عشاق من احفاد الشيطان !! - الصفحة 2

ـآ‘لـ ً‘ـرٍآبـً‘ ـح · 06-01-2008, 10:52 PM

نجلاء دقت الباب

ام ريان : مين ..؟

نجلاء : انا ماما

ام ريان : ادخلي ..

نجلاء فتحت الباب بهدوء ودخلت : .. ماما بتطلعي ..؟

ام ريان : ايوه

نجلاء بنرفزه : بس انتي امس طالعه ..

ام ريان : وانتي ليه معصبه عادي عندي عزيمه

نجلاء : انا مادري كيف تتحملي تطلعي كل يوم ماتملي

ام ريان بانفعال : نجلااااء وش فيك حاسدتني على كم مشوار .. – بهدوء - ويله بدلي ملابسك وخذي من بينك كم طعه مرتبه علشان تطلعي معنا

نجلاء وكان شي قارصها : لا اطلع واخذ من بينك بعد هذا اللي ناقص ..

ام ريان : وش فيها اذا اخذتي من اختك انتي ماعندك ملابس لطلعات ..

نجلاء : لا لو اموت ماخذ من انسه مشاكل هذي مصدقه نفسها من غير شي بعد اخذ من عندها .. المهم ماما انا جايه اخبرك اني بنام ببيت جدتي كم يوم ..

ام ريان وهي تلبس الاسواره الالماس : والله محد مخربك الا بيت جدك وخالاتك القرويين ..

نجلاء وهي تساعد امها تسكر الاسواره : ماما ابنام عندهم كم يوم ..وبعدين هم خواتك ..؟

ام ريان : والمستشفى ..؟ وشغلك ..؟ وحنا ..؟ وابوك ..؟

نجلاء : استاذنت منه ووافق

دخلت شموخ بفستانها الفوشي الملفوف على جسمها وكانه حاضنها .. ومبرز خصرها كان ضيق مره ومفصل جسمها تفصيل .. ويجر وراه ذيل طويل شوي وبوسطه شريطه ورديه باهته وعاري الاكمام والصدر .. وعلى شعرها الكستنائي الامع شريطه ساتان بنفس لون الفستان الفوشي وحلق وردي كبير يزين اذنها .. ومكياجها الصارخ اللي زاد من جمالها وغطى على براءت ملامحها وصارت انثى بكل ماتحمله الكلمه من معنى ..

رمشت بعيونها الرماديه الوسيعه : يله ماما جهزتي ..

ام ريان ناظرتها باعجاب : بسم الله عليك قمر الله يحفضك

شموخ ابتسمت بثقه : عارفه .. يله مشينا ..

ام ريان : انا جاهزه بس اختك تلبسني الاكسسوارات ..

مشت شموخ لعند امها ودزت نجلاء مع كتفها : ابعدي انتي انا البس ماما انتي وش عرفك ..

نجلاء : انتي كيف بتروحي بهذي الملابس وكانك رقاصه بمرقص ..

شموخ : دكتوره قرويه الغيره ماكله قلبك من جمالي واناقتي

نجلاء وهي تطلع من الغرفه وكلام شموخ صحيح تحس نفسها تخربط شعر شموخ اللي يلفت الانتباه بلونه ولمعته او تنتف رموشها الكثيفه اللي ماتحتاج لمسكرا كثير ..: انتبهي على جمالك اجل هههه مصخره كانك مهرج
طلعت وسكرت الباب

ام ريان : ماعليك منها غيرانه شوي منك ..

شموخ : شوي بس هههه الا بتموت من الغيره هههه

ام ريان يله حبيبتي بنتاخر على الشماته ..

شموخ : ماما لاترحميها تذكري حكيها عن مروج وعني ..

ام ريان هزت راسها بتاكيد : ومن قالك اني نسيت حركتها بعزاء مروج والله لامسح بكرامتها الارض ..

توقعوا معي ..

س : ياترى ايش راح يصير بالعزيمه اللي تجمع منى مع شموخ وام ريان ..؟
س : موزه ام ريوف وريوف وش بتكون ردة فعلهم بوجود شموخ ..؟
س: ومن هذي اصايل اللي بيلحقها سامي لمصر ..؟
س: وعود بترضى تروح للعرس والا بتهرب من المواجهه ..

