال بحماس- ايطاليا

هواجس سحبت ايدها بقرف )( ايش هذا هذا اللي بكمل معه حياتي مستحيل ...))
شهقت فجاءه : وش قلت ايطاليا انا بروح لايطاليا لا اكيد احلم ...

بوماهر وكانه يحكي مع طفله : لا حبيبتي ..ماتحلمين ... واوعدك معي بيكون الحلم حقيقه

هواجس (( احلف ياشيخ .. قالك رومنسي الرجال شكله مايدري اني ماطيق الرومنسيه )) : الله يخليك لي ..

هذي السياسه اللي وصتها ندى عليها تدلعي عليه طفريه الشياب ماينفع معهم الا كذا.. وكملت معها وعود اثقلي عليه علشان يحسك غاليه وبعيده ..

بو ماهر كان بيوقف قلبه من ردها : ويخليك لي انتي ياحياتي .. واي ثي يا هواجث اي ثي تبغينه قوليه

هواجس بنعومه تكره تطلعها لانها تقول هذي حركات ماصخه : تسلم ..
بعد اكثر من ساعه وهي كانت تتامل النافذه وجمال السحب الصافي اللي ياخذ لبعيد نبها صوت ..انفاس عالي وبعدها تحول لمخاشر .. التفت وفيه الضحه على اللي بالطياره وناسي نفسه لكن المصيبه انه بوماهر نفسه عايش جو ونايم ..

تفشلت وبالذات ان الناس تبتسم وهي تناظرهم .. هزته بكل قوتها : بوماهر بوماهر ..

بو ماهر فتح عيونه مفزوع : هااا

هواجس : وش ها ..قم فشلتنا

بو ماهر مستغرب : ليه وش ثار

هواجس بدون نفس : وش ثار ..؟ صوتك ملى الطياره

بو ماهر ببلاهه ضحك : هههه من صغري وهذي عائدتي ...

هواجس : لا ماعليش بطل هالعاده لاننا بطياره

بو ماهر بحنان : هواجث ليه تحاكيني كذا.. لحد هاللحين زعلانه ... وماتقبلتيني

هواجس كان بودها تقوله (( ولا راح اتقبلك وضف وجهك وانقلع عني ..)) لكن اولا مو وقته وثانيا نصايح البنات عجبتها ودام الفاس طاحت بالراس لازم تستقل كل موقف لاصالحها ... قالت له برومنسيه : لا والله مو عن كذا بس .. –بتردد مصطنع – احس اني لوحدي وخايفه والطياره مكان غريب علي وانت نايم وتاركني ..

بو ماهر عدل جلسته بسرعه ولف باهتمام واضح عليها : اسف حبيبتي نسيت انك صغيره وتخافي اوعدك بظل صاحي لحد ماتنتهي الرحله

هواجس بدلع : وعد

بو ماهر : وعدين ياقلبي

هواجس ابتسم (( والله انك خطيره ياهوجد وتعرفي تدلعي وتصففي كلام خخخخ... ولله لاطلع فيك قرون يابو ماهر واخليك تتوب على ايدي هههههه))

هواجس تلفت حولها اغلب او كل الموجودين كاشفين وجههم ليه هي ماتكشف بعد ماهي باقل من احد ...ودامه اشترى لها عبايه كتف يعني ماعنده مانع تكشف وجهها ...
كشفت وجهها تبغى الحريه والصياعه وتطفير بو ماهر

بوماهر ناد المظيف : لو سمحت الغداء ...

المظيف : ايش حاب تاخذ على الغداء

بو ماهر: ثتيك ..

المظيف التفت و ناظر هواجس وطير عيونه كان يضنها عجوز اللي بجنبه........
لكنها صغيره وصغيره مرره بعد ........
وفيها حلى يسلب .. عيون وساع كحيله خلقه وسوده سواد الليل ... والوجه ابيض سموح .. ومنابت الشعر الناعم باين ولونه عنابي ..

