حضر زواج حبيبته شوفوا وش قال للمعرس ...

**عطر الكون** · 09-27-2008, 04:37 AM

أبد .. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه .. مُعذّبْتـي
.

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
.

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

.
كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي
.

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي
.

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي
.

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي
.

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

.
فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي
.

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي
.

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
.

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

.
ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي
.

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي
.

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

.
كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

.
وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

.
توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي
.

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي

**eng-nawaf** · 09-27-2008, 04:52 AM

عطر الكون
فديتك يآلغلا على هآلطرح الفخم .. تسلم يمينك ..
ربي يسعدك ..
..
تحيآتي
eng-nawaf

**احاسيس رومنسية** · 09-27-2008, 06:12 AM

مشكوره كثير حلووووو
الله يعطيك العافيه
تحياتي

نوره الشيباني · 09-27-2008, 10:35 AM

الأنامل التي لاتخط سوى الأنيق

فأصحابها نجوم لانرى منهم سوى البريق0

قصيده جميله لم ير صاحبها سواها وسيله00

(عاشقــ(M)ــة الليل) · 09-28-2008, 04:02 AM

يسلموووووووووووووووووووووووووووو
يعطيك الف عااااااافية
على القصيد الرائع
تحياتي

**سعودية قمر مطيحة غتر** · 09-28-2008, 05:12 AM

يعطيك العافيه على القصيدهـ المؤلمه ,,

يالله حب ينتهي بفراق والله عذاااب,,

الله لا يحرمنا جديدك الرائع,,

دلوعة الأهلي · 09-28-2008, 05:13 AM

روووووووعه

كلمات معبره وحروف ظاهر منها الضيقه والحزن

سلمت يمناك

تحياتي لك

**عطر الكون** · 10-04-2008, 06:28 PM

اقتباس:

المشاركة الأصلية كتبت بواسطة eng-nawaf

عطر الكون
فديتك يآلغلا على هآلطرح الفخم .. تسلم يمينك ..
ربي يسعدك ..
..
تحيآتي
eng-nawaf

فديت هالطله الله لايحرمنا منهاااا

كماعوتنا اخوي نواف دوم سباق تسلم على مرورك وتعطيرك صفحتي

ولا عدمناك وربي يخليك حق غاليك ومغليك

لك مني كل الود اختك عطووووره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
باحثة سعودية تنفي زواج الرسول من عائشة في التاسعة من عمرها	فيصل	المنتدى العام	2	09-11-2008 04:50 AM
شاعر يحضر زواج حبيبته ( ابد ماجيت ابارك بس جيت اوصي )	عــاشقة الــورد	منتدى همس القوافي والشعر النبطي	5	12-10-2007 10:22 AM
شوفوا زواج الخش والدس وش يسوي قصة رووووعه	دمعة الخاطر	منتدى شباب دلع	5	07-27-2007 04:59 AM
][ زواج ذوي القربى ][ عادة عربية ][ أم ][ ضرورة ملحة ][	دلوعه موووت	منتدى الدردشه والسوالف	16	04-12-2007 01:04 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء