عشاق من احفاد الشيطان !! - الصفحة 53

ـآ‘لـ ً‘ـرٍآبـً‘ ـح · 07-07-2008, 09:20 PM

... ومرت الأيام متتابعة سريعة لا يدرك المرء اليوم حتى يشرق الغد.

الساعه 11 الظهر

سحب متعب الجوال المزعج ..اللي بجنبه .. وقال بدون نفس من غير لايفتح عيونه : خيـــر ...؟؟

نفس الصوت المايع اللي تدق عليه ..: صبـــــاح الخير ..

متعب فتح عيونه معصب : انتي وبعدين معك ..حمـــاره ماتفهمي .. ماعندك اهل انتي ..؟

البنت بكابه ونعومه زايده : لااا ماعندي اهل انتي اهلي وناسي ..

متعب عصب جد: الله يلعــ؟؟؟ - سكر السماعه ورمى الجوال بجنبه على الارض ... - جد بنات شوارع ماتربوا ..

مزاجه تعكر وناظر بالمجلس الصغير اللي ببيت عمه اقل من المتواضع ...
يحس انه ببيته .. ماقصر معه عمه الايام اللي فاتت عامله مثل ولده .. فطرمعه وتغداء .. تمشوا سوا ..وحكوا بمواضيع كثيره ..
حسد نواف الصغير وبنات عمه حمد .. ان ابوهم كذا ...حنون ويعاملهم مثل اخوانه ..

ويحس بشي غريب .. لهاللحين مابانت بنت عمه الصغيره ندى.. ولا حد يجيب طاريها ..
في حلقه مفقوده ..وعنده فضول يعرفها ..

رن جواله من جديد ..
توترت اعصابه وتنرفز ..كره صوت جواله بسبب المايعه اللي تدق عليه ..: وبعدين معك انتي كيف تفهمي ها ..

..: متعب اافهمني ..

متعب : يابنت الكـ؟؟؟؟.. ابعدي عن طريقي لاتضطريني ااذيك .. وانا والله ماحب هذا الاسلوب لان عندي خوات ..

..: انا ماابغى منك شي بس ابغاك تسمعني

متعب : لااا انتي ماتفهمي ابدا ..

رمى الجوال تحت مخده الفراش اللي يتوسط المجلس ..

وقف يتوضى يجهز لصلاة الظهر ..شمر ثوبه ..

اندق الباب وانفتح : السلام عليكم ..

متعب ابتسم لزوجة عمه الحنونه : وعليكم السلام هلا خالتي ..؟

ام نواف بجلال الصلاه والبرقع : صحيت توني بصحيك ..؟

متعب ناظر الجوال حقد : لااا توني صاحي .. بتوضى اللحق على صلاه الظهر .. غريبه وينه عمي اللي ماصحاني..

ام نواف : شكلك نسيت عمك راح يتفاهم مع رياض اخوك لان .. اليوم وعود بتمل فحـــ

قاطعها متعب وهو يضرب راسه : آآآوه راح عن بالي .. وليه مانتظرني عمي اطلع اتفاهم مع رياض ..

ام نواف ابتسمت تحت الغطاء وقالت باحراج : انت اللي بتاخذني انا وعود نواف ماعنده رخصه يطلع لمكان بعيد ..

متعب طلع فوطه من شنطته : ابشري ياخالتي ماطلبتي .. بس لله لايهينك تشوفي لي طريق ابغى اتروش قبل الصلاه ..

ام نواف : لاااا مر وعود بالمطبخ ومعها جلالها

تنهد متعب وهو يطلع لعند الحمام (( جد انك بدون عقل يارياض .. وعود اللي من زمان عندهم انا ماسمعت حسها ولا لمحتها .. تشك فيها .. واللي عندك المسيحييه .. واثق فيها وعاشقها .. وين عقلك ياخوي ..))

وعود حست انها كويسه هذا الصباح .. ونفسيتها مرتاحه .. لانها بتنزل انف رياض للتراب .. وبتبان الحقيقه .. وبساعتها يشوف من تعطيه وجه ...
واللي مريحها اكثر.. متعب وجوده هنا .. ماقصر معها طوال الايام اللي فاتت .. اخذ محامي وسال عن احسن المستشفيات تعمل فيها الفحوصات ومافيها تلاعب ...
وقف بوجهه اخوه معاها .. وهو مو مره معهم وماتربطهم زيارات .. لكن الفزعه والمروه اللي فيه ... هي اللي جابته ..