المظيف بلع ريقه : وبنتك وش تاخذ ...؟

بو ماهر ناظر هواجس وعصب هذي مو بنتي هذي المدام ..

المظيف باسف واضح : سوري ماكنت عارف ..

هواجس ابتسمت غصب عنها (( مصخره والله بو ماهر خخخخ تفشل ههههه)) : انا .. انا وش

بو ماهر قاطعها : جب لها مثلي .. ثتيك ..

المظيف ابتسم لهواجس بعذوبه : حاضر

بو ماهر لف عليها بيقولها تغطي لكن شافها متكتفه وماده بوزها ..حس انها زعلانه : هواجث ايش فيك.. يالمك شي ..

هواجس لفت وجهها عنه انها زعلانه ..

بو ماهر : هجوتي ايش فيك ..؟

هواجس ((ووووووووع لاتكفى لاتدلعني خلك على هواجث احسن احس اني بطرش لوعت كبدي )) :.....

بو ماهر تنهدت : هجوجتي لف علي ..

هواجس لفت عليه وانها زعلانه : ليه تحاكيني كذا قدام الرجال .. احرجتني

بو ماهر انحرج : لا مو علشان شي انا بس.. يعني قهرني يناظرك كذا ..

هواجس: لو سمحت بوماهر احترمني انا مو هبله اناظر بهالبزر وانت برزتك جالس جنبي (( هههههه ياشينها من رزه هو وحزامه اللي واصل لحلقه ))

بو ماهر ابتسم : هجوجتي لاتزعلين مني ..والله مقثد واوعدك مايتكرر

ناظرته تفكر تكمل زعلها والا ترحم حاله المسكين .. لا بتكمل زعلها ..لاااا خليه هاللحين بعمل له مصيبه لازم احاكيه

بو ماهر بنظرة رجاء: هجوجتي انتي حبيبتي لاتزعلي

هواجس بدلع : وماتكررها ..

بو ماهر بسرعه : لا وعد

هواجس ابتسمت له بخجل مصطنع : اوكيه ماني بزعلانه منك

بو ماهر : بعد قلبي والله

هواجس (( ههههه الحمد لله والشكر هذا خفيف مره خاق من البدايه مايحتاج تعب هههه والله ان هالمظيف وش زينه يرد الروح مو هذا الشين ))

بعد ساعات طويله من السفر المتعب حتى لو بطياره لكن السفر لاوربا مشوارها طويييل ...

انتبهت هواجس من نومها شافت الناس كلها تتجهه للباب واغلب الحريم بدون عبايات اول رفعوا الغطاء هاللحين العباءيه مره وحده ...
تلفتت الطياره فضت والناس طلعوا اغلب الناس
وصلت الطياره لروما عاصمة ايطاليا

ناظرت بوماهر كان يشاخر ومندمج بالنوم هزته بقوه معصبه : بو ماهر قوم بو ماهر

فتح بو ماهر عيونه وابتسم : هلا

هواجس تحاول تفتح الحزام : قوووم الناس طلعت من الطياره

بو ماهر : يووه راحت علي نومه

جاء بيساعدها تفتح الحزام بعدت ايده بعصبيه : ابعد

فتحته معصبه وقفت .. مشى وراها بو ماهر : تعالي انتظري ..

هواجس وقفت : خير ناوي تنام بالطياره ..

بو ماهر : لا يله ننزل ..

يتبـــع ,,,

ـآ‘لـ ً‘ـرٍآبـً‘ ـح · 06-12-2008, 03:39 PM

ريان صحى من النوم وناظر حوله : يالله وش هالنوم اللي نمته ..

تروش وبدل وعلى بيت منى على طول ...

منى: هلا حبيبي هلا بحياتيي وقلبي وعمري انت لحمد لله على السلامه...

ريان ماله خلقها جد لكن ابتسم : هلا بالغلا كله وحشتيني

منى: وانا اكثر .. الحمدلله على السلامه جعل اللي سجنك مايذوق طعم الراحه – تقصد شمووخ -

ريان: آآمين ..

منى : اطلع حبيبي ارتاح و

ريان: لاااا وش ارتاح وراي شغل بالشركه .. بس مريت اسلم عليك وحشتيني ..مووووت

منى : تيلم لي ...

طلع ريان بعد مارتاح من وجه منى (( مسكينه تموت فيني هههه ))

وصل لعن المستشفى وهو ناوي الشينه لشموخ .. كان يمشي بالممرات لحد غرفتها وهو يتنفس بصعوبه من القهر نفسه يقتلها ..

توقع انه يشوف امه اللي ماهتمت فيه وركضت لحبيبتها شموخ ..مستغرب من عيالها هم والا هي ...

فتح الباب شاف شموخ معطته ظهرها وهي متمدده وامه ماهي بموجوده ..

مشى وناوي عليها الشينه وقف قبالها .. شافها نايمه بهدوء وجهها تعبان شوي بغير العاده يمكن لان مافيه مكياج

قلبه خانه وارتفعت دقاته حس انه متوتر وهو يشوفها .. مشاعر كير اختلطت بداخله ...

ضرب فخذه بقوه (( الله يلعنك ياقلب من شفتها نسيت كل شي ))

وقف ثواني يضبط اعصابه الغبيه (( ها اللي بقتلها وبذبحها وبوريها نجوم الليل بالظهر ... وين وين كل هذا يا ريان والا بس كحلت عيونك بشوفتها ماقدرت ))

طلع سيجاره من جيبه وشغلها كان متوتر مرره .. ناظر النافذه لفتره

شموخ حست باحد يفتح الباب لانها مابعد تنام وكانت متاكده انه ريان من صوت خطواته وعطره المقرف غمضت عيونها تشوف وش بيسوي ... حست فيه يوقف قرب منها ويسكت ..انتظرته يسوي شي ماسوى .... بعدها شمت ريحة السجاير وحست انه يبعد انتظرت شوي وبعد ماطول السكوت فتحت عيونها شافته بشماغه الاحمر يناظر النافذه (( ياشينك ياشيخ )): خييير ..

ريان لف لصوت كانت صاحيه يعني ابتسم بخبث : مافي الحمدلله على السلامه ..ولد عمك طالع من السجن ...بعد ليله وحده بس وكان مفروض يجلس لحد ماتحني عليه

شموخ : تدري ياريان الهم لما اشوفك وش احس .. احس بقرف ونفسي اطلع كل اللي اكلته ..

جرحه كلامه ليه من متى يهتم فيها والا فاللي تقوله ... ضغط على اسنانه : لا انا اللي اطير من الفرحه اذا شفتك ..

شموخ : محد قالك انك واحد مريض ومتخلف

ريان بلمح البصر كان عندها وماسك فكها بقوه .. وشموخ تضرب ايده : ابعد يااغبي ...

ريان ضغط على فكها اكثر : شايفه لسانك هذا بقطعه لك ..

شموخ ضربته اكثر : متخلف .. اتركني ..لو انك رجال ماطلعت قوتك على مراءه ..

ريان حس ان فكها بيتكسر بين ايده : حطي ببالك اذا رجعتي للبيت اللي هو بيتنا بيت عمك مراح يكون لك اي كلمه فيه سمعتي ..لانه بيتي انا باسمي انا ..

تركها بقسوه

شموخ : ههه لاتستعجل على رزقك مابعد مات عمي علشان يصير بيتك انت وبعدين مايكفيك بيت منى ..ههههههههه

ناظرها مصدوم : انت من وين تعرفي منى ..؟

شموخ : وهل يخفى القمر زوجة اخوي اوه سوري ولد عمي وماعرفها..

ريان : ومن يعرف غيرك قلتي لامي .. لابوي ..

