تواعدنا على الجمعه ولا بين الى الا ثنين

رجع يسأل عن أخباري بعد غيبة سنه وشهرين
..رجع شايل وجع صدرهـ وقال أرجوك واسيني


رجع وأهوهـ يحسبني سعيد بدنيتي أو زين
. وإهو مـا يدري الدمعة تسيــل ولاتسليني..


يقول الدنيا خانتني وبعدك يا الغلا أنا مسكين
ولا أحدن يا الغلا غيرك يقدرني ويراعيني..


حبيبي ضقت بغيابك حبيبي حيل أنا مسكين
.. وأنا أحتاجك بهالليله وتكفـــــــــى لا تخليني..


و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..


وقلت: ابشر ولايهمك تدلل وش تبي يا زين
.. تراني فدوه لعيونك (لو إنك تبي مني عيني)..


حبيبي لو تبي القمره عطيتك فوقها ثنتين
.. بعد لو تطلب النجمة فداك يا ضوا سنيني..


بعد هذا ضحك ..بعثر همومه وقال فديتـ هالرمشين
.. وقـــــال الله يا الطيب وأنا ظــــنيت ناســــيني..


صراحة.. حيل تحرجني يا طيب يا أطيب الغاليين
.. ولا ادري شلون بوفيلك حـــبيبي وأنت تعطيني..


بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..


تواعدنا على الجمعة ((ولا بين ))إلى الاثنين
. ومر أسبوع والثاني وشوقي يشتعل فيني..


تصدق عاد يا السامع !!ولا بينـ الين الحين.
وقبل تسأل عن أسبابه بجاوب ((وإنت واسيني))..


لأنه مــ ــ ــ ـات في حادث وأنا مت بغيابه لين
[[عرفت إني ميتـ ببــقى ولا أحــد يقوى يحــييني]]..