سمعت صوت الباب ينفتح وكان متعب طالع من الحمام ..وعلى راسه الفوطه .. غطت وجهها بالبرقع ,,
(( حسبي الله عليك يارياض ..))

يتبـــع ..

ـآ‘لـ ً‘ـرٍآبـً‘ ـح · 07-07-2008, 09:21 PM

متعب لف بسرعه لما لمحها طالعه من المطبخ ..

وعود استحت منك .. ماكانت تطلع من غرفتها علشان ماتحتك فيه ..
رجعت لداخل المطبخ .. واول ماطلع من البيت لمسجد .. ركضت لامها : بسرعه يمه دقي على ابوي وعرفي وش حصل مع اللي مايتسمى ..

ام نواف: دقيت مايرد .. رتبي المجلس وبخريه قبل لايرجع ولد عمك ..

وعود : مشاء الله عليه متعب يمه ماتوقعته كذا .. يقولوا عربجي ومادري ايش .. وهو ينشرء بملاين الارض ...

ام نواف: اي والله انك صادقه .. لو انك ماخذته بدل هذا حسبي الله عليه ..

وعو د : يمه الله يهداك وش هالحكي .. مهما كان هو اخو رياض ..

ام نواف : وش جاءنا من هالرياض الا الشقه .. يابنيتي مالك حظ لا برياض ولا بيعقوب ..جعل الله يعوضك بخير منهم ...

وعود : يمــــه بعد فيها ثالثه ..- ناظرت بطنها – انا بهتم باللي في بطني وخلاااص .. كرهت الرجال واشكالهم ..مطلقه مرتين وش ابغى اكثر ..

صوت الابريق انقذ وعود من حكي امها اللي ماهي متقبلته بهالوقت بالذات ..راحت بسرعه للمطبخ وجهزت فطور خفيف لمتعب قبل لايطلعوا للمستشفى ..

تحس براحه فضيعه لانها واثقه من نفسها .. ومن اخلاقها ..

.................

بمثل هذا الوقت .. داخل فندق " هوليدي ان "

: والله والله والله ثلثتها يارياض .. اذا ماحترمت نفسك واحترمت عمك بنته .. وتركت عنك الحركات المسيحيه هذي .. ماكون ام رياض ان ماسفرت المسيحيه مع اهلها ع اقرب طياره ..

رياض يناظر عمه من بعيد وهو جالس بالسياره ..وامه تصرخ بالسماعه .. اعصابه متوتره .. مرتبك لابعد درجه ...يحس بضعف موقفه .. وقلة ثقه بقراره ..: يمــه الله يهداك وش تسفريها ..انا ماهو برجال قدامك ..شايفتني GAY ..مالي كلمه يعني ..

ام رياض : لو انك رجال مافكرت تشك ببنت عمك .. ها...؟؟؟
انا انا اخرت عمي تسود وجهي عند الحريم .. رافع دعوه على بنت عمه يتاكد منها ..آآآآه اخر تربيتي .. بس وش اقول حسبي الله على ابوي هو اللي كبر راسك ...

رياض : لاحووول يمه .. لاتصرخي كذا ..

ام رياض تنرفزت اكثر .. : اسمع يارياضوه تلم اغراضك ومحاميك وتطير لاقرب طياره على الرياض ..بعد ما تعتذر من عمك ووعود .. وتبوس على راسها .. انت ترضاها لاختك ..ترضاها لسجى ..

رياض جلس على االكرسي وفتح قلاب ثوبه وهو ضايق : لاااا يمه مارضاها .. بس كانت لحضه غباء وغضب ..
ماقدر انسحب هاللحين ..

ام رياض : لاااا بتنسحب والا انا بنفسي انزل لشرقيه واتفاهم معـ

قاطعها رياض بسرعه : لااا يمــه وش تجي ..؟ انتي ارتاحي وانا بخلص من الموضوع ..