شموخ : لحد هاللحين لا ..لاني مشغوله بالاختبارات ومو فاضيه لك ,..

ريان : ولا راح تقولي او تفتحي فمك سعتي .. والا والله ماتلومي الا نفسك

شموخ ببرود وهي تناظره : مو انا اللي اتهدد وانت عارف هالشي ..

ريان رمى السيجاره على الارض: لا بتاكلي تبن وتسكتي ..- صرخ – سمعتيني لا والله يا بنت عمي اطلع شياطيني كلها فيك ..

شموخ بنفس البرود : شكلي بجرب علشان اشوف شياطينك ..

ريان : اذا ك

قاطعه الباب اللي انفتح

ام ريان : تعالي دخلي الشنطه ..- سكتت وفتحت عيونها - ريان ..؟؟؟؟

ريان ببرود : هلا ..

ام ريان ناظرت شموخ بخوف وراحت عندها بسرعه تطمن عليها : ريان عملك شي ..

ريان صفق : لاااا بصراحه ام مثاليه بالمره .. تاركه عيالك وماتسالي عنهم علشان هذي .. يمه بصراحه تستاهلي وسام لتربيت اليتيم ..

شموخ ماكانت تبغى تعرف امها انها درت علشان ماتغير معاملتها معها لكن ريان الكلب قهرها لما قال

ام ريان تغير وجهها وناظرت ريان بعتاب : وش جالس تخربط انت ..

شموخ مسكت ايد امها بهدوء كانت ترتجف ماهي مستعده للمواجه : ماما انا عرفت ..

ريان حس برجفتها .. رجف مع رجفتها الكلمه اثرت فيها كثير تمنى انه مانطقها ..

ام ريان : عرفتتتي ...؟ وش اللي عرفتيه ..؟

شموخ لفت على ريان بحقد : اطلع برررره اطلع من هنا اكررررهك اكرهك ..

ريان ناظرها ببرود ولا كان حد يحاكيه

ام ريان وقفت : ريان يمه اطلع بره شوي اختك تعبانه ..

ريان اكتفى باللي سوا مشى ببرود لكن قبل لايطلع لف عليها : ولسى ماشفتي شي .. مراح ارتاح الا وانتي طالعه من حياتنا ...

طلع وسكر الباب

ام ريان لفت على شموخ وهي متوهقه وش اللي تعرفه شموخ ..

شموخ غرقة عيونها ونزلت : ماما انا ماعندي ام غيرك ولا اب غير عمي فارس .. انا عرفت كل شي قالي اياها ريان ..وحلف انه يطلعني من البيت مثل ماسمعتي .. انا عارفه انك ماتبغيني اعرف علشان ماتغير عليكم لكن لاتخافي ماما – رفعت راسها ناظرت ا م ريان – انا ماعندي ام غيرك ومحد بيسلمني لزوجي غيرك انتي ...

يتبـــع ,,,

ـآ‘لـ ً‘ـرٍآبـً‘ ـح · 06-12-2008, 03:43 PM

سامي : خلاااص يانجلاء لاتبكي كذا انا رايح هاللحين للمستشفى اتفاهم معهم

نجلاء : سامي انا ابغى اجلس بالمستشفى ماتخيل نفسي بدون المستشفى – تقصد احمد –

سامي: لااااا مالك رجعه الله يستر وش بيعملون بعد بس بسالك تعرفي من ورى هالسالفه

نجلاء بحقد : ممرضه منال الحقيره انا عارفتها حكيها كثير ..

سامي : خلاص انا اخلص الموضوع – بحنان - انتي لاتضايقي نفسه ... قومي اغسلي وجهك وبدلي هاللحين بتوصل شيمو من المستشفى ..

نجلاء: صحيح كيفها هاللحين ..؟

سامي: كويسه وهذا هي بتطلع اليوم علشان بكره عندها اختبار ..- وقف – خلاص بقدم استغالتك اتوكل على الله ..