يتبع الفصل الثالث ,,,

ـآ‘لـ ً‘ـرٍآبـً‘ ـح · 06-01-2008, 11:11 PM

أكيــــد برجع لكم بع ـدين على شـــآن نكمل القصــــه ..

لاني بصراحه تعبت

لي ع ـودهـ ...

**العازفه الحزينه** · 06-02-2008, 05:52 AM

اشهد ان لااله الا الله

رابح يتم المتابعه

احس عيوني اتفجرت

يسلمووو

**بسووومة** · 06-02-2008, 07:08 AM

لالالالا

ليه مااكملتها والله ماانمت للحين علشانها

ربووح متى بتكملها تكفى بسرعة

ونزل القصة كلهاا

والا قول لي منين وانا اكملها عنك

انت كسوول وتعباان

بصرااحة قريت القصة الاولى وكاانت مرة رهيبة

ومتشوقة مرة لهذا القصة

**همســُ‘ـة غــُ‘ـرٍَوٍبًَّ** · 06-02-2008, 08:11 AM

اقتباس:

الجده طلعت من غرفتها والراديو باذنها : ها وش فيه ...كل هالصراخ

الام : لا يمه مافي شي هذي وعود وندى

الجده معصبه : وعدي بالرشاش .. رشاش بعينك على اخرة عمري تتوعديني برشاش

ندى : اف بدينا بالصقها ...

الام تصرخ لان ام زوجها سمعها ثقيل : لا يا يمه اقولك وعود و ندى يتهاوشون ..

الجده : اهااااا وبشنهو يتناقشون

ندى : هههههه يتهاوشون يعني نتضارب ...

الجده : من ضاربين عسى مايكون نواف حبيبي

الام : لا يايمه اي نواف ... هذولا ندى ووعود يتضاربوون بالكلام

الجده : انا ماغلطت على احد بالكلام

ندى ماتت من الضحك : ههههه لا يمه سعديه .... مو انتي حنا ..

الجده : مشاء الله من جايب حناء ... عطوني ابحط بشعري شوي ..

الام تنرفزت من ام زوجها اللي فيها مكفيها ....لو ماوصل نواف قبل لايوصل ابوه بيذبحه ...

ندى تنبسط على جدتها تستهبل عليها : يمه سعديه تعالي اجلسي معي شوفي التلفزيون ...

الجده : التلفون من اللي دق ..؟ امي داقه ...

فددددددددديتـ الج ـــــدهـ وربي مت ضح ـكـ عليها يابع ـد عمري

قصة فيها من الحقيقة الشي الكثيير
وياكثرهم آشباهـ شموخ وآشباهـ ريآنـ وتعالية بحياتة
طبع ـآً آتوقع رح تصير فضيح ــة كبيرهـ للأنسة{ بينكـ} بالع ـزيمة
وبدآال مايتشمتوونـ بموزهـ وبنتها رح تصير الشماتة فيهم
ورح تطيح بشر آعمالها وينقلب السح ـر على الساحر
قصة قريتها كلها

بالرغم من طولها الا آني استمتع ـت فيها
وآرتفع ضغ ـطي فيها

على آسلوب الأنسة بنكـ وخدآعها
وعلى ريآن

وكبريائه وفي آنتظآر تكملة القصـــة

دمت بخ ــــير

ـآ‘لـ ً‘ـرٍآبـً‘ ـح · 06-02-2008, 08:21 AM

يؤيؤيؤيؤ

اثاريكم تتابعون

وربي حاط في بالي مافيه احد بيتابع ..

اقول لكم سر

والله اني انسخ لكم وانا مااقراء ..

ودي اقراء بس والله مافيه وقت

..

لكن إن شاء الله بس استلم الراتب بقراء < وش دخل الراتب ..

وبع ـدين هي مو جهازي هذا في الاب توب إذا وصلت البيت بنزل لكم فصل واحد بس

برجع أعلق على ردودكم

..

**بسووومة** · 06-02-2008, 08:46 AM

ههههههههههههههههههههههه

ومسوي فيها منزل القصة مالت عليك بس

بس والله حلوة يالدب نبيها كاااااااااااااملة

**شوكولاتا** · 06-02-2008, 05:07 PM

ههههههههههههههههههه

مشكور مقدما اصبر بقرئها

ههههههههههههههههههههههههه

الإهداءات
إضافة إهداء