ام رياض : ساعتيــن لك وابغى اسمع العلوم السنعه والا والله اعملها يارياض واجي لعندك ..

رياض عارف امه وكلمتها ماتتثناء ..: ان شاء الله مايصير الا اللي يرضيك ...

سكرت من رياض .. وسحبت شنطتها من الطاوله ..
تلثمت ونزلت الغطاء على نص جبهتها .. : سهام .. نوال يله ..

فتح لها السواق الباب دخلت بشموخها .. لسياره .. وبدت اتصالاتها ..
عطت رياض ولدها وجه بزياده وجاء الوقت اللي توقفه عند حده ..

رفعت جوالها ودقت على الرقم المطلوب وحاجبها مرفوع بغرور : آلو افتحوا الباب ...

يتبـــع ..

ـآ‘لـ ً‘ـرٍآبـً‘ ـح · 07-07-2008, 09:22 PM

كانت المرأة ولا زالت أقرب من الرجل إلى التضحية في و ظائفها النوعية ، لأنها تستمد تضحيتها من غرائز الأمومة ، و تموت في سبيل الحب ...>>

سجى مبسوطه وهي تلف الورق عنب ..
تركي تغير معها مره .. وصار حنون وطيب عكس تركي اللي تعرفه ..
بس اللي ماريحها ابــدا انه ماقرب من عندها لهالحين مع انهم يناموا بنفس الغرفه هو على الكنبه وهي على السرير ..
مايهمها دامه يثق فيها .. ويمدحها دايم ..

حطت اخر لفت ورقه عنب بالقدر وحطتها بالفرون متحمسه تذوق تركي من طبخها لانه يستاهل تحرق ايدها علشانه ..

نست كل اللي عمله معها وراضيه عنه ..والاهم من هذا كله ان اهل القصيم فارقوا لشرقيه ..امس وارتاحت من وجههم ..

تركي دخل وهو مستغرب من زمان ماشافه بالمطبخ : مرحبا ..

سجى مالفت عليه وقالت بنبره عاديه ... عكس قلبها اللي يرقص : هلا ..

تركي ..تنهد ..و ناظرها بالشورت الجنز مع التيشرت الابيض ..سحب كرسي من الطاوله وجلس ...: (( زعلانه لهالحين .. صحيح تسمع له وتحكي معه بس في شي بقلبها .. لهالحين زعلانه منه .. وماتعطيه وجه كثير ... في شي على قلبها لازم يذوبه )) : كيفك اليوم ..؟..

سجى لفت عليه وناظرته بلا مبالاه : الحمدلله كويسه ..تحب اصب لك عصير فريز والا اورنج ..
هي تدري انه مايحب الاورنج بس عناد فيه ..

تركي : لااا فروله انا ماحب البرتغال ..

سجى صدت عنه لثلاجه ..: اوكيه

تركي مقهور منها ماتعطيه وجه .. : صحيح ذكرتيني – طلع من جيبه كردك كارد – هذي لك ..

مدت له سجى العصيروهي تناظر بالبطاقه بلا مبالاه : تفضل ..وهذي ماحتاجها ..

تركي (( اووف ماهقيتها قشره كذا .. بس انا لك ..))
رمى جزمه على الارض ومعهم الشوراب : آآه رجلي .. الم فضيع ..

سجى خافت عليه وقالت بلهفه : الم وين وايش فيه ..؟

تركي رفع رجل على رجل : هنا .. يالله يالم ..

سجى ناظرت رجله مافيها اي احمرار او اثار للالم .. رفعت راسها وناظرته كانت عيونه تبتسم يعني يكذب : لاااا الم فضيع ها ..

تركي بدلع بزارين ..ينرفز: ايوه باصبعي هذا دودو ..

سجى ابتسمت غصب عنها وهو يمط شفايفه " دودو" ,..: خذ مرهم ويخف الدودو ...

تركي رمش ببلاه وطفوله : المرهم هنا – اشر على خزانه بالمطبخ – بس انا ماعرف انظف احطه ...

سجى تخصرت وتحرك شعرها اللي رافعته بشريطه فوشي ..وكانها طفله : لاااا ماتعرف ..

تركي غير ملامحه لالم مصطنع : ايوه ماعرف لان ايدي خشنه وتالمني رجلي اذا لمستها ..- مسك ايد سجى يناظرها – اما انتي ايدك آآه بلسم

سجى سحبت ايدها بسرعه ..: لااااا

تركي وقف ..: خلاص مابغى منك شي ..

اخذ كاست العصير وطلع لصاله قالك زعل..

سجى ناظرت بجزمه وحست بتانيب الضمير .. مسكين يمكن رجله تالمه وهو يشتغل ..

ملت طشت متوسط بمويه دافيه ومعها ملح كنوع من التعميق .. مايهون عليها يتالم وهي جالسه تتفرج ..

يتبـــع ..

ـآ‘لـ ً‘ـرٍآبـً‘ ـح · 07-07-2008, 09:22 PM

تركي مسك بتسامته وهو يشوفها داخله بالطشت عارفها ..قلبها قلب طفله مايهون عليها ..رحمها والطشت اكبر منها .. بس لف لتلفزيون يناظره ..

سجى تبغى ترجع للمطبخ وتكت المويه .. بس تعرف نفسها بتعبيها من جديد وبترجع له ..

حطت الطشت عند رجله ..وناظرته شكله .. يشجع والا لا

تركي ابتسم لها بحنان وقلبه ذايب بهالعيون البرياءه ..: شكرا ..

سجى جلست عند رجله وهي مبتسمه .. تحس انها بفلم مصري ابيض واسود ..: اسمع بتسمع حكيي بغسلك كويس واحط المرهم وخلاص اما بتـ

قاطعها تركي وهو يخربط شعرها بيده الكبيره : انا من ايدك هذي ليدك هذي نانتي ..

سجى دخلت ايدها بالمويه الدافيه ونظف رجله وجففتهم .. وحطت المرهم ..

وتركي مبسوط وكانه ملك زمانه .. يحس بمشاعر غير مختلفه لسجى.. يعشقها قليله الكلمه هذي فيها ...
سجى المدلله بنت الفلوس والدلع .. تحت رجله وهي مبسوطه ومبتسمه .. عملت كل هذا وتغيرت علشانه ..
في حياه احلى من هذي ..

سجى رفعت راسها وابتسمت لتركي اللي سرحان فيها ..تدعي بداخلها الله لايغيره عليها ..

تركي اشر لها بجنبه : تعالي اجلسي ..

سجى ترددت بعدها جلست ...

تركي حط ايد على كتفها : مشكوره ..

سجى بالموت قدرت تحكي ..: العفو ..

تركي : وش رايك اغني لك ..- قبل لايعطيها مجال ترد وهي تناظره مستغربه – وش تحبي اغني لك .. ايوه حصلتها ..لاااا ماتنفع انتي اختاري ..

سجى ماهي بمعه اول مره حد يقرب منها كذا ..تحس انها ذابت من الحياء ..: وقت ثاني غني لي ..- وقفت بسرعه – انا بطلع اقصد بروح للمطبخ اكيد الاكل جهز ..

تركي حس بخيبه امل كبيره بعد رجله واشر لها تمر وملامح وجهه جامده : تفضلي ..

سجى بسرعه دخلت للمطبخ وقلبها يدق بسرعه .. اخذت لها كاس مويه بااارد يطفي اللي يشتعل جواتها ..

تركي سرح ..
(( كيف تستحي وهي مو بنت .. ليه وجهها احمر كذا .. وش هالخجل العذري اللي مايلبق عليها ..تركي وبعدين مو انت عرفت اخلاق البنت .. بس شفتها بعيوني .. اكيد تخاف اقرب منها اكثر واكرها من جديد وتنفتح جروح كرامتي لما ماعرف انها بنت ..آآآآه ياقلبي ارتاح ..))
: نااانه ياحلوه وش صار معك ..

سجى تدري ان الورق عنب مستحيل ينضج هاللحين .. يادوبها دخلته ..بيكشفها ..
طلعت وهي مبتسمه بارتباك : لا مابعد ينضج .. اذا تحب تصعد تنام ترتاح .. تقدر ..

تركي تمدد : لاااا بناظر التلفزيون هنا لحد مانام ..تعالي ناظريه معي ..