نجلاء تنهدت : ايوه

طلع سامي ناظرت وهو يروح ضيعة سنين عمرها بالدراسه والشهادات الكير وش بينفعها كل هذا ..؟ وين هالشهادات والتكريم وين راح قدام اول مشكله .. هملت نفسها علشان الدراسه .. نست نفسها علشان شهاده تتعلق بالجدار ..

هواجس نزلت من الطياره
.... وتحس دقات قلبها سريعه وهي تناظر الجو كيف مختلف عن السعوديه واللون كان غير ..حست بانتعاش وسعاده خفيه ..قررت تعيش احلى ايامها بروما ومايهمها بو ماهر ..

بو ماهر اشر على سياره فخمه
: تفضلي

عطته ظهرها ومشت لسياره ...
فتحوا لها الباب دخلت وهي تحس نفسها اميرة زمانها ابتسمت له ..دخلت ..

طول الطريق من المطار للفندق وهي تتفرج ومبهوره من ايطاليا صدق من قال عنها مدينه العشاق تنفع لاي كناري اثنين متزوجين وبشهر العسل واغلب الناس اللي تتمشى كانت عاشقه وباين بعيونها ... = بصراحه انصحكم بايطاليا جنااااان احلى مكان صيفت فيه بحياتي وان شاء الله زوجي يسفرني شهر العسل خخخ .. نصيييحه صيفوا هناك ..

بو ماهر : هواجث ليه معصبه

هواجس من غير لاتناظره مالها خلقه : اقولك لاتنام اخاف لوحدي وانت ماصدقت اني نمت تنام

بو ماهر : غلبني النوم ...

طنشته و ناظرت بالساحه الكبيره وهي تتنهد وتناظر محلات تبيع انتيكا واثاث قديم ..

بو ماهر قراء .. افكارها وكانه مرشد سياحي : هذي اثمها ثاحة نافونا المشهوره

هواجس عيونها معلقه على المكان وراء النافذه : نوفا انا اللي اعرفه بس نوفا بنت الجيران هههههه .. والله اسمها مصخره ..

بو ماهر ناظرها ماتقدر السياحه والاماكن المشهوره .. ضحكتها حلوه : هههه.. اثمها نافونا مب نوفا ..

هواجس بلامبالاه حركت ايدها : اللي هي ...

وقفت السياره

بو مهار ابتسم لها : وثلنا ... فندق رافايي

هواجس كررت وراه : رافايي ...
تبغى تحفظ الاسم علشان تسولف لبنات عمتها واختها عن الفندق اللي يبهر والراقي ...

بو ماهر نزل ومد ايده يساعدها تنزل طنشته ونزلت وهي ماسكه عبايتها ..

مدخل الفندق فخم ومميز صالة الاستقبال تحتوي على كثير من التحف النادرة والمفروشات الكلاسيكية

ماكان مع هواجس اي شنطه لانها ماجهزت وقال ابوماهر ان كل شي جاهز بايطاليا ...

طلعوا لغرفة

دخلت هواجس وشهقت من جمالها ماتخيلت بيوم تعيش بمثل هالمكان : وااااااااوووو

بو ماهر كان وراها : وش رايك

هواجس ناظرت بالغرفه الكلاسيكيه: يجنن يا ... ((سكتت هو وش اسمه حتى اسمه ماتعرفه وقغت ولا تدري اللي تعرف انه ابو ماهر )) يا بو ماهر ...

جلست على السرير وبعدها على الكنبات والتسريحه وكل مكان بالغرفه كانت تتفرج عليه ..

بو ماهر جلس بتعب على السرير نفسه ينام تعبااان ...

هواجس ركضت للبلكونه وفتحتها ناظرت منظر خيال نفس ساحة نوفا على قولتها يطل عليها الفندق .. وبنافورتها المميزه اللي تخليك تنسى نفسك و انت تناظرها : وااااو تعال بسرعه ساحة نوفا هنا ...

