يعني من قل المصايب صاب ذا القلب ضيق
ولايعني من حلاة الحظ وعلو المكانه
ذي حياتي من مضيق في مضيق في مضيق
لوبحثت للصبر فيني مااجد للصبر خانه
عادتي لاضقت رحت ادور حضن وعيون الرفيق
مشكله لاصار ضيقتك منه واحزانك عشانه
يوم قالي اسمح لي ارجع وانا بكمل هالطريق
لازم تقدر وتنسى ننتهي كل وشانه
قلت صوبك يرحم الله والديك مااطيق
ماني ناقص فوق جرح اقدارنا جرح الخيانه
حاجتي لك حاجة الايتام وايدين الغريق
طالبك طلبه تراني اعشقك صون الامانه
وقفى ماكنه سمعني والتفت لفتت طليق
وقال اخيرا مابغينا وللفراق اطلق عنانه
عندها ادركت فعلا منة الحب العتيق
وقلت هذي اخرتها ماتجاوزت امتحانه
ضيق صدر وجرح قلب ودمع عين ونشف ريق
هذا كل اللي جنيته وماقدرت اجني حنانه
استر لنفسي اعيش بضنك واحزان وحريق
ولااموت من القهر وتكون موتتي جبانه
طالما بيني وبين الموت ماحاجه تعيق
غير خوفي من غضب ربي وانا مسلم بالديانه
لانويت امسح جميع اوراقي الاولى افيق
وانصدم في واقعي المزري وفي قسوة زمانه
مدري كن الحزن فيني شاف له نعم الصديق
مدري يمكن كنت فعلا كفو للحزن وتكانه
والفرح كالثوب علي لكن يبدو مايليق
دام لبسه لاي خاسر ماوراه الا الاهانه
اه اه ياحزني ترفق صاحبك جرحه عميق
اشهد انه يارفيق العمر طيحت الميانه
مثلي مثل اللي يراهن خلق ربي عشيق
والله اني راهنت وادري باني خاسره العشق ورهانه
يعني من قل الخساير صاب ذا القلب ضيق
يكفي تكفى لا الوقت وقتي ولا الزمان زمانه
الإهداءات
لو بحثت للصبر فيني ماجد للصبر خانه
يعطيك الف عافيه اخوي المبدع على التوقيع 