سجى جلست بعيد عنه بكنبه معزوله ..(( ليه خايفه لهالدرجه ياسجى .. مو انتي تبغيه يتاكد من عذريتك ..
بس اخاف اني مو بنت ..
وش هالهبال ..مستحيل انا بنت بنوت ..
يااااربي شكيت بنفسي على كثر ماحتقروني ..))

يتبـــع ..

ـآ‘لـ ً‘ـرٍآبـً‘ ـح · 07-07-2008, 09:23 PM

<<
تركي : نانه

سجى: هلا ..

تركي : في ايس كريم بالفريز جيبيه ..

سجى توردت خدودها .. وخافت مثل البزارين : اكلته ...ههههههه

تركي يجاريها .. قال معصب : لااا وانا .. ؟؟؟

سجى ببراءه : عادي هاللحين اشتري لك واحد دق على اقرب تموينات ...

تركي : آآآه يارب توب علي ...رزقتني بنونو مو مره

سجى ضحكت لحد مادخلت عيونها : ههههههههههههههه

تركي : عجبتك هذي ها ..؟

سجى هزت راسه بعفويه ...: ايوه هههههههه ..

تركي : جعلي مافقد هالضحكه يارب ...

يتبـــع ,,,

ـآ‘لـ ً‘ـرٍآبـً‘ ـح · 07-07-2008, 09:24 PM

"مصر – القاهره "

بفيلا متوسطه الحجم ..كانت امس ظلام شديد ومافيها اي صوت .. اما اليوم كانها نجمه تنور بالسماء ..
الاصوات مرتفعه .. اللي يلعب بلاي ستيشن واللي يحوس في جواله واللي كان يكلم جوال واللي واللي ... وفي شخص معانق الحزن ومخاويه وجالس لوحده ..
احمد كان يناظر بشي بايده وهي صورة نجلاء اللي مافارته ابد .. ويتنهد لوهو اللي مات مكانها . كان اريح له ..

ندى تسولف مع نجود وكل شوي لافه عليه وشاغلها .. تموت وتعرف وش هاللي يناظره بيده ...

..

وشمس مع لمى بالبلاي شستيشن ..

سامي مع تلفونه يحكاكي امه ومشغول مع ندى .. يحس بنظراتها اللي تسرقها وهي تناظر احمد..ماركز امه وش تحكي .. تقوله قصه قديمه من زمان يعرفها.. اكتشفت ان ريان وشموخ يحبوا بعض ..
: اوكي يمه احاكيك بالليل ..يله مع السلامه ..

سكر السماعه ومشى لعند نجود وندى .. هو كاشخ انها فيلا ريان او بالاصح زوجه ريان بمصر ..

: ها صبايه وش رايكم ناكل شي ..

ندى متاففه طول وقتها بالغطاء والعبايه .. ومالها خلق اشكال سامي ..
لفت وجهها لعند شمس ولمى ..

نجود : ايوه انا مره جوعانه ..

سامي عصب من ندى بس ابتسم : وانتي ندى ..

ندى تحس بقشعره خفيفه بجسمها اذا سمعت اسم ندى بلسانه له طريقه خاصه بنطقها .. يرقق حروفه ..: لا شكرا شبعانه ..

سام : براحتك .. – رفع صوته ينه البقيه ..- يلـــه ياحلوين ناكل لنا شي ..

امتدت المسليات بمنتجاتها المصريه على طاوله الصاله .. واللكل جلس ..

صوت العود ملاء الدور الارضي كله .. ..
شمس تدندن باندماح ..
احمد مندمج ومغمض عيونه من زماااان مادق عود .. وهالحين رجع لعهده القديم يدق العود والذكريات مثل السيل تنزل بسرعه من راسه ..

ندى مبهوره قليله فيها .. تناظر باحمد مسحوره فيه ..
يدق عود بالحان خالد عبدالرحمن .. مطربها المفضل ..ومعشوقها الوحيد ..
احمد الثقيل دم والشخصيه يدق عود .. حست بتطور كبير .. وهي متاكده انه مغمض عيونه مو معهم ..(( اكيــد يفكر بزوجته الله يرحمها .. نفسي بس مره وحده اشوفها ..اكيد تهبل وكشخه اللي ماخذه عقله كذاا..))