بو ماهر بكسل وراح لعندها: نافونا ..

هواجس مثل الطفل المبسوط بشي .. كانت تحس انها بحلم المكان فخم ولا احلى : واااااوووووووو واااو عن جد خيال ..

بو ماهر : حبيبتي لاحقين نتفرج هاللحين خلينا ننام ...

هواجس بفزع : ننام .. ليه مراح نطلع نتفرج ..وبعدين انا جوعانه ..

بو ماهر ابتسم بحنان : حتى انا جوعان انا بكلم ال

هواجس: لا ماتكلم احد نتروش ونبدل وتطلعني لمطعم كويس وبعدها نتفرج واول شي ابغى اروحه هذي الساحه

تنهد بو ماهر بتعب: لكن الرحله كانت طويله وتعبان م

هواجس تكتفت : مايكفي انك تركتني ونمت بالطياره بعد هاللحين بتحبسني بالغرفه

بو ماهر ابتسم : خلاث حياتي انا بتروش على ماتختاري لك ملابث ..

هواجس تحسه غبي: كيف وانا مامعي اي ملابس ..

بو ماهر ابتسم ولمعت عيونه بحنان : لاتخافي ... انا اخذت مقاثاتك وارثلتهم ل " ايلي ماثون ".. مصممه ايطاليا من اصول عربيه لبنانيه وجهزت لك كل الملابس بالدولاب

هواجس (( اكيد اسمها ايلي ماسون لكن الاخ الاسنان عنده معدومه هههه )) : ياحياتي والله بس هذا مو معناته اني مانزل اشتري بنفسي ...

بو ماهر: هههه لا اكيد انتي بايطاليا مدينة الذوق والجمال

هواجس (( ياشين ضحكتك ياشيخ ..)) : اوكيه ..

دخل بوماهر يتروش وهواجس ركضت لدولاب حابه تعيش العز لحضه بلحضه .. طلت ملابس سريعه لابو ماهر بنطلوب اسود وبلوزه سوداء علشان يحترم نفسه ومايلبس شي يفشلها ...

وبالاخير فتحت دولابها تنهدت وهي تشوف الملابس الكثيره والجزم والشنط شي ماتخيلته وكل هذا لها : ولت ايام الفقر ياهواجس هههههه ..

طلعت بدله وماعجبتها رمتها على الارض ...طلعت الثانيه ورمتها طلعت كل الدولاب كللله ولا قطعه داخله علة الارض وجلست على الارض تختار كل قطعه احلى من الثانيه .. احتارت ايهم تختار نفسها تجربهم كلهم ..

طلع بو ماهر وشهق من منظر الغرفه كلها ملابس وعلب جزم وشنط .. وهواجس بين هالزحمه : ايش هذا

هواجس ((والله لاعيش مثل الملكه وعلى ايدك يا بو ماهر )): حبييييبي جهزت لك البدله على السرير ..

بو ماهر شد الروب الابيض على جسمه : وش هذا ليه مطلعتهم كذا ...

هواجس : اختار – رفعت قطعتين – حيااااتي ايهم البس

بو ماهر حسها طفله جد وتعاطف معها اكثر : والله كل شي عليك حلو..

طنشته وكملت بحث عن القطعه المناسبه ..

بو ماهر اخذ ملابسه بيبدل ..

هواجس: ايش هذا بتبدل هنا ..؟

بو ماهر : ايوه

هواجس: لااااا استحي والله – غطت عيونها – بدل بالحمام حبيبي ..

بو ماهر : لكن الحمام مب مكان لتبديل الملابس

هواجس وهي تشد على الكلام ولحد هاللحين مغمضه عيونها : استتتتتتتتتتتتتتتحي

بوماهر : طيب طيب (( ياربي عطني الصبر مع هالبنت .. صغيره مره )) ...

هواجس اول مادخل الحمام طاحت على ظهرها من الضحك ... وغمضت عيونها واختارت بدله بالمره ناعمه قررت تلبسها ...

وقفت عند المرايه والتسريحه الكبيره الفخمه .. عطورات من ماركات عالميه واجددها وافخمها ..
فتحت الدروج وكان فيه علب مكياج من كل شكل ونوع ولون .. وكلها بين ديور وقوتشي وقفنشي وايف سان لوران ...ابتسم : هذا العز والله وينك يا حصيص مبسوطه بمكياجي و بمدري شنهو .. شوفي العز ...

طلع بو ماهر وهو لابس البطله ...

هواجس شافت شكله كانت بتطرش اللي اكلته ياشين الملابس عليه خسارة جورج ارماني على جسمه : وااااو حبيبي جنان طالع كشخه

بو ماهر استغرب محد يمدحه بالعاده بس هذا فايدة الزواج من البنات الصغار تحس انك شباب مثلهم : حلو ...؟؟!

هواجس: ايش حلو جنااان وكانك نجم بهوليود ... – قالت بدلع – انتبه والله اغار عليك

بو ماهر حلقه تشقق من زود الابتسام : عيونك الحلوه ..

هواجس: انا هالللحين بدخل اتروش انت شوف التلفزيون على ماجهز ..

بو ماهر : طيب

هواجس (( ياحليله مطيع هههه دوم مو يوم ... يارب ))

بو ماهر جلس بالقسم الثاني من الغرفه الفخمه كانت للاشخاص VPI..

دخلت هواجس للحمام وكان ساحر وماكانه حمام فيه مجلات وكراسي بعيد عن البانيو وواسع : ههه هذا بحجم شقتنا العفنه ...

قبل لاتتروش تذكرت وطلعت من الحمام وقالت لابو ماهر : حبيبي ابغى كاميرا ..

بو ماهر لف عليها وهو متمدد على الكنبه : كاميرا .. فيديو والا ت

قاطعته هواجس وهي ترجع للحمام : الثنتين ابغى اصور .. علشان نتذكرها دايم ...

سكرت الباب من غير لاتسمع رده هي متاكده انه راح يدبر لها حتى لو يسرق: هه هههه يسرق هذا على قلبه فلوس مايحتاج لسرق ... مسكين مبسوط بكلمة حبيبي مادرى اني ماعرف اسمه هههه ..

جلست بالحمام وتستخدم منظفات الجسم بروايحهم الجنان والشامبو ... وكل شي كانت حابه تتنظف من جديد وكانها تنظف نفسها من ايام الفقر ..

تنظفت وتعطرت ولبست الروب ........ ماتدري كم من الوقت صار وهي بالحمام لكن انبسطت وكانها اول مره تتروش ..

طلعت من الحمام شافت الجو تغير بدء الوقت بنور يعني دخل فجر اليوم الثاني الوقت كان طويل وهي مانامت مفروض تنام .. لكن وين وفيها كل هالحماس ...

فتحت الشنطه القديمه والصغيره اللي جاءت فيها بس .. ناظرت التقويم اللي عطتها امها علشان اوقات الصلاه شافت ان الفجر مفروض اذن من زمان ... لبست ملامبسها لانها سمعت صوت بو ماهر وهو نايم ..
واخذت غطاءها وعبايتها اللي جئت فيهم صلت ..الفجر ومعه السنه ودعت ربها تحب ابو ماهر وماتقرف منه وتتعود عليه لان باين عليه حنون .. وشكرت ربها على النعمه بعد ماقالت امس كل كلمات الاعتراض والجزع ..

خلصت صلاه وصحت بو ماهر : بو ماهر بوماهر

بو ماهر : جهزتي ..؟

هواجس ارتعش جسمها اشمئزاز منه ماهي قادره تتقبله : لا صل واكون جاهزه ..

بو ماهر ناظر الساعه : يالله ثاعتين من نمت ..