سامي يهز برجله وهو يناظر البنات وهم فاهيات يناظروا بحمد .. تعود يكون هو .. هو بس جاذذب البنات ومعشوق الجماهير ...
واللي قهره اكثر .. ندى كيف مارفعت عيونها عنه ولا رمشت الا قليل ..
متبرقعه وتقز برجال وش هالتناقض ..

قطع سامي عليهم فجاءه : آآآف خلاص ياخي راسي بيتفجر ..

البنات ناظروه مستغربين ..

احمد وقف : وش فيك ..؟

سامي : راسي يعورني وانت جالس تدندن ..

احمد توه بيفتح فمه يرد .. بس لف على ندى اللي قالت بانفعال : انت راسك يعورك اطلع بره وخذ بندول .. حنا عاجبنا ..

سامي ناظرها بحقد وهي قباله ومسافه بينهم كبيره : انتي انكمتي مال دعوه ..

ندى : نعم .. انكتمي .. ماخذ وجه يالاخ .. ليكون على بالك ان شمس او وحده من .. استغفر الله ..

سامي مقهور منها : تاكلين تبن .. وتخسين تكوني وحده من اهلي او اعرفها ..

ندى: نعم اخســـى انا الغلطان – وقفت – انا نزلت مستواي وجلست مع هذي الاشكال ..

سامي وقف وهو نفسه يكسر العود على راسها : فاااارقي الباب قبالك .. يله ..يلـــــــه ..

ندى : انت هيـه ماحصلت حد تطلع عليه عبيدك غيري .. انت اللي بتفارق هنا ...لاتبغى تسمع وجالس منرفز ومعصب .. دام جلستنا مو عاجبتك فارق .. رح لوحده من هذولاء المصريات ..- احتقرته – تراهم رخاااص ..

سامي عصب من جد ومشى لعندها ورفع ايده / يابنت الـــ؟؟؟؟

كان يبغى يضرب ندى بس ايده وقفت مسكها احمد : سامــي مانت صاحي .. من انت علشان تضربها ..

ندى كان قلبها بيوقف ومغمضه عيونها بقوه ... وفتحتهم اول ماسمعت صوت احمد ..

سامي سحب ايده من احمد : انت اطلع منها وهي تعمر ..

.. خااافت البنت جالسين ماتحركوا من الصدمه ..

احمد معصب واقف قبال ندى وهي وراه مرعوبه .. وسامي معصب ويناظر بوجه احمد وندى بحقد ..

احمد : مو ماعندها حد تمد ايدك .. سامي ماهي بسايبه ...

سامي احتقر احمد واعطى ندى نظره ارعبتها ..: انا اعرف شغلي معها ..

احمد : وش دخلك فيها علشان تحط راسك براسها ..

سامي : انت وش تبي .. وش حاشرك انا معها نتفاهم

ندى حصلت ظهر تستند عليه : لاااا له دخل انت اللي مالك دخل ..

سامي بحقد رفع ايده باستسلام : اوكي اوكي ..
مشى لعند كرسيه وجلس بهدوء : استريحوا حصل خير ..

احمد ناظر سامي فتره .. وندى كانت بتبكي من الرعب ونظرات سامي ..
ندى : انا طالعه برجع لشقه نجود تيجي معي ..

نجود فتحت فمها قاطعها احمد : انتي ارتاحي انا باخذها لشقه – ناظر سامي بحقد – الطريق يخوف على وحده بصغرك ..

سامي باستهزاء : ياحنين ..

ندى ارعبها صوت سامي رمشت بقوه ومشت بسرعه تبغى تطلع من هنا ..
لحقها احمد وهو مانزل عيونه عن سامي ..
وسامي بكل وقاحه يناظر ندى من فوقها لتحتها ومبتسم بخبث ..وهو من داخله يغلي من وين طلع له هذا الاحمد ..

مشت ندى بسرعه واحمد وراها بمسافه وخطوات بطياءه .. يناظرها ومايمشي معها ..

يتبـــع ..

الإهداءات
إضافة إهداء