هواجس كتمت حكتها (( صار لي ساعتين بالحمام ههههه )): ايوه انا جاهزه بس بحط مكياج ونطلع نفطر بدل العشاء هههه

بو ماهر: حياء الله صباحن نصبح فيه على هالوجه الثموح ..

هواجس ((وووووع طالع اسنانك وجهك قبل لاتتغزل)) : يله عاد حبيب انا جوعانه ..

بو ماهر : طيب ..

وبو ماهر يصلي ناظرت هواجس نفسها بالمرايه ماعرفت نفسها من هالكشخه الانيقه الحلوه .. لا مو هي ... اللون العشبي مع الوردي الرايق بقطع القماش الكاتان الثقيل عطاها جمال وكانها سيدة مجتمع راقي ضحكت على شكلها بالمرايه : هههه اجنن ..

مشطت شعرها وتردد ترفعه والا لا.. بما انها مو ناويه تلبس عبايه او غطاء بترفعه بطرقهراقيه مثل ماتشوف الفنانات الغربيات يسون بس قبل لازم تستشور شعرها ..

طلعت الاستشوار

بو ماهر : ايوه جففيه برد بره ...والمطعم اللي بنروح له مكشوف ...

هواجس يعني عارف اني مراح البس غطاء حلو مالي خلق غيرة غبيه : ايوه عارفه ..

استشورت شعرها على سريع وحطت قلوس وماسكرا .. وبلاشر .. بس مع ان ودها تحط شدو وايلاينر وتعبي وجهاا من هالمكياج الكشخه .. بس لان بو ماهر جلس على السرير يتامله وضايقه لكن سكتت ماقالت شي ..
مو شفقه عليه لانه تعبان وفيه النوم لا لانها رايقه وماتبغى تخرب صبحيتها ..

اعطاها بو ماهر الكاميرا مثل ماطلبت

هواجس: مشكور حياتي والله انك .. ماني عارفه وش اقولك ...

بو ماهر : هههه – بحنان – قولي انك مبسوطه ..

هواجس حست انها بدت تميل لابو ماهر لكن مش زوج او حبيب لا مثل ابوها كان نفسها بابو يدللها ويناظرها مثل نظرات بو ماهر ..

طلعوا للمطعم وكان على سطح الفندق يطل على الفاتيكان....... الجو كان جد لطيفا رقيق .. جو رايق ...

وطوال الوقت كانت هوااجس تصور بالكامرا العاديه ومعطيه بو ماهر كاميرت الفيديو علشان يصورها مع المكان .. وهي كانت تصور المباني والناس الا بو ماهر تخاف يحترق الفلم ههه

وصل الفطور ..

وكان من احلى ماكلته هواجس بحياتها : اقسم بالله ان هاللاكل يذبح لذيييذ ....

بو ماهر : هههه بالعافيه ... لازم يكون حلو لانه من ايد الطباخ الفرنسي (الشيف) جان فرانسوا داريدون معروف عالميا بأسلوبه المبتكر واكله الذيذ ..

هواجس ناظرت بو ماهر وتوها تنتبه بطريقه اكله الراقيه ومسكته لشوكه والسكين واضح انه متعود على السفر وعلى ايطاليا

توها مابعد تخلص افكارها الا وتخترب الصوره اللي رسمتها عنه لانه يطلع صوت بالاكل مسكين ماعنده اسنان ..

تلفتت هواجس (( الحمدلله ان مافي احد الصباح والاكان فشلتنا انت وخشتك ))

بو ماهر ابتسم : ليه تناظريني كذا ..؟

هواجس: ها ولا شي بس ...- مدت له الكاميرا الصغيره – خذلي كم صوره وانا اكل ...

هواجس ابتسمت وهي ....تسمع اللغه الايطاليه وكانها موسيقه عذبه غريبه ...

يتبـــع ,,,

ـآ‘لـ ً‘ـرٍآبـً‘ ـح · 06-12-2008, 03:45 PM

شموخ ناظرت البيت اف

الإهداءات
إضافة إهداء